شبكة و منتديات العرب المسافرون - ** الجَـــــــمال حيـــث الجبــــــال ** النمسا 2017 ..

- بوابة النمسا (https://www.arabtrvl.com/vb/f153.html)

كملت التقرير
يا اخي ابدااااع والله
الصور والترتيب والاحداث روعه
حلوه النمسا وانا معاك احب الطبيعه بس اللي معاي يحبون المدن والاسواق اكثر والراي للاغلبيه مو ذبحتنا الديمقراطيه هههه
الله يسعدك اسعدتنا بهالتقرير
وقطار المانيا هههه ذكرتني بموقف جذيه قاعدين نسولف ووقف القطار والناس كلها نزلت الا انا وبناتي
والناس يقولون يلا نزلوا بس ما فهمناهم الا بعد ماتحرك القطار
وبس وقف في مكان ظلمه
واشتغلنا عليهم بالميكرفون والجرس ردت علينا وحده مانفهم شتقول
وبعدين انزلت واشرت لنا ان راح تحرك القطار من الجهة الثانيه
اثاري وقف بمحطه مالها منفذ ولازم تبديل السير له
ورجعتنا
احنا لازم نوقف بمحطة السوق اللي عند الحديقه الاولمبيه
احنا كان مترو مو قطار فوق الارض

ياهلا وغلا اخوي فيصل ..

اقتباس:

المشاركة الأصلية كتبت بواسطة فيصل (المشاركة 362429)

أسعد الله مسائك ابو سعود
الغرف التنفيذيه فيه ميزه الصالات والأكل المجاني حقيقه أشوف أختيارها دائما للروقان وإذا أغلب وقتك بالفندق

بصراحه ما عرفت وش طريقة الرقابة على استخدام المترو لكن كما هو موضح أن فيه مخالفات في حالة اكتشاف عدم شرائك للتذاكر لكن خلال اليومين اللي استخدمتهم ما لاحظت اي احد يشيك .. لكن اتفق معك لانعفل مسألة الرقابة الذاتية لديهم وهذا أمر أساسي في نهوض الأمم وتطور الدول ..

ما فيه حراس علي الأبواب يؤمنون إيمان أنه يوجد رقابه ذاتيه لدي مستخدمي المواصلات في بلدانهم

جميل حقيقه أبلاغ الموظفين لك والمواقف تكلفه حقيقه

موظفين الإستقبال في فيينا وفي ميونخ كانوا بصراحة متعاونين في هذا الأمر .. وبلا شك المواقف قد توازي تكلفتها لأيام قليلة سعر ليلة في الفندق ..

قوقل ماب جميل ويحتاج نت زي ما تفضلت ما يقصر حتي بأختيار الأماكن

الصراحة انا من عشاق قوقل ماب حتى احيان افتحه بس عشان امخمخ على الصور الجوية لبعض الأماكن اللي انوي زيارتها لمعرفة تفاصيلها وجغرافيتها ..

جميل القصر وواضح ليس قريبه البوابه من الحديقه

الحديقة الخلفية كبيرة جدا وجايه على تل ومطله على فيينا كما هو واضح في الصور وجزء بسيط منها حديقة الحيوان ..

حديقه الحيوانات بالعين والبحرين تراها أفضل منها

هل ينقصنا التنظيم أم الأجواء أم الترويج أم ماذا

أسالك لأني لم أسمع بهذه الحدائق من قبل حقيقه

بالنسبة لحدائق الحيوان لدينا في الخليج .. فعلا الجو جزء مهم .. وركزت على العين والبحرين (العرين) لأن طريقتهم أفضل في عدم تكديس الحيوانات في منطقة ضيقة وإنما على مساحه واسعه .. العين بلا شك أفضل وربما الأفضل في المنطقة ككل زرتها قبل سنتين وكانت شيء يستحق العنوه (رحت ورجعت لها من ابوظبي في نفس اليوم 170 كيلو رايح وزيها راجع) .. والعين بشكل عام من أفضل المدن الخليجية سياحيا سواء بالحديقة أو جبل حفيت أو حدائقها وعيونها الحارة .. وكان الحديث عن تطوير الحديقة إلى سفاري تعتبر الأكبر في الشرق الأوسط لكن ما اعرف بصراحه وش صار على المشروع .. لكن الموجودة في العرين في البحرين تحتاج إلى تأهيل أفضل ..

صراحه سايتك زرته مره يستاهل والله

انشهد ..

عيب الأحد أغلاق المحلات غالبا

أخذ البطانيه من المدخل للمغاره هل هو بمقابل أم لا
كم سعر التذكره
كيفية الوصول لها

البطانية بمقابل رمزي جدا .. والتذكرة ما كانت غالية .. حدود 10 يورو .. وهي ليست بعيدة عن وسط فيينا حدود نصف ساعه .. وموجودة في ملف احداثيات النمسا بإسم (مغارة هتلر) ..

نقطه مهم عن الأسترداد المبالغ من الشركتين

تبي الصدق أعجبني وجود المصلي أحترامهم للمسلمين من الزائرين للأوت لوت

ألا تري أن زيلامسي أصبحت زحمه أكثر من قبل وفقدت بريقها

بصراحه تبقى الأروع في النمسا .. صحيح زحمة لكن تستحق ..

أجمل شيء تجهز فطورك وتبتعد عن المطاعم العربيه

:58:

قمة كابرون بدايه أبريل ما رأيك فيها

هههههه في ابريل ممكن تلقى الثلج عند الفندق .. لست متأكد بصراحه ولكن موسمهم في الشتاء لايقل عن الصيف بل قد يكون أقوى بسبب كثرة توافد الأوربيين لممارسة الرياضات الشتوية ..

جميله الخوانق حقيقه ممتعه زيارتها

البطاقه ميزه حقيقه فيها توفير

قمه ورحله بحريه وغيره الكثير مجانا

لا والله موقفه سيء جدا
مدري ليش هالناس كذا تفكر ألا يعلم أن الخليجين يساهمون بنسبه بإيراد السياحه لهم
زين ما سويت فيه والله ودفعت بالفيزا

أنا مع طنش تنتعش لكن مو الواحد يتمنن عليك ويلعب عليك لا

:58:

جميل زياره الشلال بالذهاب او العوده حقيقه

ما قصرت ومتابع لك ابو سعود ما شاء الله عليك

شااااكر ومقدر لك اخوي فيصل مرورك وتفاعلك ..

اقتباس:

المشاركة الأصلية كتبت بواسطة فيصل (المشاركة 362439)

يا أخي ما عنده مشكله يمنع لكن لا يدعي أنه يتقبل كل الثقافات إيش التناقض هذا

ههههه بالضبط ..

ما شاء الله
أين هالصوره في الوادي أم الطريق اليه
https://www.arabtrvl.com/up/uploads/...1158505712.jpg

هذي الصورة لبحيرة اصطناعية (سد) قريبة من شلالات كريمل بعد كشك الرسوم في الطريق المتوجه إلى وادي زيلر .. فيها بعض الأنشطة ومطعم مطل عليها ولكن لم نتوقف فيها ..

جميل السكن حقيقه اللي أخترته

https://www.arabtrvl.com/up/uploads/...1160572238.jpg

زحليفه وفاضيه ورخيصه يا سلام

حقيقه أثق بما تقول البعض يبالغ كثيرا بالمكان

هل تحس بحاله من الملل عند تجربه أكثر من زحليقه وزياره أكثر من مطل

بلا شك التكرار فيه نوع من الملل لكن مع الأطفال راح تكون دايم هي الأكشن الأقوى :D

ما أجمل الختام في ميونيخ
الله يردهم لبلداهم أخواننا السورين

اميييين يارب ..

أشكرك علي التقرير الرائع الملئ بالتفاصيل والمعلومات

تسلم اخوي فيصل ..

اقتباس:

المشاركة الأصلية كتبت بواسطة توبليرون (المشاركة 362442)

حسبي الله عليهم
خوش تعايش مالت عليهم
ذكرتني ببلغاريا كنت قاعده وانتظر بوحسين يقص تذاكر لالعاب الاطفال حق العيال
ووقفو بنتين مقابليني يبعدون عني يمكن مترين بس
وقعدوا يضحكون ويأشرون علي
ليش اني محجبه
والله اني قعدت اطالع فيهم بدون اي كلمه
قلت الحين ان تكلمت اخاف يجرون حجابي او يسوون شي فيني وربعهم وايد
بس قلت بقلبي حسبي الله عليكم
ضحكوا الحين وبنشوف من بيضحك بالآخر
بعد شسوي
وراحو لاني ما تكلمت معاهم

ياهلا وغلا اختي ام حسين ..
فعلا بعض المواقف مستفزة ولكن استجابتك لها يكلفك نفسيا اكثر من لو حاولتي تجاهلها ..

وخصوصا اذا المكان من صالح الآخرين فقد تتطور الأمور إلى لا ما تحمد عقباه ..

بل بعض الأحيان التجاهل يجعلك تنسى الموضوع أسرع ..

وكما قيل (إني أتجاهل ولست بجاهل ؛ وغضيض للبصر ولست بأعمى) ..
لكن لا بد تطلع لك احيان شطحات وان كانت تبقى مواقف نادرة مقارنه بالمتعه اللتي يحصلها الواحد من تجربة السفر إلى أي بلد ..

اقتباس:

المشاركة الأصلية كتبت بواسطة توبليرون (المشاركة 362448)

كملت التقرير
يا اخي ابدااااع والله
الصور والترتيب والاحداث روعه
حلوه النمسا وانا معاك احب الطبيعه بس اللي معاي يحبون المدن والاسواق اكثر والراي للاغلبيه مو ذبحتنا الديمقراطيه هههه
الله يسعدك اسعدتنا بهالتقرير
وقطار المانيا هههه ذكرتني بموقف جذيه قاعدين نسولف ووقف القطار والناس كلها نزلت الا انا وبناتي
والناس يقولون يلا نزلوا بس ما فهمناهم الا بعد ماتحرك القطار
وبس وقف في مكان ظلمه
واشتغلنا عليهم بالميكرفون والجرس ردت علينا وحده مانفهم شتقول
وبعدين انزلت واشرت لنا ان راح تحرك القطار من الجهة الثانيه
اثاري وقف بمحطه مالها منفذ ولازم تبديل السير له
ورجعتنا
احنا لازم نوقف بمحطة السوق اللي عند الحديقه الاولمبيه
احنا كان مترو مو قطار فوق الارض

يشرفني والله تفاعلك وإثرائك اختي ام حسين ..

وتسلمين على كلامك الطيب ..
والديمقراطية ضرورية لتجنب تأنيب الضمير هههههههه ..
أما موقفكم بصراحة شي عجيب والحمدلله تصرفتوا وهي ما قصرت ..

شاكر ومقدر لك مرة اخرى اختي الكريمة ..

شكراا لردود ويستاهل التقرير
:e335::e335::e335::e335::e335:
بالبركة

ابدعت ياسمي
ماشاء الله تقرير راااائع ومفيد

ماشاء الله
مناظر تفتح النّفس واسترخاء وتأمل في جمال صُنع الخالق,

ابدعت يا ابو سعود
تقرير في غاية الجمال الصور واللقطات خياليه
تقرير مميز فيه الكثير من المعلومات القيمة والمفيدة
ان شاءالله يكون مرجع لكل من يرغب بزيارة النمسا

مبروك النجوم
تقرير يستحق التنجيم