|
الحمدلله على السلامة من الطيحة وين فيديو الطيحة هههههه يلا ما عليه تكررها بدون طيحة هالمرة الجولات حلوة ومنور التقرير بطلتك في البيت المقلوب والاكل عليكم بالعافية واما التفرقة والعنصرية بأسعار التذاكرشي يبط الجبد اول شي شفت جذيه بمصر وايد انقهرت لان فرق بالسعر دبلات ليش جذيه واحنا هني كلشي مثلنا الله يعطيك العافية استمتع وما عليك من الدايت لاحق عليه |
ماشاء الله .. رحلة شبابية حلوة وتجربة اول مرة لكنها ناجحة بكل للمقاييس ... واضح انكم استمتعم بكل جزئية رغم مرض صاحبك الف سلامة عليه.. جولات حلوة وصور جميلة خصوصا الغروب والبحر شي خيال... والتلفريك والجسر جولات مميزة وسلامتك من سقطة البراشوت ان شاء الله ترجعوا بلادكم سالمين ... لقطة ذكرى زوار ماليزيا على العملة آلمتني .. فلا يجوز اهانة العملة خصوصا ان فيها صور للملوك ... تقرير مباشر ولا احلى تجربة في منتدانا .. تفاعل حلو من الاعضاء ونصائح اونلاين ....بانتتظار باقي جولاتكم الحلوة وكتر من الصور .. يعطيك العافية يارب... |
اقتباس:
حضورك اجمل ، نورت أرسلت بواسطة iPhone بإستخدام Tapatalk |
اقتباس:
الله يسلمج يارب اي الفندق حلو المطاعم هاذي انا ماحبها بالكويت بس هني حلوة واحسن من غيرها الشر ما يجيج يارب نورتي أرسلت بواسطة iPhone بإستخدام Tapatalk |
اقتباس:
حي الله بو عبدالله مو سجاد بالغرفة اما الممر سجاد الغرفة ياطويل العمر 18.5 دينار تقريبا 257 رينجت تقريبا لليوم طبعا والله ما حفظت اسم ولا شارع بماليزيا امشي ع المباني اللي حوله ولا الفنادق بس شارعنا حاليا اسمه بوكيت بينتانح لانه مشهور وصحيح في حي صيني مو تشاينا تاون غير بس ريحه تذبح اذا مريت اي ان شالله قاعد احاول قد ما اقدر اصور لكم وما اقصر رغم انه كله تسوق والله تو ادري بهالمعلومة ، لو ادري فيها من مبطي كان استفدت منها نورتني ياغالي أرسلت بواسطة iPhone بإستخدام Tapatalk |
اقتباس:
ههههههه جوعت بو عمر يابو عبدالله بو عمر ماعليه انا ادزها لك ارامكس [emoji23] أرسلت بواسطة iPhone بإستخدام Tapatalk |
باكورة رحلاتي .. رحلتي الى ماليزيا ( لنكاوي بينانج كوالا ) شهر نوفمبر اقتباس:
م اخاف من الامطار وهالسوالف بهالدول هاذي لان بنيتهم التحتية مو مثل اللي عندنا + ان لا سمح الله لا صار شي اصعد دارك واقعد لا تنزل كلش بالكويت يطق مطر تغرق الشوارع تشرفني متابعتج أرسلت بواسطة iPhone بإستخدام Tapatalk |
اقتباس:
الله يسلمج يارب / فيديو الطيحة لو بفلوس ماينزل ههههه بالقروبات كل ما اقعد الصبح احصله النور نورج والله ام حسون اي شي يضايق التفرقة بالتذاكر يحسسونج ان السائح حلال عليه هالدبل لان مو فارقة معاه الله يعافيج وهذا اللي صاير بالدايت نورتي أرسلت بواسطة iPhone بإستخدام Tapatalk |
اقتباس:
شرفتيني بالمتابعة اخت نانا وسمعت كثير عن تقاريرج بس والله بماليزيا صارت السفرة فجأة وما حصل لي الشرف اطل الله يسلمج فعلا سفرة حلوة وتجربة ولا اروع لبلاد شرق اسيا اللي ماكنت احبها اللهم امين وبخصوص العملة والله ما ادري حسيته شي عادي بس وجهة نظرج كذلك صحيحة ولا عليها غبار او شكه الله يعافيج يارب رغم قل الرحلات بكوالالمبور الا انني قاعد احاول قد ما اقدر اصور اللي اقدر عليه نورتي أرسلت بواسطة iPhone بإستخدام Tapatalk |
اليوم التاسع 15/11 بداية اليوم ان ما ادري ليش اللي معاي زعلان علي تخيلوا مقعدني من الظهر نروح الحي الصيني تشاينا تاون ي ابن الحلال انطر شوي الشمس مو طبيعية لا ماعليك الجو حلو الوكاد رحنا عن طريق القطار استعلامات الفندق ماقصروا وعلمونا عليه http://uploads.tapatalk-cdn.com/2016...610bf03fbb.jpg http://uploads.tapatalk-cdn.com/2016...df8788753b.jpg سهل وحلو وتقريبا 2 رينجت للشخص رحنا فيه ووصلنا للحي http://uploads.tapatalk-cdn.com/2016...cd04c60a44.jpg http://uploads.tapatalk-cdn.com/2016...9c0f2dfaf2.jpg شرينا جم شغلة من هناك وبصراحة كانو تو مبطلين يبي يبيعون بأي سعر .. وبعدها ردينا الفندق عن طريق المترو بعد / الحي الصيني بينا وبينهم محطة مثل ماهو مبين بالصورة اللي فوق ردينا الفندق ريحنا شوي لان صح الشمس كانت فوق راسنا وما اتغشمر بعدها كان الجو مغيم ونزلنا شارع العرب http://uploads.tapatalk-cdn.com/2016...65cb1b0618.jpg http://uploads.tapatalk-cdn.com/2016...8ea39c7e06.jpg وتمشينا بالشارع والمطر نزل علينا وكان مطر قوووي http://uploads.tapatalk-cdn.com/2016...05a2333e0b.jpg عجبني لون السيارة [emoji125] http://uploads.tapatalk-cdn.com/2016...8317e607e3.jpg رحنا التايم سكوير افترينا فيه وشرينا ملابس اطفال / العروض فيه ولا اروع وفيه قسم اوت لت بالدور الثاني معروضين برا لمينا جم شغلة معانا بعدها حاولت قد ما اقدر اروح اطالع مباراة السعودية واليابان ولقيت مطعم ومقهى اسمه مروش فيه المباراة منقولة واستمتعت بالمباراة بس للأسف اخسروا السعودية اليابانيين يترقصون جدامنا [emoji19] http://uploads.tapatalk-cdn.com/2016...d84512569d.jpg http://uploads.tapatalk-cdn.com/2016...05c6564d4c.jpg هاردلك لاهلنا بالسعودية وتعوضونها بالجايات وحسافة على منتخبنا متوقف رغم التأهل > بقلبها رياضة الحين وخلصنا ردينا الفندق كانت الساعة 8 ونص تقريبا بالليل سؤال : يصير انزل فيديو من التابتوك ؟ * البوم تغدينا بمطعم عربي نسيت اسمه بس كان المطعم فيه سوريين يشتغلون .. صحيح الاكل طيب بس غالي جدا مقارنة بتشيليز وغيره ولو احول السعر للكويتي بيكون اغلى علي بعد بدرجة كبيرة كان الحساب 145 رينجت فحيل مبالغ فيه .. ابعدوا عن المطاعم العربية بالسفرات حتى لو اشتقتوا مثلنا للأكل هذا والسموحة على القصور / |
| الساعة الآن 10:58 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO