يا اخوان فيه فندق مطل على شلال في احدى القرى القريبة من انترلاكن
احد يعرف وش اسم الشلال و القرية وإذا ممكن اسم الفندق
الفندق من فوق شكله كأنه أسطوانات

اخي ابومهاب فعلا ما قصرت بدأت الصورة توضح عندي الآن

بعد كلامك خلاص لغيت ميونخ تماما

براغ لا تحسبها في عدد الأيام ، الثمانية أيام هذي لسويسرا فقط
فإذا قلنا نبدأمن زيورخ و العودة من جنيف ممكن تقسمها لي
بحيث يكون خط السير مريح جدا و سلس و فيه راحة بين المسافات الطويلة ( الصراحة أني اشوف ساعتين بالسيارة طويلة على اللي معي ) ، وترى انا مو لازم أزور كل الأماكن اهم شي الاستجمام والراحة
يعني في اخوان أشوفهم يروحون الزحليقة الصيفية في قرية ثم بكرة يروحون زحليقة ثانية في قرية ثانية ولازم يمرون على كل البحيرات ( انا مو كذا انا أحب الراحة والمشاهير الخفيفة يعني ترشحلي وحدة زحليقة صيفية و وحدة او اثنين بحيرات احلى شي وكذا )

وايضاً اذا قلنا نبدأ من زيورخ و العودة فرانكفورت قسمها لي اذا تكرمت


علما بأني ودي ٤ ليالي لانترلاكن

اذا تعرف اسم الفندق اللي عند الشلال

تصحيح للي فوق
( أحب المشاوير الخفيفة )

الله يجزيكم خير

راح أدور على هذا الاسم والتاكد اذا هو الفندق اللي اقصده

اخي ابو مهاب
مامعنا احد صغير يروح ملاهي يوروبارك

وش رأيك في المخطط الثاني بعد انترلاكن أخذ ليلتين في زيورخ أزور شلالات الراين وبعدها على فرايبورغ

هل المشوار من انترلاكن لفرايبورغ دايركت و من انترلاكن لزيورخ لفرايبورغ نفسه ولا راح يطول ؟

بالنسبة لسلالات الراين أتمنى احد يجاوبني هل سهل على كبار السن يركبون القارب وينزلون منه وإذا اقترب القارب من الشلال ممكن انه يروح ويجي مع قوة الماء ولا عادي ؟
انا اشوف ركوب القارب متعة و ودي انهم يجربونها معنا اذا سهل عليهم