|
الله يسعدك على الرد انا موظف واليوم الواحد محسوب عليا .. ما اقدر اخذ اكثر من شهر ونص وممكن اشبكها مع اجازة عيد الاضحى خيارات السكن هل استعين ب airbnb ؟ واسكن بشكل مفرد ام اني انواصل مع معهد من مكاني في السعودية وارتب معاه تاريخ وصولي وينسق لي السكن مع عائلة ؟ لكم الشكر الجزيل |
اقتباس:
لو قريت تقريري مضبوط راح تعرف اني ما انصح بالعوايل ابداً حتى لو هم يدفعون لك عشان تسكن معاهم و وضحت الاسباب انا اقول تاخذ فيزا 3 شهور وتجلس المدة اللي تعجبك وتخلي من المدة اول اسبوع تلف على المعاهد وتكاسرهم بالاسعار وتشوف بيئة المعاهد بنفسك عدا ذلك راح تدفع الضعف للسماسرة وحتى اذا وصلت هناك فيه سماسرة مسنترين بالمعاهد طنشهم وتحدث مع المعهد مباشرة نعم اسكن بشكل منفرد وانا حطيت بالموضوع سكن للطلبة تقدر تحجزه من هنا وبرصه تقدر تحجز فندق اول 3 ايام وتشوف السكن بنفسك وانا رايي تسكن حول المعاهد وكل شي يكون حولك هذا السكن تكلمت عنه بالتقرير https://www.studentathome.co.za/ |
جزاك الله خير الجزاء ياغالي ماقصرت |
يعطيك العافيه يابو غسان متشوقين نشوف وضع العيال هذه السنه |
اقتباس:
هلا ام حسين هذي السنة غسان قرر يأخذ ترم صيفي عشان يخلص بدري ويدرس 6 أشهر كاملة |
:58::58::58::58: |
ماشاء الله عليك اخوي معلومات كافيه ووافيه الله يعطيك العافيه وباذن الله لو قررنا هذي الخطوه لاخواني واخواتي راح نستعين بمعلوماتك عن المعاهد خاصه في بريطانيا |
موضوع جميل ومعلومة السكن مع العايلة وراها مشاكل تعتبر معلومة قيمة لاني كنت مخطط اسكن مع عايلة بجنوب افريقيا |
تقرير جميل سلمت يداااااااااااك |
يعطيك العافيه اخ ابو غسان الله يحفظ انت والشباب يارب عندي كم سؤال ، شفت لك موضوع دراسه في لندن وموضوع هذا جنوب افريقيا ايش افضل ولو تقارن مقارنه بسيطه من ماحية السعر والامان والمعيشه واكتساب اللغه ؟؟ انا خريجة بكالوريس ادارة خدمات صحيه وومستشفيات ودراستي كانت كلها بالعربي والان متزوجه وعندي طفلين صغار امنيتي اسافر بره لو ست شهور واكتسب اللغه لان صارلي سنه ادور وظيفه مالقيت بحكم اني غير سعوديه والان تشديد قوي على وظائف والخ مهم ماعالينا من هالشي انا احب اللغه وسبق ودخلت اكثر من معهد واكتسبت واستفدت لكن عدم متابعه وظروف حياه وانشغال تخلي واحد ينسى فحابه انعزل وادرس برا وتكون خبرتي كافيا تحدث وكتابه من تقارير الي كتبتها عن كيب تاون لقيت اسعار انسب من لندن وعجبني موضوعك جدا الى الان مقتنعه بالسفر ٩٠٪ لسفر الى جنوب افريقيا كيب تاون ، لكن هل تنصحني كاخت اكون لحالي ولا هل يشترط معي احد يعني نسبة الامان ووحود البنات لحالهم والخ وهل تكفي ٦ شهور ااخذ اللغه او تفرق من شخص لشخص وممكن اذا عجبني الوضع اني اخد شي بعد الانجلش يفيد تخصصي ويقويه سواء دبلوم او دورات معتمده وكذه يعني باختصار اريد انجلش + تقويه لتخصصي سواء دوره او دبلوم مبلغ حاليا ماستقريت لكن ممكن ٢٠ الف كبدايه لاني قرات من كلامك انو شهر ممكن يكلف ٣ الاف ريال شامل رسوم دراسه سكت طيران فيزا الخ الله يسعدك منتظره اجابتك بكل تفصيل ممكن تكتبها لاني راح اعتمد كل شي منك |
| الساعة الآن 02:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO