هلا وغلا حبيبي وحيد،، شوفة عينك عدد الايام يجبرك انك تروح كم مكان تكون مخطط له قبل الرحلة والرحلات الي خارج سيبو متعبة شوي وتاخذ تقريبا منك اليوم كله.. بخصوص التكاسي اول ماركبت معه قالي ٢٠٠ من نفسه من مكاتي والمشوار اصلا ماخذ تقريبا ولا ٢٠ دقيقة

نورت بمرورك ياغالي
الله يحييك اخوي خالد ونورت باطلالتك،، واشكرك على اطرائك الجميل.. بخصوص الصور اتعبتني بصراحة قص وتصغير وهذي الصور تقريبا حجم صغير بعدد ،، بس النت اذا كان عند بطي ترا تاخذ وقت شوي وتحسه الصور كبيرة

تقرير حلو ياعسل

تسلم حبيبي
الله يسلمك وشكرا على مرورك العطر

انا لست من رواد الفلبين
لكن بعد تقريرك تراودني فكرة زيارتها

حبيبي الله يسعدك، اسعدني رايك باعجابك بالتقرير
تحياتي لك

الفلبين وحده من الدول اللي بخاطري ازورها وان شاءالله ازورها رحلتكم في سيبو ثاني يوم المغامره وايد حلوه حبيتها
بوراكاي عجيبه وفندقكم ممتاز
يعني اللي بيروح الفلبين يزور : النيدو - سيبو - بوراكاي - الالون ماادري شسمها يتراوالي هذيل اهم شي ..
مانيلا وزحمتها احسها نفس بانكوك بس عجبني المول اللي يشبه فينيسيا


شلون الامان بشكل عام ؟

وقواك الله ووسائل نقلكم ممتازه

الله يقويك ويسلمك يارب
اولا بخصوص الامان الحمد الله البلد امان جدا حقيقة سواء في مانيلا او في الجزر وطبعا الحذر واجب يكون في كل مكان..

بخصوص الجزر موقع سيبو جدا ممتاز ( بجانب سيبو بوهول واالرحلات السياحية المنتشرة مثل الي غطيتها واكثر)

بوراكاي اقرب مطار له هو مطار كاتيكلان وكوده MPH

جزيرة بالاوان قسمين، في قسم ينزل على مطار بورتو برنسيسا وكود مطارها PPS وهي القريبة لجزيرة النيدو
والقسم الاخر جزيرة كورون وكود مطارها USU ويفصل بين الجزيرتين رحلة بعبارة تقريبا ٨ ساعات. وكل الجزر جميلة ويمدحون كورن اكثر وان شاء الله ناوي ازورها في رحلتي المقبلة.

مانيلا جميلة اسواق مولات كافيات يعني ثلاث ايام كافية اشوف..
عيب الفلبين من وجهة نظري للعوائل كثرة التنقل وخصوصا اذا فيه اطفال. اما باقي الامور ممتعة وجميلة.

شكلك هاوي بحر

يا زين تقريرك