عفوا .. ايش نوع السيارة المستأجرة ..

نوع السياره في الحجز
Opel Astra
وهناك اعطونا جيب فورد

بحسب المعطيات الموجودة.. انكم كنتم حاجزين الاوبل بسعر ..وسوولكم ابجريد الى جيب فورد ..وطلع المبلغ 1400 فرنك ...ما يعادل 5600 ريال .

باختصار ..انتم حجزتم سيارة ودفعتم مقدم وتم خصمه من القيمة الاجمالية للسيارة عند أفيس.
قيمة ايجار السيارة تضاعف بسبب التغطية التأمينية الشاملة الغير مسترد ..هذا عند كونتر افيس.
ف أفيس عند الايجار حجزت مبلغ ايجار السيارة بالاضافة الى مبلغ ..هذا المبلغ مسترد..ورجعوه لكم.

فالواضح من فاتورة افيس ..ان قيمة الايجار 833 فرنك + 66 فرنك ضرائب = 900 فرنك ..وقيمة التأمين فقط مع الضرائب 1217 فرنك.
فالمجموع = 2117 فرنك .
وما دام انكم دفعتم لكار رينتال مبلغ 668 فرنك (ما يعادل 2500 ريال) ..فقد تم خصمها من فاتورة أفيس ..فيبقى اللي تدفعوه 1448 فرنك وهو ما يعادل 5700 ريال اذا كان سعر الصرف 4 ريال للفرنك الواحد.


جربت حجز وهمي عن طريق موقع افيس طلع معايا قيمة التأمين الشامل اغلى من قيمة السيارة .

فعشان كذا ..كارينتال اخلوا مسؤوليتهم بتوقيعك على التأمين الشامل واي قيمة مضافة .


على العموم معوضين خير ان شاء الله ...والمرات القادمة تفادوا سالفة اضافة اي مبلغ للسيارة واخذ اقل تغطية تأمينية للسيارة .
(لأن شركات الفيزا والماستر كارد لديهم تغطية شاملة على السيارة اذا تم الحجز بالبطاقة ويتم تعويضكم بها ..وشركات التأجير تعرض عليكم التأمين الشامل من باب المرابحة)


أتمنى أكون أفدتكم ..وبالتوفيق يا رب .

يعطيك العافيه
طيب اذا بنحجز سياره ان شاء الله
ابغا احجز من شركة توضح لي مبلغ ايجار السيارة والتامين المسترد الي ندفعه هناك
حتى ماتتكرر معنا نفس المشكله
من اي شركه احجز
واذا رحنا نستلم السياره ايش نطلب منهم تامين شامل ولا ما نطلب تامين

بعد اذن صاحب الموضوع...من باب الافادة

بعد تجربة شركات سيكست وافيس وهيرتز في اوروبا بصفة عامة .. التأمين المسترد يختلف اختلاف كبير ولا يمكن تحديده مسبقا لعدة عوامل .. منها الشركة نفسها أو موظف الكونتر او نوع السيارة او الدولة نفسها او حجزك نفسه هل مع حجز السيارة حجزت التأمين الشامل او لا .

فمثلا ..حجزت في سيكست في فرنسا اخذوا مبلغ تأمين مسترد 2000 يورو
وحجزت من سيكست نفسها في المانيا بتأمين مسترد 500 يورو .
وحجزت في سيكست نفسها في بريطانيا بمبلغ الايجار فقط ( لاني اخذت تغطية تأمينية شاملة ..عشان اول مرة اسوق طارة يمين فما حبيت ادخل في متاهات).
وحجزت في افيس وهيرتز بمبلغ تأمين متوسط وكان التأمين المسترد ما يتعدى 100 يورو .

اخر مرة في الامارات .. التأمين لا يتعدى 500 درهم مستردة ..لكن الموظف قال لي احد المرات 1200 درهم .. واستغربت من المبلغ وسألته ليش؟ المفروض 500 درهم .. قال لي من المشاكل اللي تواجهنا من مخالفات السرعة على الكاميرات الثابتة وخصوصا من ربعنا .. هذا المبلغ الزامي... قلت له الفيزا عندك خذ قيمة المخالفات ان وجدت ..رد لي هذه التعليمات .

فمن باب الاحتياط ..لابد الفيزا تبعك يكون فيها مبلغ الايجار دبل او تريبل ..يعني لو الايجار 2000 ريال .. احسب حساب 6000 ريال كحد ادنى في البطاقة .

فمن باب تجربة .. اذا كنت مسبقا حاجز السيارة مع تأمين شاامل .. فما راح ياخذوا مبلغ مسترد عالي .. لأن لا قدر الله صار شي بالسيارة .. فخلاص انت دفعتها من اول.




اما السؤال من اي شركة تحجز ... من وجهة نظري احدى الشركات المعروفة + الاقل سعرا للفئة نفسها من دون التأمين الشامل طبعا.


بالنسبة لحجز اي سيارة ..اولا من باب الاحتياط الحجز من الشركة نفسها والابتعاد عن الوسطاء
ثانيا ..قراءة شروط الحجز جيدا ... والتي منها مواعيد الحجز ومكان الاستلام والتسليم والضرائب واقل تغطية تأمينية اللي هي CDW و الكيلومترات و تسجيل السيارة و تأمين السرقة .

مثلا اخر حجز لي في هيرتز كان يشمل:

Included in the rates
Location Service Charge
Collision Damage Waiver (Excess Applies)
Theft Protection (Excess Applies)
Vehicle Licence Fee (VLF)
One way fee (payable on return of the vehicle)
Tax
Unlimited Free Kilometers Included

وهذا من أفيس :

Your quote includes:
Local Tax (TAX)
Vehicle Damage Cover* (CDW) -
Vehicle Theft Cover* (TP) -
Vehicle Registration Fee (VRF)
Airport/city/other surcharge
Unlimited Mileage

One way fee is included in total price.
Under Age Surcharge may apply. Please check Terms and Conditions for age
restriction

وهذا من سيكست :

incl. Rate includes all mls
Loss Damage Waiver
Third Party Insurance
Road tax, RFL
Loss Damage Waiver with an excess of GBP 1500.00
Theft Protection with an excess of GBP 1500.00
All designated discounts have been included in the stated final price.

وايضا

incl. Rate includes all kms
Theft Protection
Loss Damage Waiver with NWR
Loss Damage Waiver with an excess of EUR 900.00
Theft Protection with an excess of EUR 1600.00
In case of total or partial theft of the rented vehicle in Campania, Catania and Puglia the responsible
amounts quoted previously will be doubled.
All designated discounts have been included in the stated final price




فالوسطاء .. ممكن يخفي عنك المعلومات هذه ..ويعطيك سعر منافس جدا .. وتتفاجأ بسعر اعلى حين طلب التغطية التأمينية للسيارة ...فعشان كذا .. الافضل الحجز دايركت من الشركة.

فإذا كان حجزك .. يشمل ما ذكر اعلاه بالانجليزي ..فما يحتاج تطلب تأمين اضافي وزيادة في السعر حتى لو طلب منك الموظف وعرض عليك التغطية الشاملة اللي انت اصلا ما تحتاجها.
وبعض الاحيان ..يعمل لك الموظف خصم على التغطية التأمينية .. مثلا خصم 20 % ..كزيادة على سعر السيارة .. اي مبلغ .. فاذا كان مناسب لك ممكن تاخذه ( خصوصا البعض يتخوف للقيادة اول مرة في اوروبا ).

في هذه الحالة ..بعد ما حجزت السيارة بالتأمين الاساسي الاقل .. تقول للموظف ابغى التأمين زي ماهو بدون تغيير.. وتدفع فقط قيمة الايجار (اذا اخترت الدفع عند الكاونتر) بالاضافة الى االمبلغ المسترد.


كملخص .. انت وش حجزت .. راح تاخذ اللي حجزته .. اختيارك للسيارة وما تحتويه من تغطيات انت اللي تحدده بحسب المبلغ المناسب لك .


اضافة بسيطة عند الحجز من الشركات الكبيرة:
تتوفر عروض عند الشركاء الخاصين بشركات الايجار وخصومات متفاوتة .
مثلا شركاء الفرسان .. أفيس وبدجت وهيرتز وسيكست (والوفاق) .. لهم خصومات تقدر تعرفها بزيارة موقع الخطوط السعودية .. باعتبارك عضو للفرسان ..... وهكذا .
تسجيلك في مواقع شركات التأجير برضو ممكن يفيدك في الحصول على خصومات جميلة .



أتمنى أكون أفدتكم ..


وبالتوفيق

رينتال كار شركة وسيطه//وبالنسبة لى لم تعد موثوقه// وبعد تعامل لسنوات...
يفضل التعامل مع الشركه المزوده للخدمة مبااااشره.

بصراحه العالم كلها تحذر من رنتال كار ..

وانا واحد من الاشخاص اللي نصبو عليهم ..

الافضل الواحد يستاجر سياره من الشركه الام نفسها .. بدون وسيط وبدون نصب واحتيال ..

وواضح منة الشركه ان فيها تمويه .. المقر مانشستر والمدير طنطاوي ..؟؟؟؟