|
اقتباس:
جورج اذا هناك مجال فقط اكتفى في زيارتها لماذا لاتضع ليله او ليلتين في هرمانوس |
اقتباس:
بالنسبة للمحمية،، الأولى بتكون بعيدة، حوالي ساعه من نايزنا إلى جهة الشرق، يعني عكس اتجاه كيب تاون. الثالثة بتكون مناسبة أكثر لأنها في طريق العودة إلى كيب تاون، ونحن سكنا فيها ليلتين وكانت وايد حلوة. ملاحظة: اسمي أم نوف،، مب نواف:14: |
ولا يهمك ام نوف . و ان شاء الله يجيك نواف |
اقتباس:
الهدف من زيارة هيرمانوس هو مشاهدة الحيتان و الوقت اللي مسافر فيه الاخ عابد .. ما هو وقت ظهور الحيتان . |
اقتباس:
الحمد لله عندي بنت و ثلاث أولاد،، الله يحفظهم ويبارك فيهم، ويبارك في عيالكم |
ماشاء الله تبارك الله الله يصلح لنا ولكم النيه والذريه .. ويرزقنا برهم |
الأخ/ عابد... جدولك ممتاز، وإذا ما تبغي تتنقل وايد ممكن تسكن في وايلدرنس 7 أيام ومنها تطلع للنشاطات اللي في المدن الثانية،، بيكون المشوار في حدود 30 أو 45 دقيقة. وإذا تحب الاسترخاء والهدوء ممكن تخلي وايلدرنس 6 أيام، والمحمية يومين. وبالنسبة لحجز المحمية يكون بالتواصل مباشرة وياهم عن طريق الايميل، وغالبا يطلبون دفع نص المبلغ مقدما، إما عن طريق التحويل البنكي،، أو إنك ترسل لهم رقم بطاقة الإئتمان وهم يخصمون المبلغ،، وهذا اللي نحن نسويه كل مرة. والمحميات موجودة على موقع بوكينج، ممكن تشوف آراء النزلاء، بس على بوكينج مب واضح هل الحجز يشمل نفس المميزات اللي موضحة في موقعهم وإلا لا،، مثل الافطار والعشاء، ورحلتين السفاري الصباحية والمسائية. |
اقتباس:
|
اقتباس:
خلك على جدول ام نوف ممتاز جدا |
يعطيكم العافيه .... فكره جميله من أم نوف و جاري التفكير فيها قبل الحجز راح أسكن كل الأيام الي في الجاردن روت في منطقه وايلدرنيس و كل يوم اروح للفعاليات في المناطق اذا كان المشوار قرابة 45 دقيقه أو ساعه عادي و يوم في المحمية و ارجع كيب تاون |
اقتباس:
كل نصائحك وكلامك وشورك راح استفيد منها وشكلي بغير المخطط ع مسارك واخلي جوهانسبورغ اخر يومين بس كيف الصن سيتي كم يوم تستاهل اقعد فيها وكم المسافه بينها وبين جوهانسبورغ عسى مو بعيده مرره |
خليها وصول كيب تاون ومغادره منها الفرونت وتر بعدها الجاردن ( ممكن تقسمها مابين ويدرلنس ثلاث ايام ويوم اورتشون وثلاث كنيسنا ) او السكن كامل المده مابين ويدرلنس او كنيسنا ولمعرفة أماكن اكثر تقدر تزورها اطلع على هذا الموقع Garden Route Activities, Things to do in Garden Route يوم للمحميه ثلاث في كيب تاون في خليج كامبس والعوده لارض الوطن لو تزيد ايامك وتضيف موريشيوس او تقلل من ايام كيب تاون ومن الجاردن يكون افضل وبالتوفيق ان شاء الله ونسيت مااقول الف مبروك ياعريس مقدما لاتنسانى بدعوه طيبه في ليله فضيله مثل هذي |
اقتباس:
حوالي 170 الي 200 كم . |
اقتباس:
ويلدنرس فيها فندق او نزل "ميس اميس" ممتاز وسعره طيب وراعيه خلوق ومتعاون راح تلقاه في بوكنج لكن ادخل على موقعه وتواصل معاه راح يعطيك سعر افضل اهم شي خذ اللي بلكونه مطله على المحيط وفيه فندق ثاني مية متر شرق منه اذكر كان تقييمه ممتاز Sent from my SM-G900F using Tapatalk |
اقتباس:
بالنسبة للصن سيتي لي وجهة نظر شرحتها في موضوعي لكن باختصار صحيح هي منتجع خمس نجوم لكن تحسفت اني رحت لها بتطلعك من جو جنوب افريقيا اللي تعيشه في كيب تازن او القاردن روت وللاسف اكثر الانشطه اللي كانو يسوقون لها هي خارج المدينه بوقت بعضها يصل للساعه والطريق من جوهانسبرغ لها طريق عادي مافيه مناظر بالعكس اقرب للصحراوي وفيه مسافه خط مزدوج اذا بتروح لجوهانسبرغ وحتى هي ماتقارن ابدا بكيب تاون مدينه سياحية من الدرجه الاولى وجوهانسبرغ منطقة تجارة واعمال لكن تتميز بالمحميات والسفاري المحيطه بها ومنها كروجر اعتقد اكبر محمية في العالم Sent from my SM-G900F using Tapatalk |
اقتباس:
ونحن كل مرة نسافر هناك نسكن فيه.. ونحجز وياهم مباشرة عن طريق الايميل. بالنسبة لتسيتسيكاما، فهي حلوة بس بعض النشاطات اللي فيها موجودة في المدن الثانية،، ماعدا القفز من أعلى جسر في العالم Bungy jumping واللي سفرته مب وايد طويله وما بيسوي أي نشاط فيها فممكن ما يروحها لأنها على بعد أكثر من ساعه ونص من وايلدرنس. |
السلام عليكم و رحمة الله و بركاته اشكر تفاعلكم صراحه ماتقصرتو لو لا الله ثم انتم ما جمعت كل المعلومات و استفدت كثير منكم الله يعطيكم العافيه أنا قررت بدل التنقلات الكثيرة أسكن في منطقه وحده أفضل مثل ما قالت أم نوف التنقلات راح تضيع اليوم و قررت كالآتي 5 كيب تاون (وترفرونت) 7 جاردن روت (ويلدرنس) 1 المحمية 2 كيب تاون (وسط المدينه) بس ابي اعرف هل منطقة ويلدرنس فيها نشاطات حلوه و موقعها حلو لزياره المناطق الثانيه اعطوني رايكم |
جزاك الله خير اخوي ابو سعود ولاتنستغني عن نصائحكم وارشاداتكم الحمد لله جمعت معلومات كثيره عن هالبلد والاماكن وجميع الانشطة السياحية اللي بروح لها مو ناقصني الحين إلا اركب الطيارة:7: ولو احتجنا شي انتو قريبين ومتواجدين هنا ومانستغني عنك وعن الاخoceanus الف شكر |
اقتباس:
يعطيك الف عافيه اختي ام نوف على التصحيح لاخلا ولاعدم عدلت الاسم في الرد حتى مالخبط احد :( صحيح ال bungy jumping اذكر وصلت لحدهم ومايصدقون احد يجي يعزمونك ويعرضون عليك لكن كنت وقتها سويت الsky diving قلت يكفي جنون مرة وحده :) اذكر المنطقه كانت اكثر اخضرار باتجاه الشرق بس ماتعديت المنتزه لذلك افكر في زيارتي القادمه ان الله سهلها اجيها من بورت اليزابيث Sent from my SM-G900F using Tapatalk |
السكن في كيب تاون 5 ايام ووتر فرونت فيلج في جاردن روت 7 ايام ميس اميس المحمية 1 يوم كيب تاون 2 يوم أيكون لوكشري كامل سعر السكن 8737 اعطوني رايكم |
اقتباس:
وايلدرنس حلوة والفندق روعة، ومنها تقدر تروح للأماكن اللي جهة الشرق أو جهة الغرب. الله ييسر أموركم وتكون سفرة سعيدة وممتعة بإذن الله. |
اشكرك أم نوف و اشكر الجميع ماقصرتو عندي استفسار شفت محميه اسمها بوتلير سكوب سعرها شوي غالي بس جميله أماكن الاقامه بس ابي اذا أحد عنده معلومات عنها و كيف الأكل مثلا لو ماعجبني اكلهم و معلومات عن رحلات السفاري و كم اسعارهم لن في الحجز عن طريق بوكنج لا يشمل الرحلات |
للأسف ما عندي معلومات لأن ما سكنا فيها قبل. بس غالبا كل المحميات ما يكون في مطاعم ولا شي قريب منها. ممكن تتواصل معهم بالايميل هذا موقعهم عالانترنت Western Cape Private Game Reserve & Safari Park | Botlierskop Private Game Reserve محمية جاردن روت روعة والأكل فيها بوفيه للافطار والعشاء، متنوع ولذيذ.. وفيها شاليهات حلوة واطلالتها جميلة. هذا موقعهم عالانترنت Accommodation - Garden Route Game Lodge - Albertinia | |
صبحك الله بالخير اشكرك جزيل الشكر ماقصرتي انشاءالله براسلهم و بشوف الفرق بينهم |
صباح الخير عالجميع ابشركم حجزت الفنادق و صارت بعض التغيرات و تم الاتفاق من 20 مارس إلى 25 مارس في كيب تاون فندق كنال كايز من 25 إلى 29 في جاردن روت (كنيسنا)منتجع أندر ميلك وود من29 إلى 1 ابريل جاردن روت(ويلدرنيس )ميس اميس من 1 إلى 4 كيب تاون .. ليكون لكشري طبعا تم الغاء المحميه بس بروحها سوم زياره فقط دون المبيت و اشكركم جزيل الشكر و تعبتكم معاي صراحه مجهود تشكرو عليه وانشاءالله جاري ترتيب الجدول طبعا ما استغني عن مساعدتكم |
كله خير بإذن الله ومادام لغيت المبيت في المحمية وبتروحها بس زيارة فأنصحك تروح محمية بليتنبرغ،، بس لا تنسى تحجز قبلها Accommodation, game & horse safari at Plett Game Reserve بتكون على بعد 50 دقيقة من نايزنا وهي الوحيدة اللي ممكن تشوف فيها كل الحيوانات خلال مدة الجولة اللي هي ساعتين أما باقي المحميات فهي أكبر بكثير علشان جذي مسوين جولتين للي يسكنون فيها. مع العلم إن كلهم تقريبا عندهم نفس الحيوانات، بس لأن مساحتهم أكبر فيضيع الوقت في التنقل من مكان للثاني |
بالتوفيق ان شاء الله بس فضلا وليس أمرا لو ترسل لي سعر الفنادق سواء هنا او على الخاص مع نوعه الغرفة عندي برنامج للحجوزات وان شاء الله يكون فعال معي وان شاء الله الفنادق تكون موجوده |
من 20مارس الى 25مارس كنال كايز 2616 من 25مارس الى29نارس منتجع أندر ميلك وود 1284 من 29 مارس الى 1 ابريل ميس اميس 1142 من 1 ابريل الى 4 ابريل أيكون لكشري 1607 |
اقتباس:
بس غريبة سعر فندق ميس أميس!!!! نحن أخذنا الغرفة ب 800 راند في الليلة،، تقريبا 200 درهم يعني نص السعر اللي عطوك إياه.. معقوله الأسعار ترتفع جذي عندهم في المواسم؟؟!! ترا فترة سفرك فيها إجازة المدارس عندهم. هو طبعا بعده يعتبر سعر معقول،، بس أنا أقارن مع فترة الصيف عندنا (الشتاء عندهم) تكون الأسعار أرخص. |
اي أم نوف صح كلامك فتره الشتاء تكون الأسعار أرخص بواجد بس حمدللع الأسعار طيبه و حلوه بالنسبه إلى 15 يوم يالله همتكم في ترتيب الجدول |
اقتباس:
الله ييسر وأخلصه بسرعة |
الله يعطيك العافيه صراحه ماتقصري و الف شكر لك و لجميع الاعضاء ماقصرو و ننتظر تقريرك |
اقتباس:
سعركم ماشالله ممتاز جدا وربما فرق الموسم وتواصلكم المباشر معاه .. اذكر اني سكنت عندهم في ميس اميس بسعر مقارب للأخ عابد لأني حجزته من بوكنج وقتها (اكتوبر) وبعدين قال لي صاحب الفندق الأفضل اتواصل معاه وذكر لي أن أفضل أوقات الزيارة بتكلفة منخفضة هي بعد موسم الإيستر في مارس (مدري بالضبط وش الأيام) وعلى بداية ابريل تكون إجازتهم انتهت والجو ممتاز .. متشوقين للتقرير اختي الكريمة ومعرفة الجديد فلا زال الشوق إلى جنوب افريقيا لم ينتهي : ) |
الف مبرووووك |
مبروك والله يتمملك علي خير |
الف مبروك وان شاء الله تكون رحله ممتعه .... |
يعطيك العافيه |
| الساعة الآن 05:09 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO