شبكة و منتديات العرب المسافرون - ماليزيا... كل عام وإليك وجهتي ...

الجزء الثاني لبينانج ...

يالله انك تحييهم :63:

من عاداتي في بينانج بعد الفطور نتقهوى بعدها إلى الساعة 10 بالبلكونة
جلسة الصباح جميلة فيها نسمات باردة ترد الروح ومناظر صباحية مع اصوات الطيور
تشرح الصدر

https://www.arabtrvl.com/up/uploads/...6189226339.jpg

https://www.arabtrvl.com/up/uploads/...6186526923.jpg

ثم ننزل للمسابح مسابحهم ميزتهاتناسب جميع الأعمار ومنوعة وهي عبارة عن 3 مسابح
مختلفة في العمق تناسب كل الأعمار اضافة الى نشاطات مباريات كرة الماء للكبار في
المسبح المخصص لهم ويوجد جاكوزي لكن كان معطل للاسف في هالفترة :24:

والأهم على كل مسبح في منقذ واقف بصفارته تنبيه للاطفال
لعب وسباحة إلى الساعة 2ونص أو 3
بعدها على ماكدونالدز غدا

https://www.arabtrvl.com/up/uploads/...9757577952.jpg
.
.

ونرجع ثاني للمسابح أو بعض الأيام فترة الظهر نقضيه في قرني بلازا إلى العصر
الساعه 6 نتوجه كلنا للشاطئ فعاليات ونشاطات بحرية إذا ماتبي تجرب تكفيك الفرجة
المغرب نرجع الجناح وطبعا الأولاد
غالبا من التعب يادوب عشاء خفيف ونوم

https://www.arabtrvl.com/up/uploads/...5757799310.jpg
عشائنا الخفيف يكون خبز وجبن وشاهي ماهو لازم مطاعم يوميا

وأنا وأم العيال أحيانا نطلع للسوق الليلي اللي يبدأ من بعد المغرب على الشارع العام
.
.

بالنسبة لغسيل الملابس سهل جدا فيه غرفة غسيل موجودة بالفندق تقدر تغسل ملابسك بنفسك وتحطها بالنشافة وعادة هذه مهمتي
اصرف من عند الاستقبال أو محل الملابس اللي موجود باللوبي مبلغ 15 رنقت تعطيك هلل خاص بالغسالة وتاخذلك صابون
والشغلة كلها تقريبا ساعة وفية كراسي انتظار سواء داخل غرفة الغسيل او خارجها.

https://www.arabtrvl.com/up/uploads/...9618652727.jpg

https://www.arabtrvl.com/up/uploads/...6189225994.jpg

فيه مغاسل خارجية تعطيهم الملابس وهم يغسلونها لكن ما أنصح فيها لانه ماتدري شلون يغسلونها
ولا وش يحطونها مع اي ملابس ...
.
.

بالنسبة للمطاعم في بينانج جربت بعضها في باتوفرنجي والباقي احس الدعوى لغوصة خصوصا هاللي واقفين عند باب
المطعم ويحرجون وينادون الزين عندنا والشين حوالينا لكن في الحقيقة الوضع بائس إلا من رحم ربي

جربت مطعم ماروش والله لايوريكم تجربة شينه حسيت بطعم الثوم الان من كثره هاك اليوم

https://www.arabtrvl.com/up/uploads/...6185738548.jpg

https://www.arabtrvl.com/up/uploads/...7575779421.jpg

https://www.arabtrvl.com/up/uploads/...6186090676.jpg

https://www.arabtrvl.com/up/uploads/...9618609065.jpg

https://www.arabtrvl.com/up/uploads/...6186090463.jpg

https://www.arabtrvl.com/up/uploads/...6186090372.jpg

https://www.arabtrvl.com/up/uploads/...6186090271.jpg

https://www.arabtrvl.com/up/uploads/...1857386710.jpg

https://www.arabtrvl.com/up/uploads/...9618573869.jpg
انا من شفت حاطين هالسكين وانا غاسلن يدي منهم بفلاش

مطعم الطربوش دائم مزدحم والحقيقة الواحد ماياخذ راحتة بعيالة وأهله

مطعم لبنان كان خيار جيد وأكلة ممتاز وخدمتة جيدة

https://www.arabtrvl.com/up/uploads/...6189746834.jpg

مطعم باكستاني قدام بوابة الفندق في كورنر عند الإشارة
رغم تواضعة إلا ان عنده كباب يضرب بالمخيخ وخبز طازج كلام كبير
احيان اخذه سفري واحيان انا وام العيال نتعشا عنده وأسعاره جدا جيدة
روادة من الأوروبيين وزحمة لانه فعلا يقدم كباب رايق
وأكيد يوحشنا الخبز المدور حقنا اذا مليت من التوست رح لهم لا يفوتك
تقدر تاخذ منهم خبز فقط اذا حبيت يسمونه (نان)..

https://www.arabtrvl.com/up/uploads/...6189225832.jpg

https://www.arabtrvl.com/up/uploads/...6189225913.jpg

https://www.arabtrvl.com/up/uploads/...6189226085.jpg
المغسلة لا تفوتكم

المطاعم الرايقة والاكل النظيف والجلسة دائما في قرني بلازا
تشكيلة رائعة وكلن وذوقة وبالنسبة لي دائما ماتكون وجبة الغداء
فيه مطعم دووم (حبيب قلبي)أو تشيلز..
وخيار عيالي الدائم ماك رغم كل الاغراءات اللي نسويها لهم عشان يغيرون لكن مافي فايده
تقل سرهم مجدوع بهالمطعم .

https://www.arabtrvl.com/up/uploads/...6183709477.jpg

https://www.arabtrvl.com/up/uploads/...6183709396.jpg

https://www.arabtrvl.com/up/uploads/...6183709325.jpg
سنويا اطلب ستيك لحم مع صوص فلفل أسود لا يفوتكم لمحبي الستيك

https://www.arabtrvl.com/up/uploads/...6183709264.jpg
اللازانيا في بينانج كلام ثاني :18:
لهم فروع في كوالا في البافليون وسوريا مركز البرجين
وجوهور في الأوت لت
.
.

السوق الصيني مافي جديد بضاعة عادية جدا والاسعار مبالغ فيها
والله يعينك على المكاسر والبنقالة صاروا ينافسون
الصينين في كل مكان في ماليزيا موب بس بينانج
احيانا تجد بضاعة جيدة وعليك البحث عن الجديد والغريب

https://www.arabtrvl.com/up/uploads/...7576580712.jpg

https://www.arabtrvl.com/up/uploads/...7576580651.jpg

https://www.arabtrvl.com/up/uploads/...5763290810.jpg

https://www.arabtrvl.com/up/uploads/...7576329049.jpg

https://www.arabtrvl.com/up/uploads/...7576328978.jpg

https://www.arabtrvl.com/up/uploads/...7575779787.jpg

https://www.arabtrvl.com/up/uploads/...7575779736.jpg

https://www.arabtrvl.com/up/uploads/...5760100310.jpg

https://www.arabtrvl.com/up/uploads/...7576009999.jpg
مركزهم وتجمعهم قدام بوابة الفندق تقدر تاخذ عربية منها وتلف فيك في جو من الصخب والمرح
.
.

السنه ذي كانوا مقفلين واحد من مسابح الاطفال بالفندق
على حظنا مسوين تغيير جديد
قابلت المسئول الاسترالي في الفندق وقالي انهم يسون
هالتغير عشان خاطر عيون العرب
ووسيلة جذب لهم ولعيالهم من كثرهم الله يكثرهم ويحميهم
الفندق يشتغل على حس الخليجين والعرب
رحنا وهم باقي ماخلصوا منه .

https://www.arabtrvl.com/up/uploads/...6189226237.jpg
.
.

النشاطات اللي على الشاطئ متنوعة وجميلة
اول ماتطلع يعرضون عليك برشورات وصور منوعة للنشاطات ومنها زيارة
جزيرة القرود اللي زرتها عام 2007 وكانت تجربة بائسه لي ولعيالي لاداعي لذكرها
واحيان رحلات عائلية بحرية
ومنها البرشوت وهي من اهم النشاطات
كان لي تجربة مريرة في أول زيارة لي لبينانج عام 2007
طلعت بالبرشوت بعد ما اخذت التعليمات منهم وطلعت عادي
وصرت بالجو وش زيني لين جاء وقت النزول للأرض كان نزولي غلط بغلط
تكرفست وتقلبت وتمردغت بالارض لين عضيت التراب وصرت اكح رمل
واصابات وحالتي حالة وعقبها حرمت اطلع برشوت وخليتها لعيالي
الله يحفظهم اسعارهم مبالغ فيها ولازم تكاسرهم السعر ينزل للنص وأقل
ولو قدمت شوي بتلقى أرخص وهذا حال كل النشطات هناك
هالسنة خليت عيالي يجربونه مع واحد من العاملين يعني مايكونون لحالهم
وفي ممكن براشوت لشخص أو شخصين
وفيه دبابات البحر (جت سكي) وهذي عاد لعبتي
اذا شفتوا واحد يالله يمشي بالدباب وعلى مهله تراه انا
وغيرها من النشاطات اللي لازم الواحد يجرب ويطلع عن المألوف
حتى لو كان عليمي مثلي لكن المغامرة شيئ جميل وله سحره

https://www.arabtrvl.com/up/uploads/...6183709568.jpg

https://www.arabtrvl.com/up/uploads/...9618536112.jpg

https://www.arabtrvl.com/up/uploads/...9618573846.jpg

https://www.arabtrvl.com/up/uploads/...6185738315.jpg

https://www.arabtrvl.com/up/uploads/...6185738234.jpg

حديقة الفرشات والتوابل والفواكه رحتها في زياراتي السابقة لماليزيا
وتكرار الزياره لها ماله داعي بالنسبة لي

متحف الالعاب تجربة حلوه للاطفال ويستحق الزيارة سبق وزرته
لكن مرة واحدة تكفي لمن يأتي لماليزيا كثيرا
.
.

الهضبة زرتها وهي تجربة جميلة تستحق الزيارة خصوصا القطار
اللي يوصلك اعلى الهضبة الجو فوق حلو فيها معبد هندوسي
جيت بدخله عشان اصور فيه قالوا لي اخلع نعولك ولكم الكرامه
قلت بالطقاق والله لو اني داخلن مسجد وهونت مادخلت
رحتها بتكسي ورجعت بالباص ماخليت التكسي ينتظر حطيت في بالي ارجع بالباص
طبعا تركب أكثر من باص عشان توصل للشاطئ وماهو باص واحد
تمر على كذا محطة وتغير حسب خط السير اللي تبية
وتقدر تسأل سائق الباص وهو بيعلمك رقم الباص اللي بيوصلك لوجهتك
الجميل في الموضوع انك تتمشى في جورج تاون كلها وتمر
في شوارعها واسواقها الشعبية
احسن من جولة التكسي وبسعر رمزي (تجربة حلوه لاحد يتردد)

صور للهضبة من رحلتي 2010:

https://www.arabtrvl.com/up/uploads/...4975765818.jpg

https://www.arabtrvl.com/up/uploads/...7576580957.jpg

https://www.arabtrvl.com/up/uploads/...7576581079.jpg

https://www.arabtrvl.com/up/uploads/...5765811110.jpg

https://www.arabtrvl.com/up/uploads/...4975768032.jpg

https://www.arabtrvl.com/up/uploads/...7576803063.jpg

https://www.arabtrvl.com/up/uploads/...7576802921.jpg

https://www.arabtrvl.com/up/uploads/...7576803165.jpg

https://www.arabtrvl.com/up/uploads/...7576803236.jpg

https://www.arabtrvl.com/up/uploads/...7576803287.jpg

https://www.arabtrvl.com/up/uploads/...7576803348.jpg

https://www.arabtrvl.com/up/uploads/...7576803419.jpg

https://www.arabtrvl.com/up/uploads/...7576914631.jpg

https://www.arabtrvl.com/up/uploads/...7576914682.jpg

ركوب الباص من الهضبة للشاطئ

https://www.arabtrvl.com/up/uploads/...7576914794.jpg

https://www.arabtrvl.com/up/uploads/...7576914733.jpg
.
.

مصنع الشوكلاته والقهوة لم يسبق لي أن زرتها وليس في نيتي ذلك
لعلمي ان المسألة اتفاق بين سائق التكسي والمصنعين
لجلب الزبائن لكي يحصل على مقابل لذلك ..
يعني السالفة مافيها مشاهدة لكيفية صناعة القهوة أو الشوكلاته لا أبدا كأنك رايح متجر
بالنسبة لي زيارة مكان يعرض انواع شكولاته وانواع قهوة لا اجده جاذبا لي
(وجهة نظر شخصية ليست بالضرورة صحيحة)

بينانج جزيرة ساحرة تستحق الزيارة نشاطاتها كثيرة ومتعدده
صور ملونه تمر بك تعيشها بالوانها ومذاقها

https://www.arabtrvl.com/up/uploads/...7576580875.jpg

https://www.arabtrvl.com/up/uploads/...7576580753.jpg

https://www.arabtrvl.com/up/uploads/...7576580824.jpg

عرض للفواكة في مطعم الفندق صباحا

https://www.arabtrvl.com/up/uploads/...7576328927.jpg

https://www.arabtrvl.com/up/uploads/...7576328845.jpg

https://www.arabtrvl.com/up/uploads/...7576328744.jpg

الفجر وشروق الشمس من الشرفة.. الواقع أجمل بكثير من الصور

https://www.arabtrvl.com/up/uploads/...7576580916.jpg

الاستعداد لبداية النشاط من الصباح الباكر

https://www.arabtrvl.com/up/uploads/...7576009631.jpg

كشك المساج على الشاطئ جنب مدخل الفندق وللي يبي خصوصية لاهلة
ترى البنات اللي في الكشك ممكن تجي للغرفة

https://www.arabtrvl.com/up/uploads/...7576009764.jpg

https://www.arabtrvl.com/up/uploads/...6183709649.jpg

الأمن متوفر في مداخل ومخارج الفندق

https://www.arabtrvl.com/up/uploads/...7575779838.jpg

اماكن للترويش :7: بعد المسبح أو ازالة الاتربة بعد جلسة الشاطئ

https://www.arabtrvl.com/up/uploads/...7576009866.jpg

https://www.arabtrvl.com/up/uploads/...7576009917.jpg

https://www.arabtrvl.com/up/uploads/...7576009958.jpg

شاي وقهوة ومأكولات خفيفة على مدار اليوم في صالة الفندق

https://www.arabtrvl.com/up/uploads/...9757600985.jpg

مسرح تقام علية حفلات غنائية يوميا من المغرب لين الساعة 10 بالليل
وماهم سهلين يجيبون اغاني عربية وخليجية

https://www.arabtrvl.com/up/uploads/...7576009672.jpg

حبيب القهوة كتكات :18:

https://www.arabtrvl.com/up/uploads/...1837097210.jpg

عصيرات وايسكريم بجانب المسابح ومأكولات
اسعاره غالية ما انصح فيه
خلك ذهين وسوي تسذا :66:

https://www.arabtrvl.com/up/uploads/...6183482729.jpg

https://www.arabtrvl.com/up/uploads/...6183482547.jpg

خذ من البقالة في خارج الفندق ارخص

https://www.arabtrvl.com/up/uploads/...7576009713.jpg

ساعة اغلاق المسبح وانا وعيالي في مضاربة عشان يطلعون منها لكن هذا دواهم

https://www.arabtrvl.com/up/uploads/...7576328683.jpg

https://www.arabtrvl.com/up/uploads/...9757632861.jpg

https://www.arabtrvl.com/up/uploads/...7576328642.jpg

الليل يرخي سدوله على المكان

https://www.arabtrvl.com/up/uploads/...6189746743.jpg

https://www.arabtrvl.com/up/uploads/...6188845022.jpg

https://www.arabtrvl.com/up/uploads/...7575779573.jpg

الجلسة على الشاطئ حزة الغروب مع القهوة تسوى كثير بالنسبة لي
.
.
.

ملاحظة
( الاراء في هذا التقرير عن الاماكن في بينانج وماليزيا عموما هي وجهة نظر شخصية
فما أراه أنا جميلا ويستحق قد تراه انت غير ذلك .. لذا خذ مايناسبك )

https://www.arabtrvl.com/up/uploads/...6188844951.jpg

https://www.arabtrvl.com/up/uploads/...1876497210.jpg

المغادرة الى جوهور ...

.
.
.