|
اقتباس:
اهلًا وسهلا مدير السكن جميل والسيارة لابد منها أقلها اذا احتجنا اي مكان نبحث عنه في ( جي بي اس )ونوصل له بسهولة وإذا عجبنا مكان نقدر نوقف ونشوف براحتنا وأصلا مكان سكنا كل الأماكن السياحية قريبة مننا يعني العاصمة جيجو مو محتاجين لها الإ علشان المطعم الحلال وكنا قادرين نستغنى عنه ونكتفى بالمطاعم السريعة القريبة مننا لكن أشتهينا الرووووز ورحنا عشانه مسافة ساعة |
اقتباس:
اهلًا وسهلا ام حسين اي والله صادقة كان يبيله فطور سنع ومرأة سنعة هههههه أمزح أمزح والله أني سنعة لكن نحنا ماكنا عارفين كيف الوضع في الجزيرة السكن والأكل ومن وين نتقضى التموين لأن الأجبان والخبز ماتلاقيه في البقالات الصغيرة لازم سوبر ماركت كبير هذة الزيارة كانت دراسة لكوريا أنا واللي ناويين يزورونها نستفيد يصير ان شاء الله ان الله كتب الزيارة الثانية نصير خبيرين ونتجنب كل الأخطاء اللي وقعنا فيها بالنسبة لمتحف الشوكولاتة أنا كمان ماعجبني وذكرت انه مايستحق الزيارة وأستغربت من التقييم (ثاني أكبر متحف في العالم) مادري على اي أساس يقييمون وربي يعافيك ويهنيك وشكرا على كرم المتابعة💐 |
اقتباس:
اهلًا وسهلا ميلاني إسطنبولي اي كورياجميلة بس أنتم الله يهداكم ماتبون تعطونها فرصة😄 شوف بالنسبة لكوريا واليابان الغالبية اللي زارو البلدين رجحوا كفة اليابان أنا مازرت اليابان لكن النية بإذن الله يصير أروح وأجبلكم العلوم والخبر اليقين والله المسلسلات هبلت فينا لكن التهبيله الحلوة اللي خلتنا نتحمس ونزورهم😬 وشكرا على ذوقك ومرورك الجميل |
اقتباس:
اهلًا وسهلا ابو غسان نعم جزيرة جيجو حلوة وللأسف أيامنا كانت قليلة كل اللي شفناه شي بسيط السكن كمان حلو وكل الأماكن السياحية قريبة منه وان شاء الله راح أتكلم عن السكن والأنشطة في نهاية جزء جيجو علشان الكل يستفيد ok👍🏼 ومستمرين ☺ |
يا بوزويو .. كنت اشتغل مع كوري في الجبيل الصناعية قبل 4 سنوات اسمي عايض ويدعيني آيدووووه ههههههه منين جاب حرف الواو والهاء ههههههه كان لما يرد على جواله يقول ذا الكلمة ( يا بوزويو ) للحين ما اعرف وش معناها بس اتوقع انها مرحبا دامها اول كلمة يرد بها على الجوال ما شاء الله تقرير جميييل جدا عن الحب كوريا الجنوبية بصراحة انا من الاشخاص اللي احب التقنية والتكنولوجيا والتطور، وكنت احب كوريا بسبب سرعة النت ههههه لانها أول و اسرع نت في العالم لكن مو بس هالسبب انا من محبي الشركات الكورية خاصة سامسونق و هيونداي ما تابعت مسلسلات كثيرة كورية لكن فيه مسلسل جميل 사랑하는 은동아 وتصويرهم في المسلسلات فخخخم وحتى الاماكن رهيبة كوريا عشششق لكن المعيشة غالية فيها .. وتقريرك جاااء بوقته لان مثل ما تفضلتي المعلومات عن كوريا الجنوبية قليلة الى معدومة ونادرا ما تحصل شخصص ساافر لها حتى من الاقارب الخوف من الطيران ما له حل الا بيدك انتي مهما تكثر الاقتراحات والافكار ههههههه بصراحة اني متشوق كثير لجزيرة جيجو .. لاني شفت بعض المقاطع عنها لكن كلها اجنبية متابع هالتقرير الجمييييل الله يعطيك العافية |
يعطيج العافيه ان شاءالله مره ثانيه تزورين اليابان وكوريا وتبدعين بالسنع والطبخ خاصه كوريا دام انج حفظتيها مفروض حافظتها من المسلسلات :25: والا عيونج نفس عيوني ما تشوف الا المناظر الجميله والطبيعه يلا نبي جزء جديد |
اقتباس:
اهلًا وسهلا آيدووووه 😂 جبلك اسم حلو عاد انت اسمك اجتمع فيه حرفين صعب عالأجانب ينطقوه في اللغة الكورية في كلمة (آيقووو) يستخدمونها للتعجب (ياإلهي)قريبة من ألأسم اللي جابه لك الكوري مادري إِيش الصِّلة لكن لمن شفت الإسم افتكرت الكلمة 😬 ترى يابوزيو-او يابوسيو معناها(آلو )اي نعم كل هذا يعني الو ياخي الكوريين عليهم حركات بما انك اشتغلت مع كوريين أعطينا إنطباعك عنهم أوه ه ه ه تشوف مسلسلات كورية (مانت بسهل آيدوووه)😀👍🏼 عاد أنا هذا المسلسل ما شفته يبغاله اشوفه بما انه عجبك مافي شي حببني في كوريا غير مسلسلاتهم وتصويرهم للأماكن والشوارع والمقاهي كل شي بالنسبة للطيران والله أني عارفة مافي شي بيفيدني الخوف كله موجود في عقلي أنا بس الله المستعان الصراحة جيجو ماعطيناها حقها الأيام كانت قليلة لكن أتمنى الباقي من التقرير يعجبكم أنا اللي أشكرك على حضورك الجمييييل واللي كثير أسعدني وربي يسعدك وتلف العالم وترجع بأحلى التقارير لأن متأكدة ان التقرير من القحطاني بيكون غييير |
اقتباس:
والله اخلاقهم طيبة ما لاحظت شيء عليهم لكن عليهم اكل ريحته تطق الرأس مو ريحتهم ( ما لقصد النظافة الشخصية ) .. ريحة الاشياء اللي يأكلون .. قد غصبوني مرة اكل معهم طلع طعمه زين بس ريحته تطق الرأس .. والله انفي بغت تروح حاسة الشم فيه والله ما شفت لهم مسلسلات كثيرة كلها مسلسلين.. و جديدة من 2014 و 2015 [emoji4]. أرسلت من SM-T705 بإستخدام تاباتلك |
اقتباس:
لا لا لا ام حسين نحنا قلنا فطور بس أحط جبنة في صحن زيتون مربى وان طبخت بطبخ بيض ماشي طباخ ونفاخ😬 أكيد كل جميل مايشوف إلا الشي الجميل الله يجملنا بأجمل وأحسن الأخلاق ان شاء الله بنزل جزء جديد بس أصبروا علي💐💐 |
اقتباس:
إنطباعك حلو عنهم لأن للأسف كثير ناس تذم فيها مادري إِيش السبب اما الأكل بلاك ماشميت الأكل في الصين 😷 لكن غريبة نحنا ماشمينا شي مزعج بس لاحظت انهم يحبون يكثرون الثوم يمكن هو جاب نتيجة عكسية وزين ان عجبك وقدرت تاكله |
| الساعة الآن 06:46 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO