اخوي انا السنه اللي طافت نزلت لندن وبعدين توجهت الى البحيرات اخذنا الباص احنا مجموعه ماشاء الله سبع اشخاص
اخذنا باص الميغا باص لانه سعر التذكرة منخفض جدا طبعا الباص مايوصل منطقة البحيرات نزلنا بمنطقة لانكستر طبعا بمساعدة اعضاء المنتدى ومن لانكستر اخذنا قطار ع منطقة البحيرات جلسنا ثلاث ايام
بعدها قطار ع ادنبره جدا المدينة جميلة ومن ادنبره رجعنا الى لندن اخذنا طائرة ع الخطوط البريطانية طبعا زاد عدد الحقائب من سبعه تقريبا لعشرة جينا بالمطار قالو لازم تدفعون حق الوزن الزائد وكان فيه لخبطة بحساي الوزن واخذوا مننا 200 باوند وراجعنهم انهم غلطانين قالوا خلاص راح يرجع المبلغ ع البطاقة وفعلا رجع المبلغ بعد فترة طبعا هذي تجربتنا طبعا مانسى اقدم شكري لاعضاء المنتدى ع مساعدتنا

في اعتقادي أن ليفربول تستحق الزيارة ولو ليــوم واحـــد فهي ايضاً جميلة و سنتر المدينة جميل بالقرب من محطة القطارات

ابو عدنان
اذا عندك زياده خلها بلندن - من وجهة نظري كل مدن بريطانيا تقريبا نفس الكليشة - ومافيها مزارات سياحية مغرية خصوصا للعوائل الا لعشاق الكره في زيارة الاندية اللي يحبون او زيارة القلاع والمتاحف - اذا مالكم في المتاحف والقلاع والكورة فهو يبي يصير وقت ضايع عليكم في التنقل وتعب زايد وخسارة فلوس .
لندن فيها متاحف وصالات تزلج وحلبات سيارات ومسارح ومتاحف وفعاليات لها اول ومالها اخر وحية كل اليوم ..والا خذ لك بوت لمدة ثلاثة ايام في تجربة ماراح ينسونها اطفالك كل حياتهم من جمالها وبالنسبة لعفشكم فتاخذ لك مخزن صغير منتشرة كثير مررررره هنا 16 قدم ب 20 باوند في الاسبوع بيشيل اغراضكم كلها
https://www.safestore.co.uk/
فيه تقرير سبق ونزلته عن رحلة بالبوت ...

- بالنبسة للاكل الحلال فموجود بنسبة 100% في كل المدن الكبرى وكثير جدا في القرى وتلقى في المدن كل حاجتك من الدجاج واللحم الحلال سواء غنم او بقر ومنتجات اللالبان مثل اللبن والحليب والاجبان واللبنة وتلقى البهارات والليمون الاسود الخ .... بس اسئل او اكتب في قوقل ماب halal stores near me

تمام توكل على الله ..
اذا اعتمدت مخططك احجز للقطارات والطيارات واللي تبي من الان بتحصل اسعار اقل من بعدين بحوالي 70%
- المخزن ايه تقدر تستعمله اي وقت (24ساعه فاتحين) ومنتشر كثير جدا جدا جدا حتى بالمطار ومحطات القطار الكبيرة ... يعني لو حبيت تطلع برا لندن وقطارك باقي عليه كم ساعه تقدر تحطهم بمستودع بالساعه في محطة القطار ( طبعا الشقق والفنادق عندهم هالميزة مجانا وهي معروفه بس بالنسبة لمحطات القطار مدري يمكن احد تفيده )
- ويندرمير فيها قوارب اشكال والوان في البحيرة تقدر تستأجره وتسوقه بنفسك وسواقته جدا امنه ومسلية والبحيرة يمكن طولها 4 اميال والساعه نسيت بكم بس احس منطقي وتقدر تستاجره بالساعه او لمدة يوم ( 8 ساعات ) .

ابو عبدالله عسى الله يكتب اجرك ويجزاك كل خير بصراحه نعجز عن شكرك ماشاء الله عليك دائما سباق في الرد على اخوانك وتعطيهم كل ماعندك ولاتبخل على احد بمعلومة شهادة حق اسأل الله العلي العظيم ان يوفقك ويرزقك من حيث لاتحتسب ويحففظك

جعلك تسلم يا ابو عبدالله والله يرفع قدرك دنيا واخره
من رأيي توكل على الله بس مو كان 4 ايام في البحيرات كثير ؟ تراها ارياف والساعه 5 مقفلين وتجلس يمكن 3 ساعات نهار كلش مقفل الا كانكم بتتمشون بالسيارة وعلى رجليكم وانتم تحبون كذا فهذا موضوع ثاني ... يالله ترا الحين موب مشكلتك تقسم الايام .. المشكلة وش تبي تعبيهن :1: خصوصا لندن لو تجلس فيها شهر ماخلصتها :1:
فيه شي مهم وهو حجوزات السكن لان الاماكن الحلوه تخلص بدري خصوصا انك جاي بالصيف واجازة المدارس هنا في بريطانيا تبدا في 17 جولاي وانتبه لموضوع السكن في ويندرمير ضبطه من بدري والا ماراح تلاقي اللي تبي.
... يبي لك لفة سريعة ع التقارير قبل موضوع تضبيط الجدول عشان تشوف وش يناسبك لان يمكن يعجبني شي واسرف في مدحه ولا يعجبك ويمكن فيه شي اسرف في ذمه ( زي بلده مشهوره حول مانشيستر):11: وتعجبك مثل كل الناس عشان :1:
- الله يهنيكم ويسعدكم