|
هلابك اختي... تسافرون وترجعون بالسلامة *** الشباب ماقصرو يعطيهم العافية من وجهة نظري وحسب ميزانيتكم خلوها 10 ايام في الشمال والثلاث ايام الاخيرة اسطنبول لان في الشمال ماراح تصرفون كثير... بعكس اسطنبول وعلى اساس بعد انكم تفضلون الاكواخ والطبيعة لان الشمال بصراحة اقل من 10 ايام غير كافية من ناحية السكن والسيارة مثل ماقال خبيرنا التركي الفراهيدي اول شي استاجرو السيارة... وعلى اقل من مهلكم دورو لكم سكن على عينكم عدوها تمشية ماشيٍ طاير كل شي موجود في مكانه واختارو الي يناسبكم وكاسرو في السعر *** بالنسبة التقسيم... لا تسكنو فيها نصيحة محب خلوها تمشية في الساحة وفي شارع الاستقلال وعندكم خيارات كثيرة مطاعم مقاهي تسوق فرجة اقضو وقت ممتع وحي على الفلاح انصحكم تسكنون في السلطان احمد واذا تبون الرومانسية بما ان سفريتكم تجديد شهر عسل روحو المنطقة كادي كوي وخصوصا حي مودا هادي ورائع وكله مطاعم ومقاهي واجواء خيالية مقابل ميناء كادي كوي طريقة الذهاب له اركبو العبارة من ميناء امينينو الى ميناء كادي كوي واذا نزلتو من العبارة امشو مع الناس بالتجاه الشارع الرئيسي نفس الشارع هذا والشوارع الفرعية الي عليه لا تعدونها تمشو واروحو جهة اليمين وجهة البحر وافترو في المنطقة لين تلقون لكم مكان يناسبكم اقضو فيه وقت ممتع من واقع تجربة واذا تبون تروحون هناك عطيني خبر هنا في موضوعك اعطيك التفاصيل بالملي لاني احس اني توهتك من كثر الكلام هههههههه وبالتوفيق ان شاء الله |
بالتوفيق |
السلام عليكم كيف الحال؟ سبحان الله تأخرت السفره لوقت كنت اتمناه وهو الربيع فشهر مايو حجزت فالفنادق هذي ان شاء الله انها تكون كويسه اسطنبول اسبوع تقريا حجزت ففندقين فندق دوسو دوسي شفت عليه مدح كثير وصراحه عجبني ونظيف وموقعه حلو فندق جهة مطار صبيحه ع البحر دوبل تري الشمال ححزت من بوكينق خفت اروح هناك ويكون زحمه وماالاقي شي حلو طرابزون نوفوتيل يوم 3 ايام و ليله ففندق يلدز ازونجول فندق ماي هوم باين نظظظيف وحلو حتى موقعه حلو الان بسالكم ايش فيه مدن قريبه من اسطنبول اقدر اروحها بس بدون مبيت يعني اقعد فيها يوم كاامل وتستاهل الزياره ؟؟ وكمان ونفس الشي فالشمال مدن قريبه من طربزون |
اذا كان فندق دبل تري هيلتون اسطنبول مودا الي في حي مودا منطقة كادي كوي من افضل المناطق والي هذي صورته https://edge.media.datahc.com/HI402332352.jpg اختيار موفق ماودكم تطلعون منه خصوصا الغرف الي اطلالتها على البحر والي تجي في الزاوية مناظر خلابة وساحرة اتمنى لكم اقامة سعيدة فيه *** تقدرون تطلعون بورصا او سبانجا والي حولهم وترجعون في نفس اليوم |
اقتباس:
مشكور ماقصرت يعطيك العافيه بسال بس هل لو استخدم تطبيق اي تاكسي افضل من الترام؟ لانه احس لخبطه ومحطات وكذا وكمان الجو كيف يكون لسا بارد ؟ وموسم امطار ولالا ؟ السياره ماحجزنا لسا بس عمر زوجي 26 ومكتوب انه من 30 وفوق هل يسببلنا مشكله او شي؟؟ صراحه خايفه ينصبون علينا ولا شي عشاننا صغار سواء هم او غيرهم:e442: :10: لو فيه نصابح ياليت تزودونا فيها :63: |
اقتباس:
منطقة الفندق دبل تري الي في مودا كادي كوي من اروع المناطق مثل ماقلت لك في رد سابق وبتعيشون الاجواء التركية ماهو الاسطنبولية وبس وكل ماتحتاجونه موجود قريب عندكم وعلى رجليكم اول ماتطلعون من بوابة الفندق من الشارع اخذو يمين على طول وامشو على الرصيف بمحاذات الشارع وعلى طول الشارع بتواجهون محلات كثيرة مطاعم وكافيهات وسوبرماركات التمشية فيها متعة وفيه مقابل الفندق مقطاع الشارع حديقة جميلة التمشية فيها روعة يعني الفندق الي انتم فيه حوله حواليه وعلى رجليكم مايحتاج مواصلات فقط انطلقو واستمتعو *** اذا بغيتو تروحون للجزء الاوربي لا تاخذون تاكسي ولا اي وسيلة ثانية من نفس الشارع الي قلت لكم اخذو يمين معه وانتم طالعين من الفندق ميناء كادي كوي في الجهة المقابلة بتشوفون الناس زحمة نازلين او طالعين في العبارة تلقون اكشاك يبيعون تذاكر للعبارة الشخص 3 ليرات للمرة الواحدة اركبو فيها وانزلو في ميناء امينونو ومنه الى السلطان احمد قريب منكم والبازار الكبير *** غريبة السن 30 سنة عند استاجار سيارة المعروف اعتقد 21 سنة الحد الادنى *** الله يوفقكم وييسر اموركم |
اقتباس:
وافدتني كثير بخصوص الحزء الاوروبي الله يعطيك العافيه بحثت عن شركه ثانيه لتأجير السيارات ولقيت هرتز وعالميه معروفه تواصلنا معاهم وصراحه متعاونين وقالولنا الدفع عند الاستلام فالمطار ويسمونه حجز مجاني واقدر الغيه كمان السياره فورد سيتا توماتيك ديزل 4 ابواب وشنطتين كبيره قالنا السعر 7 ايام من 29 ابريل ل 5 مايو ب 789 ريال عداد مفتوح وضرايب ومدفوعه وتأمينات جزئيه والعهده 500 ريال حسيته سعره مناسب بالنسبه للمواقع الثانيه ولا شرايك ؟؟؟ وبالنسبه لاسنطبول لو بغيت اروح بورصه اقدر استخدم بي تاكسي؟ ولا افضل اخذ سياره مع سواق؟ |
عداد مفتوح وضرايب ومدفوعه وتأمينات جزئيه والعهده 500 ريال حسيته سعره مناسب بالنسبه للمواقع الثانيه ولا شرايك ؟؟؟ ******* السعر مناسب جداً ----------------- وبالنسبه لاسنطبول لو بغيت اروح بورصه اقدر استخدم بي تاكسي؟ ولا افضل اخذ سياره مع سواق؟ *** طالما شخصين افضل لكم قروب من الفندق للفندق |
اقتباس:
سعر مناسب جدا *** ومثل ماقال خبيرنا التركي الفراهيدي مع قروب افضل لكم |
اقتباس:
فيه سياره من فئه اخرى وتكون اغلى 900 ريال وواوفقنا لانه يقول موسم والسيارات تخلص بسرعه والله اعلم .. بالنسبه للقروب كيف الطريقه ومن وين وكم يكون؟؟ وشاكره لكم جداً على تعاونكم معايا |
| الساعة الآن 10:42 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO