هل يمكنك ان تقترحي لنا برنامج لمدة 18 يوم بمبلغ 50000 جنيه للفرد الواحد لايهم ان يكون الفندق 3 او 4 او 5 نجوم لكن المهم ان تكون الخدمة في المستوى
البرنامج يشمل 7 ايام في القاهرة و 6 شرم الشيخ و 5 الاسكندرية في شهر 8 المقبل و قد يشمل البرنامج على مدن او مناطق سياحية اخرى لا مشكلة و سائق امين بسيارة لا يهم الماركة او الحجم المهم الثمن معقول

شكرا لك اختي الغالية وفي انتظاركم

استفسار فندق شرم الشيخ
 

حابه استفسر وياليت تردوا عليا بأسرع وقت رحلتي يوم 27 ابريل
ايهم افضل فندق موفنبيك شرم الشيخ او هلنان علماً اني اريد السكن في خليج نعمه

السلام عليكم
انا مندهش يا جماعه بصراحه ، حضرتك بتتكلم عن 45 الف جنيه للفرد وده ( لو وفرت شويه فى المصروفات ) ممكن يكفى الفرد ما يقرب من عام كامل تعيش فى مصر وتتفسح وتلفها شمالا وجنوبا ، مصر رغم موجة الغلاء الا انها رخيصه جدا مقارنة بغيرها ، ربما لو انكم لا تملكون وقت كافى اكثر من اسبوعين ، لكن لو عندك وقت شويه ، اسمح لى اسالك الاول سؤال مهم ، انت ايه اهدافك من الزياره ؟ يعنى مثلا بتريد مناظر طبيعيه ، ام اثار ، ام اندماج بين هذا وذاك ؟
لو بتريد الاثار ، فلماذا لم تضف الاقصر و اسوان ، خصوصا انك رايح فى افضل وقت لزيارتهم حيث يكون الجو دافىء ومناسب جدا للزياره ، وهناك وعلى ضمانتى 5 ليال كافيه جدا للمدينتين وانك تشوف كل المعابد الكبرى فى الاقصر ( معبد الاقصر و معبد الكرنك و الدير البحرى و مدينه هابو ووادى الملوك ) و فى اسوان تشوف معبد فيله ( احد اجمل الرحلات اللى ممكن تشوفها ) و جزيرة النباتات و رحلات نيليه رائعه) ، وممكن تحجز Nile cruise كمان ، يعنى فندق عائم يلف بيك المعابد القديمه بين الاقصر واسوان وتشوف السد العالى معهم ؟! وعلى ما اذكر ان التكلفه لا تزيد عن اقامة نفس المده فى شرم الشيخ
ممكن اضيف ليك ايضا اذا سمحت لى انك تروح لوادى الريان وده رحلة يوم من القاهره وترجع فى نفس اليوم اذا حبيت ، وممكن تضيف ايضا ( اذا كنتم شباب وراغبين فى تجربه مختلفه تماما ) اتفاق مع شركة سياحه للبيات فى مخيم فى وادى حيتان ( هذا وادى فى قلب الصحراء قرب وادى الريان "وادى الريان لمن لا يعرف يحوى بحيرات وشلالات رغم انه فى قلب الصحراء ما يجعل المنظر رائعا ومختلفا" ، " وادى حيتان يحوى بقايا حيتان فى وسط الصحراء لان هذه المنطقه كانت محيط فى ازمنه سحيقه وصار متحف طبيعى مفتوح الان و اعتبرته اليونسكو منطقة تراث انسانى "
ايضا اسمح لى ان اقترح عليك فى توقيت زيارتك المتحف المصرى بالقاهره ( ميدان التحرير ) وهو من الروعه والاتساع اننى عجزت دائما عن انهائه فى يوم واحد لانى عادة اكون تعبت .
بالنسبه للقاهره انصحك ان تذهب الى منطقة القلعه ( قلعة صلاح الدين ) مكان جميل و تستطيع ان ترى الاثار الاسلاميه من هناك بل وتشرف على القاهره كلها ، و قرب القلعه يوجد مسجد السلطان حسن وبجواره مسجد الرفاعى والمنطقه كلها مليئه باجمل مساجد القاهره الاثريه ، اضافه الى انك تزور منطقة الجامع الازهر و الحسين ومن هناك ممكن تتمشى عبر شارع الازهر ( هو مزدحم طبعا ) الى الموسكى والعتبه وتعتبر هذه المنطقه اكبر سوق تجارى شعبى فى الشرق الاوسط وستجد المبانى الاثريه يمينا وشمالا فى المنطقه ما يزيد عن قدرتك على الحصر .
اذا رغبت فى المزيد من السياحه الشاطئيه فلديك الغردقه وهى مماثله لشرم الشيخ ، و بجوارها (25 كم تقريبا ) توجد الجونه وهى قريه سياحيه ضخمه شديده التميز والهدوء للاسترخاء ومفتوحه لنزلاءها حيث تدخل كل المنتجعات طالما انك تسكن فى احدها
لا يزال هناك الكثير لكن لا اريد تشتيتك ، فقط حاول ان تحدد هل تريد ان تذهب الى مصر وتعيش كسائح فى افخم الفنادق والمنتجعات ، ام تريد الاقتراب اكثر من الحياه هناك ( الخيار الارخص بكثير وله متعه مختلفه )

شكرا لك Borham_ahmad على الافادة
في حقيقة الامر لم يسبق لاي احد فينا ان زار مصر قبلا لهذا نحن مشتتين و لانعرف اين نذهب بالضبط وكل معلوماتنا اخدناها من النت
ورغم صعوبة اخد عطلة طويلة الامد في الصيف الا اننا تمكنا من اخد 20 يوم عطلة وسنقضي منها حوالي 18 يوم هناك في ارض الفراعنة
فعلا لقد اعجبني اقتراحك اخي العزيز وياريت لو تكرمت و كتبت لنا برنامج زيارة شامل و تكون شبابية لمدة 18 يوم مع مراعاة اننا نريد زيارة معظم المعالم الفرعونية
مساهمة كل فرد فينا نحن الثلاثة 50000 جنيه كحد اقصى و لا تشمل تذكرة الطائرة

السلام عليكم
الموضوع بسيط ان شاء الله ، باختصار ممكن نقترح ما يلى
4 ليال فى القاهره ( تشمل ليله الوصول ) ستذهب فيها الى المتحف المصرى ( نصف يوم )
الاهرام وابو الهول ( نصف يوم على الاقل واحيانا هناك من يبقى اغلب النهار )
يوم الى الاسكندريه اذا رغبت ( تابع نشرة الاحوال الجويه او على الموبايل بتستطيع ان تعرف ) هناك بتشوف قلعة قايتباى ، ومنطقة الرمل و المنشيه...الخ ، طبعا صعب تنزل البحر لان بيكون برد فى الاسكندريه شويه وممكن ترجع بنفس اليوم او تانى يوم حسبما تحب والاسكندريه فعلا مدينه جميله والبحر فيها مختلف تماما عن شرم او الغردقه
فى القاهره توجد ايضا مراكب نيليه للسهرات والعشاء ، وكافة الانشطه اللى ممكن تقراوا عنها فى المنتدى
بعد ذلك ممكن تسافر الى الاقصر عن طريق الطائره او القطار الليلى ( ممكن قطار نوم و ممكن قطار درجه اولى مكيفه ويستحسن الحجز تانى يوم من وصولك القاهره اذا كنت بتروح بالقطار ، اما الطائره فيمكنك الحجز مسبقا قبل الوصول الى مصر وانت تقارن بين الاسعار والتجربتين ايهما تفضل )
تاخد النايل كروز 5 ايام و 4 ليال من الاقصر الى اسوان شامله الرحلات الداخليه للمعابد و الوجبات الثلاث
فيه اختيار انك تروح رحلة لمعبد ابوسمبل وترجع حسبما تروا هناك ويستحسن تحجز تبع النايل كروز وهى رحله تستغرق 4 ساعات ذهابا و مثلهم ايابا ( مرهقه بعض الشىء لان ابو سمبل على بعد 350 كم تقريبا من اسوان ) * اختيارى حسب رغبتكم وقتها
فى اسوان تركب الباص الى الغردقه
الغردقه 4 ايام و 3 ليال
تركب العباره من الغردقه الى شرم الشيخ ( تستغرق ساعتين ) و يستحسن ان تحجزها عندما تصل الغردقه
LA PESPES هذه شركة لحجز العبارات بامكانك التواصل معهم
فى شرم الشيخ بامكانك ان تمكث ايضا 4 ايام و 3 ليال على الاقل
ثم العوده الى القاهره بالطائره على مصر للطيران وسيكون باقى يوم او يومان على انتهاء اجازتك بامكانك فيهما ان تذهب الى القلعه ، الازهر ، مسجد السلطان حسن ومسجد الرفاعى ، الحسين و خان الخليلى ( قريب من الازهر ) ، حيث تشترى ما تريد من تذكارات ان لم تكن اشتريت شيئا من الاقصر او اسوان
ولو تبقى يوم اخر ممكن تغير الجو بما يترائى لك