|
اليوم العاشر : 30/12/2016 اخر يوم لنا في مانشستر و اول يوم في كارديف كان وايد صعب اني اطلع معلومات عن كارديف لقله التقارير و اغلب المعلومات عاديه ما حصلت شي متكامل وكان سبب اختيارنا ل كارديف الاول سبب دراسي .. ناويه اكمل دراساتي العليا و كان ببالي جامعه كارديف فقررت اني اروح اشوف الوضع والاجواء هناك والسبب الثاني ولدي بدر ... بالمدرسه كل سنه يصير عندهم اسبوع (عالمي) يعلمونهم عن دوله و يلبسون لبسها طول الاسبوع وحضارتهم واكلهم فكان السنه هذي عن (ويلز) و ماشالله عنده معلومات تاريخيه كامله .. فقلت لازم اوديه يشوف عموما الانتقال عن طريق القطار بالبدايه اخر ريوق في مانشستر https://www.arabtrvl.com/vb/picture....ictureid=63051 وقهوه https://www.arabtrvl.com/vb/picture....ictureid=63052 وانطلقنا الى محطه القطارات https://www.arabtrvl.com/vb/picture....ictureid=63053 https://www.arabtrvl.com/vb/picture....ictureid=63054 ولمن وصلنا اكتشفنا انه القطار اللي حاجزيه متكنسل :20: ولازم ننطر بعد ساعه يقولون لنا اذا بيمشي القطار ولا شنو الدبره :31::31::31: طبعا هذل مو اول مغلب قبل جم سنه تكنسل قطارنا من امستردام لي بلجيكا بسبب الثلوج يعني اوربا بالشتا ما تتأمن ننطر ساعه و نشرب قهوه https://www.arabtrvl.com/vb/picture....ictureid=63055 بعد ساعه قالولنا نطرو بعد ساعه ثانيه :20: لكن باقتراح من احد العاملين قال لنا يمك تنطرون طول اليوم ماكو شي مبين للحين اقترح علينا نروح من محطه لي محطه لين نوصل..طبعا هذا الطريق طوييييييييل بس ماكو حل غيره الموضوع صعب بوجود 4 جناط كبار وطفلين ... بس خلاص ضاقت الوسيعه ماكو حل https://www.arabtrvl.com/vb/picture....ictureid=63056 وعلى شوره اول محطه نزنا فيها https://www.arabtrvl.com/vb/picture....ictureid=63058 ولمن نزلنا كلمنا الانفورميشن وقلنالهم الوضع و قالولنا اي قطار لازم نركب علشان نوصل كارديف ماقصرو https://www.arabtrvl.com/vb/picture....ictureid=63057 https://www.arabtrvl.com/vb/picture....ictureid=63059 وانطلقنا https://www.arabtrvl.com/vb/picture....ictureid=63060 وضاع علينا نص اليوم القطار هذا تقريبا قعدنا فيه 5 ساعات ووقفنا بمحطه وناس تنزل وناس تصعد واحنا قاعدين و ركب معانا هذا https://www.arabtrvl.com/vb/picture....ictureid=63061 انا اشتغل عندي وسواس الجراثيم والوصخ :20: ما بقى ديتول ولا بليج ولا كلوركس ما نظفت فيه https://www.arabtrvl.com/vb/picture....ictureid=63062 وحتى وصلنا كارديف اخيراااا :31: https://www.arabtrvl.com/vb/picture....ictureid=63063 يتبع ... |
تقرير متكامل بس احسس متعب خاصه وقت التنقل بالقطار |
ام بدر ابرار كان سألتيها عن الجامعه عشره عمر مع كارديف اعتقد اختيار تغيير القطار هو الحل يكفي التعبير عن استقبال الفندق بس مرات من برا الفندق مو مقياس عذرا فطورك الأخير عباره عن ايش بالعافيه |
اقتباس:
|
اقتباس:
والله الفندق زين اللي مايبي خدمات منه بس يبي مكا ينام الفطور عباره عن جرنولا و روب يوناني و مانجا (يعني صحي) :64: |
زين سويتو بتغيير خطة القطار بعد شتسوون والحمدلله ان هناك من يساعد انزين سؤال : قصيتوا تذكرة ثانيه للقطار والا على حجزكم الاولي ؟ ويحليه بدر المدارس الاجنبيه لازم عندهم ايام للبلدان مثل عيال خواتي كل سنه ديره يلبسون كارديف تهبل وهذا سوق اس تي ديفيد اعتقد بالعافيه المشتروات والمأكولات مستمتعين بالتقرير الجميل وربي يوفقج بالدراسه :61: |
هذا عيب اوروبا بالشتاء الثلوج والغاء رحلات الطيران والقطارات لكن الحمدلله غيرتوا الخطة وبدلتوا القطار كارديف مدينة هادية وفعلا وايد طلبه كويتيين فيها موفقه بالدراسه يا اوبرا |
اقتباس:
القطار تغيير بسبب الظروف الجويه فبدلو حجزنا بدون دفع لانه اوردي احنا دافعين بس تم تغيير الحجز اي المدرسه تصدقين موهقينا مرات يعلمونهم عن دوله اول مره اسمع عنها مادري من وين اييب لهم لبس هذي الدوله اقعد ادور بالنت معلومات واشوف لبسهم التقليدي واخيط لهم بعد شسوي :24: بس نكتسب خبره :14: |
اقتباس:
اي قبل هالمره تكنسل قطارنا من امستردام لي بروكسل وهالمره كارديف الحمدلله هالسنه كنت في ايطاليا ماتكنسل ولا قطار :32: كنت خايفه والله |
| الساعة الآن 03:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO