|
رحلة عائلية 14 يوم، فززعتكم خمسة ايام في بينانج يوم الوصول راحة ثم الخروج للعشاء ثم المرور بالسوق الليلي وحجز رحلة جزيرة الصيد والشوي اذا كان لكم رغبة او العودة للفندق للاستعداد لليوم الثاني اليوم الثاني الافطار بالفندق ثم البدء بحديقة الفراشات ثم الفواكه ثم التوابل وبحيرة سد ايترام ثم الغداء ثم محلات القهوة ثم التوجه للجورني بلازا للعشاء والتسوق وان حبيتوا يوجد سينما اليوم الثالث البيت المقلوب ثم فن الخدع وبيت الرعب ثم الغداء ثم الشلالات ثم الهضبة ثم او الجورني بلازا للعشاء واكمال التسوق او الذهاب للكوبنسي مول والعاب الليزر الموجودة فيه والعشاء اليوم الثالث رحلة الصيد والشوي مع الغداء ثم العودة للفندق للراحة والانشطة البحرية وممكن بعدها الخروج للعشاء او التوجه لمول الجورني بلازا للتسوق اليوم الرابع ملاهي الايكو سكيب ثم التسوق اليوم الخامس جولة باص الهوب هوب وملاهي الادفنشر زون في نفس الفندق والاستمتاع بخدمات الفندق اليوم السادس مغادرة ملاحظات بينانغ برج كومتار اشوف ماله داعي تروح له لان الهضبة تغني عن الذهاب له مصانع الالماس والحرير غالية جدا وجهة نظري تكنسلها منطقة جورج تاون يوم تعمل جولة الباص السياحي بتمر فيها كلها النشاطات البحرية في اي يوم ممكن تعملها |
رحلة عائلية 14 يوم، فززعتكم كوالالمبور ستة ايام اليوم الاول الوصول للفندق ثم عندك خيارين يا تروح الاكواريوم ثم النافورة الراقصه ثم العشاء او تروح متحف الباترونس ثم النافورة الراقصة ثم العشاء اليوم الثاني القبة الفلكية ثم حديقة الطيور ثم الغداء ثم برج المنارة ثم التسوق (( ممكن ركوب الباص السياحي بنفس اليوم ذا والنزول من محطة لمحطة ينتهي العمل بالباص الساعة 9 مساء )) اليوم الثاني حديقة الحيوان ثم الغداء ثم التسوق اليوم الثالث صنواي لاقون ثم مول البراميد للغداء واخذ مساج ثم الذهاب للاي سيتي اليوم الرابع بحيرة بوتراجايا والكروز وزيارة مسجد بوتراجايا ثم الغداء ثم التسوق اليوم الخامس ملاهي التايمز سكوير والتسوق فيه اليوم السادس التسوق ثم تجهيز الشنط استعداد للسفر (( ممكن اليوم ذا عمل جولة الباص السياحي صباحا ومن ثم اكمال التسوق لان الباص يوقف عن الحي الصيني وبتلاقي هناك السوق الصيني )) اليوم السابع العودة لارض الوطن ان اخطاءت فاعذرني اهم شي انك تصحي بدري وتستغل اليوم من اوله |
الكاميرون حسب وقت وصولكم اذ حركت من بينانج الصباح الساعة 9 تقريبا توصل 1 الظهر يوم الوصول اذا كان بدري التوجه للفندق ثم الخروج للغداء ثم جولة الى حديقة اللافندر والزهور ومناحل العسل ثم العشاءوالعودة للفندق اما اذا كان وصولك متاخر فالتوجه للفندق ثم الغداء ثم الذهاب للسنتر والتجول ثم بالفندق اليوم الثاني جولة مزارع الشاي والشلالات واماكن سكان الكاميرون الاصلين وشراء العسل منهم اليوم الثالث جولة ركوب الدبابات وبعدها التحول بالمنطقة او تنفيذ مخطط يوم الوصول اذا وصلت متاخر رابع يوم المغادرة الى كوالا |
شششي جميل يابو حسسن والله كنت محتار عطيتني ترتيب بطل وكلهم قرب بعض عشان ما اضيع وقت، ريحتني صراحه ... يرزقك الجنه يارب، ششششكرا حبيبي :1: ... طبعا انا راح اروح اول الكاميرون ثم بينانج ثم كوالا حسب خطه اختي عشقي السفر الله يعطيها العافيه ... باجر سياره ، و اعرف ان من مطار كوالامبور الى كاميرون تقريبا ٢٥٠ كيلو يعني ٣ ساعات وشوي ممكن اعرف كم المسافه كيلو والوقت من الكاميرون الى بينانج؟ ومن بينانج الى كوالامبور !! < خايف ان الكيلوات دبل ونص اليوم راح بسياره :e432: :30: .............. وسوال مهم جدا الله يعطيكم العافيه ... وش افضل رحلات بحريه اخذها من بينانج ولا في كوالامبور وكيف الانشطه حقتها وكم تاخذ وقت؟ وهل هي برايفت ولا مجموعه وهل لازم احجزها قبل كم ايوم ، و لا بنفس اليوم، واذ تعرفون الاسعار :e12f: ششكرا |
اقتباس:
شوف اخوي انت وصولك كوالالمبور الصبح الساعة 6 ضيف عليها تقريبا 4 ساعات تخليص اجراات المطار والمرور بمكتب الايجار تنزل من الطيارة تركب القطار تاخذ شريحة جوال بعدها تختم الجوازات بعدها تستلم العفش بعدها تتوجه امكتب ايجار السيارات يعني تقريبا الساعة 10 او 11 الظهر انت مخلص من المطار وممكن اذا حبيت تتغدا بالمطار حتاخذ ساعة كمان وذا الافضل يعني بالتمام الساعة 12 انت تنتطلق على الكاميرون المسافة بين كوالالمبور والكاميرون 3:30 ساعة بس نقول تقريبا 4 ساعات وممكن خمسة بحكم القيادة عكس وانت اول مرة تسوق تمام يعني باذن الله الساعة 4 - 5 العصر توصل الكاميرون وممكن تقل المسافة حسب فضاوة الطريق لان الطريق زي الهدا فيه لفات وكذا المسافة بين بينانج وكوالالمبور تقريبا بين 4-5 ساعات حسب السرعة اللي انت بتمشي فيها وحسب الزحمة وكذا وممكن اقل من كذا اعطيك وقت زيادة في كل مسافة عشان ممكن ترقف ممكن تلاقي زحمةوغيره وتعمل حسابك رحلة جزيرة الصيد والشواء مع الغداء في بينانج بقارب لوحدك خذها من الاكشاك اللي في الباتو فرينغي او اتصل على السواق احمد يعمل رحلات اتصل عليه واعطيه عددكم واتفاوض معاه على السعر ومااقدر اعطيك سعر معين لانه بيحسب حسبة الغداء وايش انتم تبغوا فيختلف السعر بعدد الاشخاص لازم تحجزها قبلها بكم يوم مثلا اول يوم للرصول بعد ماترتاح تروح تحجز رحلة بحيرة بوتراجايا في قوارب خاصة وفي كروز انت روح واختار بينهم لان في انواع رحلة عشاء بحرية مدتها ساعتين وفي عروض للعائلات والقروبات رحلة زورق مدتها 45 دقيقة وهي عبارة عن مركب فيه 75 شخص رحلة قارب الجندول ويحمل 7 ركاب ومدته 25-30 دقيقة تحجزها بنفس اليوم افضل وممكن قبلها بيوم هذا موقعهم الرسمي للاطلااع على الاسعار http://www.cruisetasikputrajaya.com/ |
جمممممميل ي بوحسن الله يسهل عليك مثل ماسهلت علي .. ماقصرت حبيبي يعطيك الف عافيه .. وحلو انك شرحت لي انواع الرحلات عشان اخيير الاهل واشوف الافضل وتقريبا كلها في بينانج صح ... وشي اخير من الكاميرون الى بينانج بكم ياخذ وقت الطريق ؟ شششكرا من القلب.. وبعد موضوعك سفرتك انت واهلك ماشاءالله ،، صراحه كان جبار واستفدت منه كثير وباقي اقراه :22: |
اقتباس:
هلا اخوي رحلة الصيد والشوي بينانغ رحلة بحيرة بوتراجايا كوالالمبور المسافة بين الكاميرون وبينانغ تقريبا من 3:30 - 4 ساعات حسب فضاوة الطريق وسرعتك ملاحظة طريق الكاميرون ياخذ وقت لانه مرتفعات زي طلعة الهدا وابها فهمت اخوي عشان كذا احسب الوقت زايد افضل عشان ترتب امورك تمام باذن الله تستفيد منه يالغالي |
ماقصرت معي ابوحسن، كفيت ووفيت يبيض وجهك والله ويرزقك ماتتمنى :1: |
اقتباس:
امين يارب الكل بالمنتدى مايقصر والله جزاءهم الله كل خير |
يليت تروح لنكاوي بالنسبة لي الي مايروح لنكاوي في ماليزيا فقد كثيير من المتعة وهذا رأي الشخصي الله يوفقك |
| الساعة الآن 10:36 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO