http://www.arabtrvl.com/vb/picture.p...ictureid=20955


الجزء الثامن عشر


السلام عليكم


اليوم الرابع في لندن



في هذا اليوم سمعنا ان في كرنفال قريب من الكوينز واي


فقررنا انا نروح بهاليوم هناك والكرنفال بيبدأ على الساعه 12 الظهر


ثنتين من البنات قاعدين الصبح مبجر ورايحين يتريقون في


ماكدونالدز وبعدين متمشين بالاكسفورد شوية


http://www.arabtrvl.com/vb/picture.p...ictureid=22416


ارجعوا حطوا اغراضهم بالغرفة وبعدين طلعنا معاهم
انا وبنتي الثانية وتواعدنا مع بوحسين ويوسف ....اللي رايحين يتريقون بمطعمهم بالكوينز واي اما حسين نوووم بالفندق ...على اللقاء بالكافيهات اللي مقابل الهايد بارك بالكوينز واي



احنا نزلنا من الباص والا زحمة وشرطة وتنظيم بس مو هني الكرنفال


لا بالشارع الثاني ..........كانوا الشرطة يوزعون منشورات عن الكرنفال


اخذنا منهم ورحنا نتريق انا ودانه


وهذا ريوقنا وكان مطر ومحد قاعد على الكراسي .......بس احنا لقينا مكان مظلل
برررررد كان ......طلبنا



غنومة لازم




http://www.arabtrvl.com/vb/picture.p...ictureid=22415





وانا لازم ريوقي كرواسوون بالجبن


حرقتها لي او حمشتها لي بس لذيذة



http://www.arabtrvl.com/vb/picture.p...ictureid=22409





دانه باعتها تقول ما كانت تشتهي العشا وكانت يوعانه مو قادرة تصبر




http://www.arabtrvl.com/vb/picture.p...ictureid=22406





المهم بعد ما وصلو الشباب قلنا لهم خلاص ما نبي نروح الكرنفال


ليش ؟؟


قلنا لهم على اللي مكتوب بالورقه عنه
:
اولا: لازم تديرون بالكم على جميع اغراضكم الشخصية ودايما انتبهوا



من السرقة.....ولا تلهون بالتصوير وتنسرقون


ثانيا: لا تتركون عيالكم بالارض شيلوهم يمكن ينداس عليهم


او يمكن ينخطفون


ثالثا: تماسكوا مع بعض لان ممكن الجماهير تمشي مع الكرنفال وتروحون وطي هههههه


رابعاا : شفنا هيبز بكثرة والبنات خافوا منهم ان راح يكونون حوالينا بالكرنفال


وخامساا : وهذا الاهم بالموضوع كله ان الكرنفال طلع للمثليين ...عرفتوهم يعني


ابوحسين قالها بسرعه لا يحوووووشك خخخخخخخخخ


طبعا احنا هالقرار اخذناه اول ما شفنا البرشور مالهم


بس انتظرنا الشباب لانهم كانوا بالطريق لنا



قررنا بوقتها ان نروح الويست فيلد الجديد ومكانه عند القرية الاولمبية


وهذا موقعهم من النت


http://uk.westfield.com/stratfordcity/




اخذنا تاكسي لان الباص ما نعرف اي باص يوصل هناك


وبعد المنطقة بعيدة اسمها ستراتفورد


وهذه صور من الطريق اول شي .....صورة للعائلة المالكة



http://www.arabtrvl.com/vb/picture.p...ictureid=22431




http://www.arabtrvl.com/vb/picture.p...ictureid=22422






سامحوني الصور عوية يعني مائلة شوي لاننا بالسيارة





http://www.arabtrvl.com/vb/picture.p...ictureid=22435





http://www.arabtrvl.com/vb/picture.p...ictureid=22414





http://www.arabtrvl.com/vb/picture.p...ictureid=22421




وصلنا وشفنا هالاشكال بطول الشارع من الجهتين



http://www.arabtrvl.com/vb/picture.p...ictureid=22427








http://www.arabtrvl.com/vb/picture.p...ictureid=22424





وهذه محطة ستراتفورد




http://www.arabtrvl.com/vb/picture.p...ictureid=22407





http://www.arabtrvl.com/vb/picture.p...ictureid=22440




وهذه صورنا هناك........هني اول ما وصلنا والا انا اقول واويلااااااااااااه كل هالدريات ماني



لاعبة اولمبياد ههههههه..........لا وحظي في سلالم متحركة بس واقفة


قلنا يلا نركب بعد شنسوي






http://www.arabtrvl.com/vb/picture.p...ictureid=22437





http://www.arabtrvl.com/vb/picture.p...ictureid=22419




الممر بعد الدرجات للويست فيلد مول



http://www.arabtrvl.com/vb/picture.p...ictureid=22426





http://www.arabtrvl.com/vb/picture.p...ictureid=22408







وهني ديزني ستور

وغنومة تسترجع الطفولة


http://www.arabtrvl.com/vb/picture.p...ictureid=22405





http://www.arabtrvl.com/vb/picture.p...ictureid=22438



وهني سينما وركن يلعبون فيه اليهال على ما تخلص الام من المشترى




http://www.arabtrvl.com/vb/picture.p...ictureid=22432







اكيد عرفتوه البريمكاك






http://www.arabtrvl.com/vb/picture.p...ictureid=22418



هذا حلووووو اي واحد يخلص شحن موبايله في هالخزانات


تلاقي شحن لكل الانواع وترى الشحن من نفسك انت المسئول عنه وبعد ما تحط تلفونك تقفل بالمفتاح


وتاخذ المفتاح واذا رجعت تاخذ تلفونك تترك المفتاح عليه


وهو مجاني .........جربناه



http://www.arabtrvl.com/vb/picture.p...ictureid=22428





وترحيب بكل لغات العالم ومن ضمنهم اللغة العربية


ما قصرواا


http://www.arabtrvl.com/vb/picture.p...ictureid=25528




جعنا الحين ووقت الغدا حان وعصافير بطنا نص وصوصه ههههههه


قعدنا ببيتزا اكسبرس مع ان في مطاااعم وووايد ومتنوعه هندي وايطالي وامريكي وكلها


مطاعم راقية بس ما كان ودنا وجربنا نقعد بمطعم هندي ........بس باخر لحظة غيرنا راينا


مو مشتهين دسوومة وبهارات هنديه

وهذا مكانا



http://www.arabtrvl.com/vb/picture.p...ictureid=22430





ودانه طبعااا بتحلي خلاص تقول مو يوعانه




http://www.arabtrvl.com/vb/picture.p...ictureid=22439



طبعااا للتصريف .....احلى مشروب





http://www.arabtrvl.com/vb/picture.p...ictureid=22404




واحنا بيتزااا



وحدة دجاج ...........ووحدة خضار ومكثريييييين البيديان




http://www.arabtrvl.com/vb/picture.p...ictureid=22434






وسلطة


http://www.arabtrvl.com/vb/picture.p...ictureid=22429




وطبق لحد يمد ايده هذا خاص بس لمديرنا فيصل


طبق بيديان باللحم المفرووم والصوص العجييييب...........بسم الله


مو اي صمون مشكل لا بيديااااان اكسبرس عجيييييييب



http://www.arabtrvl.com/vb/picture.p...ictureid=22433



ملاحظة هالطبق الحين مو موجود ضمن منيو بيتزا اكسبرس
بالكويت




طلع حسابنا بحول الاربعين باوند تقريبااا


الذاكرة مييييح والفواتير تكرمووون المطاعم كلهم احذفهم لان ما فيهم تاكس فري


هههههههههههه



بعد الغدا قالت دانة وغنيمة نبي ندش فيلم كرتوني



راحت معاهم اختهم تقص لهم وتدخلهم السينما وانا قعدت بالمطعم لين ردت لي


وهذا تصويرهم بالسينما





http://www.arabtrvl.com/vb/picture.p...ictureid=22420







http://www.arabtrvl.com/vb/picture.p...ictureid=22410




وهذه بطلة الفيلم .........ويوم امدحووه لي شفته بالطيارة


واحنا راجعين ....ولا بالاخير قمت انام واقعد اشوف وارد انام لحد ما خلصت حربهم بالفيلم




http://www.arabtrvl.com/vb/picture.p...ictureid=22417



عاد الحين بدأت ام حسين بالبحث عن الجنطة


ما ابي غاليه واايد اتحسف اشيلها كل مكان وما ابي رخيصه حييل عاد


ومشينا ندور ............وقبلها قلنا بنروح القريه الاولمبيه نتمشى واصور لكم الحدث خخخخخخخ


طلعت مسكرة لانهم يجهزون لاولمبياد المعاقين اللي بيكون باجر....يعني بكرة عندهم



وهذه القريه الاولمبية تحت وهذا طريقها من المول


صورتها لكم من فوق ....شوفوا الملاعب جدام ....مع النصب التذكاري


كأنه سكة قطار الموت او الافعوانيه ملتويه من فوق




http://www.arabtrvl.com/vb/picture.p...ictureid=22411





http://www.arabtrvl.com/vb/picture.p...ictureid=22425




رست تورانت ........مطعم شكله حليوووو بس لان احنا شبعانين



http://www.arabtrvl.com/vb/picture.p...ictureid=22436







http://www.arabtrvl.com/vb/picture.p...ictureid=22403





http://www.arabtrvl.com/vb/picture.p...ictureid=22413




http://www.arabtrvl.com/vb/picture.p...ictureid=25565





تابع
‬

التنظيم والبساطة تجتمع هني واحترام القانون


http://www.arabtrvl.com/vb/picture.p...ictureid=25704



النصب التذكاري



http://www.arabtrvl.com/vb/picture.p...ictureid=25699



شوفو الشبات .....اعمدة الاضاءة.......انا متعمدة اترجم لهجتي لكم


لان مو للي ما يعرفون اللهجة لا للي تخلوووو عن لهجتهم المحلية .........يعني احناااا وااااو


وشوفوا بوابة الويست فيلد اللي كنا طالعين منها وخلفي صار القرية الاولمبية




http://www.arabtrvl.com/vb/picture.p...ictureid=25728





http://www.arabtrvl.com/vb/picture.p...ictureid=25714



برادا عجبت بنتي جنطة بس ما حصلت اللون اللي تبيه




http://www.arabtrvl.com/vb/picture.p...ictureid=25729





هذا مثل الشلال ينزل منه ماي خفيف


في جلسات تحته قعدت وبنتي راحت تشوف المحلات اللي يمه



http://www.arabtrvl.com/vb/picture.p...ictureid=25707




خلصنا من بره وما شرينا شي


يلا يا شباب امرووو وتدللوا




http://www.arabtrvl.com/vb/picture.p...ictureid=25703





http://www.arabtrvl.com/vb/picture.p...ictureid=25727




http://www.arabtrvl.com/vb/picture.p...ictureid=25710



ملاعب او استراحة اطفال تحت بالسرداب وانا مصورتها من الطابق الثالث




http://www.arabtrvl.com/vb/picture.p...ictureid=25799





http://www.arabtrvl.com/vb/picture.p...ictureid=25800




وتعبت من التفرفر قلت حق بنتي خليني وروحي انتظرج هني مع الصحبة الاسيوية





http://www.arabtrvl.com/vb/picture.p...ictureid=25801


شوفوا السقف رووعه



http://www.arabtrvl.com/vb/picture.p...ictureid=25802





http://www.arabtrvl.com/vb/picture.p...ictureid=25803





جون لويس ......تصدقون هالسفرة احس ما شرينا وااايد


من هالمحلات الكشخه بس لبس العيد طبعااا عيد الاضحى


اخذنا منهم والا باجي شغلات كل المحلات يا بوهم بالكويت وبالخليج



http://www.arabtrvl.com/vb/picture.p...ictureid=25715



هذا المحل عجييييييييبه عنده الاحذيه النسائية


شوفوها عدل ما شرينا لان اللي عندهم كله كعوووب عاليه كانت والواطية مو ذاك الزود



http://www.arabtrvl.com/vb/picture.p...ictureid=25722



رحنا ننتظر البنات لما يطلعون من السينما


قعدنا تحت عند شاشات تعرض الافلام المعروضة وتاريخ عرض الجديدة



http://www.arabtrvl.com/vb/picture.p...ictureid=25700







http://www.arabtrvl.com/vb/picture.p...ictureid=25734




هذا فيلم البنات اللي داشينه بريف



http://www.arabtrvl.com/vb/picture.p...ictureid=25732


قالت لي بنتي تعالوووا عند محل الكب كيك


رحنا لها بهالمحل اللي دش بمخي بالفرفرة انه محل الكب كيك .....يا حلووه شغلاته بس


ما شرينا منه شي لان عندنا تقريبا نفسه بالكويت.......وهذه فترينته


انتبهوا على القوري وهو يصب بالكوب ......كل المحل تقريبا بالوان العلم البريطاني




http://www.arabtrvl.com/vb/picture.p...ictureid=25733





http://www.arabtrvl.com/vb/picture.p...ictureid=25702






http://www.arabtrvl.com/vb/picture.p...ictureid=25804




وطلع اللي تقصده بنتي بالدور الثاني وهذا اهوووووو

وقعدنا نحلي عنده طعم رووووعه



محل صغير وشخص واحد يبيع فيه..........بس هذا




http://www.arabtrvl.com/vb/picture.p...ictureid=25720




مدوووا ايدكم لا تستحووون ........يلا تفضلووو





http://www.arabtrvl.com/vb/picture.p...ictureid=25713





http://www.arabtrvl.com/vb/picture.p...ictureid=25708





http://www.arabtrvl.com/vb/picture.p...ictureid=25711





وهذه طلباتنا اربع كب كيك واربع بيبسي





http://www.arabtrvl.com/vb/picture.p...ictureid=25698






http://www.arabtrvl.com/vb/picture.p...ictureid=25737




وما يصير اي شي يدخل البلعوم من غير البيبسي والماي




http://www.arabtrvl.com/vb/picture.p...ictureid=25716









دانه تحب القصص ........واحنا قاعدين ناكل شفت مكتبه مقابل المحل


قلت لها روحي شوفي ...........نسيناها اقول لهم يمكن قعدت تقرا قصص المكتبه كلها


طولت طرشت لها غنومه .......ما ارجعت الثانية


ولو تشوفون الوقت بين اخر صورة وبين تحركنا من محل الكيك


راح تشوفون الوقت اللي قعدوه هناك


بالاخير طرشت عليهم اختهم ........ردت قالت للحين ما اشترت قالت لهم بنمشي


عاد الحمدلله رجعوا وراها ولا مو عاجبهم بعد يقولون ما خليتونا نشوف ........الوقت تأخر


بهالفترة قعدت انا القط لكم جم صورة من ديكورات المحل



http://www.arabtrvl.com/vb/picture.p...ictureid=25697



رووعه حق مطبخ




http://www.arabtrvl.com/vb/picture.p...ictureid=25706







http://www.arabtrvl.com/vb/picture.p...ictureid=25735





http://www.arabtrvl.com/vb/picture.p...ictureid=25724



وهني بعد ما ارجعوا قلنا خلاص نرد الفندق




http://www.arabtrvl.com/vb/picture.p...ictureid=25723



خليجنا والدول العربيه على الكرة الارضيه





http://www.arabtrvl.com/vb/picture.p...ictureid=25853



وعلى الستارة


http://www.arabtrvl.com/vb/picture.p...ictureid=25725




وعلى نفنوفي خخخخخخخ


لحد يتطنز .........اي اي انت لا تتطنز ههههههههههههه



http://www.arabtrvl.com/vb/picture.p...ictureid=25893



وهذا مساج مجاني وحتى الصغير له دور يا حليله


والاهم شوفوا اللاعب الاولمبي....وشفنا الصراحة وايد شفنا من الامارات وتونس


بس استحيت اصورهم طول ما حنا ماشين كانوا متواجدين


شفت وحدة عجوووز لابسه لبس الحكام ومعلقة الكرت برقبتها




http://www.arabtrvl.com/vb/picture.p...ictureid=25894




شفنا هالمحل ينووو عليه البنات ودخلت بالغصب طلعنا


ببلوفرين وجنطة لابتوب .........اشكال حلوة وغريبه


اي نسيت اقول لكم افتحوه بالافنيوز .......الله يعيني




http://www.arabtrvl.com/vb/picture.p...ictureid=25854



ورجعنا بتاكسي



وشوفوا النصب التذكاري للقرية الاولمبية


http://www.arabtrvl.com/vb/picture.p...ictureid=25857





http://www.arabtrvl.com/vb/picture.p...ictureid=25858









http://www.arabtrvl.com/vb/picture.p...ictureid=25855





http://www.arabtrvl.com/vb/picture.p...ictureid=25856




كلفنا التاكسي للمنطقة 50 باوند رايح و50 باوند في الرجعه


الحلوووو ان السايق في الروحة قال لنا هذه المنطقة بعيدة ليس تروحون الويست فيلد هناك خل اوديكم


اللي بشبربوش


قلنا له لا احنا نبي هناك للقرية بنشوفها........عندهم امانه ما يهمه الفلوس كثر ما تهمه مصلحة الراكب


وهذه الامانه من زمان انا مجربتها بسواق التاكسي


مرة وقفنا تاكسي والا حرمة تسوق........شفناها حبوبة ...


قلنا لها نبي مدينة العاب بكرة تاخذينا عليها واعتقد كنا نبي ثورب بارك


قالت لنا هذه بعيدة في وحدة اقرب بس انا ما اوديكم لها ما اقدر عندي ولدي وين اخليه طول اليوم


قلنا لها يبيه معانا قالت ما اقدر .........المهم جيتنا ثاني يوم وودتنا لمحطة باصات وقصت لنا التذاكر


وركبتنا الباص وقالت لنا بالساعه الفلانية تطلعون لان اخر باص يمر بهالوقت


وكان وقتها عيالي صغار .........صج ما شاءالله عليهم ما تهمهم الفلوس بكثر الامانه

ووصلنا فندقنا


http://www.arabtrvl.com/vb/picture.p...ictureid=25859



وهذا بروشر ......السوق



http://www.arabtrvl.com/vb/picture.p...ictureid=25860





http://www.arabtrvl.com/vb/picture.p...ictureid=25861





http://www.arabtrvl.com/vb/picture.p...ictureid=25862



شرينا اغراض وايد


تكرمون ملابس من بريماك وغيره من الاشياء وشنطة سحب حطينا فيها اغراضنا


وشرينا من المحلات الثانية كمان احذيه وملابس


وجنطة من باول بوتيك لغنيمة وصديقاتها


دانه شرت بوك


كذا شغله والله ناسيه بس تسوقنا عدل الصراحه


وانا لقيت هالميداليات خمسه ب15 باوند



http://www.arabtrvl.com/vb/picture.p...ictureid=25863



ونشووووفكم على خير يا احلى متابعين


بأجزاء جديدة


شكرااا لكم




http://www.arabtrvl.com/vb/picture.p...ictureid=25745

‬

المشاركة الأصلية كتبت بواسطة q8ya metnaqla (المشاركة 63548) يا سلاااام يا ام حسييين من احلة المولات انا بعد ماافتحوه كله مطيحه فيه احبه اللي بسترادفورد مااحب الشبربوش ومحل الجواتي عزكم الله موجود في سكة كارنابي اسمه irregular choice Irregular Choice | Womens | High Heels | Flick Flack ترا جواتية حلووه انا ماخذه منه مريح ههههههههههههه اما سالفة الكرنفال صج لا يحوووشك قواج الله على هالجزء الحلو

المشاركة الأصلية كتبت بواسطة PrinceOfPersia (المشاركة 63596) ماشاء الله متابع على المقاعد الأمامية

المشاركة الأصلية كتبت بواسطة الغردقاوي (المشاركة 63626) يعطيكي العافيه يا مراقبتنا الغاليه حقا يا زين ما فعلتم لما تركتم المهرجان ورحتوا المول ، فليس كل نشاط بتلك البلاد قد يناسبنا وتوجد صورتين مرتبطين مع بعض جدا وهي التي أمام السلالم الكثيره ، نفس الحدث بنفس اللحظه بس واحده من بعيد والتانيه من قريب ههههه بس واضحه والفكره جميله :(55): حلو المساج المجاني اللي بالمول هذا ، بصراحه ده يشجع على الذهاب للمول كل يوم ههههه مستمتعين بالصور والسرد يا أم حسين متابعك