السلام عليكم ورحمة الله وبركاته

قادم الى بالي من العاصمه الماليزيه كوالالمبور بعد قضاء 13 يوم في ماليزيا
وها نحن ذا في الاجواء الاندونيسيه على طيران اسيا

اليوم الرابع عشر في الرحله مغادرة ماليزيا والوصول الى اندونيسيا وفي جزيرة بالي بالتحديد

وتاخرت الرحله شوي ماطرنا الا بعد ساعه تقريبا وفي الطيارة وزعوا علينا كرت الدخول.. ولله الحمد كان معنا قلم (ترى ماعندهم اقلام) المهم بعدها وزعوا وجبات للي طالب عالموقع.. وحنا شرينا منهم بطاطس برينجلز.. وقد بدأت بعرض جمالها
http://www.arabtrvl.com/vb/picture.p...pictureid=5925

http://www.arabtrvl.com/vb/picture.p...pictureid=5926

والمطار قريب البحر .. بدأنا بالهبوط
http://www.arabtrvl.com/vb/picture.p...pictureid=5927

وصلنا للمطار مش متاخرين واجد ..ودخلنا وياعيني على الزحمه
http://www.arabtrvl.com/vb/picture.p...pictureid=5929
وطلع فالمطار اوراق ثانيه غير اللي فالطياره نعبيهم
http://www.arabtrvl.com/vb/picture.p...pictureid=5928
وعبيناهم وصفينا سرى
http://www.arabtrvl.com/vb/picture.p...pictureid=5931
راحت زوجتي وبنتي جلسوا ودقوا الزحمه بصوره .. لانه ممنوع التصوير
http://www.arabtrvl.com/vb/picture.p...pictureid=5979

ووصلت للموظف وقال لي خل زوجتك تتقدم وتروح تنتظر هناك قدام (وهذه حيله منه عشان ينفرد فيني .. ويحطني في صكه مافيها رجعه) وجالس يماطل فيني ويطلع اخطاء في الاوراق المعبأه (كل مسافر يأخذ معه تقريبا 30 ثانيه وانا اخذ معي 5 دقايق )ويقولي مافيه شي مافيه هديه.. وانا داق البلاهه واقوله لا .. على اني مش عارف وش يقول وهذا بفضل من توجيهاتكم وتوصياتكم بعدم اعطائهم اي شي (لانه فعلا ماكان يطلب الا مني انا لاني الوحيد الخليجي والباقي كلهم استراليين وجنسيات اخرى ) ومشاني بعد مازهق مني ... بس انت خلك بعيد عن الكونتر واذا قال شي سو نفسك ماسمعت .. وعلى ماخلصنا قد كملنا ساعتين تقريبا وقوف في ذاك السرى.. وطلعنا وسالت وين البلو بيرد قالوا لي بره.. وطلعت بره وينه ... قالوا لي مافيه هنا خذ لك تاكسي المطار سعره ثابت ورخيص.. قلت طيب خلني ارجع له .. وشفت واحد وياكثرهم يقولي تبي تاكسي.. قلت بكم؟؟ قالي بسعر خيالي بس انه بعملة اندونيسيا..!! قلت ماعندي الا دولارات.. قال ٤٠ دولار ..قلت الفندق قريب... وجلست ارخصه قلت له بخمسه دولار.. وبعد المجادل وصلت معه الى عشره دولار وتركته .. ورحت الى تاكسي المطار وقالي بعشره دولار تدفعها لراعي التاكسي.. قلت اوكيه.. ومشيت ولقيت راعي التاكسي لاحقني .. واخذ الشنط ووقف عند المواقف وقالي انتظرني هنا بروح اجيب السياره واجي .. وجاء ورحت معه ووصلنا الفندق
http://www.arabtrvl.com/vb/picture.p...pictureid=5977
.. ريحنا شوي.. الفندق شكله ممتاز ... ولو انه ماارتحنا للديره بسبب الزحمه والحركه بتاعت الهديه.. المهم الفندق يطلع جولات كل ساعتين من ضمنها ديسكفري مول وشاطى كوتا وشاطى ليغيان.. قلنا له ودنا ديسكفري مول
http://www.arabtrvl.com/vb/picture.p...pictureid=5956

تمشينا فيه شوي
http://www.arabtrvl.com/vb/picture.p...pictureid=5973

http://www.arabtrvl.com/vb/picture.p...pictureid=5962

http://www.arabtrvl.com/vb/picture.p...pictureid=5958

http://www.arabtrvl.com/vb/picture.p...pictureid=5959

http://www.arabtrvl.com/vb/picture.p...pictureid=5960

http://www.arabtrvl.com/vb/picture.p...pictureid=5961

وتعشينا في برغر كينج..
http://www.arabtrvl.com/vb/picture.p...pictureid=5957
مايتعاملون بالدولار.. دفعت بالفيزا وطلعت.. وحولت ثلاث مية دولار لعملتهم .. طلعت حوالي ٣٤٨٠٠٠٠ ومشينا بعد ماشريت اكل خفيف ..ووصلنا جنب الفندق فيه مغسله.. قلت له بكم تغسل الثياب؟؟ قالي الفندق ارخص لك منا.. قلت سلام ..وعطيت الفندق الثياب يغسلهم ...وحاولت اراسل غواصة بالي عن طريق الايميل.. ورسلت لهم رساله بالايميل ..وردوا علي بس كان ماعندي نت.. وكنت ابي اروح بركان باتور بس قطع النت عندي.. وكنت ابي شريحه ولا حصلت.. يبغى لها تدوير اكثر ...ورجعت نمت بعد ماسبحت بنتي فالمسبح

وبكذا انتهى اليوم الاول في اندونيسيا ويعتبر اليوم الرابع عشر في الرحله

هنا رابط الموضوع للبرنامج المستخدم للتصوير بتقنية 360 درجة
http://www.arabtrvl.com/vb/t2576.html#post46340