|
رد: رحلة شتويه الي بورصة واسطنبول 2015 . . . . حمدا لله على السلامة تقرير رائع ومفصل أعجبني ذكرك للإيجابيات والسلبيات وأعجبني أكثر إنه حتّى مع الحادث حابة ترجعي مرة ثانية وثالثة بس سؤال ثاني لا هنتي العدد كم بالظبط ؟ والسعر يشمل إيش ؟ لإنه ودي أحسبها بطريقة ثانية لا هنتي بالتوفيق |
رد: رحلة شتويه الي بورصة واسطنبول 2015 اقتباس: المشاركة الأصلية كتبت بواسطة طارق عنايات http://www.arabtrvl.com/vb/traveler/...s/viewpost.gif الحمد لله على سلامتك مارأيك بزيارة فيالاند في الشتاء وكذلك جزر الأميرات ؟؟ هل الثلج موجود فقط في جبال الاولوداغ ام يوجد مناطق اخرى فيها ثلج ؟؟ ممكن اسعار الألعاب الثلجية ؟؟ شكرًا لكم الله يسلمك تركيا بالشتاء جميله . بس لازم تخطط جدول الزيارات على حسب تقلبات الجو . يوم فيالاند مثلا ما ايكون يوم ممطر لانك ما بتستمع . نفس الشي جزيرة الاميرات . بالشتا ايكون الجو بارد واذا في شمس راح تستمتع لانك بالغالب راح تتمشى وتجلس بالجلسات الي على البحر . صديقتي راحت بالصيف اتقول ما قدرت تستمتع بالرحله بسبب الحر . الثلج موجود بجبل الالوداغ بكثرة وفي زحلاقات تاجرها على الجبل بسعر 20 ليرة لساعه . اليوم الي احنا رحناه كان في ريح شديدة فكانو موقفين تشغيل التلفريكات كلها . سمعت ان في تلفريك حلو غير عن الي يحملك الى الجبل . مفتوح كله . اخر يوم لنا بالاسطنبول تاريخ 10 فبراير بدا ينزل ثلج . وكنا سعيدين فيه جدا ..اول مره احس باحساس الثلج ينزل على وجهي ...من الخرعه فتحت بوزي علشان اعرف طعم الثلج :(34): اتوقع بعض الاحيان اسطنبول بعد فيها ثلج بس يعتمد على الجو . اتمنى اني اجب على تساولاتك واني افدتك . تحياتي |
رد: رحلة شتويه الي بورصة واسطنبول 2015 اقتباس: المشاركة الأصلية كتبت بواسطة ماجد الفهد http://www.arabtrvl.com/vb/traveler/...s/viewpost.gif . . . . حمدا لله على السلامة تقرير رائع ومفصل أعجبني ذكرك للإيجابيات والسلبيات وأعجبني أكثر إنه حتّى مع الحادث حابة ترجعي مرة ثانية وثالثة بس سؤال ثاني لا هنتي العدد كم بالظبط ؟ والسعر يشمل إيش ؟ لإنه ودي أحسبها بطريقة ثانية لا هنتي بالتوفيق الله يسلمك يا اخوي تركيا ديره حلوه وان شاء الله ربي يسهل لي واروحها مره ثانية . حوادث السفر لازم تصير بين فتره وثانيه والا كيف بنتذكر مغامراتنا :yolks00710: بخصوص تسعيره الرحله دفعنا 15000 دولار لاجمالي عدد 20 شخص بواقع 750 دولار للشخص شاملا : 3 ليالي سكن في بورصه لعدد 4 غرف ثلاثيه و4 غرف ثلائيه 7 ليالي سكن في اسطنبول ل 8 غرف بنفس التقسيم السابق باص ل26 راكب من الساعه 10 صباحا الى 8 مساء مع السائق والدليل السياحي العربي يوميا ماعدا يوم الرجوع بس توصيله للمطار . الرحلات كما هي قي الجدول .وممكن تغيرها او اختصارها بس اهم شي ما نطلع برع المنطقه . شامل سعر العباره من اسطنبول الي بورصه والعكس . شامل اسعار الباركنج للباص . غير شامل تذاكر دخول الاماكن السياحية وسعر العباره من والى جزيرة الاميرات وكذلك التلفريك لجبل الالوداغ (احنا رحنا بالباص فدفعنا 10 ليرة للفرد) والتلفريكات الداخلية عامتا (مثل الي بمنطقه ايوب ) لان كنا قروب كبير حسينا ان السعر هذا معقول احسن من البهدله بالترام او المترو وممكن نضيع من بعض وكذا. بس لو عندك اقتراحات احلى نورنا تحياتي |
رد: رحلة شتويه الي بورصة واسطنبول 2015 اقتباس: المشاركة الأصلية كتبت بواسطة qa6ar911 http://www.arabtrvl.com/vb/traveler/...s/viewpost.gif الحمدلله على السلامه اختي ماشاء الله تفاصيل وجدول جميل سلمت يمناج الله يسلمك يالغالي . اسعدني مرورك تحياتي |
رد: رحلة شتويه الي بورصة واسطنبول 2015 يعطيك العافية تفاصيل مهمه راح بالي إن سعر الباص ب 750 دولار :(47): |
رد: رحلة شتويه الي بورصة واسطنبول 2015 اقتباس:
ليكونوا بيسخروا جن يسرقلهم ولاد العفريته هههه |
رد: رحلة شتويه الي بورصة واسطنبول 2015 الحمد لله عالسلامه يعجبني في سفراتك الترتيب الدقيق للرحلات والجولات السياحه قبل السفر شلون التجربه مع ٢٠ شخص ؟؟ حتى لو عائله ما تحسين انه الواحد يتقيد في تحركاته |
رد: رحلة شتويه الي بورصة واسطنبول 2015 حياك 20 شخص مافيها كلام سعر ممتاز للغاية كنت أعتقد العدد من 5-7 وفقك الله وشكرا لردك الشافي والكافي |
رد: رحلة شتويه الي بورصة واسطنبول 2015 سلمت يمناك اختي على هالتقرير الخفيف بس انا اعتقد ان الزيارات باعداد كبيره زي هيك يكون فيها فقدان ...لبعض الالوان .... ولا بد من اعادتها فرادا وان طال الزمان .....العب وحدك تجي راضي .... |
رد: رحلة شتويه الي بورصة واسطنبول 2015 اقتباس: المشاركة الأصلية كتبت بواسطة fanda http://www.arabtrvl.com/vb/traveler/...s/viewpost.gif الحمد لله عالسلامه يعجبني في سفراتك الترتيب الدقيق للرحلات والجولات السياحه قبل السفر شلون التجربه مع ٢٠ شخص ؟؟ حتى لو عائله ما تحسين انه الواحد يتقيد في تحركاته الله يسلمك يالغالية التخطيط جدا مهم قبل السفرة . للامانه كنت متخوفه بالبداية للسفر مع قروب كبير نعم كلنامن عائله واحده بس الاختلاف وعدم الاتفاق ممكن . فاول شي سويته اني وزعت البرنامج على كل المسافرين . وقلت لهم هذا الي بنسوية طول الفتره واي فرد ايحب يسوي شي مختلف اهو حر بس ممكن يروح بالتكاسي . بعدها سويت قائمة نصايح للسفر وكان فيها بعض النقاط الي لازم كل فرد يلتزم فيها منها التاخيروالانضباط بالوقت والالتزام بالتعاون مع رائي الاغلبية وخلافه . الحمدلله ما واجهتنا بالجولات السياحية مشاكل وكانت تساهيل بس الموضوع المتعب كان بالمطار . شناط وايد ولازم نتاكد اننا مانسينا شي وان العفش مو اكثر من الوزن وخلافه . بس كانت تجربه حلوه الحمدلله . اسعدني مرورك وتحياتي لك يالغالية |
| الساعة الآن 11:19 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO