شبكة و منتديات العرب المسافرون

- بوابة جورجيا و اذربيجان (https://www.arabtrvl.com/vb/f306.html)

- - اذربيجان صيف 2017 (https://www.arabtrvl.com/vb/t29361.html)

اقتباس:

المشاركة الأصلية كتبت بواسطة منيرة (المشاركة 345285)

كثير من الصور ماطلعت عندي
بس باين تقرير مرتب ياريت تشوفين مشكلة الصور :21:

تسلمين يالغاليه على مرورج وتعليقج :e437: الان ضفت الصور في مركز التحميل ان شاء الله واضحه

تحياتي

ام ملاك

اقتباس:

المشاركة الأصلية كتبت بواسطة q8ya metnaqla (المشاركة 345426)

تسلم الايادي ام ملاك
ماشاءالله تقرير مرتب وجدول مرتب اكثر
وهذي بعد أذربيجان يايه بالطريج للسياحه والحلو في هذي الدول اسعارها تكون ممتازه للكل
صور الفواكه اتهبل
الله يعطيج العافيه

الله يسلمج وشكرا على مرورج وتعليقك الحلو :e305:

بالضبط لما تكون من اوائل السياح للبلد تكون البلد رخيصه والاكتشاف حلو ... رحنا سيرلنكا بعام 2009 ورجعنا لها 2012 الاسعار كانت تقريبا الضعف او اكثر ونفس الشي اسمع عن جورجيا الان! رحناها 2014 وفي فتره 3 سنوات اسمع الكل يتكلم عن اسعار خياليه مقارنه بالاسعار الي دفعناها لما رحناها.

تحياتي

ام ملاك

اقتباس:

المشاركة الأصلية كتبت بواسطة Meme Bahrain (المشاركة 344451)

تسلم يا اخوي من ذوقك :e032:

اي ماشاء الله عليه عماد يوفي بوعده ويهتم بالتفاصيل ورضا العميل بالنسبه له اولويه . صار لنا موقف في يوم التسوق رحنا سوق ساداراك واتفقنا اذا تفرقنا نلتقي عند بوابه وحده في وقت معين . قبل نهايه الوقت كلنا موجودين الا احد اخواني غير موجود نطرناه فتره ما جا نتصل تليفونه مغلق بدينا نقلق عليه ( هو ماشاء الله رجال ابو اعيال مو صغير ) بس طبعا بلد غريبه .. بس ماشاء الله عليه يوسف ( التور قايد) قلق عليه مثلنا وراح ايدور عليه في في الطوابق الثانيه وراح مسجد السوق ولف ودار الى ان لقاه . وكان يقول من مسؤلياتي اني اتاكد انكم كلكم بخير. وطبعا طلع اخوي جالس عند بوابه خطا وفاكر ان احنا متاخرين عليه :32:

احنا متفقين مع عماد ان السنه الجايه لما يفتح فرع سولفانيا نكون اول فوج ان شاء الله وربي يسهل عليه وعلينا.

احنا صراحه ما توقعنا البلد تكون بهذا التنظيم والجمال والنظافه ...بلد ما تشوف ( الله يعزكم ) اي ورقه او قمامه في اي شارع من شوارعها ..حتى الدواعيس القديمه نظيفه جدااا ومثل ما قلت فواكهم طبيعيه 100% من جذي طعمها رائع .

شكرا على مرورك وتعليقك الجميل ربي يوفقك ويسعدك

تحياتي
ام ملاك

الاخ عماد غني عن التعريف وواضح مجهوداته لخدمة المنتدى والمسافرين لجورجيا سابقا ولجورجيا واذربيجان حاليا.

ولوو احنا بالخدمة يام ملاك

قواج الله اختي

وسرد وملخص بسيط وفيه فايدة كبيرة وممتع

الصور جميلة

لكن اختي بما ان انتي زرتي جورجيا واذربيجان فأيهي اللي تشوفينها افضل ؟

أرسلت بواسطة iPhone بإستخدام Tapatalk

تقرير جميل وتفاصيل مهمه

ويعتبر اضافة مهمه للمسافرين لاذربيجان

كان عندى مشروع رحلة لم يكتمل لاذربيجان هذا الصيف

وعانيت من قلة المعلومات عنها فى المنتدي

شكرا على طرح تجربتك ليستفيد منها الاعضاء

تقرير حلو و اضافة مهمة للمنتدى، اسلوبك في الطرح جميل ،جزاج الله خير

للاسف ما طلعت عندي كل الصور ، بأذن الله بعتمد على المعلومات اللي ذكرتيها لاني ناوية على اذربيجان ، الله يكتب لنا.

واضح انكم عايلة بشوشة فرفوشة، الله يحفظكم لبعض،،،

[QUOTE=fahad_q8;348025]قواج الله اختي

وسرد وملخص بسيط وفيه فايدة كبيرة وممتع

الصور جميلة

لكن اختي بما ان انتي زرتي جورجيا واذربيجان فأيهي اللي تشوفينها افضل ؟

تسلم يااخوي ومشكور على مرورك وتعليقك .

بالنسبه للمقارنه بين البلدين صراحه احترت ... العاصمه باكو شفتها متطوره اكثر من تبليسي وارقى لكن الاكل والفنادق والاماكن السياحيه في باتومي بجورجيا ارقى من الاماكن الجبليه في اذربيجان مثل قوبا وقبالا . للامانه الدولتين حلوين . انه زرت جورجيا في ابريل 2012 واذربيجان في صيف 2017 فالموسم مختلف والجو مختلف .

تبي نصيحتي روح الثنتين لانهم جراب من بعض علشان تكتشف دولتين :e303:

وتحياتي

اقتباس:

المشاركة الأصلية كتبت بواسطة مونامور (المشاركة 348071)

تسلمين يالغاليه وشكرا على مرورج وكلامج اللطيف . الصور حملتها على مركز التحميل بس ماادري شسالفتي مع الصور مو شاطره :32:

ان شاء الله تروحون وترجعون بالسلامه ربي يسعدكم ويحفظكم :e303:

اقتباس:

المشاركة الأصلية كتبت بواسطة العقرب (المشاركة 348026)

تسلم يااخوي على كلامك المشجع وعلى مرورك

ان شاء الله يكتمل مشروعك لاذربيجان قريب وتزورها وتستمتع فيها .