|
بعتذر على تأخر الرد مع اني قرأت الإضافة الأخيرة بمجرد ما نزّلتها .. لكن كانت الظروف غير مناسبة للرد والاسهاب .. عرض الكونغ فو حسيته شي فريد ومميز وتجربة ممتعة للكل ... اما المدينة المحرمة والمعبد، فهل دخلتو المباني والغرف بالداخل او اكتفيتوا بالمباني الخارجية ؟ اذكر اني دخلت معبد مشابه في بانكوك وكان التصوير ممنوع في الداخل .. وطبعا بسبب خلع الاحذية اكرمك الله ما قدرت ابقى اكتر من دقيقة في الداخل :27: لكن انبهرت بدقة النحت والمشغولات والاتقان الشديد في الجدران الخارجية .. شعرت بأن الحر خرّب عليكم وتلقائيا المود انتقل لي :) :) طقس الشاي بتنصح فيه ؟؟ انا لو ازور اليابان او الصين لازم لااااااااااااااااااااااازم اشوف طقوس الشاي مع انه طعم شايهم مختلف ومش اللي بحبه ... بس الطقوس المرتبطة فيه :e438: والحمدلله ان المطعم طلع كويس .. اي أكل او مطعم صيني بالنسبة الي مغامرة غير متوقعة العواقب :) متابعة من جورجيا ... :) |
اقتباس:
أهلين أختي نانا الحمد لله ان الأجزاء عجبتك بالنسبة للأكل الأسواق أبدا ما ينفع الأكل فيها كلها أكشاك ومكشوفة والله أعلم ايش وضعها أما السوبرماركت فجربتها في منطقة هونان اغلب المأكولات مكتوب عليها بالصيني فصعب انك تعرفي محتواها لذلك كنت اشتري فواكة وعصير ومكسرات يعني أشياء عارفها الله يعافيكي وشرفتيني بمتابعتك |
اقتباس:
هلا بأخوي القحطاني تحياتي ليك اه والله على ما يبدو تزوير العملة كثير منتشر لأنه لاحظت تدقيق الباعة أو حتى المطاعم بكل ورقة كنا نعطيهم إياها لذلك السائح ما يستحي انه هو كمان يدقق بكل ورقة بعطوه اياها النت ضعيف في الصين الشعبية يعني ممكن تستعمله ولكن مش بسرعة النت عندنا ما بعرف اذا نفس الشيء في هونغ كونغ صراحة وأنا كنت مفكر مثلك بالنسبة للنظافة لكن الي شفناه جدا مختلف نظافة ومحافظة على جمال الشوارع والطبيعة وشفنا كثير عمال نظافة بشتغلوا بالشوارع بساعات النهار مع مكنسة قش ودلو، الله يعينهم كثير مواقع محجوبة لأسباب أمنية علشان ما يخلوا الشعب ينفتح على الثقافة الغربية ومواقع التواصل الاجتماعي لذلك عملوا لنفسهم مواقع تواصل خاصة فيهم مثلا الواتساب عندهم نادر جدا، بستعمله بداله برنامج اسمه wechat وبدل جوجل في عندهم محرك بحث خاص فيهم الله يخليك صديقي |
اقتباس:
الله يعافيك أخوي ويخليك شرف كبير انك تستثمر وقتك بقراءة تقريري للأسف هذه عملتنا شو بدنا نعمل ان شاء الله ييجي اليوم الي نقدر نستعمل فيها عملة مختلفة اسمحلي أخالفك بالرأي بالنسبة للاكرامية انا بعتقد انه لما اعطي اكرامية يومية للمرشد هذا بعطيه دافع انه يرضيني اكثر واكثر ويحسن من خدماته بصورة يومية واذا انا طلبت شيء ممكن ينفذه بدون جدال وهذا اكيد بدفعه انه يقضي معي وقت اطول خلال اليوم أما اذا ما اعطيته اكرامية يومية هذا ممكن يعطيه انطباع انه ما رح يحصل ابدا على اكرامية وهيك بيصير دقيق في وقته وما بسمحلي اوخذ راحتي بالوقت وبحاول يخلص البرنامج بسرعة علشان يروح وممكن تصرفاته تكون اقسى شوي بالتعامل ويحسسك بعدم الراحة وهذا حتى ممكن يدفعه انه يحاول يطلع منك فلوس بطريقة ملتوية مثلا يوخذك على اماكن ومحلات يكون ليه عمولة فيها وهيك امور مثل ما حكيت حضرتك ممكن يتحول المرشد والسائق لرجل آلي بدو يمشي الوقت بسرعة وبصورة جافة وهذا رح يعكر مزاج السائح هذه طبعا وجهة نظري الشخصية وبالنهاية كل مسافر والي بشوفه مناسب والحمد لله انبسطنا جدا جدا تسلم صديقي ومشكور على متابعتك |
اقتباس:
هلا بأهل جورجيا خذي راحتك الوقت وقتك بالنسبة للمباني في المدينة المحرمة فأغلبها مسكر، ما بنفع تدخليها، والمفتوح منها حولوه لمتاحف ومعارض، لذلك دخلنا شوي منها، لكن ما في حاجة ندخلها كلها لأنها تقريبا نفس النمط اما المبنى الخاص بالامبراطور وكمان معبد السماء ممنوع دخوله لكن صورت من برا رح نزور معابد ومباني من هذا النوع كثير في الايام الجاية وفي منها قدرنا ندخله ان شاء الله تعجبك الحر ما خرب علي أبدا وما أثر على برنامجنا لكن بدون شك لو الجو كان أبرد كان أفضل عموما أنا بحاول أنقل الصورة بشكل جدا دقيق بالتقرير وتكون جزء من السرد لذلك ممكن تلاقي أمور وكأنها صعبة جدا وأثرت سلبيا عالرحلة مثلا الأكل ممكن تلاقيني كثير بحكي عنه لكن بالنسبة الي عادي جدا ممكن استكفي بالفواكة والخضرة والمي بالنسبة لطقس شرب الشاي يعني لو ما جربته ما رح كنت اخسر كثير لاني شايفه عالتلفزيون أكثر من مرة يعني مش وااااو ، لكن ممكن تجربيه خصوصا لو عندك وقت فراغ بالبرنامج اما طبعا جربنا كثير جدا من انواع الشاي وهاي ممكن أقول انها بتستحق التجربة سلميلنا على جورجيا |
ماشاءالله ابداع استاذي ماشاءالله عليكم وصلتو الى النهاية السور انا يمكن ما راح اوصل الربع ههههه الله يعطيكم العافيه يتقربون بلفلوس :17: الحمدلله على نعمة الاسلام:e32b: |
جزء مدهش يا مجدي ... الوصول إلى سور الصين العظيم والتجوال عليه إنجاز أغبطك عليه صراحة .. أما الصور فهي قمة في الإبداع والروعة ... وفعلا الجو يبدو مريح نفسياً والخضرة الداكنة من كل مكان تضفي شعور بالانتعاش والارتياح سبحان الله .. زيارة الأضرحة ايضاً بدت لي جولة أفضل من سابقتها .. والآن متشوقة لبقية الرحلة فلا تتأخر علينا .. :1: بمناسبة اليشم - أثناء حملي بسيف الدين كنت أتمنى بنت وكنت مصرة على تسميتها Jade، وهو حجر اليشم بالعربية، ولكن ما غير رأيي هو صعوبة الاسم بالعربية أولا، وانني أرغب بتسمية ابنائي أسماء عربية ثانيا.. اما السبب الحاسم فكان أنه طلع ولد مش بنت :D |
ما شاء الله أجمل شيء رحله السور بنظري الاحظ أن أماكنهم السياحيه مساحاتها كبيره دينا حسمتي الأمر بأنه ولد ..الله يرزقك ببنوته |
جزء مميز ورائع .. والاماكن جميلة وخاصة سور الصين العظيم وزاد من جماله الجو ماشاء الله يفتح النفس والطبيعة الخضراء .. تمنيتك ذكرت بعض المعلومات البسيطة عن السور بحكم أنه من التراث العالمي .. مثل طوله ،، تاريخ بناءه ،، سبب البناء ،، في اي الجهات من حدود الصين . ولكن هذا لا يلغي جمال هذا الجزء الجميل والمميز بجمال الاسلوب والصور الرائعة .. |
| الساعة الآن 11:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO