|
ترجع لهم بالسلامه بس اذا مالك رجعه لجنوب افريقيا التاكس اقدر اصرفه من اي صراف بالمطار او مشتريات عبر نقاط البيع |
نفس سؤال طوق الياسمين رجعتو خلاص طيب والجاردن روت[emoji28] أرسلت بواسطة iPhone بإستخدام Tapatalk |
السلام وعليكم ابو غسان وسلامة الاسفار،،، انا زرت جنوب افريقيا لاول مره قبل سنتين وتقول مغصوب لكن لان التوصية من صديق عزيز (impact) اثق برائية رحت واجري على الله، ومن اول يوم بجنوب افريقيا همت عشقا فيها على الرغم اني زرت العالم كله تقريبا لكن هالدولة فيها بساطة وطيبة ومع توفر بنيه تحتية مناسبه وفوق هذا كله اسعار جدا معقوله مقابل الخدمة اللي تاخذها. احدثك الان من كيب تاون بعد ما قعدت خمس ايام بالقارد روت ومتجه بعدها لصن سيتي باذن الله، في زيارتي السابقه لم اكن اعلم بوجود شي اسمه long street والمنطقة هذه كانت مجهوله بالنسبه لي، حتى عند رغبتي بزيارة مطعم افريقي زرت Gold وهالسنه بجرب MAMA Africa بعد مدحك له. فتقريريك بالنسبه لي جاء بالوقت المناسب، طبعا long street على انها منطقة حيه لكن سبحان الله ماحس براحه نفسيه وانا امشي فيها، يمكن بسبب كثرة الشحاتين، او بسبب طبيعة المكان، على الرغم من جودة كثير من المطاعم الموجوده هناك ومثلا لا حصرا مطعم jason backery وشكشوكتهم الخطيره، او مطعم Royale eatery البرقر حقهم من الذ ماكلت والملك شيك هناك حاجه ثانيه وكل هالمطاعم في اللونق ستريت، فالمكان يستحق الزيارة لكن مادري ليش وانا هناك احس بتوتر ، يمكن علشان معي اسرة ووجود الكثير من homeless فيه مكان زرته في الزيارة السابقه وما شفتك ذكرته، وناوي ارجع له اللي هو neighborgooda market يفتح كل سبت وجميل جدا جدا، انصح الجميع بزيارته، صحيح المواقف ممكن تكون مشكله لكن اوبر موجود ورخيص. النقطه الاخيره اللي ودي تنبه لها الكل هو موضوع TIP البخشيش في بعض الدول جزء من ثقافة الخدمة، واكبر مثال امريكا، في امريكا عدم دفعك للبخشيش معناه انك غير راضي عن العامل او المكان، نفس الشي في جنوب افريقيا وطبعا البخشيش تختلف قيمته من دولة لدولة في جنوب افريقيا 10٪ من الفاتوره وللمرشدين السياحين تقريبا 20 راند او اكثر حسب نوع النشاط وحجم القروب. شفت للاسف عوائل خليجيه مطنشة هالموضوع وتتكلم مع العالم هناك كانهم اسياد نعمتهم وهالشي غلط، حنا بهالطريقة نأسس ثقافة ان الخليجي بخيل وهالشي راح يأثر بمستوى الخدمة اللي تقدم لنا مستقبلا عذرا على الرد الطويل لكن اعتبرها مجموعة ردود مجتمعه :1: |
اقتباس:
معلوماتك جدا مفيده فين مكان منطقة لونق ستريت؟ كم تبعد عن الوتر فرونت وبخصوص التاب انا فاشله في الرياضيات فرضا فاتورتي 130ريال كيف احسب ال10% أرسلت بواسطة iPhone بإستخدام Tapatalk |
لا لا ياجنون هو رجع اشتاق للحر كم يوم بس وهذا الويكند بيرجع للبراد ماشاءالله عليك ياابو غسان الله يهنيكم |
اقتباس:
البطاقة يا عسل ما تعمل الا خارج جنوب افريقيا وتقدر تصرفها كاش او تستعملها زي اي بطاقة صراف للمشتروات |
اقتباس:
هلا ابو فيصل امباكت الغالي ما قصر كعادته ونصيحته في محلها صدقت البلد بسيط جدا ويدخل القلب بسرعة لونق ستريت من معالم كيب تاون واكثر المطاعم والمحلات المهمة عليه لكن يعيبه الهومليس وكثرة ابشحادين لكنةمع الوقت تتعود على تطنيشهم لكن صدقني ان كثير زار كيب تاون ويقرا يومياتي كانه يشوفها لاول مرة وهذا لاني ركزت على السيتي سنتر ولونق ستريت اللي ما احد يهتم فيه لاحظ على الرغم من طول يومياتي الا ان الوقت لم يتسع لزيارة كل شي وتركتها للجزء النالي وان شاء الله تشوف فيه اللي ما ذكرته تكلمت عن البخشيش كثير وكل فاتورة اصورها و اوضح اني اضفت بخشيش لان برايي الصورة توصل المعلومة اسرع وهنا احب انبه الجميع انه لايشترط 10% تماما لكن شي قريب منها لكن اضافة بخشيش بالفعل شي هام و جزء من ثقافة البلد هنا و ياليت تكتب لنا تقرير عن زيارتك لجنوب افريقيا اتوقع راح يحظى تقريرك بمتابعة كبيرة لغزارة معلوماتك يا هلا و مرحبا فيك بيننا |
ماشاء الله ابو غسان مازلت مستمر في يومياتك التقرير يغني عن الكلام بكل تفاصيلة رائع جدا سلمت الايادي البلد نفسي ازوره من كم سنه بس سبحان الله اخطط وفي النهاية اقص تذاكري ع وجهه اخرى مدري ايش اللي يردني عن هالبلد وصلت بالسلامة وترجع لجنوب افريقيا بالسلامة ان شاء الله الاجواء الشتوية جميلة جدا من خلال الصور استمتعت في كل جزء من التقرير حتى اخر صفحة وراح نتابع ماتبقى بعد عودتك الف شكر ياعسل وكل عام وانت ومن تحب بخير |
اقتباس:
|
السلام عليكم ورحمة الله ابو غسان،، احدثك الان من كيب تاون،، وصلت لها من خمس ايام تقريبا،، بالبدايه انسحت ماليا وما قدرت اعطي الشي حقة بالسعر،، اذا شفت شي احاول اقدر المبلغ بالريال،، توصلت الى طريقه وارتحت بحكم اني بطول فيها للدراسه،، حطيت لي ميزانية بعملة الراند،، وبكذا ارتحت واقدر اوزن نفسي،، لاني بصراحه في خلال خمس ايام دفعت ما يقارب ٣٠٠٠ ريال بالفيزا، وهذا غير الكاش اللي دفعت ولا ادري في ايش بالظبط،، بصراحة اشكرك على تغطياتك ومعلوماتك اللي افدتنا فيها،، كل ما رحت مكان تذكرتك ودعيت لك الله يوفقك.. شكرا لك من اعماق قلبي. محبك ابو صالح |
| الساعة الآن 12:26 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO