|
السلام عليكم الاخوان وفو وكفو لكن عندي بعض الملاحظات قد اكون مصيب فيها بحكم اني وصلت من يومين من اندونيسيا : 1/ وقت وصولك لجاكرتا مبكر وافضل انك توجه للجبل مباشرة من المطار الى بونشاك والسكن في فندق بيسونا علم لتكسب يوم وحاول تحجز عن طريق اجودا او بوكينج 2/ اكثر من اربع ايام سوف تكون مملة خاصة انك لوحدك. 3/ بالي جميلة ومتنوعة وافضل انك تحجز من الان على طيران اير اسيا من موقعهم ولو احتجت وزن زائد تشتري من الموقع اوفر بكثير 4/ توجد منطقة مرتفعة في بالي اسمها اوبود لا تفوتك 5/ لومبوك قريبة من بالي وفيها الكثير من المناطق السياحية 6/ التنقل في بالي انصحك بتطبيق اوبر مريح جدا ويوفر الكثير وايضا في جاكرتا 7/ دائما خل معك صور من الجواز في تنقلاتك 8/ في بالي ابعد عن اي مطعم عربي مثل مقهى شيشة او ليالينا وخلك على السي فود او البيتزا 9/ متعة السفر في بونشاك وبالي انك تصحى بدري وتنام بدري 10/ الشعب في بالي بوجه عام طيب لكن لا تدخل بحديث مع الي يعرضون خدما تهم في الطريق بدون تشنج 11/ التخطيط اساس النجاح . ابحث في تقارير الاعضاء وضع لك جدول في رحلتك 12/ خذ احتياطك من الادوية من هنا 13/ مكائن الصرافة ATM متوفرة وامنة ولكن يجب تشغيل جوالك السعودي لتلقي الرسائل 14/ جاكرتا مملة وزحام خانق 15/ جميع المطارات لاتاخذ اي ضرائب نقدية وتكون مدمجة ضمن التذكرة 16/ في مطار بالي مكتب التكاسي عندما تخرج من المطار الى المواقف تجده في اقصى اليمين وقيمة المشوار الى كوتا 150 الف 17/ جميع حجوزاتك ضع لها صورة في جوالك 18/ شاطئ كوتا في الصباح متعة ما بعدها متعة 19/ شاطى جمبران لا يفوتك ومطاعم الاسمك ولا تنسى عربة الذرة والفول السوداني ( جربة عجيب مهوب قاسي مثل الي عندنا ) 20/ معظم السياح في بالي استراليين وفي حالهم والسكان بوذيين ومحترمين هذا ما اسعفتني به الذاكرة واتمنى لك رحلة سعيدة |
الله يوفقك ويسعدك دنيا وآخرة واعنذر توني افتح المنتدى كنت مسافر للطايف واسوق امس ولاقدرت ارد عليك.... باذن الله راح اعتمد كلامك نيتي وصولي الاثنين راح احجز الثلاثاء على بالي واخلي لها على الاقل 6 ليال او سبع بما ان فيها كل هالنشاطات اللي ماعمري سمعت عنها وانا لحالي فعلا قولتكم راح انبسط والفندق للنوم وبعدها ارجع لجاكرتا ثم اجلس باقي ايامي في بونشاك ولو اضطريت امدد رحلتي كم يوم في بونشاك واعدل حجوزاتي على راحتي بما اني قريب من العاصمة هذا تخطيطي اخلي اخر ايام السفرة حول جاكرتا افضل لذلك اعتمد ياغالي 7 ليال في بالي ؟ وش رايك كافية او اخليها 8 بما اني اول مرة اروح لها ؟ بالنسبة لجاكرتا ماني حريص عليها ابد ولا حريص على التسوق والفيزا معي طلعت بطاقة فيزا الراجحي تسوق :60: |
ولا يهمك يابو فهد مافيه داعي للاعتذار الان ابغاك تقرأ هذي المواضيع حتى تأخذ فكرة عن المنطقة والمعالم السياحية على بال ما نحضر لك الجدول هذا الموضوع يتكلم عن الشارع اللي راح تحجز فيه الفنادق في بالي https://www.arabtrvl.com/vb/t25732.html دليل جزيرة بالي لعمدتنا ابو خالد https://www.arabtrvl.com/vb/t9205.html |
بيض الله وجيهكم تقارير ولا اروع كتاب متنقل وشرح واضح بالنسبة للفنادق الاول ماحصلت فيه بعض الايام حجوزات حصلت في ايدن كوتا ؟ وش رايك في هالفندق انا اشوفك تفضل بينتانج علية ؟ استغربت اني لقيت فرق ٥٠ ريال تقريباً لليلة الواحدة بين بوكنق وبين شركة المسافر؟ مدري اذا احد جرب الحجز من شركة المسافر؟ طبعا حجز بدون افطار لاني ماني حريص على فطور الفنادق اكلي بجيبة من السوبر ماركت ؟ بس هل فيه غرف هالفنادق غلاي ماء ؟ ماكانت واضحة كذلك السائق هل تنصحني يكون معي مدة بقائي اني راح اجلس اقل شي ٨ ليال وراح احرص على رحلة التجديف والشلالات وبعض المزارات اللي انتظرك ترشحها لي او اخليها تكاسي ؟ وصولي لجاكرتا الساعة ٢ ظهراً حصلت حجز نفس اليوم على اير آسيا الساعة ٥ عصراً على بالي وش رايك هل الوقت مناسب اخلص اجراءاتي واطلع بالي او اريح يوم واطلع ؟ صرف العملة لو رشحت اني ابقى يوم في جاكرتا عادي اصرف لكن لو واصلت الى بالي وين اصرف ؟ واشكر سعة صدرك علينا والله يكتب اجرك |
اقتباس:
هلا ابو فهد صباح الخير اعذرني انشغلت عنك امس تعرف بداية الدوام والواحد نفسية بأذن الله راح انزل لك الجدول اليوم ان اعطنا الله عمر بالتوفيق |
اللي تشوفه انا معك ... انتظرك وجزاك الله خير |
المعذرة اخوي ابو فهد تأخرت عليك قبل ان ندخل في تفاصيل الجدول لازم تجهز معك هذه الحاجات قبل الوصول لمطار جاكرتا تذكرة المغادرة مطبوعة باللغة الانجليزية حجز سكن لكامل مدة اقامتك في اندونيسيا (ممكن تحجز من بوكنق حجز مسترد وتطبع الورقه وتغلى الحجز في نفس اللحظه) تفعيل بطاقة الصراف الالي قبل السفر الى اندونيسيا عند الوصول لمطار جاكرتا وبعد استلام العفش اذا كنت رايح الى بالي مباشرة اسهل واسرع طريقه العامل اللي يدف عربيه العفش عطه مبلغ بسيط قوله انا ابغى اروح بالي راح يطلعك بالمصعد للدور الثاني ويخرجك على بوابه فيها باص مجاني اسمه shuttle bus ينقلك لصاله الطيران طبعاً هذا جدول مقترح ممكن نعدل عليه على حسب طلبك بالي يوم الوصول : راحة في الفندق (يوم 10 اكتوبر) اليوم الاول : الالعاب المائية ووتر بوم وفي العصر تروح شاطئ جيمباران يسمونه شاطئ الغروب (ووتر بوم اذا خرجت من فندق بينتانج كوتا خذ يسار وتمشي ممكن 700م وتحصلها مقابل مول دسكفري خذ معك شورت ومنشفه) (شاطئ جيمباران افضل وقت لزيارته وقت الغروب وتحصل مطاعم تقدم الطاعم البحري مباشرة على الشاطئ الناس تمدح فيها وانا اشوف ان اكلها غير جيد بس انا شخص ذوقه صعب لذلك لاتقيس علي) (اذا رجعت من شاطي الغروب روح الاكشاك جنب الفندق تحصلها بكثرة تبيع تذاكر النشاطات السياحية و اشتري منها رحلة الرافتنج (التجديف) ورحلة دبابات الدفع الرباعي ورحلة الغواصة اذا لك رغبه فيها وتحصل نشاطات اخرى ممكن تحصل شي اخر يعجبك اهم شي في هذا الموضوع انك تكاسر قدر ما تقدر وتشوف اكثر من كشك حتى تحصل على سعر مناسب) اليوم الثاني : رحلة التجديف (الرافتنج) ومعها في نفس الاتجاه مزارع القهوة جداً رائعة (خذ معك ملابس غيار ) اليوم الثالث : بحيرة براتان الطريق لها سياحة في ح ذاتها يمكن ايجار لنش في البحيرة كذلك زيارة مزرعة الفراولة في الطريق كذلك يوجد شلال في نفس الاتجاه اسمة جت جت ويمكن زيارة قرية jatiluwih (الانش اللي في بحيرة براتان تستأجره من داخل حديقة المعبد سعره 122 الف حوالي 40 ريال لكن لو رحت لهم مباشرة او الناس اللي برا راح يقول 500 الف حوالي 150ريال) اليوم الرابع : غواصة بالي و رحلة دبابات الدفع الرباعي تبعد ساعة تقريباً عن مكان الغواصة واذا فيك شدة ما تعبت تروح هذا المكان جنب رحلة الدبابات ممشي الرائع Campuhan Ridge Walk (هذا موضوع يتكلم عن الممشي اطلع عليه ممكن ما يعجبك arabtrvl.com/vb/t27980.html ) اليوم الخامس : مغادرة الى جاكرتا ومنها الى بونشاك (يوم 15 اكتوبر) المطاعم المطاعم العربية متوفرة هناك عند مطعم الخيمة ومطعم شيشة كذلك المطعم الهندي الشهير كوين في شارع كارتيكا ومعظم المطاعم العالمية متوفرة هناك بيتزا هت كنتاكي و ماك (مطعم كوين جنب الفندق حقك بتجاه دسكفري مول كذلك توجد مطاعم بحرية كثيرة على نفس الشارع) الاسواق مول دسكفري ومول ليبو ومول جاليري (مول ليبو اذا خرجت من فندق بينتانج كوتا خذ يمن 500م اما مول جاليري لازم تكسي) السائقين في بالي اسعارهم من 350 - 400 الف ربية 12 ساعة في اليوم في اليوم عليه البنزين وكل شي افضل صراف عمله هو BMC بونشاك اليوم الاول : حديقة تامان سفاري يوم كامل ولا يفوتك عرض الكابوي رائع جداً اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها في العصر او قبل المغرب روح هذا المقهي اسمه RAJA l موقعه قريب من كوتا بونقا اليوم الرابع : مغادرة الى جاكرتا (يوم 19 اكتوبر) المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها (ابتعد عن الاكل بعض الشامي مثل الكيبه والحمص والمتبل والشاورما الكثير من حالات التسمم منها كذلك ابتعد عن مطعم ماما نورة ) الفنادق بيسونا علم (هذا هو الفندق الافضل في بونشاك) فندق ساهيد سيروني 3 ( لا يمكن حجزه من الانترنت لكن يوجد الكثير من السماسرة تحجز لك فيه) التنقل في الجبل سيارة خاصة اسعار السائقين هي 500 الف ربية لمدة 12 ساعة في اليوم تقريباً كل شي عليه سعر السائق الخاص من مطار جاكرتا الى بونشاك 700 الف ربيه ولو استخدمت تطبيق اوبر او قراب او قوجاك ممكن يطلع عليك المشوار حدود 300 الف ربية افضل صراف عمله هو بافقيه و صراف اكبر جاكرتا اليوم الاول : تسوق ويمكن زيارة برج موناس والحديقة المجاورة له الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير الموصلات في جاكرتا التكسي متوفر في كل مكان وانصحك بتكسي لونه ازرق اسمة بلو بيرد ولو تستخدم تطبيق اوبر او قراب راح يكون السعر افضل الفنادق بولمان سنتر بارك اذا سعره كويس احجز فيه مول سنتر بارك تحت الفندق والمول الاخر تامان انقريك يبعد حوالي 200 م فقط اذا سعره غالي نشوف لك غيرة المطاعم المطاعم العالمية متوفرة في كل مول والمطاعم العربية عندك مطعم الجزيرة في شارع رادن صالح كذلك معطم السده و معطم الشيف كلها ممتازة افضل صراف عمله هو VIP هذا كل ما هو ذكرتي الان ولو فيه اي شي ما هو اضح انا في الخدمة |
الله يبيض وجهك ولايحرمك الاجر جهد مبارك الآن ببدأ ارتب الحجوزات وباذن الله برجع لك مالنا عنك استغناء بعد الله لاحرمك ربي الاجر |
ياحبيبي يامشرفنا ( الردادي ) .. طاقة هاااااااائلة من الإيجابية ... وكنز معرفي لا يقدّر .. حظُ من تتلقفه بيدك .. أُشهد الله على محبة عظيمة لشخصك :) |
اقتباس:
هذا الموقع ممتاز لحجز الطيران الداخلي في اندونيسيا https://en.tiket.com افضل خطوط طيران عندهم بالترتيب الجارودا بتيك ستي لنك اير اسيا وهذا العصير فوق البيعه لازم تجربه https://www.arabtrvl.com/up/uploads/...5112037871.jpg |
| الساعة الآن 04:50 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO