|
اخيرا بعد 5 ايام متواصلة ختمت التقرير ب 61 صفحة! تعازي الحارة للعم علي وعائلته بوفاة بول صديق العائلة لاحظت الاسعار والضرائب زادت بشكل كبير خلال 4 السنوات الماضية في امريكا. التقرير جميل ورائع وتقريبا غطيتي اغلب الاماكن الجميلة في فلوريدا لدي رحلة مستقبلية الى هذه البلاد. تسلمين كثير 2.6.0.0 |
اقتباس:
من حظي والله اللي تقريرك مخليك لاهي فيه .. يزاك الله خير تسلم .. وايد زايدة بغلاء الاسعار صراحة .. انا فرقت معاي من 2012 الى 2017 شكرا تعليقك و حضورك الاحلى .. ان شاء الله رحلة سعيدة الله يسلمك نورتني |
ما شاء الله عليج و الله يحفظج انا احس لو اسافر بروحي بتخبل حبيت الأجواء في هالشهر و الحين جاري البحث عن التذاكر و طبعا ندور الأرخص لكن البيزنس غالي وايد و زوجي يقول كيف 16 ساعة ايكونومي حبيت نيويورك و طبعا الأفلام الأجنبية ما قصرت بصراحه كني اتابع فلم اجنبي ما قصرتي و الله حبيت المسرح وايد و بالنسبة للبخشيش في كل المناطق و الا بس نيويورك لانه ربع زوجي يقولون وايد غاليه امريكا و بتصرف وايد و يبغيني أغير الوجهة بس انا مصره بعد ما دورت بلدان وايده و اليوم سبحان الله و انا طالعه من المدرسة الظهر صادفت حرمتين على الشارع وياهم بنتهم في الكي جي ويا ولدي وقفت قلت وين ساكنين قالت عند إمارات مول و واقفين يتريون تاكسي قلتلها اركبوا بوصلكم ما شي تكاسي هني قالت وصلينا لين الشارع الرئيسي و كملت الطريج و بين السوالف سالتها أنتي باكستانيه قالت هي و تونا من شهرين يايين دبي كنا في يو اس قلت حلو :18: أي ولايه قالت واشنطن دي سي قلت احلى :72: و يالله خذنا ارقام بعض و بنتواصل ان شاء الله وبأخذ معلومات اكثر منها لانها عايشه هناك و كانت صدفة حلوه و الله استانست المهم بكمل القرايه و عندي اسأله وايد اتحمليني :7: |
اقتباس:
هههههههه يمكن لأني تعودت عالغربه فعادي لو اسافر بروحي وطبعا دوله مثل امريكا مع قروب حلوه وايد انا جربتها الجو وايد حلوووو في هالوقت التذاكر إذا الاماراتية غاليه شوفوا البريطانية او الهولنديه توقفون ترانزيت تريحون نيويورك اتهبل وخصوصا في الشتا جو ثاني والأفلام حببتنا فيها زيادة ما سويت شي المسارح عندهم والعروض خيال اي كل الولايات فيها بخشيش وكل ولاية تختلف بالنسب تقرير بوغسان شارح عن البخشيش وشلون تتجنبونه اقري عنه انا كنت اسوي روحي مااعرف وساعات أحط اللي ابيه وساعات لا فلوريدا اسعارها زينه ويفضل مدن الملاهي من الحين تحجزون لها من الاونلاين في عروض للحدايق والله تستاهل تزورونها هههه ماشاءالله زين سويتي بالضبط راح تفيدج بعد احسن |
الحمدلله انتهيت من قراءة التقرير المميز و اللي أكيد وايد بيستفيدون منه حبيت ميامي وايد بس كم يوم تحتاج بالضبط يالسه اكبشر الصفحات المهمة و حبيت باد اوغستين بس يزاها الله خير غلوريا يوم اتصلت فيج لأني غيرت رايي مستحيل ازور هالمنطقة بسم الله الرحمن الرحيم :12: الحين ديزني طول أيام الأسبوع بتكون مزحومة يعني ما وراهم دوامات معسكرين فيها ؟ ما شاء الله كفيتي و وفيتي الله يكتب لنا زيارتها بس رفقاء السوء هم عائق بالنسبة لي يخوفون ريلي من الميزانية و قايلين حقه يا دوب تكفيك 100 الف معقولة ؟ :28: سلمت اناملج و يزاج الله خير على التقرير و المعلومات و طولة بالج |
اقتباس:
اربع ايام بثلاث ليالي حلوين لميامي ومنها زيارة key west ههههههه لالا ام علي زوروها والله تستاهل المنطقه لو ادري ما كتبت جذي عنها حرام ظلمتها وقت الكريسماس وعطلهم بتكون مزحومه بس انتوا روحوا مبجر وحجزوا أوقات الألعاب اللي تبونها هههههه ان شاءالله تزورونها ويقتنع فيها بوعلي انتوا فترتكم مو وايد طويله مااعتقد تكلف هالمبلغ لو بديتوا بالحجوزات والترتيب من الحين الله يسلمج نورتي يا ام علي وسفره سعيدة لبلاد العم سام |
| الساعة الآن 10:47 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO