|
حبيبنا أبو عبدالله .... جيثورون وجدتها جميلة بحق برفقتك ... أشبعت تقريرك عطاءً .. تجربة السفينة ممتعة وكسراً لروتين التنقل جواً وبراً .. وماشاء الله سفينة متكاملة .. الوصول لأمستردام كما قرأته بخط سيرك ( متعب ) ولكن الأهم إنك استمتعت كما ذكرت بأحد ردودك .. مشكلة حقيقةً عدم الوضوح في فعالياتهم ( أحدهم يوافق والآخر يرفض ) رغم صرامة الأوروبيين .. هل بلدة جيثورون تفتقد لخيارات السكن .. أم لا تستحق إعطاءها ليلة من خط السير ؟؟ مارأيك بما يُذكر عن أمستردام من ظواهر سلبية أخلاقية متفشية بالحياة العامة ؟؟ دوماً نجد السعادة باتباع دروبك �� |
ماشاء الله تقرير جميل من ابوعبدالله كعادتك مبدع في تقاريرك 3 ايام مدة الرحلة ضاغط نفسك مرره وكمان مشوار السفينه 8 ساعات ومن باص لقطار وتغيير محطات ههههههه مشوار يابوعبدالله لي عودة لإكمال التقرير الجميل:71: |
اقتباس:
- جيثرون مليانه بالسكن سواء فنادق او منازل وهي تستاهل اكثر من يوم بس قلت يوم للمستعجل لان غالبية زوار اوربا على جناح طائر وما الومهم ... والا هي للي يبحث عن الراحه مقصده فيها وحواليها .. - نظامي في السفر فعالياتي تنتهي بحلول الليل .. فما شفت شي بعيني بامستردام سلبي الا محل واحد بالسوق ومو مبين يمكن لانهم توهم مابعد بدو ! وكان انتباهي له لان كنا ننتظر طلب لنا من محل وافل ووقفنا قدام المحل ... وفيه شارع سيء الذكر اللي هو الريد لايت ديستريكت ما مرينا معه . بس اثناء وجودنا فيها وفي اسواقها العصر ماشدنا شي زياده عن باقي المدن الاوربية باستثناء لندن اللي اشوفها اكثر حشمه من البقية. سعدت جدا بوجودك ودمت لمحبيك .. اقتباس:
هي والله تمغيط بس انكبنا بقوقل هالمره طلع مافيه قطار مع اني مسوي بحث ولقيتهم قايلين مافيه قطار بس كذبتهم وصدقت قوقل وطلع ( كلام عيال ) وضيع علينا كم ساعة ... بس ماتحسفنا اشوى ومشوار السفينة كان تجربة حلوه وشكلنا بنطلع كروز ان شاء الله :(47)::(47): منور والف الف شكر لحضورك ودعمك ... وبانتظار عودتك وان شاء الله يعجبك |
تقرير رائع وسرد ممتع منك خبيرنا هولندا للامانه تستحق الزيارة فقط ارياف وخارج المدن المناظر سبحان الخالق لكن مدنها مافيها شي يستاهل زيارتها امستردام عندهم هوس وزحمة بركوب الدراجات الهوائية لدرجة اني حسيت من كثرها في امستردام وكأني ف الصين ساحتها الرئيسية (دام سكوير)لاتستحق الزيارة الا لوجود متحف الشمع فيها والمحلات المنتشرة في امستردام اغلبها تبيع المخدرات وادوات تعاطيها اضافه الى القباقب والتذكارات حتى الشباب ف الشوارع الله لايبلانا يتعاطون المخدرات تجربتك بالتنقل بالسفينة اختيار موفق وتجربة رائعه رغم الوقت الطويل فيها الممتع في هولندا هو التنقل بالقوارب من مكان لمكان حتى مزارعهم بين كل مزرعه ومزرعه قنوات مائية وقوارب كل الشكر لك على التقرير دمت بخير وسلامة ويعطيك الف عافية |
يعطيك العافيه بوعبدالله ماشاء الله غطيت اهم واجمل الاماكن بالرحله السريعه . هولندا من اجمل دول اوربا طبيعه وجو واكل وشعب ...رحتها في 2013 وبناتي من كثر ما حبوها قالو ممكن ندرس في جامعاتها ! سبحان الله طبيعتها خلابه وتحسسك بالطمانينه ...مع اننا ما رحنا جيثرون لكنها في الخطه الخمسيه ان شاء الله ودي اجع لهولندا في زياره ثانيه واخصص لها فتره اسبوعين لانها تستحق. مغامرات جميله ماشاء الله بتقريرك ...واكيد ذكريات اجمل . الله يسعدكم مثل مااسعدتنا بهذا التقرير الجميل . تحياتي ام ملاك |
اقتباس:
- انا اعرف ان المخدرات تباع في اماكن معينه يقولون .. بس انها تباع في المحلات عادي احس كارثتهم جدا كبيرة والله يستر على الناس .. ومثل ماذكرتي بالنسبة للمزارع وكنا نشوف البقر والغنم في المزرعة بدون شبك بس ماتقدر تطلع لانه كانها بجزيرة ... الله يعافيك على حضورك واضافتك وشكرا لك مرة اخرى اقتباس:
|
زرت امستردام يوم واحد بس مدينة جميييييلة |
اقتباس:
|
تقرير رائع يابوعبدالله استمتعنا فيه بكل رحلاتكم ومواقفكم .. والصورة زانت من جمال التقرير .. اشكرك على هالجهد الطيب ورحلات سعيدة باذن الله |
حمدا لله على سلامتكم |
| الساعة الآن 09:34 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO