|
تسلم الأيادي أم حسين، أمتعتينا بتقريرك الجميل عن دبي وأسعدتينا بكل التفاصيل التي ذكرتيها. أستغربت جدًا من تصرفات سائقي التكسيات التي ذكرتيها في دبي! عندنا في أبوظبي لم أواجه تصرفات كتلك وجميعهم ملتزمون بتعليمات شركاتهم وأي تصرف مزعج للراكب يستطيع الشكوى لدى الشركة. ربما لأن دبي مدينة سياحية ويحاول بعضهم استغلال الزوار. المهم أختي أم حسين الحمدلله أنكم استمتعتم بوقتكم وتسوقتم وتقابلت مع صديقتك أم على وعقبال الجايات بإذن الله ونرى تقاريرك الجديدة عن دبي وغيرها من الإمارات. |
الله بالخير ام حسين... عـ قولتكم ي اهل الكويت *** وش اقول وش اخلي تقرير قمة في الطرح ان كان من معلومات او من صور او من سرد او من اسلوب...الخ تقرير حقيقة وبدون مجاملة شامل... كشف لنا بعض من جمال وسحر دبي وفي عيون ام حسين .. جعلك تسلمين .. ومن تحبين .. آمين *** الاجزاء الاخيرة جمالها طاغي على روعة وجمال الاجزاء الي سبقتها لفت انتباهي روعة الصور بصفائها وجمالها عموما *** الصداقة شي جميل اذا كانت صادقة ومحبة الله لا يفرقكم *** الله يكثر خير من تكلف وهذا طبعهم وحنا من ربعهم الكرم الاماراتي معروف من زمان *** اعجبني مطعم خالد حرية باين الذوق كطعم او كفن فيه نابع من التراث الاصيل *** وش قصة التكاسي غريبة معروف عن دبي ونظامها الصارم والعادل *** الحمد لله عـ السلامة وعقبال تقاريريك الجاية لو ما استفدت من تقريرك الا هالصورة https://www.arabtrvl.com/up/uploads/...0372025425.jpg انا ربحان... ماشاء الله لا قوة الا بالله الله يحفظها لكم جميعا *** شكري وتقديري لك على هذا التقرير |
اقتباس:
شكراا للمرور العسل يا عسل |
اقتباس:
التكاسي عادي احنا يايين نستانس مايؤثر علينا 3 سواق الباجي محترمين بس ترى اول مره ادري انج من الامارات ماشاءالله اليوم ثاني وحده اعرف انها من الامارات في اسم الدوله تحت الاسم ممكن تكتبون اسم دولتكم تصدقين وقف واحد من التكاسي عند الاشاره وكلمه سايق تاكسي يقول له ليش دبي زحمه احنا في ابو ظبي مافي زحمه قال له هذه دبي دبي جميله بجمال اهلها وطيبتهم ام علي وانتو اهل الامارات معروفين بالكرم والجود |
اقتباس:
ويحفظ عيالك ويبلغك فيهم الشكر موصول لك لمرورك العطر |
الحمدلله كانت زياره قصيره لكن اثرها كبير في نفوسكم من زمان انا و إنتي ننتظر هالزياره و الحمدلله توفقنا و شفنا بعض بس المده قصيره و ما سولفنا وأيد كنتي على اعصابج و تحاتين الطيارة :24: بس فعلا لامير وأيد حلو ورائع و أجوائه خياليه كنت ناويه اوديج شارع السيف بس خوفج من السفره ما خلاچ :24: ان شاء الله المرات اليايه و الجي بي آر من زمان ما سرت له من بأجر تبدأ اجازتنا و ان شاء الله نلف دبي في الإجازة و بحاول أسير البرواز و بصورلج ان شاء الله و بالنسبة للاكل للتوضيح الحمص ( نخي ) ضيافة المطعم مع الخبز و الزعتر بالزيت و اللي قلتي فيه دياي هذا متاي و روب و صلصه أكله هنديه و الخبز بيتزا دياي و طلبنا لقيمات شوارما كان من ألذ الاطباق ما حطيتي صورته و بس هذا اللي اذكره و للأسف كنتي ماكله في مطعم خالد حريه لانه ما قدرنا ناخذ حلو قريب ترى في أماكن يديده فتحوها لا تفوتكم استانست وأيد بشوفتج و التعرف على غنومه و ان شاء الله تزورونا و الله يجمعنا دوم على الخير و المحبة و أتمنى ألاقي الصديقات اللي بينورونا تسلمين على التقرير و جزاچ الله خير و عليكم بالعافيه |
ماشاء الله على الإبداع أم حسين في أحضان دبي العزيزة شكراً لك بحجم السماء |
اقتباس:
ونتيمع مع بنات دبي كلهم ان شاءالله لا شكر على واجب لازم نقدم كل جديد شفناه بالرائعه دبي |
اقتباس:
والشكر موصول لك لمرورك العطر |
اللي بغيتيه أم حسين الدائري اسمه سرود بالشده على الراء و المخروطي مچبه طبعا وحده يستخدمونها مثل السفره و اللي فوقها يغطون فيها الاكل عن الحشرات و عشان ما يبرد الاكل و هذيل يدي الله يطول في عمره كان يشتغل فيهم من سعف النخيل اذكر كل ما دخلنا عليه البيت نلقاه ماد ريوله يربطهم بريوله و يشتغل بايده و كان موجود في كل بيت و لين الحين البعض يستخدمه والآخر يعلقونه على الجدار كنوع من انواع الزينه ان شاء الله اذا ييتي اجهزه لج فالج طيب يالطيبه |
| الساعة الآن 07:04 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO