|
اقتباس:
ههههههه بس ترجعين الاردن ان شاء الله .. شوفيها واضح ان مصادرنا الخاصة مميزة [emoji23] [emoji23] غريبة محظورة في تركيا ولا هي محظورة في السعودية بالرغم ان الحظر عندنا بشكل رهيب حتى في البرامج [emoji13] http://www.arabtrvl.com/up/uploads/a...4815665261.gif أرسلت من SM-N920C بإستخدام تاباتلك |
طالما فاتنا نسأل ابو خالد وابو غسان وتوبليرون خلنا نلحق نسأل المبدعة دينا سؤالى بيكون من وحي تقاريرك الجميلة وانا قريتها كلها تقريبا ولاحظت انك مبدعة فى البوابة الماليزيه وخبيرة فى الامور التركية لكن تعينك كمشرفة لبوابة سنغافورة هل هذا التكليف يضع عليك مسؤولية تكرار الزيارة لسنغافورة بشكل دوري |
ابدعتي يا دينا بالاجوبه هذا يبين عن روحك الجميله انا عندي سؤال واحد فقط ماشاءالله تقاريرك مميزة ورائعه لكن أين تقاريرك عن الاردن ؟؟ |
ياقلبي عليك يادينا شو هالاسئلة :24: لكن ما شاء الله قدها :57: |
اقتباس:
الله يسعد صباحك يا رب مبدعة كلمة كبيرة علي والله :) .. اما بخصوص سنغافورة ما اعتقد اني لازم اكرر الزيارة بس لغرض الإشراف .. حاكون مسرورة لو كررت الزيارة طبعا لكن القراءة والبحث ممكن تساعد في حال كان في أسئلة مطروحة مثلاً.. شكرا لمرورك اللطيف |
اقتباس:
حبيبتي إيمان .. انت الأجمل :e305::e305: شكراً للطفك كتبت تقرير واحد عن الأردن وراح مع المنتدى القديم .. لكن الحقيقة اني مقصرة جدا وجدا وجدا في هالناحية ممكن سؤالك يكون حافز استحي على دمي واكتب ما عندي :32: |
اقتباس:
في ناس تحسيهم ما صدقوا ههههه الله يسعدك :e305::e305: |
مين دينا في كرسي الأعتراف :42: هلا وغلا مليوون بك عندي أسئلة بسيطة ولا أبغى أثقل عليك وأن شاء الله تكون لطيفة عليك س/ متى كانت أول سفره لك وفي أي دولة ؟؟ س/ هل في سفرياتك تكونين لوحدك ؟؟ س/ أذكري عضوة واحدة فقط فقط تتمنين السفر معها مع ذكر الدولة وماهو سبب أختيارك لهذه الدولة وماسبب أختيارك للعضوة هذه بالتحديد ؟؟ أنتهى .. شكل أخر سؤال قوي أركضض :56::56::24: شكلي أنا ودينا :(2)::(7): بعد السؤال هذا |
مرحبا دينا مستمتعة جدا بإجاباتك و روحك الجميلة كل التوفيق و النجاح اتمناه لك Sent from my iPhone using Tapatalk |
اقتباس:
لاني عارفه تقاريرك مميزة دائما |
اقتباس:
شكرا لك يا أم زيد اتشارك معاكي في المغناطيس كيف تترجمي "محمضة" |
"محمضة" ...!!! تبي الترجمة عربي او إنجليزي Sent from my iPhone using Tapatalk |
:30: :16: اخر من يعلم هيك ما بتحكولي ؟؟؟ طيب ما حدا ينهي كرسي الاعتراف لدينا لحد ما اروح من الشغل واكتب اسئلتي :64: |
نورتي عاشقه مسقط يبدو أن اختنا السفيره مشغوله وحبيت أنبه اختنا ام زيد أنه ممكن تنهي اللقاء وتختار اي عضو/ة لكن مجدي طلب ننتظره ومتأكد اسالته بالصميم ..... ضيفتنا الكريمه لك الحق بإنهاء اللقاء اي وقت |
بما اني اتأخرت عن اسئلة باقي الشباب والصبايا خلينا نعوض فيكي يا دينا، سامحينا [emoji1] ان شاء الله تكون اسئلة خفيفة عليكي 1. اذا خيروكي توخذي اولادك او زوجك او صديقتك المقربة وتكون افضل رفيقة سفر ممكن تتخيليها او تسافري لحالك. ايش بتختاري وليش ؟ 2. اذا وقفتي قدام مفترق طرق وقالولك يا اما بتختاري افضل شغل بتتمنيه مع مرتب عمرك ما حلمتي فيه لكن بدون ما تقدري تسافري نهائيا بحياتك، او السفر لكل بقعة على وجه الارض مجانا لكن بدون ما تقدري تشتغلي طول عمرك وتكوني معدومة ماديا. ايش بكون قرارك وليش ؟ 3. اذا قدامك شخص عمره ما سافر وبعتبر السفر مضيعة للوقت وتبذير غبي. كيف ممكن تقنعيه انه غلطان ؟ 4. لنفترض صحيتي هسا من النوم وحكولك بعد ساعه بالضبط لازم تكوني بالمطار ولازم حالا تطلعي من البيت. ومعاكي 5 دقايق بس تختاري اشي واحد توخذيه معك وبلد واحد تسافري عليه، ايش بتكون خياراتك ؟ 5. عندك بلدين وهاي اخر سفرة الك، واحد الجو فيه حر ورطوبة عالية جدا لكن فيه كل عجائب العالم وغابات وطبيعة لا توصف، وواحد الجو فيه ممتاز يعتبر افضل جو للسفر ويعطوكي سيارة مجانا لكن البلد ما فيه غير المتاحف والمطاعم والمولات. ايش بتختاري وليش ؟ 6. الان حالا انت واقفه قدام اجمل منظر دايما مرسوم بمخيلتك ونفسك تشوفيه باحدى سفراتك. اوصفيلنا هذا المنظر. 7. اذا اعطوكي 500 دولار بس وحكولك رح تسافري لمدة 3 اشهر والطيران فقط عحسابهم وما رح يكون معك مصروف غير هيك. هل رح تسافري ولا رح تعتذري وليش ؟ 8. اوصفيلنا هذه المواقف. اكله قلتي لا والله ما رح اوكلها، فعالية قلتي لا والله ما رح اجربها. 9. اذا مكنتيش اليوم مترجمة، ايش كنتي بتحبي تكون وظيفتك ؟ (غير السفر) 10. اقترحوا عليكي تكتبي كتاب عن احدى رحلاتك، عن اي بلد بتحبي تكتبي، ايش رح يكون العنوان، ومين رح تختاري من المنتدى يكتبلك المقدمة، ولمين رح تكتبي الاهداء ؟ 11. في عضو بحب يقرأ التقارير في المنتدى وبعشق السفر، كل مره بنوي يكتب تقرير لكن الخوف مانعه. ايش رسالتك اله ؟ 12. كعضوة فعالة بالمنتدى ومتمرسة بكتابة التقارير، احكيلنا كيف بتخططي لتقريرك وايش الخطوات الي بتقومي فيها من قبل ما تبدأي الكتابة لحد ما تنهيها ؟ 13. حاليا في عشرات الزوار الي داخلين المنتدى بدون ما يسجلوا فيه او عشرات الاعضاء الغير فعالين نهائيا وعم بقرأوا رسالتك الهم. ايش بتحكيلهم ؟ 14. ايش بكون شعورك اذا كتبتي تقرير ضخم وتعبتي عليه كثير لكن التفاعل فيه قليل، وبين لما تكتبي موضوع خفيف جدا مثل خبر لكن تلاقي التفاعل فيه كبير جدا ؟ بكفي هيك ؟ sent from Galaxy Note 5 using Tabatalk |
يسعد مساكم جميعاً ... :) بعتذر عن التأخير انشغلت وعلقت في الطريق بسبب المطر والثلوج .. :27: ما كنت اعرف انه بإمكاني أوقف واختار حدا غيري .. لذلك رح اعتبر أسئلة أخي مجدي آخر دفعة من الأسئلة، وأجاوب عليها وعلى ما سبقها وأختار ضحية جديدة :D :D اسمحوا لي رح اجاوب صباح الغد باذن الله :e310: |
أتمنى عدم طرح أسئله من الجميع للأخت دينا ..... |
اقتباس:
أهلا بمميز المنتدى وخبير المغرب .. الله يسعدك فعلا الاسئلة خفيفة لطيفة .. :) أول سفرة لي كانت إلى المانيا سنة 1999 .. قضيت هناك 40 يوم بين دوسلدورف وشتوتغارت ومناطق الغابة السوداء جميع سفريات العمل بكون لوحدي (أحيانا بيطلب احد مرافقتي، مثلا قبل شهرين زرت جورجيا للعمل وطلب اخي واختي مرافقتي.. فمددت الزيارة لقضاء وقت اضافي في الرحلات والجولات معهم والحمدلله كانت زيارة ناجحة جدا).. وعادة بمدد يوم او يومين في سفريات العمل لاشاهد البلد واقوم بجولات موجزة . لوحدي طبعا. بخصوص سؤالك الأخير رح اختار العضوة سناء من بوابة المغرب لزيارة المغرب .. لأن أحد أحلامي زيارة هالبلد الرائع وهي ستكون أفضل عضوة تعرفني عليه بكل تفاصيله .. وفقا لبعض الباحثين في تاريخ العائلات فعائلتي أصولها إما من المغرب أو الجزائر .. لكن اذا كان للشعور أهمية فأنا بالتأكيد من المغرب :e328: اسئلة خفيفة وحضورك لطيف متل باقي الأخوة والاخوات ما في داعي للخناق هههه |
اقتباس:
أهلا بالجميلة صاحبة التقرير الرائع ... ما بنسى تقريرك المدهش عن اسبانيا واسلوبك الممتع جدا جدا اقتباس:
لكن وعد باذن الله قريبا أكتب عن الاردن :e328: اقتباس:
لا تكون بدك الترجمة بالانجليزي ؟؟ أو بالألماني هههه اقتباس:
ههههه فكرت حالي نفدت :D :D |
هاد وانت متأخر .. طلعت الأول والتالي ههههه على قلبي متل العسل والله يا مجدي .. بس تحملوني عاد بكتر الكلام .. 1. اذا خيروكي توخذي اولادك او زوجك او صديقتك المقربة وتكون افضل رفيقة سفر ممكن تتخيليها او تسافري لحالك. ايش بتختاري وليش ؟ غالبا حسب المكان، لكن انا بفضّل عموما السفر لوحدي .. الحرية المطلقة في السفر منفرد شي ما بيعرف لذته الا اللي جربه. وقت ما بدي بعمل أي شي، يخرب برنامج وبعمل برنامج جديد، باكل بنام بمشي مسافات .. بتسوّق أو بعتكف بالغرفة .. فالخيار الأول دوماً هو وحدي .. لكن في مدن تحتاج لرفقة وخاصة المدن "الرومانسية" .. يعني روما مثلاً شعرت فيها بالوحدة وبدي معي حد لأنها بلد كلها فرح .. في هالحالات بفضل يكون معي زوجي .. 2. اذا وقفتي قدام مفترق طرق وقالولك يا اما بتختاري افضل شغل بتتمنيه مع مرتب عمرك ما حلمتي فيه لكن بدون ما تقدري تسافري نهائيا بحياتك، او السفر لكل بقعة على وجه الارض مجانا لكن بدون ما تقدري تشتغلي طول عمرك وتكوني معدومة ماديا. ايش بكون قرارك وليش ؟ هم الحالتين extreme ... بشكل واقعي طبعا رح اختار الحالة الأولى لأني لا زلت بحاجة الشغل والدخل المادي.. أما لو جاء الخيار في وقت أنا مكتفية فيه ماديا (بعد دراسة الأولاد وزواجهم خلص) . بختار الخيار التاني وبنطلق انا وأبو الشباب .. الوضع المثالي اني اختار الوضع الأول، أوفر فلوس قدر الإمكان وبعدها أغير رأيي .. وأسافر وأصرف الفلوس اللي وفرتها ههههه 3. اذا قدامك شخص عمره ما سافر وبعتبر السفر مضيعة للوقت وتبذير غبي. كيف ممكن تقنعيه انه غلطان ؟ بعرف ناس كتير هيك.. وانا بقول الناس أذواق وآراء وأولويات .. في ناس همها الكوفي شوب والمطاعم طول السنة وبعدين بيحكوا انه السفر تبذير. وفي ناس همهم الملابس والمكياج من الماركات الغالية وبيعتبروا السفر تبذير. انا بعمل العكس، تقريبا ما بروح كوفي شوب او مطعم وانا بالأردن (قليل جدا زيارة المطاعم يعني مرة كل شهرين او تلات) .. لاني مقتنعة انا والعائلة انه هالمصروف أحلى لما يروح لسفرة عائلية كبيرة وحلوة .. بالتالي الشغلة أولويات وانا ما بحاول اقنع حدا انه غلطان .. لانه هم ممكن يبلشوا فيي ويقنعوني انه الماركات الغالية اهم من السفر وان المشاوير الأسبوعية للسينما والمطاعم أكتر متعة من سفرتين بالسنة.. 4. لنفترض صحيتي هسا من النوم وحكولك بعد ساعه بالضبط لازم تكوني بالمطار ولازم حالا تطلعي من البيت. ومعاكي 5 دقايق بس تختاري اشي واحد توخذيه معك وبلد واحد تسافري عليه، ايش بتكون خياراتك ؟ عموما الوضع مش غريب.. انا ما بفتح شنطة السفر لارتبها الا قبل ما اطلع على المطار بساعة .. فبقوم عادي وبغسّل وبلبس وبرتب شنتة كاملة في ربع ساعة اما لو كان معي شي واحد اخده فهو اكيد رفيق الدرب وحبيب القلب – اللابتوب.. خياري للبلد ساعتها لازم تكون فيها أسواق حلوة عشان اعرف اشتري الأشياء الي ما اخدتها معي ههههه بختار تركيا لانها من اقرب البلاد لقلبي واذا طلعت بعجقة ما بدي كمان اسافر بعجقة ههه 5. عندك بلدين وهاي اخر سفرة الك، واحد الجو فيه حر ورطوبة عالية جدا لكن فيه كل عجائب العالم وغابات وطبيعة لا توصف، وواحد الجو فيه ممتاز يعتبر افضل جو للسفر ويعطوكي سيارة مجانا لكن البلد ما فيه غير المتاحف والمطاعم والمولات. ايش بتختاري وليش ؟ اكيد المكان الحار والرطوبة مع اني بكره الرطوبة بس كمان ما رح استفيد من متاحف ومولات ومطاعم ,, آخر سفرة قلت لي :D 6. الان حالا انت واقفه قدام اجمل منظر دايما مرسوم بمخيلتك ونفسك تشوفيه باحدى سفراتك. اوصفيلنا هذا المنظر. انا بعشق البحر عموماً .. أحلى مكان ممكن أشوفه بحر ومراكب صغيييرة وقديمة، الشمس عم تشرق من ورا المراكب والنوارس طايرة حواليها .. وانا جالسة على الرمل الأبيض وبكتب عالرمل وبمسح وبرجع أكتب ههههه .. 7. اذا اعطوكي 500 دولار بس وحكولك رح تسافري لمدة 3 اشهر والطيران فقط عحسابهم وما رح يكون معك مصروف غير هيك. هل رح تسافري ولا رح تعتذري وليش ؟ بسافر طبعا .. في طرق كتير للسفر والسكن بأقل التكاليف رغم اني ما طبقتها من قبل لكن ممكن أعملها عشان اعيش تجربة جديدة 8. اوصفيلنا هذه المواقف. اكله قلتي لا والله ما رح اوكلها، فعالية قلتي لا والله ما رح اجربها. مرة كنت في ألمانيا وعزمتني بنت عمي على مطعم فاخر .. هي ألمانية وما بتعرف اذواقنا بالاكل نهائي لانه بعمرها ما اجت على بلادنا.. المهم انه عزومتها الفخمة طلعت طبق محار ... وتخيل وضعي انا والمحار وهواك . .. طبعا اكلت البطاطا المقلية فعالية – رافضة اجرب الغوص مع أسماك القرش ههههه ومستحيل اجربها طبعا 9. اذا مكنتيش اليوم مترجمة، ايش كنتي بتحبي تكون وظيفتك ؟ (غير السفر) مين قال انه وظيفتي السفر بصراحة سؤالك صعب وانطرح علي كتير، وما عرفت اجابته. انا انسانة بيقتلني الروتين وبموت لو اضطريت كل يوم اروح نفس المكان واتعامل بنفس الموضوع .. لهيك شغلي الحالي –بفضل الله تعالى- هو الوضع المثالي بالنسبة لي. بتوقع لو ما كنت مترجمة رح اشتغل في منظمة دولية أو إنسانية .. عندي اهتمام كبير بقضايا الاستدامة والتحديات العالمية متل التصحر وندرة المياه وغيرها.. ممكن اتجه لهيك أماكن .. 10. اقترحوا عليكي تكتبي كتاب عن احدى رحلاتك، عن اي بلد بتحبي تكتبي، ايش رح يكون العنوان، ومين رح تختاري من المنتدى يكتبلك المقدمة، ولمين رح تكتبي الاهداء ؟ رح اكتب عن أسوأ سفرة رحتها ... رحلتي إلى لاتفيا.. والعنوان حيكون "عندما اعتقدت انها النهاية" المقدمة .. صعب اختار جد .. في كتير ناس أسلوبهم بالكتابة بيعجبني جدا .. يمكن اخلي الغردقاوي يكتب مقدمة كوميدية تخفف الدراما السوداء اللي في الكتاب هههه والإهداء إلى والدتي الي عرفت قيمتها الحقيقية عندي لما حسيت اني رح اموت بدون ما اشوفها. الله يسامحك خليتني ابكي طبعا انا ما كنت رح اموت بس الوضع المأساوي والدراما اللي عشتها هناك حسستني بهالشي .. مع ان الشغلة كانت بسيطة وهم كبروها 11. في عضو بحب يقرأ التقارير في المنتدى وبعشق السفر، كل مره بنوي يكتب تقرير لكن الخوف مانعه. ايش رسالتك اله ؟ مقابل كل عضو مسافر وبيعيش تجارب السفر، في عشرات ومئات القراء المتعطشين لأي معلومة أو تجربة أو كلمة عن بلد معين.. تخيل لما كلامك يفيدهم، ولما واحد منهم يروح ويعيش تجربتك بناء على كلامك .. الدعوات اللي رح توصلك والأجر اللي رح ينكتبلك لما نويت تساعد الناس بدون مقابل .. 12. كعضوة فعالة بالمنتدى ومتمرسة بكتابة التقارير، احكيلنا كيف بتخططي لتقريرك وايش الخطوات الي بتقومي فيها من قبل ما تبدأي الكتابة لحد ما تنهيها ؟ أثناء السفر وفي كل خطوة او فعالية بعملها .. بترتسم في ذهني جملة رح اكتبها في المنتدى .. وكأني بشوف الصفحة قدامي وبكتبها بالألوان وبرفقها بالصورة اللي عم أشوفها، بالتالي برجع من السفر وفي عقلي مسودة للموضوع ! الخطوة الأولى والوحيدة هي تحميل الصور وتجهيزها، والباقي .. بمجرد ما ابدا الكتابة بينساب الكلام كله وبتطلع كل القصص .. وما بتبع أي خطوات او مخططات في هالحالة من بداي التقرير لآخره .. 13. حاليا في عشرات الزوار الي داخلين المنتدى بدون ما يسجلوا فيه او عشرات الاعضاء الغير فعالين نهائيا وعم بقرأوا رسالتك الهم. ايش بتحكيلهم ؟ سجلوا يا جماعة وتفاعلوا .. هالمنتدى كنز، والمحتوى العربي على الإنترنت – وتحديدا المحتوى الهادف- شحيح ونادر وبيحتاج لدعم.. كل كلمة بتكتبها رح تفيد شخص واحد على الأقل وكل موضوع بتعمله بيثري المحتوى العربي وبيدعم المنتدى اللي فعلا من أنجح المنصات العربية للسفر .. يلا تفضلوا معنا والله احنا جماعة كويسين هههه 14. ايش بكون شعورك اذا كتبتي تقرير ضخم وتعبتي عليه كثير لكن التفاعل فيه قليل، وبين لما تكتبي موضوع خفيف جدا مثل خبر لكن تلاقي التفاعل فيه كبير جدا ؟ أكيد رح يصيبني إحباط,,, المنتدى منصة تفاعلية ومش دفتر مذكرات تكتب فيه لنفسك .. أحياناً بعرف ان "ألجمهور" ما رح يتحمس لموضوع معين وبالتالي ما بكتبه من الأساس .. بينما رحلة عادية او كلام عادي الى وجهة محبوبة ممكن يجيب الاف الزيارات ..ساعتها رح أحاول اكتب الموضوع الصعب واعمل له "دعاية".. لانه تعب الكتابة والتقارير ما بيهون الا لما تشوف التفاعل والإقبال على موضوعك .. بكفي هيك ؟ والله يعطيك العافية أسئلة مبتكرة ومتعوب عليها ... الله يسعدك |
وبهيك بكون خلصت .. الله يسعدكم جميعا على اسئلتكم الجميلة وطولة بالكم على اجاباتي المطولة .. احترت كتير في الاختيار ، ولاني ما قرات الموضوع من بدايته فما قدرت اعرف مين قعد على الكرسي ومين لأ.. بختار حبيبة الشعب ام زياد ناجي .. فهل تمت محاكمتها مسبقاً؟؟؟ |
شكرا ام زيد على سعة بالك وتحملك للأسئلة نرحب بالاخت ام زياد ناجي |
صباح الورد والفل والياسمين من بلد الفل والياسمين تابعت اولا باول اسئلتكم كلها وتابعت ردود كل من جلس على الكرسي رغم قلة مشاركاتي لكني استمتعت جدا بالحوارات كلها بدون استثناء ويسعدني ان الحبيبه دينا رشحتني.ورغم خوفي من الكرسي لاني لا استطيع الا ان اكون صريحه معكم واكيد ستعرفون اشياء عن ام زياد لم تكونو تعرفونها من قبل و ربما اعترافاتي ستبكي البعض منكم لكني الان عندي سفرة للجنوب يوم السبت وعندي ضيوف ليوم الخميس والجمعه فاخاف ان لا استطيع متابعة كل الاسئله والرد عليها. ولذا اقترح عليكم ان اؤجل جلوسي الى مابعد عودتي اي في اخر شهر 12 ..مارايكم ??? |
ما شاء الله عليكي مدام دينا ربنا يديكي العافيه حقا أجدتي في الإجابه على أسئلة أعتقد لو وجهت لي لدخلت في شاشة الكمبيوتر وطلعت للسائلين لأمسك في رقابهم هههههه فاحييكي على سعة صدرك وكان ودي أن أرحب بأم زياد وأعد لها الوجبة الإفتتاحيه من الأسئله ولكن سأنتظر حتى تتفقوا على إستمرار أم زياد أو الإنتقال لعضو آخر |
كفيتي ووفيتي ما شاء الله عليكي اجوبتك احلى من الاسئلة هههه sent from Galaxy Note 5 using Tabatalk |
شكرااا لدينا وللأعضاء بالتفاعل مع الموضوع وام زياد ناجي سافري واستمتعي وقومي بواجباتك وبعدين لك موعد ثاني ان شاءالله انتي والأيمان وبانتظارك DEENA لتختاري عضو أخر سفيرتنا ام محمد السفيرة ب عسى ماشر طمنينا عنج |
اوكي ازا هيك عذرك معك ام زياد كل الي فكرت فيهم جاوبوا من قبل او اعتذروا . لهيك بختار مجدي تفضل يلا Sent from my SM-G900H using Tapatalk |
الف الف شكر للرائعة الأستاذة دينا الف شكر على سعة صدرك الف شكر على اجاباتك اللي تبين انك خبيرة سفر الف شكر على روحك المرحة تجاه بعض الأسئلة الخاصة شوي الف شكر على وقتك والله يعطيكي الف عافية ويسعدك ويوفقك واهلا وسهلا بخبيرنا المحترف الفوتوغرافي ، مشرف الكاميرات مجدي |
يعني عزيزتنا ام زياد اعتذرت قلتي فرصة تنتقمي مني عأسئلتي الغريبة ؟!!! طيب ماشي مقبوله منك هههه بس الرحمة تسلم اخوي ابو مهاب sent from Galaxy Note 5 using Tabatalk |
اقتباس:
Envoyé de mon SM-N910C en utilisant Tapatalk |
يا سلام على الفترة الجميلة اللي قضيتيها على الكرسي يا ام زيد استمتعنا بكل دقيقة وكل كلمة وكل قفشة بجد ( مليتي ) الكرسي و زدتيه رونق و ( أنطيتيه ) فخامة هنيئاً لنا بك و بروحك الطيبة و هنيئاً لك بمحبة الجميع وتقديرهم لك |
ما شـــاء الله مبدعتنا Deena :e022: اسرتي القلوب بردودك الجميله و حفزتي العقول على تذكر اقوى العلماء و نظرياتهم لمعرفة مدى تاثيرهم على حياتك :) فتحتي لنا نافذه جميله على حياتك ، لنتعرف منها على المرأه الناجحه و الام الحنون التي لا ترى في الحياه من هو اولى من ابنائها بها نسأل الله ان يجعلكِ مباركه في حلك و ترحالك و هنيئاً لك هذا القدر من المحبه من كل من قرأ كلماتك :e327: ... بضيفنا الجديد مجدي Ni hao اهلاً و مرحباً .. و باذن الله تكون خير خلف لخير سلف . ا |
اقتباس:
|
اقتباس:
ما شاء الله أبشري يا مشرفتنا دينا فالأستاذه سناء كريمه لدرجه لا تتخيليها وحتعزمك على أحلى زرده :) |
اقتباس:
:32::32::32: تروحي وترجعي بألف سلامه |
اقتباس:
وراكي وراكي خذي راحتك حاليا لانه الدور جاييكي لا محاله [emoji1] sent from Galaxy Note 5 using Tabatalk |
يا مرحبا يا مرحبا بالأخ مجدي المرابط بالأرض المباركه أنت جيت يا رمضاااااااان :) بما انك جيت ونورت الكرسي فسأوجه لك كم سؤال على السريع حتى أجهزلك الباقي يا عزيزي :) 1) بما انك من هواة التصوير فكيف بدأت معك تلك الهوايه وكيف تحولت لمجال إحترافي ؟ 2) كم لغة تجيد غير العربي طبعا ؟ 3) هل الدراسه بمناطق الـ 48 في المراحل ما قبل الجامعي باللغة العربيه أم العبريه ؟ 4) ما رأيك في زنجبار كإقليم سياحي هل يستحق عناء السفر أم هو متشابه مع أماكن أخرى أكثر جذبا ؟ 5) هل تحب الفن الزنجباري ؟ 6) أهديتني إسطوانه لفن زنجباري بلغة غير مفهومه فهل تستطيع ترجمة لغتهم ؟ 7) ما تأثير إنتفاضات الأقصى الأولى والثانيه على فلسطينيوا الداخل ؟ 8) الدكتور عزمي بشاره من الناصره فما رأيك به كمفكر سياسي ؟ 9) ما إسم عائلة الدكتور عزمي بشاره ؟ 10) هل اعطيت صوتك من قبل للدكتور عزمي بشاره ؟ ولماذا رغم وجود منافسين عرب له في الإنتخابات ؟ 11) هل ذهبت لتل أبيب من قبل ومن هو أبيب اللي سموا التل على إسمه ؟ 12) هل تحرص على ترتيب برامجك السياحيه قبل السفر أم تترك الأنشطه للظروف ؟ 13) وأنت في طائرة العوده من رحلتك السياحيه صف لنا مشاعرك مقارنة بمشاعرك في رحلة الذهاب ؟ 14) رأفت الهجان كان يمتلك وكلة سياحيه بتل أبيب فهل لو مازال عايش كنت ستحجز من خلال وكالته ؟ ولنا لقاء قريب آخر بإذن الله :) |
اقتباس:
لا حول ولا قوة الا بالله :) الله يكون في عونك يا مجدي |
اقتباس:
شكل الغردقاوي سخنان عالاخر [emoji50] sent from Galaxy Note 5 using Tabatalk |
اقتباس:
نازلين عليك وبدون شفقه ولا رحمه :e116:هههههههههه |
| الساعة الآن 04:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO