شبكة و منتديات العرب المسافرون - مطار صبيحة و طيران بيجاسس و شوية اسئلة اخرى

- تركيا (https://www.arabtrvl.com/vb/f314.html)

شكرا لك اخي الكريم

اقتباس:

المشاركة الأصلية كتبت بواسطة منيرة (المشاركة 274915)

السلام عليكم و رحمة الله وبركاته

ندخل في الموضوع على طول
سبق و ان زرت اسطنبول عبر مطار اتاتورك
لكن هذه المرة الاولى اللي استخدم فيها مطار صبيحة

المسافة من صبيحة الى السلطان احمد و كم تستغرق
و سعر التاكسي او اخذ اوبر ؟ ما رأيكم في اوبر في اسطنبول ؟ علما انا 5 اشخاص (4 بالغين و طفل 7 سنوات) ماراح تسعنا سيارة صالون.

رأيكم بطيران بيجاسس هذي اول تجربة لي معاهم

اذا حبيت ازور سابنجا و معشوقية و جبل كارتيبه
يمدي يوم واحد
ماهي الفعاليات
كم سعر الرحلة التقريبي
وين اتغدى في معشوقية ام جبل كارتيبه

في طريقي للعودة الى المطار راح تكون طيارتي بالليل
فكرت اعمل جك اوت الصبح و اروح فيابورت مول اقضي اليوم الى موعد الطيران

كأن في اثنين بنفس الاسم تقريبا
فيابورت قريب صبيحة
فيابورت فينسيا قريب ايوب

هل تنصحون باللي قرب صبيحة يسوى اقضي يومي فيه
او في مولات قريبة من صبيحة احلى

ووين اخلي الشنط في هذه الحالة؟

شاكرة لكم مقدما :63:

وعليكم السلام حي الله مشرفتنا

ماقلتي لنا وقت السفر هل حالياً او في الشتاء

بالنسبة لزيارة سبانجا ومعشوقية وكارتبه
احس صعب كلها بيوم واحد

المشوار ياخذ وقت و بعد البحث من الاماكن ياخذ وقت
وبكذا ماراح تعطين كل مكان حقه

وهذي خريطة تبين المنطقة والاماكن عشان تاخذين تصور

http://www.arabtrvl.com/up/uploads/a...5761048381.jpg

معشوقية عبارة عن منطقة كلها اشجار وانهار وحولينها عدة مطاعم
وفيها فعاليات مثل ركوب الخيل والدبابات و لعبة انزلاق بالحبل

وكارتبه منطقة مرتفعه وفيها اشجار ومطاعم
وفيها منتجع ذا غرين بارك كل فعاليات كارتبه موجودة فيه
ركوب خيل ودبابات وتلفريك وتزلج على الثلج
و بعد ماتركبين التلفريك فيه فوق مقهى متواضع
المنتجع الدخول له برسوم اعتقد 20 ليرة للسيارة اذا ماخانتني الذاكرة
والتلفريك ب 25 ليرة للشخص

وبحيرة سبانجا فيها مجموعة كافيهات ومطاعم مطلة عليها وبعض المحلات
وتأجير قوارب
الافضل زيارتها في النهار
لان في الليل ماراح تشوفين المنظر

اما من ناحية مكان الغداء
في معشوقية او محموديةافضل
لكن ما ادري عن الوضع في الشتاء

افضل المطاعم
في معشوقية
Vadi Restaurant

في كارتبه
مطعم Manzra

في محمودية
مطعم Natürkِy
وفيه اكواخ للسكن

مطعم Sopeli restaurant

اقتباس:

المشاركة الأصلية كتبت بواسطة زهرة نيسان (المشاركة 275265)

ان شاءالله بكرة بالليل مسافرين
شكرا لذكر المطاعم راح اسجلهم عندي

ترحون وترجعون بالسلامة
لاتنسينا من التقرير

الله يسلمك
اكيد ابشري

رحله موفقه بأذن الله

منتظرين تقرير

لا يطوفك فرع حافظ مصطفى في سيركجي

او تقسيم

.
.
.

اقتباس:

المشاركة الأصلية كتبت بواسطة منيرة (المشاركة 274915)

السلام عليكم و رحمة الله وبركاته

ندخل في الموضوع على طول
سبق و ان زرت اسطنبول عبر مطار اتاتورك
لكن هذه المرة الاولى اللي استخدم فيها مطار صبيحة

حياك ربي مشرفتنا

وعساك على القهوة

المسافة من صبيحة الى السلطان احمد و كم تستغرق
و سعر التاكسي او اخذ اوبر ؟ ما رأيكم في اوبر في اسطنبول ؟ علما انا 5 اشخاص (4 بالغين و طفل 7 سنوات) ماراح تسعنا سيارة صالون.

أوبر وإنتي مغمضة سيدتي

إفتحي النت اول ما تاخذي الشنط

وإطلبي أوبر XL وإستمتعي

وهذا الطريقة بارك الله فيك

https://youtu.be/VJfGzTVo0-E

رأيكم بطيران بيجاسس هذي اول تجربة لي معاهم

طيران إقتصادي وطيب والأهم أسعاره لامست قلب ميزانيتكم ):

فيها توفير كبير

في أحد المواسم أستخدمته للعائلة

وفرت بدون مبالغة اكثر من 15 ألف ريال

أقل سعر كان على فلاي دبي ب 21-23 ألف ريال ل 5 أشخاص

وعليها فقط ب 5500 يالله لك الحمد

اذا حبيت ازور سابنجا و معشوقية و جبل كارتيبه
يمدي يوم واحد
ماهي الفعاليات
كم سعر الرحلة التقريبي
وين اتغدى في معشوقية ام جبل كارتيبه

يمديك طبعا لكن لازم تطلعون بدري من إسطنبول

والغداء في كل مكان

لا تروحون مطعم معين

شوفي تقريري في تويتر عن SOPLI سوبيلي في محمودية

https://twitter.com/MajedAlFahad/sta...12102161477632

وشوفي عن MAJA

https://twitter.com/MajedAlFahad/sta...44551130963968

في طريقي للعودة الى المطار راح تكون طيارتي بالليل
فكرت اعمل جك اوت الصبح و اروح فيابورت مول اقضي اليوم الى موعد الطيران

كأن في اثنين بنفس الاسم تقريبا
فيابورت قريب صبيحة
فيابورت فينسيا قريب ايوب

هل تنصحون باللي قرب صبيحة يسوى اقضي يومي فيه
او في مولات قريبة من صبيحة احلى

ووين اخلي الشنط في هذه الحالة؟

رأيي

خليها في الفندق

وروحوا حق فيا بورت فينيسيا أجمل وأرقى

وإذا خلصتوا روحوا حق الفندق ومن بعدها المطار

شاكرة لكم مقدما :63:

بالتوفيق ورحلة ماتعة ربي يطول عمرك

اقتباس:

المشاركة الأصلية كتبت بواسطة الفراهيدي (المشاركة 276031)

رحله موفقه بأذن الله

منتظرين تقرير

لا يطوفك فرع حافظ مصطفى في سيركجي

او تقسيم

ان شاءالله
طبعا هذا الحب الكبير

اقتباس:

المشاركة الأصلية كتبت بواسطة ماجد الفهد (المشاركة 276034)

.
.
.

بالتوفيق ورحلة ماتعة ربي يطول عمرك

جزاك الله خير
راح القي نظرة على التقارير اللي حطيتها شاكرة لك اخ ماجد

انه جربت طيران بيجاسوس من البحرين
بصراحه صدمه :24: بس ايجابيه جدا
اهم شي الطيران عالوقت ما صادفنا اي تاخير في ٤ رحلات
من البحرين لإسطنبول ومن اسطنبول للبوسنه ونفس الشي الرده
المسافه للكراسي كانت جيده
الخدمات الترفيهية معدومه طبعا والأفضل أنكم تاخذون ايباد او شغله للتسليه للطفل
الكل حذرني من ضياع الشنط بس الحمد لله رحنا ورجعنا وأغراضنا معانه

نقطه مهمه حطيها في بالك انه اسطنبول زحمه جدا و الانتقال من السلطان احمد الى المطار خذا منا حوالي الساعه والنص شوي وتطير عنا الطياره
بالسلامة