|
عودة حميدة ابو عبدالله دايم متالق في طرحك السياحي تقبلي ودي واحترامي |
اقتباس:
اقتباس:
اقتباس:
|
الحمد لله لحقنا الطياره ومااخفيكم رغم اني ضاق صدري على سوقهم ماشفته زين بس اني عرفت احساس الناس اللي يجون متاخرين كيف ... ماتجلس ساعتين قدام البوابة تحتريها تفتح ثم ساعه او اكثر في السرا عشان تركب الطياره ... من دخلنا المطار الين جلسنا على الكرسي في الطياره واحنا مشغوووولين حتى ماتكلمنا مع بعض يمكن .. كلها ركض .. وعشان كذا بتشوفون ايش سوينا في الرجعه ... اقلعت طيارتنا في الوقت المحدد لها الحمد لله ... عاد ولدي الله يصلحه اي وسيلة مواصلات سواء برية او بحرية او جوية نركبها لازم يغرف قلبي !! ( يزرع في قلبي الرعب ) يقول عطني جوالي واقول له انتظر الين تطير الطياره .. قال الين تطيح !!! الحمد لله وصلنا سالمين لمطار بادن بادن الساعة عشر وربع الصباح تقريبا واستقبلتنا بسنو خفيف ( ثلج خفيف ) وماكان الجوا بارد جدا ( طبعا كنت متابع الطقس قبل نجي ويعطي قياسات توصل الى 13 تحت الصفر عشان كذا الشناط مليانه شتوي ونصه رجع بدون ماينلبس ) ... نزلنا من الطيارة للباص ومن الباص للصالة ... مطارهم اصغر من جنيف بكثير واصغر من كولمبوا بعد ... لدرجة ان بعض الركاب في سرا الجوازات ( وانا منهم )واقفين عند الباص برا الصاله مع ان فيه اربع كاونترات مفتوحة ... مطار يجيب الغلقة للي يشتغل فيه من صغره .. لدرجة ان سوقهم الحرة محل واحد وشكله مفتوح عشان مايقال ماعندهم سوق !!! فاللي يبي يرجع من هالمطار لايستعجل بالجيه ترا مافيه شي يستاهل ابدا ..هم للامانة مقفلين قسم صغير منه الان يمكن عشان يكبرون بقالتهم شوي !! وصل دورنا للجوازات وكان الموظف جدا بشوش وسالنا : - ليش جايين ؟ - كم بتجلسون ؟ - وين بتروحون ؟ وماطلب اي اثبات لاي شي مثل حجز عودة او حجز سكن .. وبصمنا وختم لنا ودخلنا ... - السيارة : حجزت سيارة من سيكست وكانت السيارة مو متوفرة في فرع المطار ولازم اروح مدرينة كارلسوه Karlsruhe عشان استلمها وبعد لازم ادفع رسوم استلام لان باخذها في خارج وقت الدوام ... اخذت باص من عند المطار الى مدينة راستات ومنها بالقطار الى كارلسوه ( موظف الاستعلامات قص لي تذكرة الباص وتذكرة القطار من المكينة قدام موقف الباص وكان جدا خدوم وشكله من الهند اوذيك المناطق ...سعر التذكرتين لـ2 كبار و طفلين 24 يورو .. كان مشوار الباص تقريبا 40 دقيقة وصلنا المحطة وتوجهنا لرصيف القطار المتوجه الى كارلسوه https://www.arabtrvl.com/vb/picture....ictureid=63592 المشوار كان تقريبا 20 دقيقة وكان معنا في القطار فرقة سيرك وكنت واقف عند باب القطار عشان الشنطة كبيرة والمشوار مو مستاهل الجلوس ... وكان فيه واقف جنبي شايب الماني وجلس يشرح لي عن حقين السيرك بالالماني وانا اقول له انقليزي وسافهني جالس يشرح لي فقمت اهز له راسي كني فاهم عليه ... وصلنا لوجهتنا وكانت المحطه كبيرة ... وطبعا بما ان المدينه شكله مو سياحية فالانقليزي والعربي سوا هناك ... اعطيت سواق التاكسي ورقة الحجز ووريته المكان وخذنا لهناك بـ 15 يورو ... سعر العداد كان 21 يورو .. بس قال انا قايل 15 لكم لاني سالته قبل نركب معه ..... كان موعد حجزنا الساعة 12:30 الظهر ووصلنا المكتب قبل الموعد بخمس دقايق وكان مقفل ... اتصلنا على الرقم الموجود ع المكتب ورد الموظف وقال انا جايكم بالطريق ... هو ماتأخر عن الموعد بس قلت اتأكد وش السالفة ... https://www.arabtrvl.com/vb/picture....ictureid=63593 تكلفة السيارة اودي A4 لـ 6 ايام كانت 432 يورو ( شامل تأمين شامل ( صفر ) + رسوم استلام السيارة في غير وقت الدوام + رسوم تسليمها في المطار ( اختلاف المكان ) وكان التامين 950 جنيه استرليني ( مدري كم باليورو بس اكثر شي بسيط ) . كنت حاجز ببطاقة بنك لويدز وكانت ديبت كارد وسبق حجزت بها كم مره من قبل بس عنده جربها وماقبلها .. قال ماقدرت استخدمها للتأمين ( عشان يحجز التامين ) وحسيت اني توهقت وان كل مخططات السفره طارت ... لان كل شي معتمد على السيارة ... وقلت له دبرنا احنا كذا صارنا عالقين في المكان هذا .. وهل فيه احد ممكن يقبلها ؟ قال اليوم الاحد وكل الناس مقفله .. وكل شركات السيارات ماراح تقبلها لان النظام واحد ... وكل مديره يساله كان فيه حل ومامشت الامور .. والحقيقه انه ماقصر ابد .. قال خذ وقتك كان تقدر تدبر امورك !! وانا مدري وقتها وش اسوي !! بس انه كان احباط مره !! والقهر اني حاجز السيارة من شهر ومدخل بيانات البطاقة حقتي ومرسلين لي تاكيد الحجز .. يعني ماكنت احس فيه اي مشكله ... المهم تذكرت بطاقة تسوق الراجحي .. شافها قال مااعتقد تمشي بس ابجربها ..قلت مافيها فلوس ولازم اشحنها .. واخاف اشحنها ولاتقبلها وتتعلق الفلوس فيها بعد !! قال خل اجرب واذا تمشي بيطلع انه مافيها رصيد ... قلت اوك .. وجربها وجت رسالة الراجحي ان العلمية مرفوضة عشان الرصيد ... شحنت البطاقة وتمت العملية الحمد لله .. كان حجزي مرسيدس ولو ماتوفر اودي فهو يوم وراني الاودي الحقيقه ماركزت فيها لو معطيني اي شي ابي اقبله ..المهم سيارة ... وبما ان السيارات الان كلها يجي معها نافقيشن فماله داعي وقت الحجز تدفع حق واحد .. وقوقل ماب يقوم باللازم واكثر بعد لو احتجت ... فوقت ترتيب شنطة السفر خذ معك حامل للجوال عشان السيارة ... بما انه الوقت كله ركض ثم شد اعصاب مع السيارة فمعليش الفقرة هذي مافيه صور .. وازيدكم من الشعر بيت انه نسينا الكاميرا معلقة على باب الصالة .. بس الجوالات قامت بالواجب .... اخذنا السيارة وكانت فل ومدري هي بنزين او ديزل والله ... كانت الخطه بما انه وقتنا توه بدري والمشوار لوجهتنا الاولى تقريبا 4 ساعات انه نوقف بميونخ خصوصا انه مبلغين اصحاب الشقه انه ممكن نتاخر وانه بنبلغهم عن طريق رسايل الموقع قبل وصولنا بوقت كافي بس بعد الحوسة ذي والروعة الغينا الفكره مؤقتا وحطيت وجهتنا الاولى اللي هي ويلين باخ Wielenbach https://www.google.com.sa/maps/place...7!4d11.1602926 طبعا سبب اختيار القرية هذي اني كنت ادور في airbnb عن سكن بقارمش وشفت مكانه ع الخريطه وكان حلو ... بس يوم حجزته مدري وراه نزل شوي عن مكانه ههههه .. مكان السكن متوسط بين ميونخ وقارمش وانا اعتبره كموقع انطلاق يومي حلو للي مايبي يغير سكن كثير او يبي سكن رخيص ومنه يقدر يوصل انسبروك او حتى شمال ايطاليا( بعيده شوي ) ويقدر يوصل ميونخ بالراحه ... عيوبها انها فعلا فعلا قرية صغيرة وماعندهم الا بقالة وحده تبع محطة البنزين بس فيه حولهم قرى اكبر مخدومة بالمطاعم وكذا ...بس هذا بالنسبة لنا ماكان نقطة سلبيه ابد ... السكن هو عبارة عن شقة فوق في بيت عائلة المانية مكونه من رجل وزوجته او امراه وزوجها ( شكلها قوية ) ... والشقة عبارة عن غرفتين وصالة ومطبخ ودورة مياه اجلكم الله ...وموقف السيارة بالشارع ومجاني ... وكان سعرها 188 جنيه استرليني للفترة من 11-14 فبراير الصالة صغيرة ومافيه الا طاولة اكل .. شكلها تعشوا ونوموا لاحد يسهر ... وفيه بلكونه فيها كراسي وطاوله تطل على الحديقة https://www.arabtrvl.com/vb/picture....ictureid=63595 طرف المطبخ .. وهو مجهز بكل شي وفيه غسالة صحون .. https://www.arabtrvl.com/vb/picture....ictureid=63594 الغرفة الاولى وفيها بلكونه صغيره وتلفزيون ( نظام العجوز غريب الغرف فيه تلفزيونات ومكتبة ) وفيها منشورات وخرايط سياحية ( بالالماني) https://www.arabtrvl.com/vb/picture....ictureid=63596 https://www.arabtrvl.com/vb/picture....ictureid=63597 الغرفة الثانيه مالقيت صورها عندي الحين بس اكبر من الاولى ومجهزة بمكتبة اطفال والعاب جماعية ... دورة المياه اكرمكم الله https://www.arabtrvl.com/vb/picture....ictureid=63598 https://www.arabtrvl.com/vb/picture....ictureid=63599 الشقه مررررره نظيفة وجديده بس عيبهم يسكرون الدفايات الساعة 11 بالليل !! والمشكلة الرجال مايعرف انقليزي والعجوز كلمة انقليزي وعشر الماني وانت وفهمك عاد .. واللي فهمته منه انه يقول بالنهار طول على الدفايات لاخر شي عشان يجلس البيت دافي كل الليل ... وموفرين كمية كبيرة من البطانيات ....وبما انه الاحد وكل شي مقفل حتى بقالة المحطه .. فكان لازم نروح للقرية اللي جنبهم عشان العشاء ... نمنا والصباح قمنا على جو يعجبنا وهو انه كان الثلج ينزل والدنيا بيضاء ... https://www.arabtrvl.com/vb/picture....ictureid=63602 https://www.arabtrvl.com/vb/picture....ictureid=63601 اوقف معكم هنا ... وارجع لكم مع بداية رحلتنا وتمشياتنا + الصور |
والله حوسة يا ابو عبدالله ولسة أول يوم طيب مافي سيارة بديلة في المطار، هذا وانت بتدفع رسوم خارج دوام وكمان على حسابك باص وقطار نأمين 950 استليني وديعة صح، طيب ما قبل كاش ؟ وعندي سؤال ليش ما حجزت لندن - ميونخ ما دامك رايح جارمش ؟؟ ومتابعين |
تحياتي لك نفس تساؤل ابومهاب ليش ما اخذت اي شء علي الاقل مشكله تسكن مع عجز وينامون بدري اي حركه يصحون فيها شكلك الماني من يوم الالماني يعطيك معلومات عن السيرك استلام السياره قروشه |
اقتباس:
ولو حجزت لميونخ بيطلع نفس الشي بالرجعه لان من ميونخ لبادن 3 ساعات تقريبا ... بس سعر التذكرة لبادن كان حلو وقتها .. ابو مهاب منور والله والف شكر لك على اطلالتك اللي اتمنى ماتحرمني منها :13: اقتباس:
السكن مع العجز والشياب افضل الف مره من الشباب او نص عمر ... دايم موجودين هم وقايلين لنا اي شي تبونه طقوا علينا بأي وقت ( حتى في بادن سكنت عند عجوز ) ورأيي من تجربتي الشباب واللي نص عمر ذولي وراهم دوام الصبح وربع بالليل مهم لمك ولو انك مو محتاجهم .. وبالنسبة للالماني ففيه سالفة اصلا ماقلتها .. هو اني اول ماركبنا القطار كنا نتكلم عربي وشنطتي كبيرة ومابي ادخل وابي اوقف عند الباب وراحوا عيالي داخل الكبينه وحسيته كنه متوتر او شي زي كذا ( مو نظرة موب زينه بس كنه موجعه بطنه يعني ... فجلست اسئله عن المحطه اللي نبي ( وانا عارف وين بننزل بس ابي اريحه شوي وطبعا كله بالاشارات واسم المحطه والا ماادري وش يقول فعاد كنه فك شوي وقام يسولف ويؤشر على حقين السيرك .. بالنسبة للسيارة اللي يقهر وشو ..وابي اقول لهم عنه .. انهم مرسلين لي فورم اعبيه عشان اسرع لتسليم السيارة وفيه بيانات رخصتي وبيانات الفيزا وعنواني ... وعبيته وماعلقوا ... يعني لو ماعبيته كان اقول انها غلطتي !! والا دامي مأمن شامل فما طلع احد يشيك معي السيارة بس قالي ترا فيها هالحكوك وكانت مسجله بالفاتورة واعطاني المفاتيح وتذكرة المواقف وقال رح خذها ... شكرا لك ابو خالد على مرورك |
الحمدلله على السلامة ما شاء الله بداية كلها اكشن مع برد قارص بس السكن شكله نظيف ان شاء الله الشواب الالمان نومهم ثقيل وما يحسون فيكم اذا تحركتوا او لعبوا العيال :32: شكرة سيكست ممتازه بس يعيبهم مبلغ الوديعه او التأمين دايما مرتفع متابعين معاك |
الحمدالله على السلامة ابو عبدالله بداية تقرير جميل ننتظر التكملة |
اقتباس:
شكرا لك عمدتنا على تشريفك لي ... اقتباس:
|
قمنا الصبح بدري قبل طلوع الشمس وصلينا الفجر وطبعا مثل ماقلت الدنيا برا كانت بيضاء والثلج ينزل بشويش .. نسيت اقول انه من سلبيات الشقه انه مافيها نت بس بالنسبة لنا ماكان مشكله لانه كان معنا نت ... انا معي تجوال 4جيجا ومكالمات مفتوحة من فودافون وام عبدالله معها عرض نت مفتوح كل يوم نت شركة ثري بـ 5 باوند باليوم وتقدر توزع منه نت ... https://www.arabtrvl.com/vb/picture....ictureid=63628 https://www.arabtrvl.com/vb/picture....ictureid=63638 احنا قبل السفر بفترة عارفين وين بنروح ومسوين جدولنا اللي قابل للتغير وقابل للالغاء حسب ظروف الجو .... فما فيه يوم فاضي او نصحى موب عارفين وش بنسوي بس محتمل نصحى ونكنسل الطلعه هههه ... لان من شفت العجوز حاطه اونو والعاب جماعية وانا حاس انه ممكن يصير شي يجلسك بالبيت .. استعدينا للخروج وبما انه معانا سيارة فأخذنا شنطة ملابس اضافيه تحسبا لاي ظروف خصوصا مع الصغار يمكن ملابس تتبلل من اللعب بالثلج او المطر ... وطبعا ماخذين احتياطنا بقفازات التزلج عشان الواحد ياخذ راحته باللعب في الثلج او مناطق التزلج ونفس الشي ماخذين ابوات .. فصايرة شنطة السيارة جاهزة للنزول بمناطق الثلج ... سيارتنا الصباح https://www.arabtrvl.com/vb/picture....ictureid=63621 https://www.arabtrvl.com/vb/picture....ictureid=63622 ركبنا سيارتنا وتوكلنا على الله للمدينة الصغيرة وايلهايم اللي جنبنا عشان نفطر فيها ... وقفنا بمواقف السنتر واحب اصور مكان السيارة والاماكن اللي حولها https://www.arabtrvl.com/vb/picture....ictureid=63623 كنا مختارين محل من قوقل ماب بس مالقيناه ورحنا لغيره ... https://www.arabtrvl.com/vb/picture....ictureid=63630 https://www.arabtrvl.com/vb/picture....ictureid=63631 https://www.arabtrvl.com/vb/picture....ictureid=63637 https://www.arabtrvl.com/vb/picture....ictureid=63626 https://www.arabtrvl.com/vb/picture....ictureid=63633 https://www.arabtrvl.com/vb/picture....ictureid=63632 لقينا مولر ودخلناه https://www.arabtrvl.com/vb/picture....ictureid=63635 https://www.arabtrvl.com/vb/picture....ictureid=63624 https://www.arabtrvl.com/vb/picture....ictureid=63629 https://www.arabtrvl.com/vb/picture....ictureid=63636 https://www.arabtrvl.com/vb/picture....ictureid=63627 https://www.arabtrvl.com/vb/picture....ictureid=63625 طعم الخبز في المانيا جدا غير .... معجناتهم جدا جدا لذيذة مدري اذا احد لاحظ كذا ؟ انا اجبتني هي والفرنسية ... السنتر حق القرية كان حلو ومرتب ... بعد الفطور كانت لنا اكثر من وجهة في هذا اليوم اللي هو يوم 12 وطبعا المنطقة مليانة جدا فعاليات شتوية يصعب اني احصرها ... وكثير من الاماكن المشهورة مامريت عليها لان نحب اذا لقينا مكان زين خلاص نستمتع به ومو مهم نغطي اكثر من مكان .. وبما انه شتاء فكان اللعب في الثلج هدف اساسي ... وعشان كذا كنت محدد اكثر من مكان للشي هذا .... الجو كان في القرية كان شمس وثلج ( عاد مشوها عشاني ) ودرجة الحرارة مقبولة ... توجهنا للمواقف واخذنا السيارة ( سعر الموقف كان رخيص بس نسيت كم ) واليوم تبدا تمشيتنا ... ماكنا مرررره مأملين اننا بنلقى تمشية او اماكن ننزل فيها ومتقبلين الوضع فكان عندنا قريتين بنروح لهم ان صاروا مناسبين والا كملنا لانسبروك النمساوية ... https://www.arabtrvl.com/vb/picture....ictureid=63641 الدنيا بيضاء من كل جهة https://www.arabtrvl.com/vb/picture....ictureid=63642 https://www.arabtrvl.com/vb/picture....ictureid=63643 https://www.arabtrvl.com/vb/picture....ictureid=63645 الطرق كلها مجروف عنها الثلج بس الواحد لازم ينتبه خصوصا وقت نزول الثلج https://www.arabtrvl.com/vb/picture....ictureid=63646 https://www.arabtrvl.com/vb/picture....ictureid=63650 مستوى ارتفاع الثلج يختلف من مكان لاخر https://www.arabtrvl.com/vb/picture....ictureid=63651 هنا فيه ممرات المشي مختفيه https://www.arabtrvl.com/vb/picture....ictureid=63652 https://www.arabtrvl.com/vb/picture....ictureid=63654 القرى الصغيرة احيانا يكون الدخول لها صعب شوي بسبب نزول الثلج https://www.arabtrvl.com/vb/picture....ictureid=63662 https://www.arabtrvl.com/vb/picture....ictureid=63663 فيه سيارات ( شيول ) يجرف الثلج وتمشي باستمرار عشان مايتسكر الطريق بس احيانا مايلحقون لطول المسافة على الطريق ... وحتى الارصفة فيه مكاين اشوف يدفونها عشان تشيل الثلج .. بس بعد مايلحقون خصوصا اذا كان نزول الثلج بالليل ... وكثير بيوت نمرها نلقى احد قدامه بمجرفة كبيرة يشيل الثلج عشان يفتح طريق لسيارته .... https://www.arabtrvl.com/vb/picture....ictureid=63665 القرية الاولى كنا بنروح لها ودخلنا شوي الين وصلنا طريق مسدود بكمية ثلج كبيرة جدا ومانقدر نتعداها وبنفس الوقت كان الثلج ينزل والطريق ضيق فما كان فيه مكان نوقف فيه فقلنا نروح للمكان الثاني اللي هو قرية ايتال ... تعديت المدخل اللي كنت بدخل معه وقررت اني ادخل بشارع جانبي والف فيه براحتي لان كان المنطقة بداية الجبال والشوارع لافه وثلج والناس تسرع شوي ... لفيت ( وكان درس لباقي الرحلة ) كان واحد داخل قدامي المهم جا يبي يلف من مكان وزحلقت سيارة وغير فكرته ومشى قدام لان المكان كان نزول ... انا قلت هين شكله مايعرف يسوق ( مثلي ) تعرفون راعين نفود وتطعيس ... شفته راح قدام ولف السيارة بشار صغير وجلس ينتظرني ... هديت مرررره ثم رجعت ولفيت بشويس ثم تقدمت بطلع وكان الشارع طلوع الان وزحلقت السيارة وصدمت بسور بيت ( صدمة خفيفه ) جيت ابي ارجع ورا ماقدرت !! لانه وراي طلوع ... الحين تعلقت بالمكان .... واتذكر اني مااخذت مااخذت سلسة الثلج ولا اعطال الطريق !!! بس تذكرت اني مأمن شامل بعد ... لفيت الدركسون بجهة الصدمة ومشيت قدام .. يعني صدمت زيادة .. وانا اصلا اصدم طبقة ثلج والحمد لله تعدلت السيارة ...ورحت على منكس قروني لاخر الشارع وتعديت صاحبنا الاول ... وماالتفت عليه ... طلع هو بسرعه وراح .. رجعت بمحله وطلعت عادي ... باخر الشارع من جهة الخروج كان الشارع طبعا طلوع فما قدرت السيارة تطلع ... جربت مرتين ارجع ونفس الشي ... الثالثه توكلت على الله واسرعت والحمد لله طلعنا ... انا خايف اسرع تزحف على الشارع الرئيسي بعدين !! ويقابلنا المليح هذا اللي يجرف الثلج لانه يمشي بسرعة .... https://www.arabtrvl.com/vb/picture....ictureid=63676 لو تشوفون بشاشة السيارة فيه نور احمر طالع عند النور الامامي ... انا توقعته النور الامامي انكسر يوم اصدم الجدار ... بس كان مزعج التنبيه اللي يطلعه ... وطلع عشان كمية ثلج متراكمه عليه مسحتها وخلاص .... قصدي من السالفة الطويلة هذي انه فكر الف مرة قبل تدخل شارع جانبي عليه طبقة ثلج كبيرة ... وان اضطريت فالموضوع مو صعب بس يحتاج تركز شوي لاني دخلت بعدها كم دخله والحمد لله مشت الامور .... المكان اللي كنا نبغاه بعد كان شبه مقفل وقررنا نمشي مع الجبال شوي وسبحان الخلاق ... الدنيا ثلج ... بس اللي شفته هناك كان رائعه من روائع الدنيا عندي ... ومن اجمل الاماكن اللي شاهدتها وماكنت متوقع انها مكان مثلج بيطلع بالجمال هذا !!! الصور ماراح تنقل الا اقل القليل من جمال المكان https://www.arabtrvl.com/vb/picture....ictureid=63656 الشجر الل على جوانب الطريق الثلج اللي عليه تحس فيه لمعه .. كأنه فضي ... مره غير عن كل الاماكن https://www.arabtrvl.com/vb/picture....ictureid=63657 https://www.arabtrvl.com/vb/picture....ictureid=63658 https://www.arabtrvl.com/vb/picture....ictureid=63659 https://www.arabtrvl.com/vb/picture....ictureid=63660 https://www.arabtrvl.com/vb/picture....ictureid=63666 https://www.arabtrvl.com/vb/picture....ictureid=63667 https://www.arabtrvl.com/vb/picture....ictureid=63668 الطريق فيه مواقف جانبية ... ووقفت هنا ماقدرت اكمل من جمال المكان .. https://www.arabtrvl.com/vb/picture....ictureid=63669 https://www.arabtrvl.com/vb/picture....ictureid=63670 https://www.arabtrvl.com/vb/picture....ictureid=63671 https://www.arabtrvl.com/vb/picture....ictureid=63673 https://www.arabtrvl.com/vb/picture....ictureid=63675 https://www.arabtrvl.com/vb/picture....ictureid=63674 الطريق كان مليان لوحات اماكن سياحية وتلفريك فلحقنا وحده منها .... ووصلنا لمنطقة تزلج ...المنطقة مليانة على طول الطريق بأماكن تزلج بانواع مختلفة .. يعني فيه مناطق ينقلون المتزلجين بالتلفريك للقمة فوق ومجهز مطان التزلج ينزلون معه .. وفيه مكان مثل اللي رحنا له مو عالي مره وينقلون المتزلجين بسحبهم على الثلج لمنطقة عالية شوي ... دخلنا ووقفنا سيارتنا وعند الدخول ناخذ كرت المواقف لان الموقف مو مجاني ( دفعنا 4 يورو لتقريبا 2.5 ) https://www.arabtrvl.com/vb/picture....ictureid=63682 https://www.arabtrvl.com/vb/picture....ictureid=63683 https://www.arabtrvl.com/vb/picture....ictureid=63684 https://www.arabtrvl.com/vb/picture....ictureid=63686 ولان مناطق التزلج كثيرة فالاماكن موب زحمة والواحد يقدر يتزلج براحه بدون محد يضايقة او هو يضايق اححد .... https://www.arabtrvl.com/vb/picture....ictureid=63689 وبما ان المكان مليان اطفال فلو كنت هنا وتعثر طفل او اي شي ماعليك منه ولاتلتفت له حتى ... لانه ممكن يعتبر تحرش .. كل واحد ينتبه لعياله وماعليه من عيال الثانين .... https://www.arabtrvl.com/vb/picture....ictureid=63681 https://www.arabtrvl.com/vb/picture....ictureid=63692 اخذنا زلاجتين للعيال وكان سعرهم وحده بـ 6 ووحده بـ 9 يورو والوقت مفتوح ( العب حتى تتعب يعني ) المانيا رخيصة في اغلب الاشياء اذا مو كل شي وبتشوفون بعد بعض الاماكن اللي دخلناها اسعارها حلوه ... https://www.arabtrvl.com/vb/picture....ictureid=63691 https://www.arabtrvl.com/vb/picture....ictureid=63690 انا رحت اتمشى في المكان شوي https://www.arabtrvl.com/vb/picture....ictureid=63687 https://www.arabtrvl.com/vb/picture....ictureid=63685 https://www.arabtrvl.com/vb/picture....ictureid=63680 هذا اللي جايين يتزلجون من فوق حاطين حاجز على نهر صغير يمر https://www.arabtrvl.com/vb/picture....ictureid=63679 https://www.arabtrvl.com/vb/picture....ictureid=63678 تقريبا قبل وقت الاغلاق بنصف ساعة طلعنا .. رجعنا للشقه وقابلنا الشايب والعجوز وسألونا وين رحتوا له ؟ وعلمناهم .. قالوا بكرة في كرنفال يستمر 3 ايام وقالوا انه في المدن الكبيرة .. والصدق انه مالنا مزاج بس عاد قلنا له اي خلاص لازم نشوفه .. ورحنا شقتنا ... بعد نص ساعة الا الشايب جايب لنا اوراق طابعه من النت ( بالالماني ) تتكلم عن المهرجان واماكنه ومتى يبدا ... اخذتها وشكرته وكان محدد على قرية حولنا بيكون فيها بس يبدا الساعة وحدة ... ( يعني يخرب البرنامج اليومي لك ) واحنا ناويين بكره يكون جزء منه في انسبروك ..... ففي الجزء القادم تشوفون وش سوينا في انسبروك وكرنفال قرية شايبنا !! |
| الساعة الآن 03:23 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO