مرحبا بو صلوح
صدمتنا بشقق كنت فعلا كارثة والافضل مثلما ذكرت السكن بشقق مجربة مسبقا
بالنسبة للصور الاحسن انك تخلي جائزة للي يعرفها . لان الكل ما حزر بس الصورة الثانية للقرية العثمانية.
متابعين

موضوعك وتقريرك جا بوقته :13:

شكراً لكم على المتابعة
و فعلاً الشتاء له نكهته المميزة
أول مرة اشوف الثلج في حياتي =)



اي والله التغيير حلو
و ان شاء الله ان مافي ندم لكن حبيت اشوقكم للموضوع هههه
اي والله استفدت من تاجير السيارة داخل اسطنبول و استخدمتها
سقت باريحية الصراحة في الجانب الاسيوي ومر علي ازدحام لكن عادي مقبول يعني
و الاوتو بارك " المواقف مقابل رسوم " متوفرة لكن ممكن تحصلها ابعد من المكان الي انت تبيه ب 300 متر مثلا تحتاج مشي بسيط بعد ماتوقف السيارة .
يمكن الوضع في الجانب الاوروبي مختلف الله اعلم

حياك الله نتشرف بمتابعتك

الله يسلمك اخوي
حياك الله وانا مستمتع بمتابعتكم و تعليقاتكم


حيالله خالي ماجد القطري


لا الصورة الاولى مب صبنجه الحين باحط تكملة التقرير و بتشوف
القرية التراثية في بورصة اذا تقصد القرية العثمانية فالاجابة صحيحة


اي والله رحلة سريعة انا بعد ماتوقعت اني بكتب عنها شي
لكن يوم رجعت شفت عندي بعض الصور و صارت لي تجربة جديدة قلت اعرضها و افيد فيها الاعضاء


حلوة فكرة كتاب هموم القطرية هههه تخيل 5 ساعات لاسطنبول في طيارة بدون شاشة
هذي الطيارات الي كانوا يستخدمونها حق البحرين و دبي الحين ابتلشوا فيها يودونا فيها اسطنبول >< هههه

اي والله السيارة جيدة و فيها شاشة و قارمن و سقف بانوراما
لكن ما استخدمت القارمن كان بالتركي و ماتفرغت له

و صج مثل ماقلت المكتب عسر في الحساب يركز على ادق الامور

والله فكرة الفنادق بعد زينة و مب غالية معظم فنادق تركيا لكن انا كان خاطري في شقة
اذا قمنا الصبح نسوي لنا شاي و اذا جعنا في الليل نطبخ لنا شي خفيف .. يعني اوسع و أريح بعد

الله يسلمك ياخوي

هههه محد عرف لي الا انت
حبيت اسوي اكشن شوي :24:

والله رينتال كار ياخوي له مميزات و عيوب بالنسبة لي
ميزته انه سهل الاستخدام وواضح و بالعربي
و يحدد لك كل شي تبيه يعني وين بتستلم السيارة و كل شي

عيبه أنه يسحب المبلغ مباشرة حتى لو كتب انه مب ساحب اي مبلغ
و يلغي الحجز على كيفه اذا مالقى المبلغ المطلوب في الفيزا عكس بوكنق
يرسلون لك رسالة يقولون لك ترى مالقينا المبلغ ممكن تعدل وضعك خلال يومين و الحجز يبقى لك

و ايضا رينتال كار يحجز لك ثم يرسل للمكتب و اذا كانت السيارة غير متوفرة يلغي الحجز و انت في هالفترة مطمئن ان عندك حجز ثم تدخل على الايميل قبل الرحلة و تنفجع بأن حجزك ملغي و هالشي يسبب ربكة كبيرة .


و بخصوص التواصل معاهم يوم صارت لي مشكلة ارسلت لهم ايميل قالوا اتصل لنا لان موظفينا مشغولين
و لين تتصل محد يرد بسهولة و المكالمة دولية فتكون مكلفة ..

يعني لو تقارنه ببوكنق فرق كبير في التعامل و الخدمات



اي والله انها كانت كارثة
لكن الحمد لله الي قبلها و الي بعدها كانوا جيدين

هههه منك للإدارة يلا حطوا جوائز للي يجاوب صح على الصور
حياك الله :24:

الحمد لله
لكن لا تعتمد عليه 100% خاصة في موضوع الجو
لأن - بفضل الله - صادفتني ايام دافئة مشمسه و بعد ما رحت على طول برد الجو أكثر بشكل كبير
فشوف حالة الطقس من الايفون كل يوم بيومه و على اساس الجو رتب جدولك .. حياك الله


اهلين
الغرفتين المتصلتين في الفندق ماتقدر تاخذهم اكيد 100%
في بوكنق تكتب لهم في الملاحظات و هم يحاولون يوفرونها لك
لكن عادي توصل الفندق و يقولون لك ما قدرنا نوفر لك غرفتين متصله
فصعب تهد عيالك أو اهلك في غرفة بعيدة خاصة اذا كان شخص واحد

و الشقق أوسع و أريح لو قمت من النوم قبلهم على الاقل تروح تجلس في الصالة لين يقومون الباقي
الشقق الفندقية هي الخيار الأمثل و الحمدلله الواحد يتعلم من التجارب ..

بخصوص السيارة هو من العرف و من الذوق يعني انك ترجعها نظيفة
و هذا ما أفعله عادة لكن ضاق علي الوقت و ماقدرت اغسلها
و راضي لو انهم اخذوا مبلغ التنظيف لكن مب 100 ليرة مايستحق يعني .