![]() |
|
كانت رحلة مرهقة اقلاع وهبوط .. ثم اقلاع وهبوط عدم النوم بشكل كافي انتظار طووووويل في المطار لكن الشوق واللهفة لمشاهدة لندن .. والتمتع بالاجواء الخيالية كان أكبر من التعب والارهاق .. أخرج الأب من جيبه جدول الرحلة وقال / البداية من شارع قريب من هنا اسمه ( كوينز واي ) كان شارع مشهور من السابق .. بسم الله .. تبدأ الانطلاقة .. آجواء بارده .. غيوم .. وجوه جديده .. باص لندن المشهور أمامنا يقطع الشوارع الشارع متوسط الطول .. كافيهات ومطاعم ومقاهي .. عربيه وغربيه وهنديه بنهاية الشارع كانت الحديقة المشهوره .. أبرز معالم لندن السياحية .. حديقة ( الهايد بارك ) وأخيراً .. بصوت واحد يقول الجميع .. وصلنا حديقة الهايد بارك جزئين .. الأول الهايد بارك .. والثاني حديقة كنسينغتون .. وتفصل بينهم بحيره كبيره لكن كل الحديقتين في حوش واحد :1: احنا الان أمام حدائق كنسينغتون .. دخلنا وكانت الساعه تشير إلى السابعة مساء وكانت الحديقة وكأنها الساعه 4 عصراً !!! أشخاص بكل مكان .. هذا يلعب وهذا يقود دراجه وهذا يمارس الرياضه .. وربعنا زي ما قالوا .. مربعين ورشف بالشاي والقهوه :1: أشجار كبيره .. ورود .. بساط أخضر رمينا أنفسنا على الزرع الأخضر الجميل .. ونظرنا للغيوم التي فوقنا .. سبحان الله كنا فين وبقينا فين !! تذكرنا الشمس اللاهبه .. والرطوبة الخانقه في ديرتنا حمدنا الله على كل حال .. وحمدنا الله أن يسر لنا المال لنصرفه على متعتنا الحلال .. وها نحن يضع الأب يديه خلف رأسه ويمدد رجليه بعد ارهاق يوم طويل .. ويقول يا سلااااام , الحمدلله . كنا صرعى ومرميين على الأرض .. ولكن سعداء . لفه صغيره بالحديقه مع الايس كريم ثم خرجنا حوالي الساعه الثامنه محاذين للحدبقة باتجاه شارع العرب للعشاء نصف ساعه أخرى سيراً على الأقدام .. تخللها العديد من التوقف ما احنا متعودين هههه .. تونا أول يوم !! ( أحب انوه هنا لأهمية عربية الطفل , فقد افادتنا كثيراً في السفره , على الرغم من ابني كان عمره ست سنوات ويستطيع المشي ., لكن في لندن المعالم السياحيه قريبه من بعض وتقدر تغطيها سيراً على الأقدام , يعني جزمة رياضه والهمه الهمه يا بطل ) . نهاية الحديقه طريقين .. واحد يودي شارع العرب , والثاني يودي شارع اكسفورد المشهور حق التسوق اللي درعمنا معاه !!! ونمشي ونمشي .. وين المطاعم ؟؟ ون المحلات العربيه ؟؟ ونسأل / قالوا يا الحبيب انت في شارع اكسفورد !! هو احنا ناقصنا تعب :27: المدام / هذا مكاني لن أتحرك , مره تعبت .. اخر قطره في البنزين خلصت .. باروح الشقه با نام ويرزقنا الله بالتوك توك .. http://www.arabtrvl.com/vb/picture.p...ictureid=56454 على شارع العرب ؟ اوكي ؟ اخذنا اثنين توك توك ينطلق بين السيارات , وعلى أعلى صوت أغاني عربيه , وشيلات بدويه :10: لم يكلمنا أحد !! لم يوقفنا أحد !! ايش الفله هذي :e310::e312: نزلنا في شارع العرب هل نحن في القاهرة ؟ دبي ؟ عمّان ؟ بغداد ؟ اسم على مسمى كله عربي .. حتى لوحات المحلات بالعربي مطاعم ومقاهي وبقالات جلسنا في مطعم ( الأرز ) .. مشويات كالعاده .. 6 أشخاص وكانت الفاتوره ( 70 ) باوند والأكل كان عادي وبعدها كملنا مشي للشقه اللي كانت تبعد عشر دقائق عن شارع العرب .. هل نمنا على طوووول ؟ لا !!!! لماذا ؟؟؟ انه السناب شات يا ساده :4: حمل , ارسل , حمل , ارسل يا بنات ناموا .. بابا انتظر يا بنات ناموا .. بابا انتظر ورانا يوم طويل غدا ً .. يتبع .. |
السفر محتاج لياقة ولا بتكثر الوقفات عشان كذا اشبهه بالمباراة لازم الواحد يستعد قبلها الهايد بارك متعة والجميل أنها في وسط المدينة وهذي وحده من عشرات الحدائق المتناثرة في المدينة مدننا بحاجة لمتنفس مثل هذي الحدايق بدلاً عن المولات التوك توك حلو و سريع بس ترى عيبه أنهم استغلاليين فلازم الواحد يحذر منهم واشوف الباص بديل مناسب لهم السناب شات حكاية خخخخخخ اسلوب رائع في عرض تفاصيل الرحلة أهنيك يا غالي |
كله عربي في عربي يمكن أول يوم بس حسيتو بالتعب لكن أتصور أن لندن متعه في شوارعها يا زين القهوه في الهايد بارك |
ماشاءالله بوابة العشق مزدهره بالتقارير اللهم لك الحمد الله الله عضو يديد في نادي العشاق يا هلا ومرحبا وعودا حميدا الى المنتدى ماشاء الله الاسلوووب يشد الواحد بصرااحه وايد حلوو بس ترا احنا طماعين ونبي صور وخصوووصا الهارودز الله يعطيك العافيه نجمنا ونورتنا |
ونااااسه ربي يتممم عليكم الكوينز واي حلووو اهدى من الاجور رود بس الاكسفورد متعه بس تعبت ام العيال من جذيه ما تشرت من الاكسفورد عليكم بالعافيه والعشا والله الحدايق لها جوها هناك لو عندنا بتقلب يابسه من الشموس يعطيك العافيه ومتابعين |
ترا اللي حاطين لك لايكات على الصور هوامير المنتدى :24: انا ابو نعال زنوبه ماطلعت لي :(57): عدل صلاحيات ملف الصور وخله عام بدل خاص خلنا نشوف |
هو بس القهوه اللي حلوه !! كل شئ في الهايد بارك يجنن مو بس حلو .. والله زوجتي والبنات يشدوني شد منها ههههه الود ودي اسكن وانام فيها :e022: بالنسبه للصور حتى انا ما طلعت لي .. شكرا ابو عبدالله على النصيحه .. الاخت / متنقله .. مادري الاسم صحيح ههههه .. شرفني مرورك |
الصور الى الحين ماطلعت ... بس اسلوبك جدا جميل ... كاني اشوف فلم .. تخيلت شكلك عند باب الشقه اول ماوصلتوا وانت بسرا المطار وانت تتجول بشوارع لندن والهايد بارك ... ذكرتني اول وصولي لها بس كان رمضان وصايمين ... المطاعم العربية لاجديد في كل مكان نفس الشي بس يفرق السعر ... متابع معك ... لاتتأخر علينا ونبي بالتفصيل الممتع لاتخلي شي :1: |
كيف اعدل ملف الصور من عام الى خاص لي اربعة ايام وانا حايس ما طبيت فيه !!!! |
الساعة الآن 10:49 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO