شبكة و منتديات العرب المسافرون - الابتسامة الجميلة في سنغافوره

- بوابة سنغافوره (https://www.arabtrvl.com/vb/f297.html)

- - الابتسامة الجميلة في سنغافوره (https://www.arabtrvl.com/vb/t27270.html)

اقتباس:

المشاركة الأصلية كتبت بواسطة نانا ابو عابد (المشاركة 321295)

ماشاء الله جولة روعه بيوم واحد...
وانا فرحت قلت واخيرا ايمان اصبحت مستثمرة وتجارة مع سنغافورة وعود ودهن عود لكن طلع للاستخدام الشخصي.. عليكم بالعافية المشتروات وهل هم بلد منتج فاسعاره احسن لاني لست خبيرة ولا اعرف غير العطور المعباة جاهز ..

البلد حلو وصورك زادته حلاوه خصوصا بالليل ومطل الفندق جنان اهنيكي عالاختيار المول بالفندق لايمل في كل شيء حتى لو ماطلع الواحد ينبسط...

صحة وهنا الغدا والفواكه الاستوائية عجيبة ...

متابعين احلى تقرير ...

أرسلت بواسطة iPhone بإستخدام Tapatalk

هلاوالله نانا هههههههههه اكيد ماراح اصير تاجره ولا مستثمره

سنغافوره مومنتجه للبخور لكن مشهوره في بيعه ويبيعون انواع ممتازة غير مخلوطه ولا مغشوشه وهذا التاجر معروف جدا بهذا الشي
سنغافوره حلوه بكل وقت بالليل والنهار روعه لكن جوها حار للاسف

وانتي عارفتني من محبي البرد والثلج

الله عليك .. الله عليك ..

خبيرة سفر درجة أولى .. طبيعي راح يكون التقرير فااااخر ..

الفندق يعتبر معلماً لوحده كما ذكر الأحبة .. بس وين صورة المسبح ؟؟؟

تأشيرتها هل كانت معقدة كما أسمع واقرأ ؟؟؟

البلد مميز جداً بكل شيء ومن الدول السياحية المصنفة تصنيفاً عالياً ..

سانتوزا عندما أرغب بتغطيتها كاملةً هل تحتاج أكثر من يوم برأيك ؟؟

مستمتع جداً بما يُطرح .. متابع ومنتظر بقية الجولات ...

تحياتي الدائمة لكِ مشرفتنا ..

يا حلاة ريحة البخور ودهن العود
وانا قاعده اقرا الجزء بيوم الجمعه وصلتني الريحة امووون
:e123::e123::e123:
عليكم بالف عافيه خوش شي اخذتي من كل نوع زين سويتي
والصور للمكان والجزيره روعه

بس فيصل ضحكني اهو وملاك اشفيكم يا جماعه صلو على النبي ....حوووش

اقتباس:

المشاركة الأصلية كتبت بواسطة آخـــرفـــرصـــة (المشاركة 321370)

يسعد صباحك ايمان

ما شاء الله تقرير فخم بفخامة العود الكمبودي
اختيار موفق للفندق وهو لحاله معلم من معالم سنغافوره
مول و 20 مطعم يعني ما يحتاج كل شي حولك

اطلالة الغرفة رائعة والتصوير صار أروع
ميزة اللي يبيع بسنغافوره حسب توقعي ماعندهم لف و دوران
مو زي اللي بتايلند و اندونيسيا و ماليزيا
هل أسعاره ثابتة ولا لابد من مكاسرة ؟

تسلم الانامل
متابعين الابداع

هلاوالله بوغسان فعلا هالفندق معلم من معالم سنغافوره والسكن فيه يخليك ماتحتاج تطلع بره لكن لانها زيارتنا الاولى كان لابد نشوف البلد
كلامك صحيح تجار البخور بسنغافوره ماعندهم غش وسمعتهم طيبه وكسرات اليخور مثل بعض مو خالطينها بالخشب
بالنسبة للاسعار ثابته لكن اذا شريت كميه كبيره يسوي خصم اكثر

Sent from my SM-G925F using Tapatalk

اقتباس:

المشاركة الأصلية كتبت بواسطة |القحطاني| (المشاركة 321372)

العودة رهيبة ولا اجمل من رائحتها
دهن العود هو اللي ما أحبه

تم الإرسال من SM-N920C باستخدام Tapatalk

ههههههه اخاف كلام ملاك صحيح

Sent from my SM-G925F using Tapatalk

اقتباس:

المشاركة الأصلية كتبت بواسطة محب الطبيعة (المشاركة 321383)

تقرير رائع مثل روعة المكان
صور الفندق والاطلالة في الليل روعة
يعطيك العافية مشرفتنا

الله يعافيك محب الطبيعه
نور التقرير بمشاركتك
فعلا اطلاله الفندق روعه بالليل والنهار

Sent from my SM-G925F using Tapatalk

اقتباس:

المشاركة الأصلية كتبت بواسطة q8ya metnaqla (المشاركة 321387)

عوافي امووون
وايد اسمع عنها سنتوسا والكل يمدحها
يله اموون والله ماعندي مانع ونسوي خلطات اذا انتي شاطره فيهم

Sent from my iPhone using Tapatalk

لا والله مااعرف الا استعمل
راشد يقولج احنا نييب من سنغافوره وانتي عليج التوزيع ههههههه

Sent from my SM-G925F using Tapatalk

اقتباس:

المشاركة الأصلية كتبت بواسطة احمد الحربي (المشاركة 321394)

اختيارك للفندق موفق

الجلسه فيه تكفي

يعطيك العافيه على التقرير وبانتظار التكمله

هلا والله اخوي احمد
فعلا الفندق من معالم سنغافوره والسكن فيه يخليك ماتفكر تطلع
نور التقرير بمشاركتك

Sent from my SM-G925F using Tapatalk

اقتباس:

المشاركة الأصلية كتبت بواسطة Haksa77 (المشاركة 321396)

بداية موفقة ورائعة لمشرفتنا المبدعة الأيمان :18:
ماشاء الله على البخور والكمبودي
رروعة شدني نظافة البلد :58:
والفندق خيااال وإطلالته جداً رائعة
متاابع ويااج
شكراً لك بحجم السماء :e306:

هلاوالله انا مثلك استغرب من ترتيب ونظافه البلد شي يريح النفس
سنغافوره تنفع للاطفال وايد ان شاءالله اذا كبر اياس توديه هناك

Sent from my SM-G925F using Tapatalk

اقتباس:

المشاركة الأصلية كتبت بواسطة AL Tunaiji (المشاركة 321434)

تقرير جميل لبلد جميل

زرته مرتين زيارة شبابية ، الأولى كانت الأجواء مناسبة بس في الثانية كانت حر ورطوبة وهذا خلاني أتردد أزورها مرة ثانية مع العائلة وخصوصا اللي يزورها بعدين يقول نفس الكلام ، عندي إحساس أن المناخ فعلا تغير وخصوصا في المناطق الإستوائية

الكوفي اللي فطرتوا فيه له فرع في دبي فيستيفال سيتي

فندق مارينا باي ساند لي قصة معاه ، كنت في الصين وغيرت برنامج السفر وقررت أزور سنغفورة في رحلة العودة لدبي ، بحثت في النت عن فنادق سنغفورة ولقيت موقع الفندق وعجبني وقررت أسكن فيه لكن ما حجزت ، قلت لما أوصل بحجز ، غرفة ليومين عادي أحصل

لما وصلت مطار سنغفورة سألت أحد مكاتب الحجوزات عن الفندق وقال ما يعرفونه ، وكان تعامل الموظفة سيء ، لذا قررت أستعين بسواق التاكسي

بعد ذلك أخذت تاكسي وسألت السواق عن الفندق وقال هذا بعده ما جهز قاعدين يشطبون فيه ويأثثونه

قلت خلاص دور لنا فندق ثاني مناسب ، قال ما عندكم حجز قلت لا ، قال سنغفورة فل بالسياح الأوروبيين اللي راجعين من أستراليا وشرق آسيا وعالقين في سنغفورة بسبب بركان آيسلاند ومافي غرف شاغرة

وفعلا مرينا على كذا فندق ندور غرفة ليومين مافي وبعد تعب ومحاولات لقينا فندق عنده غرفة ليوم واحد قلنا خلاص ناخذها وبكرة ربك يفرجها

وفي اليوم الثاني وافق الفندق يممد لنا يوم إضافي ، الفندق باين عليه ما فيه زحمة بس هم يبالغون ويقولون فل ليش ما أدري

حتى دبي كانت فيها نفس المشكلة في هذيك الفترة بسبب البركان وكثير من الأوروبيين مش قادرين يرجعون بلدهم

المهم مستمتعين بهذا التقرير وياليت تعطينا فكرة عن الأجواء اللي صادفتكم وخصوصا في جزيرة سنتوسا

هلاوالله نورت التقرير
الاجواء حاره جدا وهذا اللي يكرهني بدول شرق اسيا ويخليني افضل السياحه في اوروبا
لان جونا بالكويت حار جدا ونسافر ندور البراد
مافهمت قصدك شلون بدا الجو يتغير لهذه الدول؟
الفندق كبير جدا لكن عليه حجز كبير من السياح وفعلا حاولت اغير تاريخ حجزي لقيت الفندق مليان مافيه ولاغرفه فاضيه اضطريت اخلي الحجز بنفس التاريخ
ملاحظ انك توجهت لاوروبا بعد شرق اسيا وانا من بعد تقاريري الاوروبيه صرت اسوي تقارير اسيويه هههههههه

Sent from my SM-G925F using Tapatalk