|
الحمد لله ع السلامة بو راشد .... زيارة جميلة وجولات مميزة ... ينقصها فقط التوقيت المناسب ( أجواءً ، انضباطاً بالوقت ) في السفر .. مهم جداً معرفة مواعيد الافتتاح والإغلاق للمعالم .. متحف القرين بدون طاقم عمل وإدارة ؟؟؟ مطعم ومقهى الشميمري ... الأغلب أجمع على مستواه المميز ... تحياتي الدائمة لك بو راشد ... وحفظ الله لك من تحب ... |
الله يعطيك العافية |
هلا ومرحبا أخوي فيصل إي نعم الحمدلله رحت أماكن كثيرة لأنها رحله بدون تنسيق نروح مكان وبعدها نفكر في المكان اللي بعد وهكذا للأسف هذه نتيجة التخطيط السيء .. ولو كان هناك تخطيط جيد لما حدث اللي حدث والعفوووو يا أخوي |
الله يسلمك يا أخوي كتكات 738 صحيح كلامك الرحلة ممتازة .. ولكن كان ينقصها التخطيط والانضابط على الوقت بخصوص متحف القرين فيه موظف واحد جنسيته مصري في الاستقبال وأول ما رحت له قالي روح أدخل البيت من الفتحة اللي هناك وبعدها في متحف وهدني ومشى عني الله يحييك يا أخوي كتكات .. ويحفظ الجميع إن شاء الله |
الله يعافيج أختي OumImade |
مساء الخيرات و المسرات أيها الأمير المخاطر ابو راشد لو انا وخربت السيارة ماسافرت خلاص المزاج تعكر احيك على تصميمك وتعبك من الصباح ثم السفر على خط طويل :2: جزيل شكري و جميل ذكرى في كويت الحب :e306: الاهم انكم استانستو على قصر المدة وظغط البرنامج اليومي تحياتي لك |
حياكم الله بالكويت الحمدلله انك ماكنسلت السفرة رحلتكم قصيرة لكن ماشاءالله رحتوا اماكن وايد ان شاءالله زيارتك القادمة تكون بالشتاء ولمدة اطول |
يا هلا ومرحبا أخوي بن قوت والله أهو المزاج تعكر .. لكن الإصرار والعزيمة خلتني أصمم على السفر وعارف أني راح أتعب في البداية لكني راح أستانس بعدها والعفووو يا أخوي بن قوت إي والله الحمدلله أستانسنا وايد وايد اللي حلى الرحلة أنها غير مخطط لها ورحنا هناك بدون ترتيب ولا تخطيط |
الله يحييج أختي الإيمان الحمدلله :) إي والله المدة قصيرة ولكن استغلينها بشكل جيد إن شاء الله الفكرة من الحين موجوده أن تكون الرحلة في الشتاء وتكون فترة أسبوع |
بصراحة نسيت أقولكم بأني بعد ما خلصنا من الأبراج رحنا بعدها سوق شرق تمشينا شويه فيه ورحنا السلطان وشريت من السلطان حلاوة على توفي بصراحة روعه روعه روعه وأنصحكم بشرائها .. أنا شريت 3 حبات منها وتحست وايد وايد وايد أني ما شريت منها أكثر وهذي صورة الحلاوة http://www12.0zz0.com/2017/10/08/18/539937977.jpg أول مرة أشتري حلاوة على التوفي وتكون طريه ولينه .. عادة مثل هذي الحلاوة تكون يابسة وتتلصق في الضروس .. لكن هذي بصراحة في قمة الروعة .. وحتى سعرها رخيص .. شريت الكيس بـ (600) فلس تقريباً |
| الساعة الآن 03:21 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO