شبكة و منتديات العرب المسافرون - هل أبدأ حجز الفنادق؟؟؟

- ماليزيا (https://www.arabtrvl.com/vb/f282.html)

- - هل أبدأ حجز الفنادق؟؟؟ (https://www.arabtrvl.com/vb/t22048.html)

اقتباس:

المشاركة الأصلية كتبت بواسطة himzmz (المشاركة 270296)

كل عام وانتم بخير
السعر مناسب ... بس تابعي مواقع الحجز .. انا كنت حاجز بسعر 2500 في ايبوه ونزل 1800 وقدرت اعدل لان الالغاء مجاني

حالات ضياع الشنط واردة وقليلة ودائما تصير في رحلات الترانزيت اللي لم اجربها طيلة حياتي .. (انصحك بحمل شنطة صغيرة في الطيارة فيها ملابس لاول يومين لكل افراد عائلتك وخاصة الاطفال في حال حصل شي وانشاء الله مايصير شي)

أنا حجوزاتي دايماً غير مستردة بسبب فرق السعر فأغامر وأحجز غير مسترد

وبالنسبة لموضوع ضياع الشنط والله صرت فعلاً أحاتي وأخاف أتعرض لهالموقف

معاي يهال صغار يعني مادري شباسوي إذا حطوني بهالموقف وأنا صبري قليل

ماعتقد باطلع من المطار قبل ماشرشحهم وأبرد قلبي بس إن شاء الله ماحتاج

اقتباس:

المشاركة الأصلية كتبت بواسطة سنغافورة (المشاركة 270356)

طيران الإتحاد أبوظبي من أجمل الخطوط حول العالم.. أنا طلعت معاهم في 2013 رحلة هونق كونق بصراحة ولا غلطة طيران فخم خدمة و تعامل شي راقي جدآ أفضل من الاماراتية بكثير.. حتا مطار أبوظبي فخم في كل شي.. بس العيب الوحيد في طيران الإتحاد هو الترانزايت من 4 ساعات وفوق .؟؟ أهنيك ع الأختيار ورحلة سعيدة

الله يطمنك ويفرح قلبك مثل مافرحتني

إن شاء الله تكون تجربتي معاهم سعيدة

فعلاً الترانزيت في الذهاب 3 ساعات والعودة 4 ساعات

يلا إن شاء الله تمر على خير ومايعذبوني اليهال الله يحفظهم

اقتباس:

المشاركة الأصلية كتبت بواسطة Sophos (المشاركة 270410)

طيران الاتحاد ممتاز جدا وموضوع الشناط لا تخاف ما فيه ضياع للشنط حالات نادرة الضياع وممكن تحط لك لاصق فيه اسمك ورقم جوالك والوجهه زيادة احتياط اذا تحب

الاسعار احجز من الان مسترد وقبلها بشهر ممكن تراجع الاسعار واذا لقيت شي ارخص ممكن تغير الحجز او ممكن تلقى عروض افضل غير مسترد

فكرت في هالشي إني أحط لاصق لكني أحتاج الشنط وقت السفر تحديداً معاي يهال ومابي أتغربل معاهم

وبالنسبة للحجز فأنا وحدة ما أحجز إلا غير مسترد بسبب فرق السعر وأخليها على الله

مشكووووور أخوي على الإفادة

اقتباس:

المشاركة الأصلية كتبت بواسطة Deena (المشاركة 270456)

بيبي فيس ماليزيا كمان مرة :) ؟ الله يتممها بخير وتستمتعوا أكتر من كل مرة يا رب

طيران الاتحاد ما جربته لكنه من أفضل خطوط الطيران في المنطقة - و توكلي على الله بخصوص الشنط بتكون صارت مع شخص وحب يهوّل الأمور .. يعني انا سافرت مع خطوط سيئة بمعنى الكلمة وما ضيعوا الشنط - طالما فترة الترانزيت معقولة فما تخافي..

حجز الفنادق طبعا احجزي free cancellation وتابعي الأسعار .. ولو انه متل ما قالوا لك شهر يناير صعب تنزل الأسعار عشان راس السنة الصينية (الله أعلم أي حيوان هالمرة هههههه )

حبيبتي يادينا نورتيني أختي وكالعادة سباقة

ماليزيا هالمرة بتكون السادسة بإذن الله :18:

عارفة إن الحجز المسترد أضمن بس ياختي أنا أغامر وأحجز دايماً غير مسترد

أقارن الأسعار وألاقي االفرق كبير ويستحق المغامرة

أنا أغلب سفراتي لماليزيا بنفس التوقيت راس السنة الصينية

الافضل الحجز من الأن مع خاصيه الالغاء المجاني

الله يوفقكم ويحفطكم

بس اهم شي بين فتره و فتره تشوفي الحجوزات يمكن فيها تعديل للسعار

:3:

هلا وغلا
انا جربت الاتحاد مرتين
مرة لتايلند 2009
ومرة لماليزيا 2013
الطيران حلو والطيارات حديثة والكراسي وسيعة اهم شي
والحمد لله شنطنا وصلت معانا
انا عادة لما نسلم الشنط اتأكد واشوف بعيني لما يحط كل الليبل على الشنط وتمشي على السير
يالله ارتاح وامشي

احجزي فنادق الحين وفيها الغاء مجاني
وان حصلتي ارخص احجزي الجديد والغي القديم
هذه لعبتي المفضلة كل سفرة
متابعة الأسعار

وصدقتي فيه فرق كبير بالحجوزات الغير مستردة
فيها توفير
والاسعار تكون حلوة وايد
بس ما عمري جازفت فيها مع ان كل سفراتي مؤكدة

توكلي على الله وان شاء الله سفرة سعيدة
اختك / قصة