|
سلمت يمناكم ،،، تقيماتك في اخر كل موضوع مفيده وممتازة جدا ،، والحمد لله انهات جات السرقه على كيس ،، وماجات في شيء مهم .. و حمدلله على سلامتكم فعلا الجو لمن يكون صافي بدون غيوم ،، ماينطاق والحراره مرتفعه جدا .. :23: خياركم انكم كنسلتوا الفواكه ممتاز خصوصا مع الزحمه اللي كانت فيه ،، بس طعم الفواكه والانتعاش اللي بعد التعب ما انساه لللآن .. :2: خساره فوتوها بس نصيب .. واتحممست انكم بتروحوا الايكو سكيب .. بس يلا معليش يمكن خيره مادخلتوها .. اعجبني انكم لقيتوا القيرني بلازا احلى من الكوينسيبي .. انا بس زرت القيرني وكنت زعلانه اني مارحت الكوينسيبي .. :24: فعلا ايام مايكون الجو حار على طول نكنسل التمشيه ونروح مول نقضي النهار كله فيه ..:24: شهيتيني في الدونات من وصفك هههههه بالعافيه عليكم ... متابعين معاكم ، بس ما نزلتوا صور كثيره من تصويركم .!!!:23: |
اقتباس:
اقتباس:
|
الله يسامحك ياام جسومي خليتني اراجع التقرير ترا اغلب الصور من تصورينا يادوب كم صورة من النت وعلى شان خاطرك وخاطر المنتدى لما نكمل تفريغ الصور بحدث الصور تمام :13: |
اقتباس:
حقك عليا ، بس يمكن التبس عليا الموضوع لمن اشوف صور عاليه الدقه وصور منخفضه دقتها ، يمكن كنتوا تصوروا بكاميرتين .. !!! ع العموم يعطيكم الف عافيه على مجهوداتكم ،، شاكرين مقدرين لكم ام حسن انا وانتي ف الهوا سوا اعرف احساس لمن تكتبي وعيالك فوقك :24: :6::e030::6::e030: |
ماشاء الله تقرير جميل و مفصل تفصيل من البداية الى هذه اللحظة . في انتظار تكملة التقرير متشوق لتجربة ايكو سكيب ان شاء الله تكونو زرتوها |
اقتباس:
اقتباس:
|
تقرير / رحلتي مع اغلى البشر الى جوهرة اسيا 2017 بسم الله الرحمن الرحيم :jmfyg: اليوم السابع اصبحنا واصبح الملك لله لا اله الا الله الاماكن المراد زيارتها 1 - ادفنشر زون http://www.shangri-la.com/penang/ras...dventure-zone/ يفتح يوميا من 10ص - 7 م اطفال المنتجع = 48 لباقة نص اليوم و 25 لباقة ساعتين اطفال خارج المنتجع = 35 رنجت لباقة ساعتين 2 - رحلة الصيد سعرها ثلاث ساعات 300 - 350 رنجت شاملة الاكل مع التوصيل والعودة للفندق 3 - الايكو سكيب تفتح يوميا من 10 ص - 6 م وتغلق الاثنين الكبار = 83 رنجت الصغار = 55 رنجت من ( 0-3 ) مجانا :kn: صحينا اليوم الساعة 6 وصلينا واتجهزنا شوي الصغير بس يستفرغ قلت لابوحسن انزلوا افطروا وانا بقعد معاه واعطيه دواء الاستفراغ وحق السخونة بعدين بعد ساعة دق ابو حسن قلي كيف الولد قلت تمام بس فيه سخونة قال ابوحسن الغي الرحلة حق الصيد قبل الرجال مايجي قلت تمام ودقينا على احمد وقلنا له قال تمام مافي مشكلة قله ابو حسن خلاص تودينا بكرة المطار بكم قال ب 60 رنجت قله تمام موعدنا بكرة قله رحلتنا 11 ونص قله تمام اجيكم 8 قله تمام قله ابو حسن اشوف قله اكد لي اليل قله تمام وبعده الدواءالولد ارتاح نزلت الساعة 7 ونص وفطرته وابوحسن والبزورة سبقونا للشاطي وشفنا اسعار البارشوت والجيت واتفقنا مع واحد العصر الجيت ب 150 والبراشوت ب 180 وهناك قعدنا للساعة 9 ونص وبعدها طلعنا اساس نتجهز اساس نروح الايكو سكيب ولبسنا ونزلنا وطلبنا اوبروفترة انتظارنا الولد رجع يستفرغ ابو حسن اعتذر من صاحب اوبر وراح الرجال ورجعنا والبزورة زعلوا وانا قاعدة افكر ايش اكل الولد قاموا الحبايب الصغار يقولوا ياماما والله امس قعد يشرب من موية المسبح تذكرت ان فعلا البارح شرب وخاصمته وقلت اكيد منه المهم اتوجهنا بعدها للادفنشر زون https://www.arabtrvl.com/up/uploads/...5751345110.jpg https://www.arabtrvl.com/up/uploads/...8575134489.jpg https://www.arabtrvl.com/up/uploads/...8575525161.jpg https://www.arabtrvl.com/up/uploads/...8575525242.jpg https://www.arabtrvl.com/up/uploads/...8575525283.jpg https://www.arabtrvl.com/up/uploads/...8575525385.jpg https://www.arabtrvl.com/up/uploads/...8575134468.jpg https://www.arabtrvl.com/up/uploads/...8575134132.jpg https://www.arabtrvl.com/up/uploads/...4885751341.jpg https://www.arabtrvl.com/up/uploads/...8575134173.jpg https://www.arabtrvl.com/up/uploads/...8575134295.jpg https://www.arabtrvl.com/up/uploads/...8575134356.jpg https://www.arabtrvl.com/up/uploads/...8857513447.jpg المكان بارد بارد بشكل وحلووممتع المهم قعدوا يلعبوا لين الساعة 2 واثناء الانتظار ابو حسن راح عمل له جلسة مساج على الشاطىء للجسم ب 45 رنجت وبعد ماكملوا لعب رحنا مطعم البار وطلبنا البيتزا واكلنا وكنت ساعتها اتواصل مع ليمو بالواتس وقالت لي لو الولد طاب روحي الشلالات قلت تمام بكلم ابو حسن وكلمته قال نشوف البزورة كيف واخذنا جولة بالمنتجع ولعبوا البزورة شوي بالكورة في الملعب واخذوا لفة بالاسكوتر https://www.arabtrvl.com/up/uploads/...9788785457.jpg https://www.arabtrvl.com/up/uploads/...8576577641.jpg https://www.arabtrvl.com/up/uploads/...8857657772.jpg https://www.arabtrvl.com/up/uploads/...8576577783.jpg https://www.arabtrvl.com/up/uploads/...8576577824.jpg https://www.arabtrvl.com/up/uploads/...8576577946.jpg https://www.arabtrvl.com/up/uploads/...8576577875.jpg ونحنا طالعين الغرفة قالوا البزورة ماما مانبغي نروح مكان نبغي نسبح قلت لهم بنروح الشلالات وتسبحوا هناك قالوا لا ياماما والله تعبانين قال ابو جسن خلاص مو لازم دامهم مايبغوا ممكن انا اروح وانتي تقعدي معهم قلت والله نفسي اروح :27: قال لا خلاص المرة :وصلنا الغرفة واعطيتهم دواء سخونة وناموا قال ابو حسن البزورة ناموا يالله فرصة نروح نركب البارشوت والجيت قلت تمام منزل بس بشرط ضروري نطلب بيبي سنتر من الاستقبال لان الولد تعبان قال تمام نزل طلب البيبي سنتر وجات واعطيناها رقم الجوال لو صار شي واستودعتهم ربنا ونزلنا :kn: وكانت الساعة 4 نوصل الشاطي وبدا ينزل مطر خفيف وقعدنا ننتظر الرجال لان كل الدبابات مشغولة جانا واحد ثاني قال تبغوا قله ابو حسن بكم قله نص ساعة ب 200 قله لا بنتظر واحد قلي النص الساعة ب 100 قله طيب خلاص طالعنا ببعض وقلنا بسم الله وشغلنا الدباب وانطلقنا فعلا شي شي ماحصل روعة وكمان الجو مطر كان شعور جدا رائع بس للامانة مااخفيكم امر ذي اول مرة بحياتي اجرب الجيت وكنت متوترة وخائفة وكل ماابو حسن يسرع اقله ورائه بزورة لايطلع لنا سمك قرش في امواج المهم على قولته جننته ههخخ. للامانة خائفة اكثر شي بسبيين اولا انا مااعرف اسبح والشي الثاني و في شخص غريب مع بزورتي بالغرفة وولدي تعبان يعني وقتها ياكم فيلم كتبته وشفت نهايته هههه وفوقها الجو جميل ومطر وكذا يعني للامانة شي المهم خلصت النص الساعة وانا بين شد وجذب مع ابو حسن وصلنا الشاطي قال ابو حسن بناخذ نص ساعة كمان بس ذي المرة انا اسوق واجبرني ابوحسن والحمد لله اجبرني يعني للامانة مااعرف اوصف الاحساس بس لازم لازم تجربوه بس للامانة بعدها بديت اخاف ورجعتليا الافلام خصوصا اشتد المطر وبدات اشوف الناس بترجع وناس بتروح بعيد وابو حسن يقلي ادعس روحي بعيد الحقي ذاك الدباب وانا اقله لا لا مطر مطر وبعدين مين يلحقني لو غرقت والحمد لله رجعنا للشاطي :kn: ووقتها وقفوا الانشطة لان نزل مطر قوي اتجهنا للبار اللي جنب المسبح واخذنا اثنين عصير جوز هند وواحد فشار للبزورة وشربنا احلى عصير والله https://www.arabtrvl.com/up/uploads/...4885765787.jpg https://www.arabtrvl.com/up/uploads/...8577278211.jpg https://www.arabtrvl.com/up/uploads/...8576578038.jpg اشوف الساعة الاقيها 5 ونص بسرعة طلعنا الغرفة لان نحنا طلبنا البيبي سنتر بس ساعة والحمد للله رجعنا والوضع زي ماهو وشكرنها ودخلت الغرفة قلت بروح المسبح وابو حسن قال يالله يالله ننزل المسبح ياام حسن الكل صحى من نومه ويدور لبسه لبسناهم ونزلوا المسبح يلعبوا وابو حسن معاهم وانا رحت اغسل الملابس وارتب الشنط لان بكرة ورانا سفر ونزلت للمسبح قلتخلاص شبعتوا قالوا لسه الساعة 6 انتقلوا لمسبح الكبار مع ابوهم وقعدوا لين 8 https://www.arabtrvl.com/up/uploads/...8577278323.jpg https://www.arabtrvl.com/up/uploads/...8577278262.jpg https://www.arabtrvl.com/up/uploads/...9788785415.jpg بعدها طلعوا اكلوا الفشار وناموا وانا كملت اجهز الملابس والساعة 10 نزلنا واكلنا بالبوفية وكان يجنن بكل ماتعنية الكلمة من معنى وللاسف صور البوفيه ضاعت وللامانة لان البزورة معايا مافضيت اصور بالجوال وكان زحمة كمان اكلنا وحمدنا ربنا على النعمة طلعنا الغرفة وجهزت البزورة من الليل وعطيت الدواء للولد الصغير و نمنا وبكذا انتهى يومنا الاخير في بينانغ اللي يعتبر بالنسبة للبزورة افضل يوم :kn: تقيمي للادفنشر زون 20/20 روعة وحلو وجميلة وفيها نشاط ممتع للاطفال بس احسها صغيرة وباردة مرة مرة مرة يعني وانا انتظر انا وابو حسن بردت مرة لدرجة رحت جبت ملابس للبزورة وغيرتها لهم تقيمي للبيتزا 20/20 طعمه وخفيفة نفس طعم دومينوزا بيتزا هنا بالسعودية بس احسها دسمة وحجمها مرة كويس يعني نحنا 2 بيتزا كفتنا وزادت قطعتين ملاحظة البتزا عجبت الجميع بس بصفة عامة انا احب البيتزا البيتي ولا احب اي بيتزا من اي مطعم تقيمي لركوب الجت 20/20 روعة روعة الاكل لازم يجربوه بس الله الله بالمكاسرة تقيمي لعصير جوز الهند 20/20 لذيذ يجنن طعم بس ها انتبهوا اطلبوه بارد لان الحرمة سالتني قالت تبغي بارد او حار قلت بارد ويوم وجهت السؤال ل ابو حسن مارد جابته له حار تقيمي لبوفيه العشاء 20/20 يعني فعلا اكل ايطالي على اصوله روعه روعة واطعم لازانيا وفوتشيني وتيسرامسيوا ذقتها عندهم وللان طعمها بفمي تقيمي لمنتجع شانغريلا بشكل عام 20/30 الفندق روعة اصنفه لكل الخدمات منتجع متكامل حاولت الاقي غلطة مالقيت لافي الفطور ولا في النظافة ولا في الخدمة يعني ممكن الاثاث صار مستهلك شوي ها شوي يعني مثلا اطراف السرير جلد بعضها مقطع بس ملاحظة نصيحة قسموا الحجز فيه و اي فندق رخيص اقلكم ليه مثلا نحنا حاجزين 5 ايام تمنيت اني قسمتها بين فندق التايمز سكوير بينانغ وبين الشانغريلا او بين الشانغريلا واي فندق في وسط البلد لان قعدنا تقريبا اغلب الايام برا الفندق ومااستفدنا لا من مسبح ولا شاطي ولاشي سواء قليل من الوقت ولا من خدمات يعني احس الافضل اللي يروح منتجع زي كذا فيه كل ذي الخدمات انو يحلل المنتجع ويقعد فيه ومايخرج زي ماكان اخر يوم لنا او انه اذا بيروح يروح مكان قريب ومايكون ياخذ وقت كثير بره الفندق وذا الشي في كل مدينة :kn: مصاريف سابع يوم مساج للجسم = 45 رنجت عصير من مطعم البيتزا = 34 رنجت ركوب الجت = 150 رنجت عصير جوز الهند وفشار = 45 رنجت غسيل الملابس = 40 رنجت عشاء بالبوفيه = 176 رنجت المجموع = 540 رنجت = 450 ريال :jmfyg: في حفظ الرحمن ابو حسن و ام حسن دعواتكم |
تقرير / رحلتي مع اغلى البشر الى جوهرة اسيا 2017 بسم الله الرحمن الرحيم :jmfyg: اليوم الثامن اللهم مااصبح بي من نعمة او باحد من خلقك فمنك وحدك لا شريك لك الاماكن المراد زيارتها 1 - التوجه للنكاوي 2 - حجز الدبابات والمانغروف سعر ركوب الدباب العائلي من 200 - 250 رنجت رحلة المانغروف مركب خاص من 300 - 350 رنجت 3 - الوصول للمنتجع والراحة والغداء 4 - الفورميلا ون تفتح يوميا من 10 ص - 7 م 37 رنجت لمدة 10 دقائق سيارة راكب واحد 60 رنجت لمدة 10 دقائق سيارة راكبين لبالغ وطفل 5 - حديقة لجيندا ونصب النسر ومسجد الهناء تفتح يوميا من 10 ص - 6 م الدخول مجانا :kn: استيقظنا اليوم في تمام الساعة 5:30 واستعدينا ورتبنا امورنا وصلينا ونزلنا الشنط ونزلنا الفطور وتوديع المنتجع الرائع شانغريلا جولدن سادس والمرور بالشاطي ومشاهدة اخر شروق للشمس في اللولوة بينانغ ثم توجهنا للافطار وكالعادة افطار متكامل يلبي جميع الاذواق https://www.arabtrvl.com/up/uploads/...8578750241.jpg https://www.arabtrvl.com/up/uploads/...8857875032.jpg https://www.arabtrvl.com/up/uploads/...8578750353.jpg https://www.arabtrvl.com/up/uploads/...8578750424.jpg https://www.arabtrvl.com/up/uploads/...8578750475.jpg https://www.arabtrvl.com/up/uploads/...8578750516.jpg https://www.arabtrvl.com/up/uploads/...8578750547.jpg https://www.arabtrvl.com/up/uploads/...8857875069.jpg https://www.arabtrvl.com/up/uploads/...5787506410.jpg https://www.arabtrvl.com/up/uploads/...8578750353.jpg https://www.arabtrvl.com/up/uploads/...8578750568.jpg خلصنا الفطور الحمد لله على نعمه التي تعد ولا تحصى وعملنا اجراءات الخروج واتصلنا على احمد قال هو بالطريق الساعة 7:40 دقيقة وصل ماشاء الله توكلنا على الله واتجهنا للمطار وكان مطاررائع بكل ماتعنيه الكلمة من معنى شحنا العفش واتجهنا لصالة الانتظار واشتريت خفائف للاطفال وبعدها صعدنا الطائرة ووزعوا علينا وجبة خفيفة والبزورة كانوا شبعانين قالوا ماما مانبغي قلت حطوها بالشنطة شوي ووصلنا الساحرة لانكاوي https://www.arabtrvl.com/up/uploads/...8579781052.jpg https://www.arabtrvl.com/up/uploads/...8579780981.jpg https://www.arabtrvl.com/up/uploads/...8580260841.jpg https://www.arabtrvl.com/up/uploads/...8580260942.jpg وصلنا المطار نزلنا من الطيارة وادور شنطة القهوة وادور مافي فائدة اسال ابو حسن شكلك نسيتها بالمطار قلت لا تقول شحنها اكيد شحنها مع الشنط قال والله مااذكر باذن الله نكون شحنها دخلنا المطار الجو زي النار والشمس قوية ورطوبة دخلنا وانتظرنا نص ساعة بعدها استلمنا العفش وندور الشنطة مافي قلت الله يرحمها واتجهنا لمكاتب حجز الرحلات المواجههة لبوابة الخروج واخذنا رحلة من المكتب الثالث من جهة اليد اليمين الموظفة الوحيدة اللي كانت مسكينة مااحد عندها وهي اللي نادتنا بنت طيوبة ومحجبة وتتكلم عربي مكسر ( لاتضحكوا على الوصف عاد ماني لاقية الكرت حقهم والله ) المهم بعد جدال ومكاسرة اتفقنا على رحلتين مع التوصيل من والى الفندق جولة الدبابات ساعتين ونص ب 300 رنجت دبابين و رحلة المانغروف مركب خاص 4 ساعات ب 300 رنجت وبعدها توجهنا لمكتب التكاسي واخذنا تاكسي من المطار واتجهنا للمنتجع 3 ايام منتجع ميريتوس بلانجي بيتش - جناح حديقة ( 3150 ريال ) [url=http://www.booking.com/Share-mvvAfH]Meritus Pelangi Resort, Pantai Cenang, Malaysia - Booking.com[/urlMeritus Pelangi Resort, Pantai Cenang, Malaysia - Booking.com https://www.arabtrvl.com/up/uploads/...8652686261.jpg ضيفونا عصير وجلسنا باللوبي وجانا موظف اخذ ورقة الحجز والجوازات وقلنا خمس دقائق وبعدها رجع قلنا حجزنا فيه مشكلة سالناه قال الجناح مايقبل الا طفل و بالغين قلت طيب الحل قال لازم ناخذ جناح ثاني للاطفال قال له ابو حسن لايمكن الاطفال اعمارهم اقل من 12 سنة قالوا ذي سياسة المنتجع قله ابو حسن ورقة الحجز تقول جناح حديقة لعدد 2 بالغين و3 اطفال شامل الفطور قال لايمكن كيف كذا من وين حجزتوا قلنا له من اجودا قال طيب انتظروا اسال المدير ان يسمح قلنا طيب واللوبي جدا جدا حار والبزورة بدوا كل واحد انا جوعان انا عطشان قلت لهم خرجوا الوجبات اللي بالطيارة واعطلوا واعطيتهم السناك الا شوي يجي المدير يحاول يفهمنا ان سياسة المنتجع ماتقبل وان الخطا من اجودا قلنا لهم تفاهموا مع اجودا قال طيب الحين نتصل عليهم شوي يرجع لنا ويقول اجودا يقولوا بلغوكم قلت لهم ماوصلني الا ذا الايميل غيره ماوصل المهم جاء المدير مرة ثانية وقعد يشرح ونحنا مصريين على راينا ونحنا خلاص منتهين حر وعرق وجوع بالذات انا وابوحسن وشوي ياذن الظهر وخلاص بدات اصدع جاء المدير من جديد بحل انه يغير الحجز لجناح عائلي مطل على الشاطي بس ندفع باليوم فرق 500 ريال قلنا له وليه نحنا نتحمل الغلط اجودا اللي اعطتنا الحجز هم يتحملوا فارق السعر نحنا مالنا صلاح قال مايصير وكذا وجلسنا نتجادل للساعة 2 ونص شوي يجي الموظف يقلنا نبغي الجناح العائلي او لا راح ابو حسن يشوفه الا يلاقيه صغير قلهم لا ماابغاه ابغي الحجز حقي وخلاص قالوا طيب نشوف لسه نتصل باجودا ونتفاهم معاهم المهم بعدها رجع لنا المدير وقال اجودا مو راضية تتحمل ونحنا مانقدر نعطيك شي يخالف سياستنا والغجناح العائلي خلاص تم حجزه من قبل ناس وقاعد يورينا ساعتها ابوحسن انفجر وقله شوف ياانك تعطيني حجزي او اطلب البوليس السياحي قله عادي انا الغي لك الحجز بس مااعطيك فلوس لان الحجز غير مسترد انت فكر وشوف قعدنا نشوف فنادق طلع يومها لانكاوي كلها فل والله مااكذب حتى الفنادق الرخيصة شوي يرجع لنا المدير بعرض جديد انه يخلي الاطفال بنفس الغرفة بس بشرط ندفع لكل طفل 100 للسرير والفطور عن كل ليلة قله ابو حسن وليه وهزء المدير قله ايش ذا التعامل وهذولا اطفال خلاص انا ماابغي ولا غرفة اطلب البوليس السياحي وهو يحلها راح المدير واجتمعوا 3 انفار وقعدوا يتشاوروا وخلاص انا وابو حسن تعبانين حر وكتمة والبزورة طفشوا قعدت اتشاور مع ابوحسن قال نشوف ايش من عرض بيجيبوا لنا واذن العصر ونحنا نستنا بعدها جاوا بعد شوي الثلاثة قالوا خلاص ماعاد فيه الغرفة حقك كل اجنحة الحديقة تم حجزها مافي الاجناحين يطلوا على المسبح الساعة 4 الحين بيغادروا اللي فيهم تبغوهم ابو حسن اصر انه ماعد بيتفاهم وهزاهم وقلهم انه عمره ماشاف معاملة كذا وراح يقيمهم تقيمم سي بكل المواقع وبرضوا بشتكي عليهم ساعتها انا راسلت دينا حبيبتي وشرحت لها الموضوع وقالت معاكم حق بس ممكن الشرطة ماتنصفيكم لان الغلط من موقع الحجز مو من المنتجع وقالت لي حاولي تتوصلي ل اتفاق افضل وقلت ل ابو حسن قلي نفس راي زميلي وشوي يرجع لنا المدير يقول خلاص نعطيك جناح مطل على المسبح وبيحسب كل طفل ب100 رنجت فطور وسرير عن كل يوم قله ابو حسن كل طفل 50 رنجت سرير وفطور عن كل ليلة المدير يقول :19: قله ابو حسن خلاص انتظر البوليس السياحي شوي الا يوافق ونكتب العقد ويعطونا المفتاح ونروح الغرفة كانت الساعة 5 العصر بالتمام وذي الغرفة https://www.arabtrvl.com/up/uploads/...8582986213.jpg https://www.arabtrvl.com/up/uploads/...8582986162.jpg https://www.arabtrvl.com/up/uploads/...8582986254.jpg https://www.arabtrvl.com/up/uploads/...8582986366.jpg https://www.arabtrvl.com/up/uploads/...8583126729.png وكنا مرة مرة تعبانبن وجوعانين خرجنا ورحنا اتغدينا واتعشينا بمطعم سبايس قاردن الحمد لله على النعمة ونسيت اصور الاكل الجوع كافر https://www.arabtrvl.com/up/uploads/...8652686342.jpg https://www.arabtrvl.com/up/uploads/...8652686383.jpg https://www.arabtrvl.com/up/uploads/...8652686464.jpg https://www.arabtrvl.com/up/uploads/...8652686515.jpg https://www.arabtrvl.com/up/uploads/...8652686576.jpg https://www.arabtrvl.com/up/uploads/...8652686637.jpg https://www.arabtrvl.com/up/uploads/...8653084061.jpg https://www.arabtrvl.com/up/uploads/...8653084163.jpg ومرينا على محل الفورملان وقالوا مايسمحوا الا لحسن وابوه وانا وكانا تعبانين قال ابوحسن تبغوا قلنا لا لان الوقت قليل والمبلغ كثير وفوقها تعبانين وذي صور من النت للمكان https://www.arabtrvl.com/up/uploads/...9093320552.png https://www.arabtrvl.com/up/uploads/...9093321146.png https://www.arabtrvl.com/up/uploads/...9093320844.png https://www.arabtrvl.com/up/uploads/...9093320673.png رجعنا الفندق الساعة 6 ولسه حضرتهم ماجابوا الشنط كلمتهم قالوا طيب الان نجيبها واتاخروا ابو حسن استلقى بالسرير وقلي اروح ودي البزورة المسبح رحنا قالوا لا خلاص قفلنا اخذنا لفة وشفنا الغروب قالوا بيروحوا نادي الاطفال وديتهم وكان قبال باب الفلة قعدوا للساعة 8 https://www.arabtrvl.com/up/uploads/...8652686688.jpg للامانة كنت تعبانة ومافيني حيل اصور لقطت ذي الصورة عشان البزورة ذكروني :24: ورجعت ولسه الشنط ماجات دقيت وهزاتهم الا جابوا الشنط والاسرة الاضافية وبعدها اكلوا البزورة من الخفائف اللي كانت بالشنط ونمنا وضاع اليوم بسبب الفندق حسبنا الله عليهم :kn: تقيمي لطيران اير اسيا 20/20 حلو وروعة وخدمتهم رائعة تقيمي لمطار بينانغ 20/20 روعة ومرتب ومنظم وكل شي فيه حسيته احلى من مطار جدة :24: وعاد من الظلم مقارنته بمطار الطائف تقيمي لمكتب الرحلات الموظفة جدا طيبه وحبوبة ومتفهمة للامانة بعدين اقلكم ايش صار ليت القي الكرت عشان احطه لكم تقيمي لمنتجع ميريتوس بلانجي بيتش 20/10 المنتجع متكامل بس بسبب تعاملهم معانا وعدم التساهل في موضوع الحجز وفوقها التاخير في العفش ووجود دولاب الملابس ومكان وضع الشنط بالحمام والثلاجة مرة مرة ماتبرد وصغيرة جدا جدا والتكييف جدا سي اتجاه الهواء واحد ووكان من اسباب مرض بنتي وولدي اللحاف والمخدات مرة مايليقوا بمستوى منتجع خمسة نجوم وانه يعتبر موحش بالليل للامانة لو ماكان نادي الاطفال مقابل الكوخ حقنا كان ماقدرت ارجع لوحدي مع البزورة السلبيات كثيرة بقولها بالختام لان بعضها اكتشفتها الايام الباقية تقيمي لمطعم سبايس قاردن 20/10 اكله لذيذ وطعمه جيد ونظيف المكان بس عيبه اغلب الاكل مفلفل ومافي خيار يعملوا شي بدون فلفل ثانيا التاخير بالطلب فيه جلسات خارجية وجلسات داخلية بسبب الجو الحار قعدنا بالجلسات الداخلية :kn: مصاريف اليوم الثامن تاكسي الى مطار بينانغ = 60 رنجت خفائف وموية من المطار = 30 رنجت تاكسي للفندق = 30 رنجت تاكسي للمطعم = 10 رنجت غداء وعشاء في سبايس قاردن = 110 تاكسي للفندق = 10 رنجت المجموع = 250 رنجت = 210 ريال :jmfyg: في حفظ الرحمن ابو حسن وام حسن دعواتكم |
الف سسسلامه لولدكم الصغير .. الله يحفظه لكم واخوانه كمان :7: ماااشاء الله والله شجاعه يا ام حسسسن ،، كويس انك ركبتي الجتسكي ومافوتيه على نفسسك مرررا مبسوطه لك :18::18::18: رجعتولي الذكرياااااات بالصووووور الجميله ايوا كذاا الصور ولا بلااش :18::18: تسلم يدين اللي صورهاا وي وي وي شوفوا الحركات النص كم حق المنتجع الحرامي ... والله برافو يا ابو حسسسسن << خشب ماشاء الله عليك هههههههه مو بعيده يبغوا ينصبوا عليكم ، مستغلين وضعكم وتعبكم ، وانكم سعوديين .. :49: والله اعلم بنيتهم .. الغلط منهم من ساسهم لراسهم ... فعلا مدام انكم قراتوا الشروط اثناء حجزكم ومتأكدين انه مسموح لثلاث اطفال ،، فانتوا في السليم ميه في الميه ... :7: بس ضروري ولازم تكتبوا اسم المنتجع هذا .. عشان الواحد ياخذ حذره ويعرف كيف يتصرف .. |
اقتباس:
اسم المنتجع ميريتوس بلانجي بيتش |
| الساعة الآن 09:54 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO