شكرا لك أخوي البرنس،،

طبعا التقرير بسيط وماراح يوصل لتقاريرك ماشاءالله ،،،اللي استفدت منها الحمدلله واضحه جدا وجميله ،،

تجربة الايس كريم بنكهة الشاي الأخضر كانت فاشله :24:

اما الشحن أتمنى والله يصير هنا وفي جميع الأقسام ...لأنه جدا مهم ..

يعطيك العافيه وشاكره لك :e032:

يسعد مساكم جميعا،،رحعت لكم ببعض المعلومات المهمه وان شاء الله تستفيدون ...


نكمل النقاط ،،

١٧- بالنسبه للمترو كما ذكرت سابقا انه اللوحات مكتوبه باللغه الانجليزيه وايضا هناك خرائط للمترو واضحه باللغه

الانجليزيه تجدونها عند مكاتب الاستعلامات ،،،بالنسبه لنا نعرف للمترو سابقا لنا تجربه في اوروبا يعني عندنا

خبره بسيطه فيه وكيف يعمل ،،،بالنسبه في طوكيو في بداية الأيام في منطقة شيبويا وكنا نذهب لمحطة

شيبويا وكنا نسأل هناك الكثير من العاملين ماشاءالله يساعدونك بجانب أجهزة التذاكر ،،فقط مره واحده علمونا

كيف نأخذ تذكره وفهمنا مباشره سهل لأنه يوجد باللغه الأنجليزيه ....وايضا هناك مكاتب الأستعلامات تسألونهم

عن اي شي واي محطات تبون تروحون لها وماشاءالله يساعدونك ويفهمونك على الخريطه وتأخذها معك

احنا بالبدايه كنا نسأال ومن بعدها فهمنا الوضع ...ونسأال اكثر اذا بنغير من محطه لخط ثاني ،،نتأكد فقط

،،وكل شي تمام الحمدلله سهل الأمر،،،اشوف بعض الناس متخوفين من هالموضوع والله مافي اسهل منه ..:1:

كنا نشتري التذكره بنفس اليوم لان أجهزة التذاكر كثيره متواجده داخل المحطات مايحتاج تنتظر ،،ممكن تصادف

شخص او أثنين قدامك فقط ..


في انواع ثانيه من البطاقات اللي ذكرها الاخ برنس وباقي الاعضاء هنا ،،،لكن لم نشتريها كان اريح لنا انه بنفس

اليوم نأخذ التذكره وتختلف الاسعار على حسب اي مكان تروح له ،،،بس اسعار مناسبه جدا

- بالنسبه للسياره جربناها تقريبا مرتين،،اسعار مرتفعه طبعا.



- مشوارتقريبا ٢٠ دقيقه بالليل الزحمه اخف ٩٥ ريال.

ومشوار في الصباح الساعه ١٠ تقريبا ٢٥ دقيقه زحمه ،،السعر تقريبا ١٤٠ ريال ،،تأخرنا وتندمنا مااستخدمنا

المترو ،،لو بالمترو أسرع لنا .

ملاحظه ،،بالنسبه لي افضل استخدام المترو لانه أسرع والأسعار معقوله ،،،التاكسي تستخدم للحالات الطارئه

مثلا مطر ومحطة المترو بعيده عنكم أو حسيتوا بالتعب او ،،،او ،،


١٨- موضوع البطاقات والماسترد كارد والمبالغ الماليه الكاش ،،،

أولا - تصرف من بلدك مبلغ عادي لو يكون اكثر من ٢٠ الف ريال(المهم انه يكون معاك ورقة التحويل لما تسافر

،،وانه تذكر

المبلغ كامل في الورقه اللي تعبيها بالطائره )والأفضل المبلغ يتوزع بين شخصين حتى عند الصرف تغيير العمله .

هالمبلغ يستخدم في المترو وفي الماركت يعني في بعض الأماكن تحتاج كاش ضروري يكون معك ،،

بالنسبه للماستر كارد نستخدمها طبعا في الأسواق والفنادق وأغلب المحلات ..

بالنسبه لبطاقة الصراف العاديه ايضا تنفع هناك ..لكن ماتنفع تسحب من ماكينة الصراف لا فقط بالمحلات ..

ماكينة الصراف توجد في المولات والماركت واللي تنفع معاها الماستر كارد فقط .


١٩- بالنسبه لموضوع التاكس فري ،،،نظامهم افضل من اوروبا (اوروبا ترجع التاكس فري من المطار )

اليابان غير ،،،اللي يصير انه لما تشتري يخصمون مباشره ويدبسون لك ورقه بالجواز ..( في المطار مافي احد

يسألك عن التاكس فري ولا احد يقولك افتح الشنط ،،،بالنسبه لنا مباشره دخلنا المطار وعلى شحن الشنط

واخذ البوردنق،،فقط )


التسوق في اليابان بالنسبه لي من ناحية الأسعار أشوفها معقوله ،،مو غاليه ..


ملاحظه باليابان ،،،لم أشاهد فقراء أو ناس تشحذ ،،،وهذا معروف باليابان ومستوى معيشتهم عالي .

- معروف عندهم انه البقشيش عيب اذا عطيتهم .

- في اليابان تحتاج جزم رياضيه وملابس مريحه لانه كله مشي ومشي ومشي فبعدها تحتاج لمساج للقدم

وهذا متوفر هناك :1:

- تعجبني فيهم ابتسامتهم الدائمه ..في المطاعم في المولات في الملاهي ،،الحدائق في كل مكان ناس

رايقه ومبتسمه .

- ثقافة المحلات هناك لما تشتري منهم يوصلونك للباب ويعطونك اغراضك مع ابتسامه وتحيتهم بالانحاء المعتاده


- ناس تعشق الأنمي في كل مول لابد من دور كامل مخصص للأنمي شي مو معقول ..

- الألكترونيات متوفره وبكثره الالعاب وغيره ،،،حتى الكبار بالعمر يلعبون هالالعاب ماشاءالله عليهم :32:



- بالنسبه للعرب هناك ابدا ابدا مو كثير تقريبا ٥ أو ٦ عوائل قابلناهم هناك ..من وجهة نظري اليابان ممكن كانت


أكثر روقان بالنسبه لنا لأنه السياح العرب قليل مافي زحمه مثل اوروبا وغيرها .


- بالنسبه للأكل ،،،لو تلاحظون ماذكرت السوشي ،،،بصراحه سألنا كم مطعم عن السوشي والماكي كله نيئ

وزفر له ريحه لاتطاق :32: يختلف عن الموجود عندنا ،،طريقتهم مختلفه لم تعجبني ،،


ان شاء الله ابشوف موضوع الصور واكتب لكم الأماكن بس عطوني فرصه يومين ،،،


الله يسعدكم جميع :e032:

شكرا اللافندر على المعلومات القيمة.
يعني تنصحي اخذ كاش مثلا ١٠٠٠٠ ريال سعودي وحولهم الى الين اذا وصلت اليابان.
شكرا...

الأفضل تحولها من السعوديه قبل السفر ..

بالنسبه لنا حولنا مبلغ 20000 الف ريال الى الين من مكاتب الصرافه عندنا ..من السعوديه هذا الأفضل ..


ولاتنسى تأخذ معاك ورقة التحويل علشان ممكن أحد يسألك عن المبالغ .


باليابان العمله جدا سهله أول يومين وراح تفهم عملتهم :1:


هناك أستخدمنا برنامج تطبيق العملات للآيفون في بعض الأحيان وكان جدا مفيدا واصلا مانستغنى عنه في سفراتنا..


بالنسبه للعمله راح اوضح لك مثلا ..


1- 100 ين = تقريبا 3،7 يعني 4 ريال.

2- 500 ين = تقريبا 18 ريال.

3- 1000 ين = 37 ريال تقريبا

4- 5000 ين = 185 ريال

5- 10000 ين = 370 ريال تقريبا .


العملات الورقيه هناك عندهم من فئة :

1- 1000

2- 5000

3- 10000

والعملات اللي أقل من 1000 هي عملات معدنيه .

أتمنى انه تكون أجابتي واضحه ،،،وأنا على أستعداد لأي سؤال

وبالتوفيق للجميع ������

الله يعطيك العافية اجابة واضحة ماقصرتي.
ماهي ارخص و افضل مكاتب الصرافة في السعودية واين مواقعهم.
شكرا...

تجربه لأول صوره بالبرنامج[emoji5]. http://uploads.tapatalk-cdn.com/2016...cfbcbb941f.jpghttp://uploads.tapatalk-cdn.com/2016...cfbcbb941f.jpg


أرسلت بواسطة iPhone بإستخدام Tapatalk

الله يعافيك ،،

الأفضل هو صرافة العمودي وتوجد في جده والشرقيه .

أعتذر عن التأخير في تنزيل الصور وذلك بسبب أنشغالي هالفتره [emoji257]

- الصور من منطقة شيبويا .. ومطل كافيه ستاربكس



http://uploads.tapatalk-cdn.com/2016...e110fae43a.jpg


https://vimeo.com/178741549







http://uploads.tapatalk-cdn.com/2016...f33556c809.jpg

https://vimeo.com/178741549[URL]https://vimeo.com/



أرسلت بواسطة iPhone بإستخدام Tapatalk

العفو حبيبتي ..وهذا شي بسيط حبيت اقدمه لكم .. لكي تستفيدوا منها عند زيارتكم لليابان :e306::e438: