![]() |
اقتباس:
الله يعافيك اختي جوري سعيد بمرورك تحياتي |
اقتباس:
ابشر حبيبي الغالي هذي راح تكون من النقاط الي راح اذكرها قبل نهاية التقرير مع المقارنه بين البلدين ان شاء الله انا شغال على يوم العوده انزله وبعدين ندخل في هذي التفاصيل |
اليوم التاسع عشر يوم العودة الحمدلله الذي من علي بالصحه والعافيه والمال وحسن التصرف و التدبير لكي اقوم بهذه الجولة ف لله الحمد والمنه اولاً و اخراً صحيت الصباح و وقت رحلتي متأخر الساعه 6 مساءً الاقلاع تم الاتصال على استقبال الفندق وطلب الاذن بأن ابقى الى الساعه 2 ظهرا لان سياسة الفندق التشك اوت الساعه 12 ظهرا بعد الموافقه صار معايه شوية وقت اتصلت على صديق لديه مصنع لأنتاج بخور و دهن العود وارسل اللوكيشن على الوات ساب وطلعت اسم المكان وحددت الاتجاه عن طريق برنامج جراب تم شراء بعض الهدايا ورجعت عن طريق البرنامج ايضا طبعا السياره الي رجعت فيها كبيره و تنفع للمطار عشان الشناط والعفش فتفقت معاه انه يوديني المطار الساعه 2 ونص ظهرا بمبلغ 90 رنجت فوافق وتمت العوده بسلام الى ارض الوطن سؤال طرح علي كثيرا ماليزيا ام اندونوسيا طرح علي من اصدقائي و من المالزيين انفسهم ؟ اجابتي لكل بلد ميزه وعيب نبداء بذكر كل بلد على حده اندونوسيا طبعا زيارتي لأندونوسيا هيه الثالثه وليست الاولى ولاكن تعتبر الاولى مع عائلتي فأعتبر خبرتي فيها هيه عامل مهم لأنجاحها اجواء اندونوسيا مدينة جاكرتا قريبه جدا من اجواء كولا اما مدينتي بونشاك و باندونق فهيه ذات اجواء بارده و ممطره جميله جدا للخروج من الصباح الى المساء بدون احساسك بالحر او الرطوبه الاكل توفر المأكولات العربيه امكانية الحصول على سكن خاص كالفلل بسعر زهيد جدا او خيارات الفنادق فكلاهما متوفر ولكل ميزة و عيب اماكن الترفيه والحدائق و الفعاليات تتوفر في كل مدينة فعاليات مميزه و ما يميزها اكثر السعر الزهيد لها على سبيل المثال تحربة البراشوت في الجبل ب 400 الف ما يقارب ال 120 ريال سعودي واهم ما يميز اندونوسيا اهلها وناسها قمة في الطيبه والتواضع والهدوء فمن النادر جدا ان ترى مشكلة بين سائح واي مواطن الاحترام والتقدير لك و المعامله العامه ماليزيا الاجواء كوالا رطبه تميل الى الحراره نهارا معتدله ليلا يتخللها ايام ممطره بينانج و لنكاوي رطبه تميل الو الحراره نهارا معتدله ليلا اغلب ايامها السكن كما هوه معلوم فنادق و شقق فندقيه وتعتبر ذات اسعار اعلى من اندونوسيا ولاكن للامانه انظف و احلى الاكل توفر المطاعم العالميه و العربيه وتعتبر اغلى سعرا و خاصة العربيه و البحريه اماكن الترفيه والحدائق و الفعاليات ايضا تتوفر في كل مدينة فعاليات تميزها عن الاخرى ويغلب عليها انها اغلى في السعر من اندونوسيا ما يميز ماليزيا التنظيم و الترتيب و المباني الفخمه شعب متعلم تقنيه اكثر كثرة الجنسيات موجوده في كلا البلدين ولاكن ماليزيا اكثر [COLOR="rgb(139, 0, 0)"] سؤال اخر اذا كتب لك زيارة بلد واحد من البلدين ايهما تختار ؟ اندنوسيا هي الاختيار السبب / ارتحت فيها اكثر والاطفال احبوها اكثر التكلفة العامه طيران دولي 11300 ريال الخطوط السعوديه 2500 ريال طيران داخلي 9500 فنادق 13000 كاش مقسم مابين اندنوسيا و ماليزيا مع بعض المتفرقات لم اتجاوز 36 الف ريال اخيرا أسأل الله العلي العظيم ان يوفق الجميع الى ما يحبه ويرضاه و ان يكون هذا التقرير مصدراً للفائده و دليل للخير واختم بالصلاة على من لا نبي بعده عبده ورسوله محمد عليه افضل الصلاة و اتم التسليم انتهى [/COLOR] |
كلمة شكر قليلة في حقك ما قصرت وبيض الله وجهك أرسلت بواسطة iPhone بإستخدام Tapatalk |
اقتباس:
الله يسعدك ي ابو سعد ونتمنى لك رحله سعيده ان شاء الله تحياتي اخي الفاضل |
تقرير جميل ولطيف بالتعليقات الجاذبه الصور روعه والمعلومات مفيده قرات التقرير على فترات وما علقت واليوم بعلق واكمل بعدين المتابعه |
اقتباس:
الله يحيك اختي ام حسين مرورك اضافه للموضوع واتشرف بمتابعتك لتقرير تحياتي |
اي استفسار انا مستعد اي مساعده راح تكون من دواعي سروري تحياتي |
اقتباس:
حبيب قلبي وافي وما تقصر هضبة بينانج كم يكفيها ساعة وهل فيه أماكن للجلسات كافي شي زي كذا أرسلت بواسطة iPhone بإستخدام Tapatalk |
تقرير حلو يا حلو وان شاء الله نستمتع معاك مرة ثانية في تقارير اخرى الله يسعدك دنيا واخرة وبيض الله وجهك هاي مزمز |
اقتباس:
الله يسعدك ي ابو سعد و ما عليك زود حبيبنا الغالي طبعا اول ما توصل تحت عند شباك التذاكر راح تلقى مسارين مسار للمواطنين او الماليزيين و مسار للاجانب او السياح تقص التذكره وانت داخل راح يوقفك واحد وياخذلك صوره طبعا هذا شي اختياري تبغى صوره عائليه او ما تبغى شي راجعلك بس اسلوبه يحسسك انو لازم تتصور بس عادي تقدر تمر من عنده و لو كلمك قله شكرا راح توقف في طابور وتطلع القطار راح يطلع القطار وتوصل فوق تنزل اول ما تمشي في يمينك مطل جميل تمشي شويه راح يجيك استديو تصوير زي الممر و فيه قلوب يجي على الطريق شوية محلات بس ما انصحك تاخذ شي من عندهم فيه محلات لنقش الحناء لنساء و فيه معبد و فيه مسجد وبعض المحلات الصغيره وفيه سيارات قولف لان المشي متعب شويه ياخذ فيك لفه بس كفيات و مقاهي ما شفت فيه شويت مراجيح للاطفال عشان كذا انا ذكرت في التقرير قمة بينانج تحتاج الى تطوير اكثر وفعاليات احسن كمان فيها حديقة لطيور بالنسبه للوقت من ساعه الى ساعه ونص اشوف انها كافيه جدا الا اذا كانت الاجواء غائمه وجميله راح تستمتع بالجلسه انصحك اذا حاب تجلس خذ معاك قهوة عربيه واشياء تتسلى فيها وانت جالس وانصحك بقهوة المسافر جدا ممتازه وبدون ما تغليها مجرد تصخن المويه في الغلايه وتحط الكيس في ترمس القهوه وتوكل على الله نفس الي تسويها للبيت تحياتي |
الله يعطيك العافية وماقصرت تقرير رائع علماً إني مقصر في الرد بسبب مروري السريع على التقرير ولكن سبب ذلك وجودي في ماليزيا وقت كتابتك للتقرير ووصلت الحمد لله لي يومين وإن شاء الله لي عودة لقراءة التقرير من جديد خصوصاً وأن فيه معلومات وتجارب ثرية ...أكرر لك كلمة الشكر على مجهودك الرائع وجزاك الله خير بكل حرف دونته لنا في هذه البوابة ليستفيد منها الجميع تحياتي لك ياعسل |
اقتباس:
الله يحلي ايامك و وجهك ابيض تحياتي |
اقتباس:
الله يحيك اخونا عبدالله و الحمدلله على سلامة الوصول وننتظر تقريرك ان شاء الله تحياتي |
عليكم بالعافيه السفره والوناسه والأكل والمشتريات ماقلت لنا عن البخور ودهن العود اللي شريته اسعاره والنوعيه استمتعت بقراءة التقرير من طآطأ لسلام عليكم على مدى اليومين السابقين شكراا لك ونتمنى لك سفرات عديده مع العايله الكريمة تتهنون فيها وتسعدنا بتقارير اخرى :72: |
اقتباس:
سلمتي ي ام حسين و الله يعطيك العافيه دهن العود حصل على اعجاب الجميع بشهادة اصدقاء يحبون هذا الدهن بشك جنوني اما البخور فهوه درجات عندهم درجه اولى ودرجه ثانيه و درجه ثالثه الاسعار بالنسبه لي ما راح تكون نفس الاسعار الي لغيري طبعا ههههههههههههههههههههههه السبب لاني كنت اعرف هذا الرجل من يوم ما كان سواق تكسي ويعرض بضاعته على عملاءه ولاحظت فيه الصدق و الامانه واصبح الان يملك عقود مع اجمل و عبدالصمد القرشي واخر عقوده في قطر لترفير دهن العود اسال الله له التوفيق مشكلة اسعاره غاليه شويه لانو على درايه بالاسعار عندنا بس رجل ما عنده لف و دوران تحياتي |
ماشالله تقرير جميل جدا وثري بالمعلومات المفيده لنا.. شكرًا لك على هذا المجهود وأتمنى لك زيارات عديده لزيزا... |
اقتباس:
الله يسعدك اخونا الهاجري اللهم امين وياك ي رب ويسعدني ويشرفني مرورك تحياتي |
يعطيك العافية صراحة استمتعت بتقريرك الواحد بزعل انه خلص وان شاء الله رح اتابعك بالتقارير القادمة عجبني مقارنتك بين ماليزيا واندونيسيا اكيد رح يفيد الاعضاء علشان يقرروا سفراتهم تحياتي لحضرتك sent from Galaxy Note 5 using Tabatalk |
اقتباس:
اهلين فيك حبيبنا مجدي يسعدني و يشرفني انك تكون من متابعين تقاريري و كل تعليق بلاقيه منك هوه اضافه ليا و للمتابعين تحياتي |
سؤال تكرر كثيرا كم المصروف اليومي في اندونوسيا و كم المصروف اليومي في ماليزيا ؟ الاجابه طبعا مصروف بدون السكن اندونوسيا 2 مليون كمتوسط يزيد او ينقص حسب الفعاليات ماليزيا من 700 الى 1000 حسب الفعاليات تحياتي |
بيض الله وجهك كفيت و وفيت ماشاءالله عليك :e112: |
اقتباس:
وجهك ابيض حبيب قلبي ابن السلطنه بس ما قلتلي وووووووينك محتفي كم اسبوع عسى المانع خير ؟؟؟؟ |
اقتباس:
والله انشغلت مع اولادي وطلعت العيد من مكان الى مكان و الحمدلله كنا ناوين على سفره بس قدر الله بماشاء ففعل سؤالك اسعدني كثير اخي الغالي:18::18::18: |
ما شاء الله تبارك الله ولعلها خيره و معوظ ان شاء الله باحسن منها تحياتي |
جزاك ربي كل خير :e437: |
الله يعطيك العافيه والحمدلله على سلامتكم رحت ماليزيا بعدها اندونيسيا ثم رجعت لماليزيا لو بتعيد السفريه هل بتسوي نفس الي سويته ولا بتختار دوله وحده ولو خيروك أي بلد تختار متمنياً لك ولعائلتك أوقات سعيده تقبل تحياتي |
اقتباس:
اهلين حبيبنا منصور ايه نعم صحيح رحت ماليزيا بعدين اندونوسيا وبعدين ماليزيا طبعا انا من عشاق البلدين بس لو قلتلي فين ارتحت اكثر و استرخيت واستمتعت راح اقلك اندونوسيا راح تقلي ليش ؟؟؟ راح اجاوبك ان الاجواء كانت جميله بارده وغيوم وامطار مجرد انك تمشي في الشارع برجولك متعه الفعاليات والحدائق كانت جميله مع العلم انو فيه اشياء كثييييره ما زرتها في بونشاك و في باندونق وفيه مدن ايضا لم يتم زيارتها مثل لومبك و بالي فيه اماكن كثيره في ماليزيا لسى ما زرتها بس متحمس لاندونوسيا تحياتي |
يسعد لي صباحك طحت بالزحمه أجل في باندوق أنت تحدد الأماكن أم السواق يعرضها عليك حلوه النشاطات بالحديقه تونس العيال وتجربه جميله لهم الشلالات متعبه للأطفال صراحه زين ما سويت واحد يكفي طلباتك للسمك مقلي هل ما عندهم مشوي أم تحب المقلي يعني تنصح في حديقه دتشن تصدق عاد تصحي بدري وناوي مطار عنك كم ساعه أحسه قلق لا تستغرب المعسلات والموسيقي أصبحت ظاهره بكل أسف وتجلب سواح عرب وخليجيين تستحق الفراشات زيارتها الهضبه جميله صراحه أتذكر رحلتي عام 2004 لها استمتعت بالطلعه خخخخخخخخ ما يمدي 20 دقيقه يقدمون ويشيلون ملاعقهم لنكاوي الحب شيء طيب منهم حاطين لكم يوم نزلتوا مظلات مشكله تعتبر مكان سياحي الخفافيش ؟؟؟؟؟؟؟ شكرا للتنويه عن ريحته أهم شي ءانبسطت مو لازم تغطي كل الأماكن يا برنس شقه في كوالا تصلح للعوائل الغساله مهمه صراحه نص ينباع برنجت مش ربا :10: تشبيه جميل للقريه اليابانيه قتلتهم يا شيخ عربه لحالهم ليش يا شيخ ما أخبرهم الماليزيين يدققون يسمحون للعوايل لوحدهم جراب يبيلنا نجربه أذا زرتها بأذن الله شكرا لك علي التقرير والحمدلله حسن تصرفك ساهم بأنجاح الرحله |
الله يعطيك العافية تقرير رائع جمعت بين بلاد الأندومي وزيزا ....كما ذكرت سابقاً أنشول رائعة وكذلك سفاري تذكرت الأيام الجميلة فيها وكان أحلى ساتي أكلته من مطعم في السفاري عند الخروج من الحديقة تذكرت مجمع ( بسر باروا ) زرته لأشتري منه لصقات صينية موجودة لدينا ولكن غالية وهناك وجدتها بأرخص الأثمان وهو مجمع عبارة صيدليات ماليزيا إدمان وعشق لا ينتهي شكراً لك يالغالي على هذا التقرير الرائع |
اقتباس:
وما توفيقي الا بالله رب العالمين تحياتي |
اقتباس:
ا هلييين اخوي عبدالله الحمدلله العفووو هذا جزء من ما يجب عمله تجاه هذا المنتدى الغالي تحياتي |
ابدعت ولا زلت تبدع .. وفقك الله :58: |
اقتباس:
يسعدك ربي سعيد بمرورك :e20 c: |
ما شاء الله عليك ما قصرت ... وش خليت لنا |
الله يسعدك ي ابو سعد انت الخير والبركه بس ما علمتنا متى مسافر 😬 |
اقتباس:
سافرت ورجعت ولله الحمد وبدأت في كتابة التقرير |
سلمت يداك أخي هنتر على التقرير الفريد من نوعه الذي جمع بين آسيا الحقيقية وبلاد الأندومي |
اقتباس:
الله يسلمك وشرفني مرورك اخوي المسافر تحياتي |
الله عليك .. الله عليك .. يا ( HUNTER ) تقرير استمتعت معك أثناء كتابته .. ومتأكد إن أطال الله الأعمار .. بأني سأعود إليه للتخطيط والترتيب لرحلة قادمة .. ثريٌ جداً بمعلوماته وأجزائه .. تفضيلك لإندونيسيا أشاركك فيه .. رغم جمال ماليزيا .. ننتظرك بتقريرك آخر .. معرِّفك يستحق المتابعة :e306: دعواتي لك بالتوفيق .. |
الساعة الآن 03:47 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO