|
اقتباس:
شي جميل اعتقد قبل كذا سووها والان رجعو لعملها مره اخرى وبالعافيه عليكم وتقبل الله منكم الصيام والقيام أرسلت من SM-G925I بإستخدام تاباتلك |
البارحة سويت هالطبق دايما اسويه وكتبت عنه قبل بس برده لكم هني لاعضائنا الجدد صينية الدياي بالخضروات المكونات دياي مسلوق ومقطع بخلاطة الكيك احسن طريقه وسريعه لتقطيع الدياي قصدي تنتيف الدياي https://uploads.tapatalk-cdn.com/201...11846fc545.jpg خضروات مقطعه شرائط ملفوف وبيديان وجزر وبصل https://uploads.tapatalk-cdn.com/201...2aa7b116d1.jpg ومعكرونه ناعمه تكون مثل الشعريه مفيوحة https://uploads.tapatalk-cdn.com/201...1003e798c1.jpg نقلبهم بالزيت يتشوحون https://uploads.tapatalk-cdn.com/201...7ac3b6b8cf.jpg ونضيف عليهم البهارات شوية بهارات الدياي وفلفل اسود وملح وهيل ودارسين كل شي شويه https://uploads.tapatalk-cdn.com/201...afe153873a.jpg ونضيف الدياي ونخلطه معاهم https://uploads.tapatalk-cdn.com/201...0f43eef8a9.jpg والمعكرونه https://uploads.tapatalk-cdn.com/201...933e80271b.jpg وحطهم بالبايركس واحط عليهم الصوص الابيض اللي تعرفونه حفظتوه هههه كريما وقيمر وجبببببن قلاص عاد هني ابيه اكثر شي هههه احب ريحته وطعمه واحط فوقهم الزعتر والاوريغانو https://uploads.tapatalk-cdn.com/201...c74835017e.jpg الخط المنقط من ظل الشتر هههه https://uploads.tapatalk-cdn.com/201...8019cee1be.jpg https://uploads.tapatalk-cdn.com/201...6c6ab02e8f.jpg وهني بعد ما طلعناها من الفرن الظاهر تحمشت زياده شويه https://uploads.tapatalk-cdn.com/201...04d21917bf.jpg وهذه كبة باللبن من شغل چنتي https://uploads.tapatalk-cdn.com/201...72c5b2e77f.jpg ومقدمه معاه عيش https://uploads.tapatalk-cdn.com/201...17e1887f5a.jpg هذا ترى بعض من فطورنا وهذا حلو حلاوة الجبن من الخباز من بوحسين يايبه لنا متنقصه لنا https://uploads.tapatalk-cdn.com/201...9e47b5a899.jpg وبالسوق جعت وعلى اساس بتحلي غنومه من جوي بس اقتنعت معاي واكلنا من هالطبقين بطاط شيبس https://uploads.tapatalk-cdn.com/201...3bd9612ba5.jpg ودياي كاساديا https://uploads.tapatalk-cdn.com/201...e383e9752c.jpg وسلامتكم اليوم استراحة الفطور عند الوالدة أرسلت بواسطة iPad بإستخدام Tapatalk |
ههههههه البيديان وجبن القلاص [emoji23][emoji23][emoji23] وبعدين يا ام حسين بالعافيه الطريقه حلوه بس راح اشيل الكريمه والجبن واشوف شنو استخدم بدالهم[emoji854] Sent from my iPhone using Tapatalk |
اقتباس:
ابرار ما يصير حلووو هههههه جربي خلطه البيتزا أرسلت بواسطة iPad بإستخدام Tapatalk |
ان شاءالله ام حسين امس سويتي روزيتو بس اشوي طلع معاي ناشف بس الطعم ممتاز المكونات عباره عن مشروم فريش - عيش الروزيتو - زبده - جبن بارميزان - ماي الدياي اذا عندكم - بصل https://uploads.tapatalk-cdn.com/201...ed195352b5.jpg https://uploads.tapatalk-cdn.com/201...baaaf59bec.jpg هذا ماي الدياي مثلجته من قبل كان عندي والحين اخليه يغلي https://uploads.tapatalk-cdn.com/201...f9bea9507c.jpg المشروم نحطه بجدر من غير ماي ولا زبده ما نضيف اي شي نخليه يعرق ويطلع مايه بس دربالكم مو ينشف سوه مع وقت الروزيتو https://uploads.tapatalk-cdn.com/201...07a788e5c8.jpg شوفوا شلون عرق وطلع مايه https://uploads.tapatalk-cdn.com/201...22caa4588d.jpg نحط نص من الزبده ونحمس معاها البصل https://uploads.tapatalk-cdn.com/201...d26f4d6645.jpg https://uploads.tapatalk-cdn.com/201...b4e0786fbd.jpg ونكت نت عيش الروزيتو وينحمس معاهم https://uploads.tapatalk-cdn.com/201...0cf9e2807a.jpg وبعدين ماي الدياي وكل مانشف نصب من الماي https://uploads.tapatalk-cdn.com/201...7a2603ac81.jpg الغلط اللي سويته استعيلت في الروزيتو وحطيت المشروم المفروض احط الجبن بعدين الروزيتو انتبهوا https://uploads.tapatalk-cdn.com/201...5688b862bd.jpg شوفوا الغلط حطيت الجبن تالي https://uploads.tapatalk-cdn.com/201...3ec532ae5b.jpg وعقب الجبن والمشروم نضيف جزء ثاني من الزبده https://uploads.tapatalk-cdn.com/201...cbb4772c24.jpg نقلته في جدر تيفال عشان ما يلزق ويحترق https://uploads.tapatalk-cdn.com/201...1cc6fdd69f.jpg وهذا الشكل النهائي لازم يكون اشوي فيه مثل الماي بس انا للاسف نشف فنصيحتي كثروا الماي الطعم ممتاز [emoji1362] https://uploads.tapatalk-cdn.com/201...122752e79f.jpg ضفت معاه دياي ماادري ليش سويته في هالطريقه المفروض اشوية عادي https://uploads.tapatalk-cdn.com/201...7a9e147002.jpg وبالعافيه Sent from my iPhone using Tapatalk |
عوااافي ابرار بالغلطه ..قصدج تضيفين الجبن قبل الرزيتو والا شنو ؟ |
اقتباس:
الله يعافيج لا اقصد عقب ما نحمسه نضيف الجبن وبعدين المشروم Sent from my iPhone using Tapatalk |
مطبخ أعضاء العرب المسافرون اهااا تمام يعطيج العافيه سندويشات تويستر قليت الدجاج زنجر نفس جيس النجتس بس على حار مكوناتي والصوص من هالغراش والخضره هني جزر وبصل شرايح رفيعه وثوم شوية https://uploads.tapatalk-cdn.com/201...3451d96d87.jpg https://uploads.tapatalk-cdn.com/201...6f92d2ddf2.jpg https://uploads.tapatalk-cdn.com/201...14bbf09c46.jpg نحط الدياي وفوقه الخلطه وخس وطماط وجبن https://uploads.tapatalk-cdn.com/201...fc4fb9d16f.jpg وهذاك اهو ملفوف بالاوراق https://uploads.tapatalk-cdn.com/201...3a8eacc9e4.jpg وسلامتكم المعكرونه بينك باستا شغل غنومه ومجبوس لحم https://uploads.tapatalk-cdn.com/201...1a742ce41a.jpg وتوابعهم بعد مالي خلق اصور هههه سوينا دونات ماصورتهم أرسلت بواسطة iPhone بإستخدام Tapatalk |
روووعة ماشاء الله [emoji7] [emoji7] بالصحة و الراحة عليكم شكرا لكم بحجم السماء تم الإرسال من SM-G900F باستخدام Tapatalk |
الله يسلمك يابو أياس ربي يسعدك |
بالعافيه ام حسين والله اشتهيت التويستر شكلي بسويها هاليومين تسلم أيد غنومه على الباستا Sent from my iPhone using Tapatalk |
يعطيكم العافية ماشاءالله ابدعتوا |
امس طبقي عيش قوارب الأناناس بالطريقه التايلندية من اسامه القصار ترا الطريقه سهله لاتخترعون من كلامي بس حبيت اوضح لكم اللي صار معاي المكونات مثل ما انتوا شايفين بالصوره https://uploads.tapatalk-cdn.com/201...8b02d05739.jpg اللي حاطه عليهم اسهم تم استخدامهم والاكس لم يتم استخدامه واللي اكس وسهم حطيته بس مو حلو مع الاكله ف لاتحطونه الصلصات الرئيسيه - صويا صوص - صوص تايلندي - وصلصة تيرياكي - وخل صلصاتي اللي استخدمتهم صلصه تيرياكي - استبدلت التايلندية بالفيتناميه الحمرا - واستبدلت الصويا بالاويستر السوده - وخل ابتعدوا عن الاويستر لان يخرب الطعم الصويا وايد احلى بس انا كان خالص عندي المكونات الثانية - لب الأناناس - دياي مقطع - بصل ابيض - بصل اخضر - ثوم وجنجير - كركم - كاري - فلفل اسود - بيض - وخضار مشكله اللي تحبونه https://uploads.tapatalk-cdn.com/201...a27ba3fd7b.jpg ونبهر الدياي بالكركم - فلفل اسود - وكاري https://uploads.tapatalk-cdn.com/201...1f159f4e25.jpg نحمس البصل https://uploads.tapatalk-cdn.com/201...6558426077.jpg والبقيه بالتدريج https://uploads.tapatalk-cdn.com/201...bf8c0e90be.jpg ونضيف اشويه من البهارات والدياي https://uploads.tapatalk-cdn.com/201...73c3bbe2d3.jpg وبعدين الصلصات https://uploads.tapatalk-cdn.com/201...7e6d8b912d.jpg https://uploads.tapatalk-cdn.com/201...363cb154ae.jpg الخضرا https://uploads.tapatalk-cdn.com/201...27e3c0228c.jpg الأناناس https://uploads.tapatalk-cdn.com/201...2b4de65681.jpg وبعدين البيض حطيت وحده وانتوا كل واحد والكميه اللي عنده https://uploads.tapatalk-cdn.com/201...459a5ebd1b.jpg لاتستغربون ترا الطعم لذيذ والاكله حلوه https://uploads.tapatalk-cdn.com/201...5c862ce7f5.jpg عيش مشخول ابيض https://uploads.tapatalk-cdn.com/201...0b2a383b59.jpg https://uploads.tapatalk-cdn.com/201...e65ee3fb00.jpg https://uploads.tapatalk-cdn.com/201...2c3caf2f25.jpg النهاية يقدم بهذي الطريقه https://uploads.tapatalk-cdn.com/201...4e578a3318.jpg https://uploads.tapatalk-cdn.com/201...a57986cb14.jpg وتقدرون بدال الدياي ربيان اذا تبون وبالعافيه Sent from my iPhone using Tapatalk |
بالعافيه ابرار مع انها تقولين سهله بس اذا بسويها حق العيال يمكن يحبونها |
https://uploads.tapatalk-cdn.com/201...dcc366d3fd.jpg جيزكيك مشكل هههههه بصلصة المنجا والشيري والستراوبري والفستق خل ينقون اللي يبون أرسلت بواسطة iPhone بإستخدام Tapatalk |
الله يعافيج اي والله سهله ان شاءالله يحبونها ههههههه فكيتي عمرج ام حسين عشان محد يقول مشتهي شي [emoji23][emoji23] نترقب معاج واكيد حلوه دامها من ايدج Sent from my iPhone using Tapatalk |
تسلم الايادي مبدعات بنات الكويت :3: اليوم سويت صينية الشاورما في صينية بايروكس الطبقة الاولى بطاطس مقلية الطبقة الثانية قطع دجاج متبله من قبل بيوم نحمرها ع النار مع بصل وفلفل رومي الطبقة الثالثة في الخلاط لبن زبادي وقشطة وطحينة وشوي مايونيز وخردل وفلفل اسود وليمون وخل ندخلها الفرن بس من فوق وبعد الاستواء تزين بحلقات البصل والسماق والبقدونس انا الغيت البصل هذي المره ممكن تقدم مع رز ابيض او زي مااحب انا مع خبز تورتلا وبالعافية |
|
ابرار اطلعت لذيذه الحمدلله مبدعه يا طوق انا بدل ما اتبل الدياي اخذ الشاورما الجاهزه امريكانا واستخدمها وايد توفر وقت بس طلعيها واستخدميها اكيد بتتبيلتج بتكون احلى بس هذا جاهز للسرعه :17: الصوص عجبني بجربها ان شاءالله خلال هالايام دام كل شي موجود |
تسلمين ام حسووون وبالعافية مقدماً |
الحمدلله علىيكم بالعافيه ام حسين ياسلام طوق شكله الطبق لذيذ تسلم الايادي Sent from my iPhone using Tapatalk |
طوق مبين الطبق لذيذ عليكم بالعافية ابرار قوالب الاناناس اطلبها بالمطعم ولا مرة سويتها بالبيت ام حسين زين تسوين الاختيارات المتعدده |
اقتباس:
انا بعد اطلبها بس شفتها سهله جان اسويها Sent from my iPhone using Tapatalk |
اليوم سويت بيتزا البيف باستري سهله ولذيذه صلصة البيتزا الجاهزه زيتون ومشروم وجبن مازرولا واوريغانو وحطيت بعد لقيت شويه شبنت حطيته معاه مقرره اخلص الماجله قبل العيد اي شي بحطه هههههه كان في جبن ناتشوز غطيته .... بس استخدمته بالمعكرونه https://uploads.tapatalk-cdn.com/201...32ab36b7a7.jpg احطهم بوسط الالبيف باستري واصفطها وارصها بصينية الفرن المدهونه https://uploads.tapatalk-cdn.com/201...348ef608c2.jpg https://uploads.tapatalk-cdn.com/201...9c3a47acb8.jpg طبعا ندهنها بالبيض والحليب https://uploads.tapatalk-cdn.com/201...ba6eb1093e.jpg وهذه النتيجة https://uploads.tapatalk-cdn.com/201...e01468f828.jpg https://uploads.tapatalk-cdn.com/201...8cbd067c47.jpg وهذه المعكرونه خلطها بجبن سايل مو جبن قلاص ابرار وجبن الناتشوز وقيمر وبيشاميل جاهز شويه شويه طبعا مو وايد https://uploads.tapatalk-cdn.com/201...689791254c.jpg وصفيت نصها بالبايركس المدهون بالزيت https://uploads.tapatalk-cdn.com/201...870b5457f8.jpg وحطيت حمستي اللي تتكون من كرات لحم ومشروم وبصل وطماط وصلصه المعكرونه شويه مو وايد وثوم وبهارات مشكله شويه بس https://uploads.tapatalk-cdn.com/201...da0b05a17b.jpg وحطيت طبقه ثانيه من المعكرونه https://uploads.tapatalk-cdn.com/201...0df96eb677.jpg وفوقها جبن موزاريلا واوريغانو https://uploads.tapatalk-cdn.com/201...b6b87e1a49.jpg والنتيجة https://uploads.tapatalk-cdn.com/201...391564975f.jpg وتشريبتنا اليوم بدون قرع .... يصير يا عليا تقول وي نسيت هههههه تو الناس https://uploads.tapatalk-cdn.com/201...12f88206b2.jpg ومع المجبوس والشوربه والهريس والحلوو فاجأتنا چنتي بهالكيكة الجميله https://uploads.tapatalk-cdn.com/201...03a0f1b541.jpg والحمدلله على النعم الكثيرة أرسلت بواسطة iPad بإستخدام Tapatalk |
بنات خلاص انا قفلت باب المطبخ وبدأت اتجهز للعيد كل عام وانتم بخير مقدماً:3: |
ههههههه مايصير تصومينهم للعيد مستعيله طوق والله ودنا رمضان ما يخلص عسانا واياكم من عواده |
فطور اليوم تمر ومويه وفتوت وزبادي ودقة والحمدلله |
https://uploads.tapatalk-cdn.com/201...d523ceb4fc.png هذا هو الفتوت وجاينا من المدينة يعني على اصوله أرسلت بواسطة iPhone بإستخدام Tapatalk |
فتوت على اصوله حتى الدقة لازم من المدينة هذي الاكلة كثير يستخدمها برمضان للافطار في المدينة اما انا بصراحة لازم شوربة حب والباقي ما يهمني كل السفر بدت تنكمش اليومين هذي من حظ المطاعم :32: |
اقتباس:
احنا ان شاءالله السبت نقفل باب الطبخ وان شاءالله بقعد اسبوع اكل من المطاعم هههههههههه |
عوافي ام حسين خوش فطور لكن تشريبة بدون قرع مايصير :14: انتي مثلنا للحين صامده بالمطبخ |
ماشاء الله تبارك الرحمن تسلم الايادي .. تعبت وانا اطالع الصور :21: |
ماشالله في ناس قفلت المطبخ وانا توني اشوف الموضوع :14: للاسف ما كنت اصور طبخاتي بس امس كنت مسويه كنافه جذابه الطبق سهل ولذيذ و الكل يحبه وين ما اسويه يعتبر طبق فائز يخلص بسرعه https://www.arabtrvl.com/vb/picture....ictureid=60279 الطريقه اول طبقه توست مطحون ناعم وزبده مخلوطين مع بعض و نحطه بطبق وعلى حسب حجم الطبق تحطون توست الطبقه الثانيه جبن موزوريلا الطبقه الثالثه كوب سميد كوب حلب نص كوب شكر عالنار لمن يثخن الخليط نشله من النار ونحط علبه قشطه و نصبه فوق الجبن والتوست والى الفرن لمده نص ساعه تقريبا او لمن يتحمر نطلعه واهو حار نقلبه بطبق التقديم ونصب فوقه شيره (قطر) للحلويات وبالهناء والشفاء :e032: |
ماشاءالله بالعافية جميعاً |
ماشاء الله اطباق جميلة وجعلها بالهناء والعافيه كل يوم اقول بصور الطبخات وانشغل مع الطباخ الصغير اللي يدخل قبلي المطبخ الله يحفظه وانسى يالله الايام الجاية باذن الله ننزل الاطباق انا تقفل المطبخ من اليوم خلاص سيتم فتحه رابع ايام العيد فقط يسمح بتحضير المعلبات وبالنواشف والماء [emoji5] ام حسن |
اقتباس:
بالعافيه من شكلها باين انها لذيذة ان شاء الله نجربها تسلم ايدج |
بالعافيه طوق بس الصور مو طالعه او طالعه بس سودا ما تفتح يمكن بالعافيه اوبرا باين خوش كنافه ام حسن ليش تسكرون المطبخ الحين تو الناس لأخر يوم فطور وبعدها اسبوع العيد كله بره نجرب المطاعم شعندهم هههه هالايام ما يمدي اصور والاغلب معاد مالي خلق اسوي غير |
اليوم حق الزوارة ما سويت شي الا هاللزانيا من خبز التورتيلا شي سهل ولذيذ https://uploads.tapatalk-cdn.com/201...c1c038bee0.jpg شايفين المكونات حمسة دياي جزر وبصل وتوم مع صلصة البيتزا الجاهزه جبن موزاريلا واوريغانو والخبز طبعا البيشاميل اخذ البشاميل الجاهز وازيده قيمر وشوية كريمه وجبن قلاص اي نوع وملح وفلفل اسود https://uploads.tapatalk-cdn.com/201...a47e86a514.jpg وهني بالبايركس حطيت شويه بيشاميل تحت وفوقها خبزه وبيشاميل شويه والدياي وشويه جبن موزاريلا واكرر الطبقات للاخير https://uploads.tapatalk-cdn.com/201...e65b1ed1ec.jpg ونصب فوق الطبقه الاخيرة البيشاميل وجبن الموزاريلا والاوريغانو وندخلها الفرن ما صورتها الا بعد ما طلعتها من الفرن https://uploads.tapatalk-cdn.com/201...d5749f47eb.jpg https://uploads.tapatalk-cdn.com/201...a4cb1d979f.jpg https://uploads.tapatalk-cdn.com/201...4483e98f0d.jpg وبالعافيه علينا أرسلت بواسطة iPhone بإستخدام Tapatalk |
تسلم اياديكم يا نساء وعليكم بالعافيه Sent from my iPhone using Tapatalk |
هذي صوره مباشره حاليا من المطبخ https://uploads.tapatalk-cdn.com/201...f8704df24a.jpg Sent from my iPhone using Tapatalk |
| الساعة الآن 08:12 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO