|
بدون ترتيب لأيام الزيارة راح أعرض اهم المطاعم اللي زرناها زرنا غيرها ولكن هذي اللي حبيت إني أكتب عنها أو لأنها مشهورة و حبيت أعرض تجربتي أو لأني أحس إنها مظلومة و تستاهل التجربة __________________________________________________ ___ أول شي مطعم نصرت احنا حاجزين من يوم قبل على الساعة ١٠ رحنا بتكسي و كلّف ٣١ ليرة انتظرنا مو اقل من ثلث ساعة لحد ما اصلا تكرمت علينا الموظفة تسألنا اذا عندنا حجز او لا المطعم زحمممممة فل و ازعاج و حتى بعد ما سألتنا عن الحجز خذت اكثر من 10 دقايق عشان ترتب لنا طاولة و طبعاً كانت مشتركة https://www.arabtrvl.com/up/uploads/...7804417591.jpg طلبنا سوشي نصرت https://www.arabtrvl.com/up/uploads/...7804417622.png https://www.arabtrvl.com/up/uploads/...7804417743.jpg و ستيك سباغيتي و ستيك لوكوم https://www.arabtrvl.com/up/uploads/...7804417784.jpg و بقلاوة نصرت المشهورة اللي مع ايسكريم https://www.arabtrvl.com/up/uploads/...7804417815.jpg و ماي (مافي الا الحجم للكبير ) و عصير ليمون و كل الحساب صار ٢٨٣ و طلبنا تكسي للرجعة كلفنا ٣٢ ليرة تقييمي المطعم الاكل حلو و البقلاوة خياااال بس الزحمة و التأخير بتخليني ما اروح له مرة ثانية يعني ما احس بصراحة يسوى كل هالضجة ________________________________________________ كافيه Guney عند برج غلاطة يومها طلعنا على ال 10 تقريباً او يمكن بعد و الوجهة كوفي شوب شفت صورته في النت جلساته مثل المدرج تقريباً و مكانه تحت برج غلاطة و لما وصلنا طلع الكوفي شوب ما يقدم الا مشروبات ما عنده ريوق ف قعدنا في اول مكان شفناه يم البرج https://www.arabtrvl.com/up/uploads/...7805085541.jpg https://www.arabtrvl.com/up/uploads/...7805085562.jpg https://www.arabtrvl.com/up/uploads/...7805085583.jpg ما أدري وين صورة الفاتورة بس أتذكر السعر كان معقول الاكل لذيذ ... و الكمية مناسبة بس اللي اخذ طلباتنا كان يلف على طاولات الاتراك و مهملنا و تأخر وايد بالشاي بعدين قلنا بنصعد البرج على قد ما رحت اسطنبول ما صعدناه ف كنا ندور الباب ... اسمع دايما زحمة بس ما شفت احد واقف قلت يمكن مسكر اليوم بس بعدين شفت الباب و دخلنا و كنا بنروح فيها سجن و السبب التاكسي في اليوم اللي قبل الله لا يسامحه عطى زوجي 50 ليرة مزورة و احنا كنا بندفع فيها موظف البرج شق الخمسين و نادى مديره و صارت لوية لحد ما شرحنا لهم ان راعي التكسي هو اللي عطانا و صعدنا و احنا متكدرين بس الاطلاله تعوض عن الكدر https://www.arabtrvl.com/up/uploads/...7805085614.jpg https://www.arabtrvl.com/up/uploads/...7805085635.jpg https://www.arabtrvl.com/up/uploads/...7805085656.jpg https://www.arabtrvl.com/up/uploads/...7805085677.jpg https://www.arabtrvl.com/up/uploads/...7805085698.jpg ويوم نزلنا شفنا الطابور اللي يتكلمون عنه الناس ... ممتد ل برا البرج .. الظاهر احنا وصلنا قبل الزحمة اللي يبي كافيه قريب برج غلاطة هذا ممكن يكون خيار و لكن اتوقع شارع تقسيم فيه مطاعم و خيارات أكثر __________________________________________________ __ كافيه Lukma https://www.arabtrvl.com/up/uploads/...7805830521.jpg كان يومها بررررررد و إطلالة طاولتنا بعيد عن السور شوي وما مانعنا عشان الهوا https://www.arabtrvl.com/up/uploads/...7805830542.jpg طلبنا كان منمن و بوريك بالجبن و عصير https://www.arabtrvl.com/up/uploads/...7805830573.jpg https://www.arabtrvl.com/up/uploads/...7805830594.jpg https://www.arabtrvl.com/up/uploads/...7805830615.jpg و من جرسون يلف بصحن فيه أنواع خفايف أخترنا هذا https://www.arabtrvl.com/up/uploads/...7805830636.jpg و ختمناها ب قهوة https://www.arabtrvl.com/up/uploads/...7805830657.jpg و هذي الفاتورة https://www.arabtrvl.com/up/uploads/...7805830698.jpg و بعدين طلعنا نتمشى شوي على البحر مقابل الكافيه https://www.arabtrvl.com/up/uploads/...7806108181.jpg https://www.arabtrvl.com/up/uploads/...1780610822.jpg https://www.arabtrvl.com/up/uploads/...7806108233.jpg ما قدرنا نمشي أكثر كان الهوا قوي و بارد ف أخذنا تكسي نكمل مشوارنا و شفت يخوت أجار بأحجام مختلفة ... اتوقع بالصيف بتكون تجربة حلوة للاسف ما صورتها و لا عندي علم عن الاسعار الكافيه اكله جيد بس احس السعر اكثر من المعتاد و لما طلعنا شفت على يساره كافيهات و مطاعم ثانية لو مرة ثانية مريت على المنطقة اتوقع اني راح اجربهم و ما ارجع له __________________________________________________ _ مطعم Feriye Palace مطل على البوسفور في منطقة اورتاكوي مدخل المطعم و القصر شوي مظلم https://www.arabtrvl.com/up/uploads/...7806712721.jpg https://www.arabtrvl.com/up/uploads/...7806712742.jpg https://www.arabtrvl.com/up/uploads/...7806712763.jpg المطعم بالحجز و نسينا نحجز طاولة مطلة و يوم وصلنا كان زحمة شوي و فيه قروب ماخذين نص المطعم صينين تقريباً بس بعد 10 دقايق من وصولنا مشوا ف غيرنا طاولتنا لهالاطلالة الخطيرة https://www.arabtrvl.com/up/uploads/...7806712784.jpg https://www.arabtrvl.com/up/uploads/...7806712815.jpg هذا القصر ... و فيه دورات المياه .. و قلت بعد العشى اطلع له و اصوره https://www.arabtrvl.com/up/uploads/...7806712836.jpg طلبنا كان عصير (جربنا اثنين و الاثنين مو حلوين) https://www.arabtrvl.com/up/uploads/...7806712867.jpg ورق عنب https://www.arabtrvl.com/up/uploads/...1780671299.jpg شوربة مأكولات بحرية https://www.arabtrvl.com/up/uploads/...7806712888.jpg كباب بالروب https://www.arabtrvl.com/up/uploads/...8067129210.jpg سمك مشوي (زوجي يقول الطعم مقبول و لكنه مليان شوك) https://www.arabtrvl.com/up/uploads/...7807356341.jpg الحلويات ضيافة من المطعم https://www.arabtrvl.com/up/uploads/...7807356392.jpg وقهوة https://www.arabtrvl.com/up/uploads/...7807356413.jpg بعد العشى زاد المطر و ما ينفع اطلع https://www.arabtrvl.com/up/uploads/...7807356434.jpg و هذي الفاتورة https://www.arabtrvl.com/up/uploads/...7807356465.jpg اتوقع المطعم يكون احلى بوقت الريوق او الغدا .. الاطلالة خطيرة و المكان مميز و الاكل لذيذ راح اجربه مرة ثانية لو رحت اسطنبول __________________________________________________ _____ كافيه Faruk Gulluoglu انا درست الجامعة في جامعة عجمان بالإمارات صديقاتي هناك ما شفتهم من 2006 و لكن لا زلت على تواصل وياهم و انا في تركيا أشوف وحدة منهم كاتبة بالسناب إنها في إسطنبول و من وصلنا و إحنا نحاول نرتب نتلاقى و ما تضبط .. لحد اليوم الأخير زوجي كان طالع عنده شغل و كلمتها أشوفها و قالت اهي بتكون فاضية على المغرب و إتفقنا نتلاقي في تفسيم في كافيه Faruk Gulluoglu وانا رايحة و ألف فكرة في بالي و الشوق مطيرني و ما حسيت إلا و انا عند محل ورد و إشتريت لها باقة https://www.arabtrvl.com/up/uploads/...7814803875.jpg و جلست أنتظرها في الكافيه https://www.arabtrvl.com/up/uploads/...7814803781.jpg و جات .. و كان اللقى بعد 11 سنة .. لاشعوريا ركضت لها و حضنتها ... و هي تضحك و تصرخ سوينا للناس فيلم هندي و العرب اللي حولنا يضحكون بصراحة كانت مشاعري اكبر من البرستيج وقتها و ما أهتميت بأحد قعدت وياها من 4 ونص لحد 7 ونص تقريباً و هذي كانت طلباتنا كتمير (أحلى سويت تركي خصوصا اذا كان دافي) https://www.arabtrvl.com/up/uploads/...1781480382.jpg https://www.arabtrvl.com/up/uploads/...7814803833.jpg و قهوة ورا قهوة عندي هالكافيه يسوى حافظ مصطفى مليون مرة حتى البقلاوة للاهل اشتريها من عنده ______________________________________________ مواقف من اسطنبول كالعادة مع نصب اصحاب التكاسي و إزعاجهم 90% من اللي ركبنا معاهم ضايقونا و لكنا إضطرينا نركب لان زوجي يكون شايل اغراضه و ما يبي المواصلات العامة و انا يوم اللي كنت بروحي زوجي قال لي احسن التكسي من تكونين بروحج في زحمة الباص او المترو و راح أذكر اهم موقفين تعرضنا لهم الموقف الاول بخصوص ال 50 ليرة المزورة و الموقف الثاني كنا بالقراند بازار و زوجي بيروح بعدين ورشة صاحبه ف قلت له برجع الفندق صاحبه وداني لحد التكسي و وصاه علي لكن صاحب التكسي قال لي الطريق زحمة و راح اوديج طريق ثاني بيكون الحساب بين 30 ل 50 ليرة على العداد قلت معليش و لما وصلنا قبل الفندق ب 200 متر تقريبا وقف على جنب الشارع و فتح الباب و كلم واحد بره بالتركي و ركبه ويانا و قال لي هذا موظف في الفندق راح أوصله وياج من الصدمة ما تحركت و سكت بس لمحت العداد تقريبا 26 ليرة لما تحرك التكسي شفت العداد رجع تصفر مرة ثانية و وقفنا عن باب الفندق و يقول لي الحساب 50 ليرة قلت له العداد ما تجاوز ال 30 شلون تقول خمسين يقول اتفقنا قبل لا امشي على خمسين استغفرت و تعوذت من ابليس و دفعت ال 50 لاني كنت بروحي و الا كان بإمكاني أنزل و ادفع فقط قيمة العداد الجديدة اللي ما تتجاوز ليرتين و لا زلنا على التحذيرات .. و لا زالو على مواقفهم المزعجة اللي ما تخلص قبل لا أختم التقرير تقييمي ل رحلة كبادوكيا تسوووووووى من قلب بشرط يكون الجو معتدل مثل تقريباً الوقت الي رحنا فيه أو في الربيع أما الصيف أتوقع بيكون حر و تعب و الشتاء الثلج ممكن يعيق الحركة خصوصا المنطقة شوارعها مو وايد مهيئة الفندق جميل جداً و تجربة فوق المميزة لكن ما انصح فيه لان مستواه متواضع و الخدمة متواضعة جداً و حسب ما شفت وانا هناك في فنادق تقدم تجربة الكهف بمستوى اعلى رحلة اسطنبول كانت في الغالب شغل جربنا فيها مطاعم غيرت فكرتي نوعاً ما عن الاكل التركي (انا مو من محبين الاكل التركي و لا البقلاوة التركية) شهادتي في اسطنبول مو موثوقه .. ما حبيتها وايد سابقا و عموما ما احس انها تستحق اكثر من زيارة اذا اساسا زرت اهم المعالم فيها ما احب جوها العام و لا ناسها و لا تستهويني اللفلفة فيها أما الفندق كان خيالي .. ما راح اجرب غيره اذا كنت ابي تقسيم و الا النية المرة الجاية على الفورسيزون او الكمبنسكي على البوسفور شوفة صديقتي هناك .. كانت قمة الرحلة او مثل ما يقولون highlight الرحلة عشقت كل دقيقة و اسمتعت معاها و رجعت لذيك الايام الجميلة اللي ما تنعاد سميت التقرير بداية حب لان لو في الوضع العادي يقول لي زوجي نروح تركيا بس تغيير جو راح اقول له لا بس عشان شغله هناك كنت اروح وياه هالمرة جربنا مكان جديد خارج عن المألوف وهذي رغبتي و اللي احبه في السفر جربنا طبيعة الاتراك خارج اسطنبول وشفنا طيبتهم الحين .. انا وتركيا ... بداية حب اتمنى اني اكون عرضت معلومة مفيدة لكم .. و سامحونا على القصور .......... أم ريمه .......... |
اهلا بك اختي ام ريمه الحقيقة تقرير ثري جداً وعجبني كثير فكرة تلخيص المطاعم أو الكافيهات وأعتقد توفقتوا كثير في الاطلالات وخصوصاً المطلة على البسفور ويعيبها ارتفاع الأسعار قليلاً ... بالنسبة لمطعم نصرت لاحظت هناك حملة تويترية ضده تؤيد رأيك أنه لا يستحق تلك الضجة وأمس قرأت خبر رفع قضية ضده في أمريكا لأنه غير ملتزم بلبس قفاز اليد وهذا يتعارض مع معايير السلامة ( ولست متأكد من مدى صحة هذا الخبر ) ... برج غلاطة استفدنا معلومة مهمة من تقريرك إن الحضور المبكر قد يجنبك الطابور فكثير منا يتجاهل زيارة هذا المعلم بسبب ما يسمعه من الطابور الطويل ... للأسف مسألة الفلوس المزورة مشكلة كبير وشيء يخوف واهنئك بشدة على حكمتك ونضج تفكيرك في التعامل مع المشوار الأخير في التاكسي مو كل واحد يقدر يمسك اعصابه ولكن برافو عليك ما زلت أؤكد لك تقرير وتجربة ثرية جداً ... وشخصياً حققت الاستفادة والمتعة سوياً بالتوفيق |
كفيتي ووفيتي يام ريمه عرض المطاعم حلووه وتركيا متروسه مطاعم وكافيهات نصرت سمعت عن الشكوى الامريكيه ضده بس هل هو الوحيد اللي ما يلبس قفازات بالطبخ ؟؟ ماجربت نصرت ولا مرة بس طبقين الستيك اشوفهم متشابهين وانتي سميتيهم باسماء مختلفه ؟ ملاحظاتك عن التاكسي معلوم النصب عندهم بس ان يصعد واحد معاج ويغير الطريج والله اخاف بروحي اعطيه زياده على اللي طلبه دام اني وصلت سالمه ههههه ذكرتيني بتاكسي مانشستير بذيك السنه هههه كاتبتها بتقريري القديم المهم تقرير مميز كبادوكيا والجمال التركي وبداية حب تدوم ان شاءالله |
اقتباس:
مطعم نصرت مثله مثل المطاعم المشهورة في السوشيال ميديا .. زحمة على الفاضي :63: شكرا لك و حياك الله |
اقتباس:
و الثاني مثل ستيك مقطع (اللي اسمه لوكوم) و صادقة الطعم مثل بعض التكسي كنا رايحين و عارفين شبيجينا منهم للاسف لكنا بسبب وضع عمل زوجي كنا مضطرين و الحمدلله عدت على خير شكرا لج حبيبتي ام حسين على المتابعة و التعليقات الدايمة اسعدتيني الله يسعدج |
موقف صعب مع الفلوس المزوره الواحد مايتوقع هالشي الحمدلله عدا الموضوع على خير اختياركم للمكاعم حلو خصوصا الاطلالات جميلة جدا احلى شي اللقاء بعد 11 سنة الله يديم عليكم المحبة شكرا يا ام ريمه على التقرير الرائع |
تأخير الطيران التركي متعود عليه حقيقه معجبني تفكيرك بالسكن من المطاعم المشهوره نصرت ....كنت افكر ازوره سابقا بس من كثر اللي يقول ما يسوي كل هالهاله ترددت ابي مطاعم افطار بالسطوح اللي قريبه برج غلطه مين يعرفها أو جربها لعبه التاكسي تغيير العمله مطعم القصر رائع ومميز جميل التواصل حقيقه أجل قهوه بعد قهوه شكلك ما نمتي ليلتها من القهوه ترشحين بقلاوته أنها الأفضل أم ريمه والله حركاتهم ما يتركونها المشكله أن البعض ما يحصل له موقف ولما أحد يقول حصل لي كذا يقول تصرفات فرديه يا عالم نحذر أهم من نسكت طريقتي أي تاكسي أركبه أصور لوحته سواء أنا أو صاحبي إن شاء الله تستمتعين برحلاتك القادمه لتركيا شكرا لك علي التقرير وأخص بالذكر الجزء الأهم كباودكيا |
اقتباس:
اي والله ابدا ما توقعنا سالفة الفلوس المزورة ما كنا سامعين عنها قبل ما نروح لكن بعد ما رجعنا سمعت اكثر من شخص من معارفي تكرر له الموقف الله يعين شكرا لج حبيبتي |
اقتباس:
بالعكس الطيارة طارت على الوقت المشكلة في المطار اللي ما قبل تهبط و السبب الزحمة الكبيرة راعيين التكاسي ضروري تشوف لهم الحكومة هناك حل مو معقولة على تطور السياحة عندهم مو لاقين طريقة يضبطونهم فيها و بعدين حتى لو صورت لوحة التكسي ... ما عندي اثبات انه هو اللي اعطاني ال 50 المزورة كرماً منه الموظف بالبرج تسامح معانا الحمدلله عجبكم التقرير ... و شكرا لك |
اقتباس:
اهلا بك اختي ام ريمة حسب علمي بدأوا هناك تطبيق تاكسي جديد مركبين فيه جهاز تستخدم البطاقات الائتمانية وكذلك تقدر تسحب المبلغ من خلال ( كرت اسطنبول ) حق المواصلات العامة بحيث يلغوا التعامل الكاش تماماً وبدأت فعلياً في التطبيق ولكن بشكل تدريجي راح تنتشر هالتاكسي |
| الساعة الآن 05:44 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO