|
كمساميدا..كوريا(رحلة2016) [ |
اقتباس:
سعر شراء الهانبوك تقريبا 350 ريال والسعر يختلف من محل للثاني انت وشطارتك 😬 بالنسبة للشاي أكيد السعر بيختلف على حسب المكان ونوع الشاي عندهم انواع كثيرة للشاي وهذا المكان ممكن يفيدك تقدر تشرب فيه الشاي بالطريقة التقليدية فيه جلسات أرضية وفيه طاولة وكراسي وانت تختار هذا اسمه👇🏼 (Dawon(Traditional Tea Garden |
اقتباس:
اهلًا مميزنا حاولت دراسة كوريا والشعب الكوري لكن مع ذلك هناك الكثير والكثير اللي ماشفناه ماشاء الله عليك واضح من كتاباتك انك قارئ من الدرجة الأولى اما البنت الكورية هههههههههه ترى عندهم إهتمام شديد بموضوع التعليم وقرأت ان في طلاب ممكن ينتحروا اذا لم يحصلوا على درجات عالية بالنسبة للمول أتوقع ان الغلط من الخريطة اللي كنّا ماشين عليها كل الشكر على ذوقك ومتابعتك الدائمة واللي كثييييرتسعدني |
اقتباس:
اهلًا وسهلا فارس بالنسبة لتصويري الجميل 😌(انت معلم ونحنا منك نتعلم ) منطقة ميونق دونق في الجزء القادم راح تشوفونها بتفصيل أكثر المترو خيار إقتصادي وكان تجربة حلوة نحنا كسياح راح نشوفه صعب لأن ماعندنا وقت نفهمه ونتعود عليه التاكسي لابد منه لأن المترو له وقت يقفل ياالنفسية هههه ليه تشيل أكل كل شي متوفر عندهم وفي شارع اسمه إيتاوان فيه الكثير من المطاعم والمخابز العربية انت بس ضبط نفسك من ناحية السكن وأول ماتوصل روح سوبر ماركت كبير وتقضى منه وبعدين السفر تجارب ماراح يضرك لو تفطر مرقة لحم على شوية رز وعليه كيمتشي ميه ميه😝 كمساميدا لك كمان الله يسعدك هذا من ذوقك بس |
اجزاء رائعه يا ملاك حسيت ان الاكل في كوريا مايشجع انا وحدة من الناس ما اكل الاندومي لو اموت من الجوع اتوقع بعد فترة راح تفتح محلات عربية وتركية كوريا شكلها وايد نظيف ومرتب واهلها رائعين |
اماكن جميله والأحلى لبستي الصغار وصورتيهم عليكم بالعافيه انا مع بوخالد شكل اسلاك الكهربا تخوف وخاصه لما الواحد يمشي تحتهم البرج حلو وحلاته رايحه العصر قريب المغرب علشان تشوفين الاطلاله بالنهار وبالليل الاكواريم طريقة العرض حلوه كأنك تتجولين في بيت وادواته كلها احواض سمك المخبز فرنسي حلوو القراءة .... محنا قاعدين نقرأ القرآن ونقرآ تقارير اخوانا الاعضاء يعني هذه قراءة والا مش قراءة يا حلوين :34: والله مدامنا نستفيد هي قراءة مفيده :e306: متابعين معاج للآخر كملي يا ملاك الكورية |
مشاء الله تقرير رائع والله يعطيك العافيه |
جدا حبيت كل التفاصيل الي كتبتيها :18::18:: عندي استفسار عن بعض الاشياء ، اتذكر اني قرات عن حديقه الحيوانات جراند سيول بارك انها بفصول معينه يعني بالصيف مو مفتوحة ، هل هذا الكلام الصحيح ، و اللوتي ورلد هل بطائق الصبح تكون من 9 و نص الى الساعة 4 ؟ طيب البطاقة اقدر فيها العب كل الالعاب ؟ .. بالمناسبة حبيت تقريرك انك رحتي لاماكن م راحوا لها لعرب الي قبلك ، كل تقرير عربي اشوفه لكوريا .. يروحون نفس الاماكن بدون تغير . |
اقتباس:
اهلًا وسهلا آمون حتى أنا مو من محبين الأندومي و مافضل أكله بكثرة وساعات أجيب الكيسة ابو خمس حبات وتجلس عندي شهور لكن في الأيام الأولى لِسَّه ماترتبنا وكنّا مجبورين عليه والصراحة كان عندهم نوع حاااااار لذيذ كوريا جدا نظيفة وشعبها من أروع مايكون آمون ماراح ارتاح إلا لمن إنتي وأم حسين تزورون دول اسيا:24: |
اقتباس:
الله يعافيك ويهنيك ام حسين والله البرج كان ودنا نزوره قبل كمان لكن موضوع تأجير الملابس هو اللي أخرناوألا الأحلى كان قبل فعلا الأكواريوم طريقة العرض كانت مميزة كنّا نمشي ونضحك قراءة يا أم حسين قراءة ماعليك منهم الكفار 😂 ام حسون ماراح نشوف لك تقرير في دول اسيا😊 |
| الساعة الآن 11:42 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO