|
اقتباس:
الجميل مرورك وتعليقك :e032: |
الاحد 14 / 8 يوم العوده للوطن طريق العوده // من محطة بيكاديلي مانشستر إلى محطة قطار ومترو ( ايستون ) لندن ( 2 ) ساعه تقريباً ومنها بالمترو إلى محطة قطار ومترو ( بادنجتون ) ربع ساعه تقريباً ثم نستقل قطار ( هيثرو اكسبريس السريع ) إلى مطار هيثرو ( 20 ) دقيقه تقريباً المطار به سوق حره جميله ومتنوعه , من أهم المحلات به فرع لمتجر ( هارودز ) المعروف والعديد من المطاعم والكافيهات في الطائره .. قال الاب لزوجته / الطائره تأخرت !! لنا ساعه جالسين في الطياره وما اقلعنا !! المدام / اي والله !! أنا شغلت فلم باتفرج عليه ( الطائره مليانه أفلام مرررره كثير , حديثه وقديمه , ومترجمه وعالميه ) الاب / المشكله احنا رايحين الدوحه ومنها إلى جده .. طيارة جده تقلع بعد ساعه من وصولنا !! :20: الام / افااااا !! عسى الرحله ما تروح علينا :19: الاب / الله يستر وصلنا الدوحه الساعه ( 1.30 ) صباحاً تقريباً .. وعند الخروج من باب الطائره كان باستقبال العائله موظف من الخطوط القطريه يحمل لوحه مكتوب عليها ( جده ) فرحت العائله به وقال الاب / هيا سريع خلينا نلحق طيارة جده قال الموظف / للأسف الطائره باقي عليها ( 20 ) دقيقه ولن نلحقها الاب / افاااا !! وما العمل الان !! عندي دوام بعد بكره !! الموظف / توجد رحله لجده .. ولكن بعد سبع ساعات !! تقلع الساعه التاسعه صباحاً المدام / ( 7 ) ساعات نجلس في المطار !! واحنا تعبانين ومرهقين !! :59: الموظف / حنعطيكم فندق خارج المطار يبعد ربع ساعه من هنا .. فندق ( روتانا ) خمس نجوم , فندق المطار لا يوجد به غرف شاغره وكمان نعطيكم كوبون لكل واحد بقيمة ( 100 ) ريال للوجبات وكمان قصينا لكم البوردنق حق الرحله القادمه كان معنا عائله سعوديه ثانيه فقط .. وخرجنا من المطار واستغفر الله العظيم .. كنا فين وصرنا فين ايش رطوبه !! وايش كتمه !! وايش حر !! :9: واه اه اه يا لندن الفندق جميل وفخم والغرف رائعه وكبيره .. بعكس غرف لندن المحشوره !! يا دوب نامت العائله ساعتين .. واتصل الفندق يصحينا الساعه السادسه صباحاً للفطور .. ويخبرنا بأن الباص سيحضر بعد ساعه قدم الاب الكوبونات التي معه لموظفة الكاشير في المطعم الموظفه / الشخص ( 150 ) ريال للفطور !! الاب / 150 ريال !! احنا كوبوناتنا 100 ريال !! :16: طيب هذى الولد صغير ممكن ( فري .. فري ) :3: الموظفه / اوكي الاب / وهذي البنت الصغيره ممكن ( دسكاونت فيفتي ) :3: الموظفه / اوكي .. تفضلوا الفطور :14: كان أفضل وأكبر فطور شفته قي حياتي .. أصناف وتنوع رهيب :58: الفنادق في الخليج فقط .. ميه ميه وصلنا المطار .. توجد سوق حره كبيره وماركات معروفه ومشهوره ومن الدوحه إلى جده في الطائره قالت المدام / متى نرجع لندن ؟ الاب / اف بالسرعه ذي !! ما تبغي تروحي دوله أو مدينه ثانيه ؟ المدام / ما ظنيت بتكون أحلى من لندن الاب / اي والله .. فين نلاقي الان حديقه زي الهايد بارك !! :15: البنات / ولا حديقة ريجنت .. ولا سينما !! :2: المدام / كله كوم والجلسه أمام ( لندن آي ) كوم .. والمراكب والسفن تبحر قدامك في نهر السين الاب / لندن تشبع رغبات السائح أياً كانت اسبوع يا جماعه ما طلعنا من البيت !! حاله من الاكتئاب !! الين تعودنا ورجعنا للروتين اليومي :32::32::32: والحمدلله .. رحله موفقه .. والله يكتب لنا ولكم زيارتها واه اه يا لندن |
تنويه مهم // بالنسبة لمن يريدون (التاكس ) خصم الضرائب , فأنا احب أن انوه لنقطه مهمه جداً في المطار يوجد مكتب لتحصيل التاكس , ولكن انتبه !! لاحظت مسافر ( هندي الجنسية ) واقف وطلبوا منه رؤية الأشياء التي اشتراها .. وكان نبيه فأخرجها لهم ( ساعات وجزم ) لازم يشوفها الموظف .. يعني ما يكفي الفواتير .. فانتبه لا تحط هداياك وأغراضك الي اشتريتها في الشنط وتشحنها .. لازم تخليها معاك .. لازم يشوفونها ويتأكدوا منها وبالنسبة للفواتير .. أيضاً انتبه !! أنا قدمت فواتيري .. فقال لي هذي الفواتير ما تمشي وغير مقبوله لديهم لما تشتري بضاعه أخبر الموظف أنك تريد الفاتوره التي تقدمها لمكتب الخصم ( التاكس فري ) في المطار سيقدم البائع لك فاتوره أخرى ببيانات مختلفه وعليها ختم وتوقيع طبعاً أنا لا جبت البضاعه معايا !! ولا دريت عن الفاتوره !! الله يعوض علينا حبيت اخبركم .. وسلامتكم |
يا سلام على لندن وجو لندن وجو مانشستر وليفربول يا سلااااااام سلم على بريطانيا كلها خلاص بحن على بوحسين يودينا بالشتاء :2::2: :2: يعطيك العافيه وتستاهل ام العيال على الهدية من سيلفردجز ياحلوها والله حبيتها انا هي والبنات ربي يسعدك لانك اسعدتهم بهذه الرحله معوضين لتاكس فري وان شاءالله بالرحلات اليايه تسويها احنا اول شي نروح مع جنطنا للتاكس فري ولما يشوفون شنطنا يهونون على الفتح خخخخ بس الاكسسوارات والساعات لازم تحطه بشنطة ثانيه لأن التاكس فري لهم بيكون داخل بعد التشيك ان وااووو معوضين اهم شي الوناسه والاكتئاب يروح بعد ما توعدهم بسفره ثانيه للندن |
الله الله يانجم متعتنا في تقريرك الخفيف والسلس في الاسلوب ماشاءالله وعن ديره متربعه في القلب ما الومكم في حبها واللي حاشكم عقب ما رديتوا بس اللي نقوله لنا لقاء قريب يالندن ماشاءالله اجزاء حلوه اشوه انك كملت التمشي في ليفربول قلت لا عسى مايرجع حسافه عن الحلال والحرام دامه واصل يشوفها والحدلله انك لفيتها وخوش ما سويت .. اما سالفه هههههههه ابييه بالكويتي ضحكتني ترا الصح نقولها ابيه مانقولها امبية في الجيل الحالي الصغير خربها واحنا نصلح وراهم ههههه :) ماشاءالله حلوه لفتكم في نادي مانشستر واشوه هالمره راحوا معاك البنات شي حلوو وتستاهل المدام الهديه عليها بالعافيه والله يحفظكم اه اه يالندن كلي شوق وحنين اخ شلون راحت عليكم سالفة التاكس فري يالله المره اليايه ان شاءالله اتعوضونها تستاهل الخمس نجوم يا نجمنا البريطاني وقواك الله على التقرير الحلووووووووو |
محد يلومك بحب لندن وبريطانيا عموما الكاتب البريطاني المشهور صامويل جونسون قال : عندما يمل الرجل من لندن , في الحقيقة هو يمل من الحياة when a man is tired of london, he is tired of life |
الاشياء الحلوة تخلص سريع سريع ... تقريرك لذيذ جدا وتنقل الواحد للحدث معك .. كأني قدام شاشه واشوف مسلسل حلو قدامي ... بس الحين الموضة اخر حلقة تكون شي ماشفتوه .. فهيا هات الهرجه وادينا الحلقة :24: الله يعطيك الصحة والعافيه وتوديهم مرات ومرات وتيجي تقول لنا .. من امتع التقارير واجملها ... سلمت لمحبيك |
صباح الخير يا زين الرصيف البحري جوله جميله بباوند ثم بالباص السياحي أجمل الحريم يحبون التسوق ما شاء الله عليهن ما يتعبن تقدير النادي يدرس حقيقه لبعض الأنديه :3: يفضل حقيقه أنه بين أي رحله ترانزيت والأخري وقت أربع ساعات تحسبا لأي طاري لكن خيره وتعويضهم طيب إن شاء الله تزورها وتحضر فيها السوبر للملكي:e32b: |
يستاهل النجوم والتثبيت 👍🏻👍🏻👍🏻 ابرار صح كلامج على امبيه والصح اهي آبييه يعني مسوي شي كبير او سالفه چايده خخخ |
اقتباس:
والمدام والبنات يهدونك التحيه والسلام ومتابعين موضوعك ( للعشق بقيه ) وكل ما شافوا حاجه في موضوعك ما راحوها .. ليه يا بابا ما وديتنا !! :20: لندن على البال .. كل ما زان الجو عندنا في جده .. قلنا الجو اليوم لندني |
| الساعة الآن 04:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO