|
قرأت تقريرك للمره الثانيه من روعته وعندي استفسار الله يسعدك في اكواريوم كوالا متى بيطعمو سمك القرش لاني قرأته عندك وماقدرت ارجع للصفحه في نافوره البرجين متى موعد العروض الموسيقيه للنافوره واخيرا وليس اخرا ,, ايش الاماكن اللي كنتي تحبي زيارتها ومااسعفك الوقت ياليت تذكريها باقي على السفره اسبوعين بدأ المغص يشتغل :200: |
اقتباس:
بحييك على جهودك وترتيب رحلة لتلات اسر .. انا من ترتيب رحلتنا لوحدنا صابني التوتر والخوف من الفشل .. ما شاء الله عليك .. صن واي لاغون رائعة جدا وخيار عائلي ممتاز ونصيحتي الوحيدة هي الزيارة المبكرة وتجنب أيام الاجازات .. وانطلقوا :yolks00740: رحلة سعيدة وبانتظار التقرير :(95): اقتباس:
رجعت لموقعهم الإلكتروني حتى أتأكد من المواعيد واعتقد انها تغيّرت.. موعد اطعام القرش 3 عصرا أيام الاثنين والثلاثاء والأربعاء فقط - احرصوا على دخول الأكواريوم قبل نصف ساعة على الأقل لان المكان في نهاية الاكواريوم وغالبا في دور لشراء التذاكر.. هاد الرابط لمواعيد كل فترات إطعام الاسماك والمخلوقات اللي هناك، اعتقد البيرانها حتكون تجربة جميلة لو قدرتوا تشوفوها كمان (الرابعة عصرا) Feeding Times | Aquaria KLCC بالنسبة لي كنا حابين كتيير ندخل الحديقة النباتية في بوتراجايا، حديقة التماسيح في لنكاوي ورحلة المانغروف واطعام النسور كمان في لنكاوي.. تمنيت ازور كاميرون هايلاندز لكن الوقت ما سمح.. وكنت اتمنى بعض الوقت لوحدي لدخول متاحف متنوعة متل متحف الأقمشة وغيره .. لكن مع الأطفال صعب جدا .. ايضا كنت حابة يكون معنا وقت لمول وملاهي تايمز سكوير (ما رحناها) وآي سيتي مدينة الأضواء,,, واضح انه لازمني اسبوعين زيادة لاعمل كل شي :yolks00740: مواعيد العروض كانت تبدا من 7 ونص مساء كل يوم حول النوافير .. رحلة موفقة بدون مغص ... ونستنى التقرير طبعا :) |
:(114)::(114)::(114)::(114)::(114)::(114): من التقارير الجميلة والونيسة احب ارجع اتصفحه من فترة لأخرى واسترجع ذكرياتي الجميلة في ماليزيا:(37)::(153): |
:e437: حبيبتي قصقوصة ترجعيلها قريباً وتجددي احلى الذكريات يا رب |
واخيرا وصلت تقريرك عن "أمليزيا" [emoji4] ما شاء الله قراراتكم سريعة وبفترة قصيرة، انا شخصيا لازم اخططلها شهور من قبل ذكرتيني بمطار الملكية عليا، واعتقد كنتو قاعدين في نفس المكان الي انا متعود اقعد فيه [emoji5] مستحيل تكمل السفرة بدون مفاجآت، والطقس عندكم عمل مفعوله تسلمي على ذكر المصاريف بالتفصيل شيء جدا مهم الفندق شكله ممتاز والشقة مرتبة ونظيفة الله يخليلك الاولاد شكلهم مرحين وشقطين الاخلاق بتتغير من بيئة لبيئة وللأسف بعض بيئاتنا العربية ما فيها صبر ولا ادب تعامل، يبدو انه اخلاق المالزيين عاليه حديقة الحيوانات مميزة اكيد الاطفال انبسطوا فيها والله يخليلكم الفيل وفرس النهر والبحر، اقصد الاولاد ههه الفراشات كبيرة وجميلة، بدها ورشة تصوير [emoji6] مستمر بالقراءة ..... sent from Galaxy Note 5 using Tabatalk |
موقف الاخ عبد الرحمن نبيل ويستحق الدعم بالنسبة للكاميرا دايما خلي معاكي بطارية ثانية لوقت الحاجة دفتر مدوناتك شيء اساسي، مثلي لازم اخذ الدليل والخوارط وكراستي تكون دايما بالشنطه حتى لو ما استعملتها بشكل يومي ان شاء الله ما يكون الجرح اثر كثير على استمتاعك بالرحلة، هذه المواقف لا بد منها منظر المدينة من المنارة جميل لكن اجمل شيء وقت الشروق او الغروب للتصوير فكرة كيدزينيا جميلة ومفيدة للاطفال ما زلت متابع .... sent from Galaxy Note 5 using Tabatalk |
حديقة الطيور فريدة تستحق الزيارة والقبة الفلكية برضو جدا مفيدة للاطفال وممتعة صندوق الحج مبادرة رائعة من الدولة من المفروض تنفيذها في كل الدول العربية والاسلامية المسجد فخم ما شاء الله تجربة القارب مميزة وممتعة الجناح المغربي رائع جدا الزخرفة المغربية ما الها مثيل اليوم الرابع جميل جدا اكيد انبسطوا ما زلت مستمتع مع سردك للاحداث ... sent from Galaxy Note 5 using Tabatalk |
الطبيعة والحدائق الشاسعة بجوار المباني الشاهقة دليل على اهتمام الحكومة برفاهية الشعب الحديقة غنية بالفعاليات خسارة انها الصور ضاعت منك المانجا الخضراء من كلامك عجيبة يا ريت لو اجربها الاكفاريوم اكيد مكان لازم ينزار انا مش معك بموضوع عدم رفع صور او فيديوهات للمكان، لانه الصور والفيديوهات مهمة علشان الي يقرأوا التقرير يقرروا اذا يزوروها ولا لا، وولا مرة الصور والفيديوهات بتعكس الواقع تماما، لذلك وقت الزيارة الشخص بيشوف اشياء انت ما ركزتي عليها او ما شفتيها اساسا، وهو بيشوف المكان من نظرته هو موقف المطعم مزعج رغم انه اكيد بسبب الضغط والازدحام وكثرة الطلبات بالفعل لا تعليق على اهتمامات الحكومة بالشباب الموقف في الطائرة لا تحسدين عليه، انا لو مكانك ما بغير محلي من البداية ما زلت متابع ... sent from Galaxy Note 5 using Tabatalk |
جلسة المطعم في لنكاوي روعة الاكل كثير ما شاء الله موقف الفندق غريب جدا ومزعج للغاية خاصة والواحد بعد تعب السفر للاسف في مثل هذه المواقف بتاثر على النفسيات وعلى مسار الرحلة وبتعكر المزاج وطبعا كثير احيان بسبب الاستعجال بكون الحجز في فندق ثاني اغلى لكن الحمد لله انه طلع الفندق جميل واطلالته رائعة اللطاية (ابو بريص) في الدول الحارة ورطوبتها عالية عادي بيكون مستوطن الغرف، وزوجتي نفس الشيء بتخاف منه وانا بقضي الوقت اهدي فيها لحد ما تنام ههههه تعامل الهيئات المسؤولة بهذا الشكل السريع في صالح السائح ما شاء الله عليهم هل فحصتي صور للفندق على جوجل او مواقع سياحية غير البوكينج ؟ لانه الصور الي عبوكينج او مواقع الحجز بتكون الفنادق مختارتها ومش دايما بتعكس الواقع نصيحه اكتبي التقرير على الوورد وبعدها انسخيه عالمنتدى علشان لو حصلت اي مشكلة يكون يعندك منه نسخه الحمد لله انكم قدرتو تلاقو فندق بهذه المواصفات وهذه الاسعار، ان بعد العسر يسرا جميلة حديقة الفواكة وجولة الترام رغم انه المرافقين على ما يبدو نكديين ههه جولة الدراجات مميزة وممتعة التلفريك مغامرة جميلة، خسارة انك ما دخلتي العرض لازم تجربي كل شيء بتواجهيه بالرحلة بلاش تندمي بعدها انتهيت من اليوم السابع ما زلت مستمر بالقراءة ... sent from Galaxy Note 5 using Tabatalk |
الف سلامة على الإمليزي الصغير الاطفال مسؤولية كبيرة بالسفر الكبار ممكن يتحملو ويكملو الرحلة عادي لكن الاطفال لازم مستشفيات وبتغير برنامج الرحله كليا خسارة ما استغليتو اليوم صح اهم شيء صحة الاولاد حركة الفندق للمرة الثانية قذرة المجمع المائي رائع خصوصا للاطفال هههه سواقين بلادنا لازمهم توجيهي في الاخلاق والاداب موقف ادارة موقع بوكينج مشرفة دليل على حرفية الموقع وخدماته ان شاء الله تزورو ماليزيا مجددا وتقضو وقت اكبر في لنكاوي لتعويض الي فاتكم تحياتي ليكي على سردك الجميل والمفصل الاستفاده منه كبيره واكيد ساعدتي كثير من زوار البلد يعطيكي الف عافية عيشتيني الجو معكم وكاني كنت بيناتكم تحياتي sent from Galaxy Note 5 using Tabatalk |
| الساعة الآن 08:41 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO