|
جزيرة القرود جميله وممتعه في كل سفره ل ماليزيا لازم نزورها فعلا فندق البارك رويال لايقارن بالهوليدي لكن فرق السعر لأن احنا عائله كان كبير سألتيني عن القلاصات كانت نظيفه وكنت اتأكد بنفسي قبل أولادي مايطلبون عصير الأخ الي صادفنا كان جدا محترم وكانت لهجته سوري وكان حريص على المرور بين الطاولات والسؤال وأعطى زوجي رقمه وقال اي مساعده انا حاضر الله يعطيك العافية متابعين وشوقتينا بتقريرك الجميل والرائع ل زيزا:e329: |
حيا الله المتابعين الحلوين :e307: اقتباس:
اقتباس:
تستاهل اكثر اقتباس:
شكرا مدير ما قصرت هالمرة البضاعم مكررة وما في شي جديد وزارد عليه ان الجو حار في شهر 7 ما أحب اسافر فيه اي مكان وزحمة سواح وخصوصا العرب بحكم الأجازة الصيفية المطعم لذيذ وانصح فيه بقوة فيه ناس تسكت عن حقها لكن انا لا خصوصا اذا الطرف الثاني يقل أدبه بهالشكل انا ذكرت ان مكتب رحلات الهوليدي ان ما جربته حجوزاتها من فندق البارك رويال الحمد لله ربي لا يفرقنا ويحفظنا ويحفظكم جميعا اقتباس:
اقتباس:
كلامك صحيح البارك رويال بنظري افضل وان شاء الله المرة الجاية بسكن القولدن ساندس الحمد لله ان الوضع عجبك في الهوليدي ان والنظافة عندي رقم 1 لتققيم الفندق الله يعافيك وشكرا لمتابعتك اختي |
اقتباس:
أتوقع تقصدين My World of Coffee and Chocolate House يومها كان خاطري في الكوفي تري بس كان مسكر مادري ليش صاحب التاكسي قال لي وبصراحة شكيت فيه قلت له وديني هناك أجوف بعيوني فعلاً رحنا وإلا المحل مسكر ووداني محل ثاني اللي كتبت إسمه فوق وطلع طيب الكوفي لذيذ عنده عجبني شريت بكميات كبيرة وسألت صاحب التاكسي عن السبب ليش هالمحل ماله ذكر وشهرة مثل الكوفي تري قال لأن الكوفي تري تجار صينيين من زمان يشتغلون في الكوفي أما My World of Coffee and Chocolate House فهو محل يديد نوعاً ما وليحين ماحد يعرفه مع إنه أفضل من الكوفي تري حسب كلامه واللي شغالين فيه مسلمين |
الله يعطيج العافية ياعسل على هالبارت الخفيف وننتظر الياي بحماس تصرفج صح لازم تشرشحينها عشان مايستهينون بالعرب ويتعنصرون في المعاملة حنا عيني يايين بفلوسنا مو عالة عليهم وأبسط حقوقنا الإحترام والإبتسامة ترى ببلاش حمستيني لجزيرة القرود أذكر رحتها مرة وحدة وخفت من القرود ولا نزلت :27: فكرت أروحها هالمرة بس خفت ماتناسب اليهال وبننتي الصغيرة وايد خوافة وأنا أكثر منها :20: باسألج عندج تجربة في الغيرني مول والكوينسبي مول؟؟؟ أيهم الأفضل وليش؟؟؟ إن شاء الله في تغطية عنهم مابي أضيع وقتي على لا شي |
حلوة رحلة الجزيرة والأنشطة البحرية حمااااس تصويرك للرمل عجبني .. باين انك كنت رايقة وقتها انا من زمان طلّقت الأحذية العادية هههه كله سكيتشرز واديداس وخفايف من هالنوع حتى لو لابسة فستان لو اضطريت البس كعب بيبان على وجهي الامتعاض وبأول فرصة ببدله بشي مريح :30: متابعة بينانغ باهتمام كبير :e022: |
اقتباس:
عن نفسي ما كنت اعرف هالمحل بالرغم من 4 زيارات لماليزيا اقتباس:
افا عليج ما خليتها اقهرتني جزيرة القرود حلوة والقرود بعيدة احيانا تنزل حزة الغداء لكن العاملين هناك يبعدونها عن الناس لا تحاتين ترا انا خوافة مثلك بس عادي تعودت انا احب القيرني بلازا كبير لكن ملموم ومريح والاسعار في متناول الجميع ادخلي ( باركسون ) عجيب تلاقين العطور والمكياج عليها عروض عجيبة وارخص من عندنا الكوينسبي مول زرته مرة كبير واغلبه ماركات ما حبيته وايد وقريب من المطار من الفندق للمول ساعه الا ربع بدون زحمة قعدنا فيه 3 ساعات بس اتذكر ما شرينا منه شي بس اكلنا بيتزا ( بابا جونز عندهم ) لذيذة :34: وفيه فرع لفش منهاتن خواتي اكلوا منه روحي بنفسك وشوفي يمكن يعجبك :e306: اقتباس:
ايه البنات يسبحون بالبحر وعلى البقيات داخل الغابة واخيتك خوافة من الماي قاعدة على الكرسي اناظرهم الجت سكي وناسه العيال ركبوا مع اخوي بس حاولوا فيني لكن مستحيل الف مرة وانا اتمشى واصور امارس هوايتي واتطمش واراقبهم من بعيد هههههههاي عادي انا مثلك الحين حتى بالدوام البسه وجود للكعب عندي بالمخزن مركون بالبيت الا العرس البس ولا اتحرك من مكاني عشان الكشخة والرزة :e319: الله يكتب لك زيارة بينانغ وان شاء الله تعجبك :e305: |
اقتباس:
الله يعافيك امووووووونه بكل العالم الاسعار زايدة الله يعينا فعلا انا بعد لما شفته قلت حق خواتي مسكين كبر وصار شايب شكرا اسعدتيني بكلامك:58: |
زين تسوين فيها وهذا من حقج ليش النفس الخايسة وانتي ماطلبتي شي سوق الليل من زمان زحمة الظاهر زادت زحمته الحين الجزيرة وايد حلوه والبحر يهبل عليكم بالعافية |
:hkjnl::hkjnl: تقييمي للرحلة : - حلوة والمكان شرح - راحة نفسية وريلاكس بالجو الحلو - الأكل لذيذ وريحته خنينة والخدمة روعه - اسعار النشاطات على الشاطئ غالية شوي لكن بالسفر نمتع نفسنا ميخالف - سعر الرحلة زايد عن السنة اللي قبلها ( ساذكره لاحقا لما الاقي النوتة الضايعة ) - لازم واقي الشمس ولبس السباحة بس الحذر من الابتعاد عن الشاطئ - ملابس قطنية خفيفة للكبار أنصحكم تروحون وتجربون بنفسكم لأن الناس أذواق واللي يعجبني مو شرط يعجبكم والعكس صحيح فيه وايد ناس يذمون الرحلة لأنها مش على مزاجهم او ميولهم باللعب شفت كذا عايلة من الخليج نزلوا من القارب تمشوا على الشاطئ وراحواااااااااااا انصدمت :26: ما عجبهم شي:(111): :hkjnl::hkjnl: :e305::e306::e305::e306::e305: |
| الساعة الآن 05:00 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO