![]() |
الله الله بتكون مغامرة ممتعة و بتساعدك انك تشوف الأماكن بشكل أجمل حاول تلقى لك خوي .. الدراجة ممكن تتعطل ممكن يجيك شد عضلي اعتقد ان ضروري يخاويك حد و اتمنى فعلاً انك تنقل لنا تجربتك بتفاصيلها بعد العودة انا راودتني مثل هذي الفكرة لكن في مدن ثانية من سامسون إلى طرابزون .. مروراً بفاتسا و أوردو و قيرسون .. خاصة ان الطريق ساحلي و خط واحد .. البحر على يسارك و الجبال على يمينك و تمر على مدن جميلة , و الطريق مهيئ للدراجات .. بالتوفيق ... |
اقتباس:
|
اقتباس:
انا بحاجة الى مثل هذي الامور مثل ما تفضلت من سامسون إلى طرابزون .. مروراً بفاتسا و أوردو و قيرسون .. ( كم كيلو تقريبا ) بالنسبة للخوي .. انا ابي اكون حر نفسي و الحمد لله رياضتي المفضله الدراجة ( شبه يومي الخروج بالدراجة و قضاء بعض الحاجات بالدراجة ) التمارين مهمه جدا لتخطي مثل هذه العقبات :e306: |
بعد اذن أخوي بوصلوح من سامسون الى طرابزون تقريباً 330 كم |
وايد مدن و قرى بتواجهك وانت طالع من سامسون باتجاه طرابزون اولها شارشمبا تبعد ٤٠ كيلو قرية جميلة على النهر وممكن منها تزور بحيرة افجيك ثانيا مدينة اونيا و تبعد عن شارشمبا ٥٥ كيلو ، مدينة كبيرة ماعندي معلومات عنها ومن اونيا الى فاتسا ٢٥ كيلو سمعت ان كثير خليجيين بدأوا يستثمرون في هذي المنطقة فيها كورنيش ومدينة العاب صغيرة ومن فاتسا الى اودو ٤٠ كيلو و اوردو من اكبر مدن الشمال التركي فيها التلفريك و الكثير من الفنادق و المتنزهات و المولات وكل شي ومنها الى قيرسون ٥٠ كيلو مدينة جميلة رايقة فيها قلاع على البحر و اريافها جميلة ثم يبقى الى اكشبات ١٢٠ كيلو و ١٠ كيلو منها الى طرابزون الغنية عن التعريف من قيرسون الى طرابزون اشوف قرى ومدن صغيرة في قوقل ماب لكن ماعندي فكرة عنهم حقيقة |
اقتباس:
جميل جدااا .. جدا اشكرك على المعلومات القمية بس كيف الطريق هل خط واحد أو عدة مسارات |
شارعين رايحين و شارعين راجعين , الطريق سهل وواضح اذا متجه من سامسون إلى طرابزون البحر على يسارك و الجبال على يمينك طول الطريق و في المدن الكبيرة مثل طرابزون و اوردو و سامسون على امتداد الساحل لمسافات طويلة اماكن مهيئة للمشي لمسافات طويلة و الدراجات https://www.arabtrvl.com/up/uploads/...7899321961.jpg شوف قوقل ماب يعطيك تفاصيل عجيبة لدرجة انه يعطيك وين تكون الأرض مرتفعة و مدى ارتفاعها عشان تحسب حسابك يعني ممكن يكون 20 كيلو مثلاً لكن على مرتفع يتعبك اكثر من 60 كيلو في ارض منبسطة لو عندك ساعة آبل أفضل بعد عشان ماتنشغل بالجوال ارسم الخط في قوقل و قرب الصورة لأعلى درجة و امش مع الطريق و شوف شنو الي بيواجهك في طريقك فنادق مولات حدايق كورنيش مطاعم متاحف محطات .. و حط لنفسك استراحة بعد كل مسافة طويلة أنا تحمست اكثر منك هههه اتمنى فعلاً انك تنقل لنا تجربتك إن يسرها الله لك ... |
طرابزون فيها مطار و كذلك اوردو و سامسون فمب شرط انك تروح و ترجع لنفس الطريق ممكن تحجز من اسطنبول إلى طربزون ثم العودة من سامسون الى اسطنبول أو العكس |
قبل 3 او 4 اشهر تابعت شخص من الرياض لقبة الأسمر بالسناب طلع في رحله من أوزنجول الى ان وصل اسطنبول بالدراجه كانت رحله ممتعه وفيها مغامره حلوه |
اقتباس:
انا شغال على البحث و ال YouTube و نشوف التحذيرات و الشغلات الممنوعة ما ننحرم منكم جميعا .. والله يجزاكم الجنة |
الساعة الآن 12:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO