|
اقتباس:
ان شاء الله اذا رجعت بكتب تقرير مفصل وبالنسبه للعباره الغيتها من الخطه وبشوف لي طيران اشكرك |
اهلين اختي ليمو بالنسبه للتوصيله ابى سيلانجور اخذ علي مية ريال وبالنسبه لبرامج المواصلات فعلا حملتها وان شاء الله تفيديني بخصوص الحدائق اشكرك على المعلومات وراح اقرا تقريرك اكيد فيه معلومات مفيده شكرا جزيلا اختي واللي عنده اضافات لا يبخل علينا |
اقتباس:
بس بما انه يوم الوصول وانتوا رحلتكم ترانزيت خلي السواق ينتظرك لكن وقت الروحه للانكاوي استخدم جراب http://uploads.tapatalk-cdn.com/2017...83a98ab937.jpg السعر وهذي الخاصيه في جراب ايكونومي ان السعر اللي يطلعلك تدفعه فقط بدون اي زياده انا في من مطار بينانق الى مكان السكن في الباتوفرينجي استخدمته لانكاوي مافيها اوبر او جراب فاستخدم تاكسي بس اشرط عليه بالمتر وممكن تستأجر سياره في تجارب كثيره للاخوان في السواقه هناك وما كان عندهم مشكله صحيح لازم تطلع على ساعات العمل قبل لا تروح المكان لان بعض الاماكن تغلق يوم في الاسبوع أرسلت من HUAWEI MT7-TL10 بإستخدام تاباتلك |
اقتباس:
اولا اشكرك على تقريرك المليء بالتفاصيل المهمه وكمية معلومات كبيره لازم اكمله بإذن الله وبالنسبه لجراب باذن الله راح استخدمه مع اوبر في كوالا وبينانج اما بالنسبه الى لنكاوي انا ماعندي مشكله في استئجار سياره لكن تقريبا ماراح استفيد منها كثير خاصه اني ماراح اكثر نشاطات في اليوم يمكن نشاط او نشاطين لكن فكره ممتازه وتستفيد منها بالتوصيل من والى المطار |
اخوي عندي لك اقتراح دام انت بتجلس في لانكاوي خمس ايام قسمها علي فندقين وعندي لك خيارين واتمني يناسبك اول يومين تخليها في فندق سعره وسط واغلب الاعضاء يمدحوا فندق ايديا لانكاوي والثلاث الايام الباقية تخليها في منتجع فيفانتا باي تاج جزيرة ريبوك الفندق خمس نجوم ورائق وينفع للعرسان والاسترخاء انت شوفه ممكن يعجبك او انك تختار اي فنادق اخرى بحيث تخلي الفندق المتوسط السعر للايام اللي بتحرجوا غيها وتمون للانشطةوالفندق الرائق اللي بتقعدوا فيه وتستمتعوا بمرافق الفندق |
اقتباس:
لكن للاسف حجز الفندق غير مسترد بس انا من كلام الاعضاء الصراحه اقتنعت في فندق ذا دانا الا اذا عندك وجهة نظر ثانيه نتقبل جميع الاراء وشكرا لك مره ثانيه |
حبيت أبارك لابو مشاري و ارحب فيه والكل من مشرفين وخبراء ما يقصرون و أكيد نطمح بتقرير على ذوقك يا هلا و مرحبا فيك يا عريس |
اقتباس:
بإذن الله ابشرو بالتقرير المفصل بإنتظار اهل الخبره يجاوبون على الاستفسارات |
ياجماعة الخير ياً اهل الخبره وينكم الاعضاء ماقصرو جاوبو على بعض الاسئله نبي فزعتكم الاستفسار الاول : رأيكم في الفنادق وفي انواع الغرف وهل هناك اقتراح لترقية انواع الغرف اذا كان هناك فرق بسيط بالمبلغ الاستفسار الثاني : هل وقت المغادره من سيلانجور باتجاه المطار كافي او اطلع قبل علما بان رحلتي الساعه 1:20 والمخطط الخروج الساعه 10 صباحا الاستفسار الثالث : اي مطار اتوجه للرحله الداخلية علما ان الخطوط الماليزيه الاستفسار الرابع : في ماليزيا هناك نشاطات متكرره مثل حدائق الفواكه والفراشات ومنعا للتكرار الرجاء تحديد اسم المدينه التي تكون فيها الحديقه مميزه حديقة الطيور : ............. حديقة الحيوانات : .............. حديقة الفراشات : ................ حديقة الزهور : ................. اذا فيه غيرها الرجاء ذكرها الاستفسار الخامس : ماهي النشاطات التي لا تتحمل اي نشاط ثاني معها بنفس اليوم الاستفسار السادس : سمعت عن رحلة الغروب في لنكاوي سؤالي هل هناك رحلات خاصه بدون قروب وجموعات وهل رحلة المانجروف تفي عنها الاستفسار السابع : الرجاء ذكر الفعاليات والانشطه التي لايمكن ان تفوتك مثل المانغروف لنكاوي وهضبة بينانج وغيرها الرجاء كتابة الانشطه بجانب كل مدينه سيلانجور : لنكاوي : بينانج : كوالا : الاستفسار الثامن والاخير : هل يحق لي طلب سيده للمطابقه على جواز زوجتي في المطارات؟ |
ماقصصصرت معاك الاخت ليمموو كل شي قالته لك صحيح ميه ف الميه ممكن اضيف لك في بينانغ عندهم ملاهي ايكو سكيب ملاهي حركيه تسلق ومشي على الحبال والعاب القرود وكل شي حركي روووعه للاطفال والكبار الملاهي جميله ونجربه حلوا وحديقه الفراشات نصيحه لاتفوتها على نفسسسسسك ابدا جميله وروعه قليله فيها ومتحف الالعاب اذا تحب الالعاب والشخصيات روح الي في بينانغ والهضبه لازم تطلعها تبردوا على عمركم خصوصا تجربه القطار الجبلي رائعه ممتعه يعني تطلع قطار على الجبال يمشي ،،، ولاتنسى تزور الكوفي تري محل القهوه البيضاء الماليزيه انصحك بالقهوه الساده فقط اذا تحب الكابتشينوا بتعجبك طعمها لانها قريبه منه واشربها بالحليب مو بالمويه :13: واممممم واش كمان ،، واحلى فندق في بينانغ الشانغريلا والهارد روك وفطورهم عالي العال فخم ونظيف ولذيذ ومتنوع ونظيف وفي كوالا انصحك بزياره المناره وصعود المكعب الزجاجي اللي في قمه المناره تجربه مخيفه جريئه فقط روح المناره ولاتروح التوام البرجين لانه المناره قمتها اعلى من الجسر اللي في البرجين ( للتوضيح في البرجين التوام يطلعوكم. في الجسر المتصل بين البرجين ) وقمه المناره اعلى من الجسر وياحبذا لو تروح في العصر وقت مغيب الشمس المنظر حيكون شيء من الخياااااال وحديقه الحيوانات زووو نيقارا لاتفوتهااا وكيدزانيا الاطفال في سيلانجور لانكاوي ما اعرف عنها شي لاني مازرتها وان شاء الله افدتك |
| الساعة الآن 02:29 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO