|
السلام عليكم في حد منكم جرب فلل الدانه بلازا في الطايف تقييمهم 9 لأني ما لقيت شيء مناسب في الهدا اللي تقييمه 8 يطلع سعره ألفين و فوق و الرخيص تقييمه 6 بصراحه ما أحب اقعد في اَي مكان و السلام لازم نظافة و تقييم عالي و الرياض عاليه تولان بالاس منطقة الشملول هل المنطقة قريبه على الطريق السريع لانه بيكون ورانا خط لين مكة و ما نبغي ندخل في متاهات و بيكون يوم عمل و زحمه |
تقبل الله منكم يا ام على والله يسهل دروبكم بالنسبة للطايف والله ما اعرف عنها شي ولاعمري جيتها دايم اسفاري عن طريق الجو لاكن ماقصرو الاخوان احسنتي في اختيار عدم الذهاب في الويكند الى مكه زحمة جدا جدا بالنسبة للرياض فية شقق فندقية اول ما تدخلي الرياض حي قرطبة على يمينك انتور قرطبة للأجنحة الفندقية أجنحة أسوار الفندقية الرياض |
اقتباس:
مشكور اخوي على النصيحه اللي رشحتهم لي فخمين لكن أسعارهم غاليه جدا انا شفت الفنادق في الرياض بصراحه انصدمت وايد رخيصه أسعارهم بس بدور في حي قرطبه |
انا من سكان الرياض بس اول مره اسمع بمنطقة الشملول في الرياض ارسلي رابط الشقق واشوف وين موقعها الشقق المفروشه في الرياض كثيره جدا وين ماتناظرين تشوفين اذا تبين ع الطريق افضل مكان تسكنين فيه الاحياء اللي ع الدائري الشمالي من حي قرطبة حتى مخرج 4 حي العقيق والخدمات والمطاعم متوفره بكثره في هالمناطق هنا بعض الروابط تفيدك عن فنادق وشقق وقريبه من الطريق السريع اللي يودي مكة https://www.booking.com/hotel/sa/sha...=total;ucfs=1& https://www.booking.com/hotel/sa/mad...s=1&#hotelTmpl فندق ميركور قريب منه مول غرناطه مشي ع الاقدام اقل من5 دقائق سكنت فيه قبل سنتين تقريبا وكان رائع جدا مع انو تقييمه الحين مو زي اول بس شوفي المناطق حوله شمال جهة الدائري الشمالي(طريق الدمام) https://www.booking.com/hotel/sa/mer..._src=hp_iw_btn https://www.booking.com/hotel/sa/exe..._src=hp_iw_btn هذه الروابط حتى لو ما اعجبك الفندق حاولي تسكنين في الاماكن المجاوره لها ويمكن فتح خارطة الفندق وابحثي عن المجاور افضل المناطق للسكن هي العليا بس مشكلتها وسط الرياض وزحمة خاصة وقت الذروه صباح وظهر وعصر حتى 10 ليلا |
اقتباس:
Aliah tolan palace هذا اسم الفندق |
الموقع مو شين بس داخل الحاره على شارع تجاري سكني الشملول شارع 40 تقريبا وليس حي او منطقه معروفه شارع خالد بن الوليد قريب من الشقق وعليه مطاعم كثير من ناحية الشمال خاصة بعد الدائري وهي الافضل ومول غرناطه كمان قريب منكم حق يوم الموقع جيد بس الشقق ما اقدر اقيمها لك ولكن في الغالب نظيفه جدا في مثل هالاماكن |
اقتباس:
مشكور اخوي لقيت دار هاشم للوحدات السكنيه تقييمه 9 في حي الصحافه احنا وصولنا ان شاء الله بيكون قبل المغرب يعني عندنا تقريبا 4 ساعات نتجول فيهم انا وحده ما أحب المجمعات مب مهووسة فيهم ابغي أماكن تقليدية أسواق شعبيه اجواء تكون حلوه |
اختيارك للدانه بلازا موفق لان موقعه بالنص والكل يمدح فيها وهي قريبة من حديقة الملك فهد بالنسبة للمدينة المنورة ارشح لكم فندق دلة طيبة او دار التقوى وهم جنب بعض في مكه لو حبيتوا تسكنون وبسعر حلو ارشح فندق مكارم اجياد مكة او فندق الصفوة رويال اوركيد اما كموقع وفخامة فندق دار التوحيد |
اقتباس:
شكرًا لاقتراحك مكارم أجياد سكنت فيه اخر مره ليله وحده لانه حجزنا كان 3 ليالي في سويس و الليله الاخيرة ما لقينا حجز المشكلة الأسعار الحين ناااااااار بنشوف صاحبنا اللي في الدمام يمكن يحجزلنا بإسمه و احنا عندنا السياره لازم المواقف تكون متوفرة |
اذا سكنتوا في فندق مكارم الباص حقهم يوصل للمواقف هذي مجانا 24 ساعة وهي دقائق بالسيارة عن الفندق و اسمها مواقف المسخوطة وهي مجانية وعموما التوصيل منها الى منطقة فندق اجياد ب 5 ريال اذا حجزتوا بالفندق وكان معكم عفش ممكن اول ماتوصلون للمواقف تتصلون على الفندق وتطلبون الباص دقايق وهو عندكم وهذا تلفون مكارم 0125720500 https://www.arabtrvl.com/vb/picture....ictureid=62448 https://www.arabtrvl.com/vb/picture....ictureid=62449 |
| الساعة الآن 06:52 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO