|
عندي وجهـة نظر بالتقسيم للرحلة بعد إذن الشباب :(125): دام الوصول ليلاُ 1 في جاكرتا وبالقطار على باندونق يومين اهم شي تكون رحلتك فيها 8 صباح لاجل الاستفادة من الوقت عند وصول إلى باندونق التي لم اجد فيها متعة مثل بونشاك وندمت لزيارتها :( خاصة عندما يكون هدفك لزيارتها بالقطار وتفوتك رحلة القطار وتاخذها سيارة لاجل إتمام حجزك بالفندق الغير مسترجع:(57): ومنها يوم السبت الاسود للذهاب إلى بونشاك لاجل هذا كرهت باندونق التي ربما تُعجبك:) 4 ايام بونشاك 3 ايام جاكرتا للترفيه والتسوق وزيارة المطاعم هناك ^_^ ورحلة سعيدة مقدماً |
AboBelal ربما زحام الطريق خلك تأخذ موقف من باندونق والا هي مدينة جميلة تستحق الزيارة نعم صحيح بونشاك جميلة بس باندونق ارتب وكل شي موجود في بونشاك موجود مثلة في باندونق ما عدا السفاري الشي المهم في الموضوع تجنب الانتقال بين باندونق بونشاك يومي السبت والاحد بالنسبة للاقطار استغرب كيف فاتتك الرحلة يا AboBelal هناك 9 رحلات يومية بين جاكرتا وباندونق هذا جدول الرحلات اليومية - الساعة 5:05 صباحا 2- الساعة 6:35 صباحا 3- الساعة 7:35 صباحا 4- الساعة 8:45 صباحا 5- الساعة 11:00 صباحا 6- الساعة12:00 ظهرا 7- الساعة 2:30 ظهرا 8- الساعة 4:15 عصرا 9- الساعة 7:50 مساء |
اقتباس:
هلا بك اكثر اخوي الردادي بسبب ظروف معينه انا مصطر استبعد بالس علما ان مابعد كلامك عنها الا زيارتها لكن بالسفره الثانيه وهذا قرار ووعد ب اذن الله والجواب والاختيار النهائي وبعد استخاره قررت اختار الجدول الاخير ولكن السوال : تشوف عشان اسلم من زحمه يوم الاحد وبما ان وصولي السبت 10 المساء تتوقع لو بنفس وقت الوصول اطلع للفندق بالجبل ليلاً اوصل وانام ومن الصبح فطور وابدا فعاليات تشوف اني كيذا اسلم من زحمة الذهاب يوم الاحد في حال اني اول يوم وصلت جاكرتا وريحت به ؟ لاني مدري عن طرقهم وخطوره الذهاب للجبل ليلاً الشغله الثانيه زياده حرص مني حجزت فنادق بالجبل من 21 الى 24 يناير. ( بيسونا الام ) والسبب يعود على اني يادوب حصلت الحجز بطلوع الروح وبسعر مناسب وحجزت ايضاً من 24 الى 25 يناير ( يوم بساهيد ) ويبقى علي ياغالي باقي الحجرزات والترتيبات وش تقترح علي خصوصا يوم الوصول ؟ بما ان اليوم الاول مابعد حجزت له مدري اخجز بجاكرتا وارتاح ومن الصبح اتقبل زحمه الويكند او من وصولي ليلاً اروح للجبل واسجل دخول مسائي بالفندق ؟ وبالنسبه لباندونق ( اتمنى تنصحني ب منتجع عائلي و بفندق عائلي ) متوسط وموقعه زين ومو شرط 5 نجوم |
و لا يهمك يابو كيان بما انك حجزت خلاص الله يعينك تروح من المطار الى بونشاك مباشرة واحجز لك يوم في سيروني 3 والباقي في حجوزاتك اللي سويتها الطريق الى الجبل امن ما فيه اي خوف الطريق سهل ما فيه شي من الخطورة بس المشكلة الزحمة فقط بالنسبة لباندونق شوق فندق سنسا ممتاز ولو تختار غرفة جنيور راح تدعي لي واذا ما ناسبك سعرة شوف فندق دي بافليون هذي الفنادق وسط البلد اذا تبغى فندق بموصفات خاصة عطني وايش تبغى وابشر ان شاء الله نجد طلبك هذا الجدول اللي اعتمد يابو كيان 1 يوم جاكرتا 5 ايام بونشاك 3 ايام باندونج 1 يوم جاكرتا بقية الترتيبات راح نضبطها سوا ما يهمك الان انا مستعجل شوي اهم شي الان شيك على فنادق باندونق اللي اعطيتك ولي رجعة للموضوع في المساء ان شاء الله |
عفواً الجدول لازم يتعدل 5 ايام بونشاك 4 ايام باندونج 1 يوم جاكرتا او 5 ايام بونشاك 3 ايام باندونج 2 يوم جاكرتا او 6 ايام بونشاك 3 ايام باندونج 1 يوم جاكرتا |
اهلا اهلا بالردادي الجدول النهائي 5 ايام بونشاك 3 ايام بوقور 2 جاكرتا وباذن الله بمشي ليلاً من المطار للجبل وافتك من شر الزحمه بنسبه كبيره - السكن اللي رشحت لي في بوقور ب اذن الله بشيك عليه واشوفه ودامك سالتني وش اللي بالخاطر للامانه ودي بجو استجمام عائلي يعني زي شي فيه مسبح خاص ومايمنع يكون 5 او 4 نجوم احجز به يوم في بوقور واعيش الجو وباقي الايام بالفندق اللي اقترحته علي . الشي الثاني - وش انسب شريحه نت ؟ - ويبقى السواق احتاج سواق لاني راسلت كم واحد وكلاً يمدح روحه ولكن اذا تعرف سواق نظامي وعملسوخبير بالجبيل مايمنع اني اتفق معه طول فتره سفرتي .. |
alradadi والله ياصاحبي كنت حاجز رحلة القطار قبل ما اوصل اندونيسيا بمدة طويلة بعيش تجربة القطار بين القرى وكان نفسي برحـلة سبحان الله لما وصلت الشقة وقبل ما انام حجزت الفندق يومين في باندونق بعد صلاة الفجر طلعت ورقة حجزالقطار واتفأجات إني حاجز يوم الثاني يوم الجمعـة وحجزي في باندونق الخميس والجمعـة قلت مالي إلا احجز تذكرة من اقرب ميني ماركت ولايروح علي مبلغ 1000 ريال الفندق وللاسف ميني ماركت جهازهم عطلان حق تذاكر القطار اخذت دباب بحكم قرب محطة القطار وللاسف مافي إلا رحلة ساعة 8:45صباحاً الباقي فل إلا مساء طبعاً وماحبيت رحلة ليلية قلت احجز تذكرة درجة اولى ودفعت المبلغ نظام (يارجال يمديك دوس بس ) قلت لـراعي الدباب طيران ع الشقة وكلمت الاهل بالجوال بسرعة يظف الاغراض والشنط دخلت الشقة 8:15 ولولا موظف رسيبشين الله يهديه وحجز سيارة عائلية رغم وقوف تكاسي امام الشقة والإ كان لحقت دخلت محطة القطار 8:45 وللاسف فاتت رحلة وبسببهم دفعت 850.000 روبيه سيارة إلى باندونق , اما مسئلة زحمة سمعت إن طريق بونشاك سيئ يوم السبت والاحد لكن توقعت الزحمة من جهة جاكرتا إلى بونشاك فقط لكن الله وكيلك جاني إكتئاب يومها طلعت من باندونق تسعة صباح وصلت 3 العصر الله لايعيدها من ليلة . |
هلا ابو كيان السكن اللي رشحته لك في باندونق وليس في بوقور لا تخبلط بينهم اما بالنسبة للمسبح الخاص هذا يتوفر في الفلل فقط مافيه في الفنادق اللي في بونشاك او في بوقور مسبح خاص الشي المهم في هذا الجانب هو ان الجو بادر ما يساعد على السباحة حتى تكون في الصورة عن المنطقة كاملة بونشاك تابعة لبوقور والمسافة بينهم مثل ما تقول عندنا في المدينة المنورة سلطانة و ابيار علي حدود 20كم يعني ما فيه فرق المنطقة وحدة والطبيعة وحدة وما تحس انك غيرت شي لذلك افضل اذا تبغى تعتمد هذا الجدول تخلي السكن في بسيونا علم وتروح وترجع بالنسبة للسواقين الشعب الاندونيسي بصفه عامة شعب طيب وصبور وبالهم طويل فان حصلت سواق كويس خير وبركة واذا ما عندك راح ارسلك بعض الارقام بأذن الله بالنسبة للشرائح شركة سمباتي هي الافضل في هذا الوقت للاتصال والنت |
اقتباس:
الله يعوضك خير تجربة سيئة بس سبحان الله القطار عندهم ما احد يحجز له خذ عفشك وروح دائماً تحصل رحلات الا في اوقات المناسبات والاجازات هذه تحصل زحمة بالنسبة للزحمة يومي السبت والاحد والاعياد والاجازات الرسمية الطريق زحمة الى الجبل من اي مكان من جاكرتا ومن باندونق ومن بوقور كلها زحمة حتى باندونق الان انتقلت اليها المشكلة في نهاية الاسبوع يفضل انك تقضيها في المدينة نفسها وما تخرج الى الارياف المجاورة لها |
افكـر ارجع لها بمشيئة الله وحداني في منتصف إبريل او بداية شهـر مايو لكن نفسي اجرب القطار لكن ما ابغى الوجهـة تكون إلى باندونق:20: في بلد يتجهـ له القطار حتى لو كان القطار في بالي ومتجهـ إلى بلدة آخرى ممكن تعطيني فكرة عنها لو تكرمت . |
| الساعة الآن 02:32 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO