اول يومين ممكن تروح لحدائق Gardens by the bay الثلاثه وكلها جنب بعض مقابل فندق المارينا
برضو عندك مول Marina square singapore وهو متصل بالفندق الي ساكن فيه

وفيه مول ثاني اجمل واكبر اسمه Suntec City انصحك فيه يبعد 15 دقيقه مشي
وداخله يوجد مطعم The manhattan Fish البحري مشهور ب امريكا أنصحك تزوره

وبرضو عجله سنغافوره الشهيره Singapore Flyer

ايضا لازم تزور تمثال ال Merlion الشهير مكانه خلف الفندق وبالقرب منه يوجد كوفي Starbucks



الأماكن الي ذكرتها لك فوق تروح لها مشي بحكم انها قريبه مره ماتحتاج وسيله نقل

بخصوص شارع الأورتشاد مافيه مكان محدد انزل للشارع وتمشى فيه
كله اسواق ومحلات ومطاعم + انصحك تزور حديقه Singapore Botanic Gardens قريبه من شارع اورتشاد
برضو انصحك تزور حديقه ال Night Safari جدا جميله تفتح بالليل الساعه 7 ولازم تاخذ تاكسي عشان تروح لها

بخصوص التنقل بالمترو فهو سهل جدا وفيه شروحات باليوتيوب اذا حاب
فقط تحدد اسم المحطه الي تبغى تروح وتقص التذكره وخلاص


سنتوسا صغيره وماراح تتوه فيها
عندك ملاهي يونيفرسال ستديو + متحف سنغافوره + متحف الشمع
+ اماكن ترفيهيه كثيره بجانبهم مثل حديقه الفراشات + 4D


اذا جيت تروح من المارينا للأورتشاد الأفضل تستخدم التاكسي
واسعارهم جدا معقوله المشوار تقريبا بحدود ال 30 ريال او اقل برضو