شبكة و منتديات العرب المسافرون - ..:: تقرير برائحة القهوة البيضاء الماليزية ::..

بسم الله نكمل جزء بينانغ :: يومين في فندق الهارد روك ::

فندق هارد روك ( 4 نجوم )

الموقع الرسمي للفندق
Official Website | Hard Rock Hotel Penang

رابط الفندق في بوكينغ
https://www.booking.com/hotel/my/har...2a4a5388dea317

لمدة يومين بـ 1500 رنجت مع الضرايب
السعر بدون ضرايب في بوكينغ بـ 1200 رنجت

نوع الغرفة ومساحتها :
غرفة مزدوجة أو توأم مع تراس ديلوكس مطل على البحر – 54 متر مربع جدا كبيره ماشاء الله

ملاحظاتي عن الفندق :
فندق جميل ورائع وهاديء
( كنت قلقانه لاني سمعت الكثير يقول انه الموسيقى ابدا ما توقف في هذا الفندق ، بس بالعكس من الساعه ٧ م كل شي يتوقف حتى المسبح يتقفل )
بشكل عام فندق ضيق نوعا ما مقارنه بالشانغريلا اللي يفتح النفس ويشرح الصدر

كثير الاجانب والعرب قليل جدا - بعكس الشانغريلا مليان عرب ماشاء الله

بخصوص الغرفه :

اكثر سلبياتها :
• اضاءة الغرفه جدا مزعجه نوعا ما ( الانوار لونها موف - واذا تبغى تنور الغرفه تمام لازم تفتح كل الابجورات اللي ف الغرفه عشان تشوف تمام )
• السرير ضيق نوعا ما اصغر سرير نمت فيه خلال اقامتي ف ماليزيا ( طبعا احنا طالبين سرير مزدوج - لمن وصلنا اتضح انهم جايبين سريرين ابو نفر وملصقينهم مع بعض )
• ايجابياتها :
• الغرفه جدا واسعه
• يوجد ثلاجة وميني بار
• الارض مفروش موكيت ( سجاد )
• يوجد افلام كثيره جدا مخزنه في التلفزيون ( ممتعه صراحه انبسطنا اتفرجنا لنا كم فيلم )
• البلكونه جدا كبيره ( لاني اخذت غرفة مع تراس )

الحمام :
• يوجد به هوز - شطاف
• نظيف وجيد

الافطار :
• مميز جدا ومتنووع وقريب من افطار الشانغريلا
• واهم شي الروتي ( الجباتي ) موجود عندهم
• عندهم ماكينه ايسكريم في البوفيه جميله

الانشطه البحريه :
لاتوجد امام الفندق - والشاطيء صعب الوصول اليه قليلا
مو زي فندق الشانغريلا بسهوله نوصل للشاطيء

المسابح :
مسبحين
توجد منطقه لعب للاطفال ف المسبح
( للمعلوميه صور الفندق في بوكينغ تحس انه الفندق مرا كبير وضخم
بس لمن شفته ع الطبيعه جدا ضيقه المساحه جهة المسابح )

الاطفال وفندق الهارد روك :
عندهم غرفه لاحتضان الاطفال من سن ٤ سنوات
غرفه زي الحضانه بسيطه جدا فيها العاب بسيطه
مو زي الادفانشر زوون حق الشانغريلا الاكثر من رائع مقارنه مع هذه الغرفه البسيطه ،،

بس فكرتها انه تحطي اطفالك اتوقع ساعه او ساعتين وتاخذيهم ..
انا جسومي عمره ٣ سنوات مارضيوا يدخلوه

وفيه حاجه انه شرط انه الاطفال يدخلوا من دون امهاتهم واباءهم ، برضوا عكس الشانغريلا ههههه

تقييم اقامتي فيه :
النظافة : ٤/٥
السرير المريح : ٣/٥
الافطار : ٥/٥
الهدوء : ٥/٥
اضاءه الغرفه : ٢/٥
الخدمه : ٤/٥
تقيمي هل هوا مناسب للاطفال : ٣/٥
هل هوا مناسب للعرسان : 5/5

صور الغرفة والاطلالة :

http://www.arabtrvl.com/up/uploads/a...1139302081.jpg

http://www.arabtrvl.com/up/uploads/a...1139302112.jpg

http://www.arabtrvl.com/up/uploads/a...1139302143.jpg

http://www.arabtrvl.com/up/uploads/a...1139302164.jpg

http://www.arabtrvl.com/up/uploads/a...1139302195.jpg

البلكونه

http://www.arabtrvl.com/up/uploads/a...1139424041.jpg

http://www.arabtrvl.com/up/uploads/a...1139424072.jpg

http://www.arabtrvl.com/up/uploads/a...8113942413.jpg

http://www.arabtrvl.com/up/uploads/a...1139424134.jpg

أكثر شيء مميز في هالفندق الغرف الارضيه المطلة على المسبح ،
وفكرتها انه من البلكونه حقت الفرفه فيها درج تنزلك على المسبح على طوول ،،
يعني تصحى من نومك تلبس سروال سباحتك وتنزل المسبح من غرفتك وتطلع وتنزل زي ماتحب صراحة اروع شيء من دون ما تحتاج تخرج من غرفتك وتنزل من مصعد وتروح للمسابح وفيلم طوييل ... :22:

هذي صورتها من النت

https://s-ec.bstatic.com/images/hote...3/84311659.jpg

بس كانوا كاتبين ملاحظه في بوكينغ للغرفه هذه انه هذه الغرفه غير مسموحه لمن لديهم اطفال تحت 12 سنه ...

بسم الله ..... نكمل تقريرنا

جزء : كــــــوالا :
الاقامه فيها لمدة ٤ ايام

خرجنا من بينانغ متوجهين الى كوالا بسيارتنا طبعا ، الطريق كان مشمس جدا في الساعة تقريبا 11 ص ، والى منتصف الخط الا ونشوف الغيوم السوداء القريبة جدا من الارض ، واحنا من شده هول المنظر ، والله اصابنا الرعب قليلا ، الين ما دخلنا وسطها ، كان الجو تحت هذه السحابة مليء بالبرق والرعد والرياح والامطار القويه .. << محنا قادرين نشوف اللي قدامنا بوضوح ،،
فكانت امامنا شاحنة كبيره تمشي بسرعه ، فكنا وراها نمشي ، فقلنا أكيد هوا عارف الخط تمام ..

هذه صور للغيوم السوداء اللي اعترضتنا ..

http://www.arabtrvl.com/up/uploads/a...1139069081.jpg

http://www.arabtrvl.com/up/uploads/a...1139069132.jpg

وماهيا الا نصف ساعه تقريبا ، ونخرج من تحت هذه السحابة السوداء . ويرجع الجو مشمس سبحان الله
<< تونا كنا بنغرق تحت سحابة شديده المطر . وفجأه مافي ولا شيء والشمس ساطعه ..
<< هكذا تقريبا هو جو ماليزيا ماتقدر تتنبأ بجوهم ،، سبحان الله ..
( دايما كونوا مستعدين المظلات والجاكيتات حق المطر تكون معاكم في كل خرجه هناك )

وصلنا كوالا الحمد لله في الساعة 5 عصرا ، كان وقت ذروة عندهم الشوارع مزدحمه جدا ..
وصلنا الفندق على خير

http://www.arabtrvl.com/up/uploads/a...1139069153.jpg

http://www.arabtrvl.com/up/uploads/a...1139069184.jpg

فندق ميترو ٣٦٠ ( 4 نجوم )

رابط الفندق في بوكينغ
https://www.booking.com/hotel/my/met...2a4a5388dea317

http://www.arabtrvl.com/up/uploads/a...1277252981.png

تعرفت على الفندق خلال بحثي في بوكينغ

السعر :
٤ ليالي ب ٨٥٠ رنجت شامل الضرايب

نوع الغرفة ومساحتها :
غرفة سوبير كوين – 18 متر مربع

شامل الافطار ( الغاء مجاني )

ملاحظاتي عن الفندق :
فندق جديد افتتح في عام ٢٠١٦ م -
قريب جدا من برج المناره ( مناره الاتصالات )
خمس دقايق مشي ع الاقدام
ومن البرجين التوام ومن شارع العرب

اختياري لهذا الفندق ايضا للتوفير ، لانه اخر الايام حتكون كلها في السوق وحنستخدم الفندق للنوم فقط

فالسعر جدا طيب والموقع جدا ممتاز قريب من كل شيء

بخصوص الغرفه :
اكثر سلبياتها :
• حجم الغرفه لابأس به ( 18 م )
• السرير ضيق نوعا ما
•
• ايجابياتها :
• الارض نصفها مفروش موكيت ( سجاد ) ونصفها رخام
• يوجد ثلاجة وميني بار
• الاضاءة ممتازه
• التكيف ممتاز

الحمام :
• يوجد به هوز - شطاف
• نظيف وجيد وكبيييير جدا

الافطار :
• بخصوص محتويات الافطار جدا قليل
• ولا انصح من يسكن في هذا الفندق ان ياخذ شامل الافطار
• محتويات الافطار للعرب :
• كروسان توست
• كورن فليكس
• بيض اومليت
• فواكه
الكوفي فقط ( اسبيرسو ) لايوجد كابتشينو
اكثر محتويات البوفيه لغير العرب
( كل يوم كنت اكل كروسان وقهوه بيضاء وجسومي كورن فليكس وحبحب )

المسبح :

مسبح واحد في الدور ٦٠ على اطلاله جميله ومرعبه في نفس الوقت

http://www.arabtrvl.com/up/uploads/a...1277136992.png

http://www.arabtrvl.com/up/uploads/a...1277136661.png

http://www.arabtrvl.com/up/uploads/a...1140327013.jpg

http://www.arabtrvl.com/up/uploads/a...1140327034.jpg
عند مدخل الفندق ..

تقييم اقامتي فيه :
النظافة : ٥/٥
الهدوء : ٥/٥
السرير المريح : ٤/٥
الافطار : ١/٥
اضاءه الغرفه : ٥/٥
الخدمه : ٤/٥
الموقع وقربه من الاماكن السياحيه : ٤/٥

الاماكن التي تمت زيارتها :

برج المنارة :
في صباح اليوم الثاني لنا في كوالا . في الساعة 10 ص
اخترنا زيارة برج المنارة ، وذلك بسبب انه الكثير في المنتدى نصحوا بذلك ،
( لان المنارة تعتبر اعلى من البرجين التوام )
البرجين التوام فقط يسمحوا للسواح بالوقوف في الجسر اللي بين البرجين
اما المناره فتستطيع الصعود الى قمتها ..
وقفنا سيارتنا ف الباركينق واستقبلنا احد العاملين هناك واخذنا الى الاستقبال
وجلس يقول لنا عن العروض والاسعار اللي عندهم ..
الانشطة الموجوده في المنارة :
- حديقة حيوانات مصغره
- واكواريوم مصغره
- وسباق فراري
- والعاب قيمز الكترونيه
- البيت المقلوب
- الصعود الى اعلى المنارة
- دخول المكعب الزجاجي في اعلى القمة ..

طبعا احنا استبعدنا الحيوانات لاننا رحناها في ( زوو نيقارا ) واستبعدنا ( الاكواريوم المصغرة )
لاننا نبغا نروح الاكواريوم الكبيره اللي في حديقة البرجين .
وايضا استبعدنا العاب الاليكترونية والفراري مالها داعي ورانا مشوار طويل في هذا اليوم
وما نبغا نضيع وقت ع الفاضي ..
فاستقرينا على :
- الصعود للمنارة ودخول المكعب الزجاجي والبيت المقلوب . ( طبعا كل نشاط له تذكرة دخول لحالها )
المكعب الزجاجي كانت فكرة ابو جاسم واصراره عليها رغم اني رفضتها ، << ياربي بس اتخيل المنظر يجيني رعب ..

المهم اشترينا التذاكر ، واحنا متوجهين الى المصعد .... !!

( تعرفوا اكيد المقلب اللي مستنينا وما دريت عنه الا لمن وقعنا فيه ، مدري اذا كان احد ذاكر هالموقف في احد التقارير وما انتبهت له فحقه عليا )

اللي هوا قبل ماتطلع المصعد حيقابلوك رجالين من اللي يشتغلوا في البرج يقولوا لك تعال نصورك صورة free مجانا ...!!!
انتبه وانتبه انتبه ميه مرة منهم ترى منهم مرررررا كثثير في كوالا << انا ماشفتهم منتشرين غير في كوالا ..
المهم احنا فرحانين محنا دارين شسالفة .. وقفونا على جدار اخضر وصورونا ..
وانا استفهامات في راسي ليش الجدار الاخضر هذا ..
انا ادري انه عشان الفوتوشوب بس ليش يصورونا قدام هذا الجدار ..
واعطونا ورقه عشان نستلم صورنا بيها ..

خلاص مع الحمااس طنشت السالفه وكملنا طريقنا وصعودنا الى القمة ..
المصعد جدا سريع لحظات واحنا ف القمه .. طبعا تحسوا بضغط على الاذن
( ينصح للكبار تكونوا تاكلوا لبان عشان الضغط ) والاطفال تعطيهم عصير او للرضيع رضاعته ..

ووصلنا القمه واستمتعنا بالمناظر الجميلة .. ( طبعا المكان اللي رحنا مكان مكشوف )

ونجي الان الى المكعب الزجاجي وما ادراكم ماهذا ؟!!
هووا عباره عن مكعب زجاجي شفاف فوق الهواء .. يعني لمن تطلع فيه تشوف كل شيء تحتك
ومسموح 3 دقايق لكل عائلة ..
عند هذا المكعب يوجد رجال مع كاميرته يصوركم .. اذا تبغوا طبعا ، وعند الخروج يطبعوها لكم بفلوس ويضعها في ألبوم ..
احنا دخلنا كلنا ومدري والله كيف دخلنا ابو جاسم ووجسوم مرا مبسوووطين ويجلسوا وينسدحوا ويقوموا وعايشين الحياة ...
اما انا ورشودي الله الواحد ادرى بحالتنا طبعا رشوددي اكيد مو داري اش السالفه بس يبكي من ولا شيء ههههه
وانا عيني ما نزلتها للارض ابدا ..
انا اخاف شويه من الارتفاعات بالذات لمن اطالع من مكان مرتفع احس قلبي في رجولي صار من هول المنظر ..
المهم ما اطول عليكم ،،،
دخلنا كلنا والرجال يصورنا يلعب فينا جالس ويقول لنا ارجعوا ورا وتعالوا يمين وتعالو يسار وارفعوا يداتكم . وانا حيغمى عليا ،،

عند طباعه الصور طبعا اكيد حاخذ هذه الصور ، تجربة جريئة جدا وجمييييييله ..

احنا طبعنا 5 صور ب 180 رنجت وكل صوره حطها في البوم لحال . << طبعا الرجال صورنا يمكن 9 صور ..
مو اكيد لعب فينا في المكعب لين قولنا امين ..
بس باقي يقول لنا اتشقلبوا واصوركم هههههه استغفر الله ..
واحنا نسمع كلامه عشان يخلص بسرعه ونخرج ..

اذا انتو حابين اعطوه كاميرتكم هوا يصوركم وبلاش تدفعوا شيء ..

اسيبكم مع بعض الصور

http://www.arabtrvl.com/up/uploads/a...1139782333.jpg

http://www.arabtrvl.com/up/uploads/a...1139782364.jpg

http://www.arabtrvl.com/up/uploads/a...1139892161.jpg

http://www.arabtrvl.com/up/uploads/a...1139892182.jpg

المكعب الزجاجي

http://www.arabtrvl.com/up/uploads/a...1139892213.jpg

http://www.arabtrvl.com/up/uploads/a...1139892264.jpg

http://www.arabtrvl.com/up/uploads/a...1279036421.png

http://www.arabtrvl.com/up/uploads/a...1279037914.png

وبعدين نزلونا الدور اللي تحت بالمصعد الاطلاله المغلقة مكيفه ، واول مادخلنا جلسونا بسرعه ورا الجدار الاخضر ويلا صورة فري ، واحنا جلسنا .. وماطولنا في هذا المكان ويوجد محلات تبيع ماء وسناكات واشياء تذكارية .
واحنا خارجين يلا ادفعوا فلوس الصورة ..

نععععععم ووين اللي تقولوا فري فري وشلتونا وجلستونا وفري وتشيك تشيك ( صوت الكاميرا ) ويلا قوموا

زي اللي يدبسووكم فيها ، تخيلوا وقت مايصورونا على طول يلعبوا بالصور بالفوتوشوب ويحطوا خلفكم صور ومناظر كوالا ..

طبعا هذا الاستغلال والنصب بعينه ..!!

واحنا خارجين من المنطقة المغلقه للاطلالة ،، الرجال يعطينا الكيس وفيله الصوره وسط البوم ومعاها صورة ثري دي ، وادفعوا 160 رينجت ...
وابو جاسم يقول لهم شكرا مانبغاها .. وخلوها عندكم ..
الحرمه اللي جالسا تسوي الصور بالفوتو اعطتنا هذيك النظره الحاقدة .. ورموا الصور حقنا ..
( يعني سؤال مين اللي المفروض يعطي التاني هذي النظره انا ولا انتي !!
تخدعونا وتلبسونا الشغله على كيفكم وبعدين تزعلوا مننا اذا رفضنا )

المهم اكثر حركه تقهههر هذه الحركه في كوالا في كل مكان ..

المهم نكمل ،،

نزلنا الدور الارضي توجهنا الى البيت المقلوب ، وموقعه عند مدخل المناره ..
طبعا عند مدخل البيت المقلوب يجووكم اصحاب الـ ( تشيك تشيك ) وفري فري ..
تبغوني اقلهم انا من غير ما اطالع فيهم ثانكيووووو
ونكمل طريقنا والعبوها على غيرنا

وهذا البيت جميل ويستحق الزياره لمرة واحده فقط ، ومكثنا فيه قرابه الخمس الى 6 دقايق فقط .. مايستاهل مرا كثير
واتضح لنا انه ماهم عارفين ايش يسووا عشان يشفطوا فلوس من السياح ...

انقلبت رووسنا مع هالبيت وجانا صداع هههههه
وجسومي يقول لي : ماما كيف ننام والسرير فوق ؟؟!!

الولد مسكين مخه اتلحس وضرب من اللي شافوا !!!! ههههههههه

الصور :

http://www.arabtrvl.com/up/uploads/a...1140066962.jpg

http://www.arabtrvl.com/up/uploads/a...1140066931.jpg

وخلصنا واحنا رايحين ابو جاسم افتكر الصورة اللي صوروها لنا في البدايه واعطونا رقم عليها ..
راح لهم وقال وين الصورة قالوا ادفعوا 100 رنجت وخذها وخرج اللي في قلبه عليهم ليش تضحكوا على الناس كذا وتصوروهم ..!!!

عاد يلا انتبهوا تقعوا في مقلبهم هذا اللي قاهرني للان ...!!

وهذي صورة مكان النصب ( هذا المكان اول مكان حيقابلكم بعد ماتاخذوا تذاكركم وانتم متوجهين الى المصاعد للصعود للمنارة حيقابلوكم على طول في طريقكم ..))

http://www.arabtrvl.com/up/uploads/a...1279037383.png

تيب لو يصورونا ع الطبيعه ممكن اخذ الصور زي صورنا في المكعب الزجاجي طبيعيه ..
لااا هما يصورنا على جدار اخضر وكلها بالفوتوشوب مأخوذه ليش الكذب ، انا اجي ماليزيا عشان اخذ صورة فوتوشوب .. !!!

لو بتصوروني صوره طبيعيه ممكن افكر اخذها .. اما كذا عيني عينك ضحك ونصب ..
تعرفوا يخلوكم تحسوا انهم حطوكم في موقف المغفلين والمضحوك عليهم ..
<< عشان كذا انا للان زعلانه منهم ..

فخرجت كل اللي في قلبي هنا عشان لاتنحطوا في هالموقف ......!!

زيارة الاكواريوم :
بعد خروجنا من المنارة توجهنا الى الاكواريوم ..
وقفنا سيارتنا في موقف سيارات قريب جدا من الاكواريوم ..
ونزلنا نمشي 5 دقايق الى ان وصلنا لوجهتنا ..

عند مدخل الاكواريوم يوجد ستار بكس ، قلنا خلينا ناخذ استراحة بسيطة ناكل أي شيء عشان نقدر نكمل الرحله لليوم ... لاننا على بطوننا من افطار الفندق الخفيف ..

وفعلا طلبت انا موكا شيك ، وكيك ريد فليفت .. وابو جاسم كابتشينو ..
ولسا بقول بسم الله الا اختفت الكيكه من قدامي ..
جسومي صادرها مني ،<< انا دايما اقولك ي ابو جسومي اطلب من كل شيء اثنين ..
الله يسستر لو كبر رشودي كمان ،، شكله حيطلب من كل شيء ثلاثه ههههههههههه

http://www.arabtrvl.com/up/uploads/a...1145269771.jpg

مملاحظه صغيرة : الحين ليش كل الناس يحبوا ستار بكس ؟!؟!
انا عجزت الاقي اجابة لها السؤال !!
بس من وجهة نظري اتوقع ، انه اقبال الناس بشده على هذا المكان من قوة الاعلام وتأثيره علينا لهذا المكان ..!
يعني صراحة الكابتشينو حقهم اعطيه 1/5
يا الله طعمه كانه استفراغ كابتشينو ف الكوب .. << عذرا على الوصف بس من جد كذا طعمه ..
مافيله أي طعم للكابتشينو الله يكرم النعمه ..
يعني اذا محل زي كدا الكابتشينو اسهل شيء ماهو مزبوط عنده كيف باقي المنتجات لديه !!!
عجزت افهم هذا المكان اشتري منه بالسعوديه ومن هناك وكل شوي اغير طلبي لعل وعسى انه يكون الغلط مني ما اعرف اطلب ... بس النتيجة وحده .. سيء لابعد الحدود ......

المهم الحمد لله روقنا واخذنا طاقة عشان نقدر نكمل طريقنا الطويل لهذا اليوم ..

اخذنا التذاكر :
اذا ماني غلطانه كان السعر 79 للشخص البالغ
39 للطفل ..
وراشد رضيع مجانا ..

ملاحظاتي :
مكان مرتب ومنظم جدا . جميل ورائع وكل شيء حلو فيه ..
- بس عتبانه على شيء عليهم ، وهوا اني ماشوفت قرش ضخم او أي سمكه مفترسه ضخمه كلهم حجمهم عادي وصغير .. ووسط ..
- كنت اتمنى اشوف شيء ضخم كبير اقول وااااااااااو وسبحان الله عليه .. بس ما اتحققت امنيتي ومافي عندهم دلافين ولا حتى سمكه نيمو وضوري ولا فقمه .. مدري اش المميز عندهم ..
- المهم المكان جميل ويستحق المشاهدة ..
- تقيمي له 3/5

مدخل الاكواريم من الخارج

http://www.arabtrvl.com/up/uploads/a...1279036822.png

والمدخل من الداخل

http://www.arabtrvl.com/up/uploads/a...1278634651.png

بعض صور الاسماك

http://www.arabtrvl.com/up/uploads/a...1278635082.jpg

http://www.arabtrvl.com/up/uploads/a...8127863513.png

http://www.arabtrvl.com/up/uploads/a...1140066983.jpg

http://www.arabtrvl.com/up/uploads/a...1140067014.jpg

http://www.arabtrvl.com/up/uploads/a...1140067045.jpg

هذا ممر تشوفوا الاسماك تسبح فوقكم ( توقفوا على سير كهربائي يمشيكم )
http://www.arabtrvl.com/up/uploads/a...1278636095.jpg

قبل الخروج تمروا على محل لشراء التذكارات والكثير من البضايع

http://www.arabtrvl.com/up/uploads/a...1278635644.png

بعد الاكواريوم تجولنا في حديقة البرجين .. وتوجهنا لمول سوريا .. ( في الجزء الاخير حتكلم عنه )

http://www.arabtrvl.com/up/uploads/a...1140067076.jpg

http://www.arabtrvl.com/up/uploads/a...1140067097.jpg

حديقة الطيور :

http://www.arabtrvl.com/up/uploads/a...1280244212.jpg

في صباح اليوم الثالث لنا في كوالا ، توجهنا لهذه الحديقة
بما اننا لم نتكمن من زيارتها في بينانغ لارهاقنا من طول الخط الطويل ،
أخذنا التذاكر ودخلنا وتوجلنا ف الحديقة الاكبر من كبيره ههههه مساحتها جدا واسعة ..
امممم مملة بعض الشيء تمشي وانت وحظك تشوف على يمينك ويسارك الطيور
والطاووس اكثر من رائع يا سبحان الله على خلق وابداع الله ..

هنا مكان التذاكر

http://www.arabtrvl.com/up/uploads/a...1280045864.png

هذه خريطة الحديقة كاملة ..
http://www.arabtrvl.com/up/uploads/a...1279667573.jpg

وفي منتصف الحديقة يوجد محلات تبيع سناكات وايسكريم
http://www.arabtrvl.com/up/uploads/a...1280046375.png

ومكان عشان الصور التذكارية مع احلى واجمل الطيور الببغاوات ..
هذي صورته
http://www.arabtrvl.com/up/uploads/a...8127966661.png

هذي الببغاوات اللي حتتصوروا معاها
http://www.arabtrvl.com/up/uploads/a...1280046846.png

http://www.arabtrvl.com/up/uploads/a...1280047327.jpg

مكان ماحتجلسوا عشان تتصوروا معاهم
http://www.arabtrvl.com/up/uploads/a...1280243761.png

تدخل عندهم يحطوا كل الببغاوات عليك :
عندهم عرضين :
1- يصوروك هما ويطبعوا صورتك ويحطوها في البوم ب 35 رنجت اذا ماني غلطانه ..
2- يصورك بكاميرتك الشخصيه فقط ب 15 رنجت .. ( في حال منت حاب انهم يطبعوا صورتك )

وجلسنا اخذنا استراحة اسكريم في هذا الجو المشمس ..

http://www.arabtrvl.com/up/uploads/a...1140327065.jpg

وكملنا طريقنا ووصلنا عند عرض الطيور وما دخلناه ، تعبنا من المشي وفينا ارهاق ..
وباقيلنا ههذا اليوم وبكرا وما اتسوقنا كثير ونبغا نلحق ع الاسواق .. خرجنا من الحديقة
تقيمي لها : 3/5

http://www.arabtrvl.com/up/uploads/a...1279667042.png

http://www.arabtrvl.com/up/uploads/a...8114032691.jpg

http://www.arabtrvl.com/up/uploads/a...1140326932.jpg

http://www.arabtrvl.com/up/uploads/a...1280317781.jpg

توجهنا الى التايمز سكوير ( التفصيل في الجزء القادم والاخير )
ثم الى البافليون ..

اخر وجهة لنا في كوالا ، كانت الصنواي لاجون وتكلمت عنها في جزء سيلانجور ..
دخلنا الصنواي لاجون في الساعه 11 ص وخرجنا منها الساعة 4 عصرا ، ثم توجهنا الى البيراميد حبيب القلب لنكمل تسوقنا ..

ثم رجعنا للفندق لتجهيز الشنط وترتيبها للمغادرة في صباح اليوم التالي . الى المطار ..

الجزء القادم :
حتكلم عن المولات اللي زرناها وملاحظاتي عن كل مول .
وعن جميع المطاعم اللي اكلنا فيها وتقيمي لها ..
وملاحظات اخيره بشكل عام عن الرحلة ونجاحها ..