|
رد: الديوانيه http://www.networkoverseas.cc/images/kuwait.jpg شفتلي عروس لابسه ثوب الزفاف اغليتها وقلبي فتح لها باب سالت عنها منهي بنت العفاف قالو الكويت من شافها طاب قالو عنها ديره حر وجفاف قلت بعيني اشوفها برد وسحاب قالو بس انها عجها ينعاف قلت العجاج يناس بعيني ضباب حبيت الكويت واحب شعبها المضياف واشهد ان الحب له اسباب وصلو على النبي كثر ماطاف عدد خلق الله لبيت الوهاب |
رد: الديوانيه ليل الكويت غدا يضيء فؤادي فأمرت نفسي ان تعاف رقادي ودعى الرؤى ولتتركيها ليلة ما أجمل الرؤية لدى الاعياد بلد توشح بالضياء كقبلة فكأنه البدر الجميل الشادي حل المساء على البلاد جميعها إلا الكويت الصبح فيها غاد أرأيت دارا في البسيطة صبحها متواصل متجدد متماد دار من الكرم الذي قد قدمت بقيت وأمست قبله القصاد فصنائع المعروف فرض نسيجها من حاصل السقيا الى المقداد لو كان حيا حاتم لرأيته متفاخرا بصنائع الاحفاد أرض عروس مثلما قالوا لها صدق المقال بمقول النقاد الشاعر / محمود عثمان |
رد: الديوانيه يمعة خير دايمه ان شاء الله |
رد: الديوانيه جزاكم الله خير شكراا بوبدر على الكلمات وابيات الشعر عن حبيبتنا الكويت حياك الله |
رد: الديوانيه مساكم فل يا احلى ناس ونااااااااااااااااااااااااااااااسه والله ودي اسوي ليوه ورقصه بالساحة بهالمناسبة الله يتمم علينا هاللمه الحلوة فديتكم اختكم - ام عبدالله |
رد: الديوانيه هلا والله ومليون غلا تو مانور المنتدى |
رد: الديوانيه يا حلو الكويت وياحلووو اهلها الويكند اللي طاف كنا عندكم وايد استانسنا طبعا من اول ما وصلنا الكويت ولين ما طرنا واحنا ناكل وناكل ما اعرف كم كيلو زدنا خخخخخ تولهنا على يلسات حليب وهيل وخصوصا حليب زعفران والعصيده :( وبردكم خصوصا بالليل ما يلاعب ،، يلشط يازعم يايبن شتوي معانا بس اكتشفت اللي لابسته هو صيفي عندكم ههههه سكنا في سيمفوني ساتيل هوتيل ما اعرف ديزاينه غريب الوان وحركات واخر يوم كان في بازار في مصافت الفندق وهو عباره عن اكل اقولكم كله نزط خخخخ ما نستغنى عن الكويت ولنا زياره قريبه |
رد: الديوانيه اهلا بحرينية انا اقوول اشفي الدنيا منورة عندنا بالكويت بس عاد توه البرد ما يالنا الا اليومين هذيل عليكم بالعافية كل اللي اكلتوه وشربتوه وشريتوووه والزيارة القادمة خل تكون بعز الشتا واييبي معاج ملابس شتوية عدل مدل ياحلوووكم انتو اهل البحرين والخليج كله |
رد: الديوانيه مساء الخير مبروك عليكم عودة المنتدى و منزل مبارك هالديوانية نبي ضيافة قرص عقيلي والبه ما ادري بر الوالدين (: ليكون دخلت البحرين مع الكويت هههههه |
رد: الديوانيه ديوانية مباركة مبروك لنا كلنا اختي كويتيه وانا اقول وين الناس كلكم هنيه واانا اودور عليكم |
| الساعة الآن 11:31 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO