|
اقتباس:
ويحفظ احبابك يارب |
جولات و صولات جميله جدا تصدقين لين الحين ما سرت هالمكان قاعده اشوفه وَيَا عيالي مودينهم رحله من المدرسة بصراحه المكان وأيد عجبني و خاصة السنافر هذيل عشق الطفولة و بعدنا نتابعهم متابعين البقيه تسلمين |
اقتباس:
اي والله حلوو وروحي له الحين قبل لا يصير الصيف والحر الجوو حلو وانصحج روحي لها بايام الاسبوع السنافر وغيرها بيعجبج ان شاءالله شكراا للمرور يا حلوووه |
عاد بخاطري اودي اليهال بس عيالي صغار و اخاف الالعاب ما تناسبهم تكون للكبار .. شرايج ؟ تقرير مميز و في انتظار البقية :e306: |
اهلا بك اختي توبليرون تقرير جميل جداً وفيه إضافات رائعة وتفاصيل ممتعة اعجبني كثير صمودكم في اليوم الأول وما ضيعتوه بحكم انكم جايين من رحلة متعبة وبمنتصف الليل .. ما شاء الله عليكم استثمرتوا اليوم بشكل كامل .. وغفوة بعد الظهر ساعدت كثير على مواصلة بقية اليوم الأول بالنسبة لدبي باركس فكرة رائعة جداً والسعر معقول إلى حد كبير كون السائح بيقضي فيه وقت طويل وخصوصاً لو الأجواء معتدلة أكيد مستمتعين .. مع هالتقرير الزين |
اقتباس:
واذا شفتي في علامة عربة أطفال يعني حتى للأطفال الصغار في العاب يايتكم البقية بس نجهز التقرير شكراا للمتابعه |
اقتباس:
أي والله صمدنا مع ان مافي نوم قبل السفرة ربعي شقردية وايد حلوة دبي باركس استثمار بمحله لكل منطقة الخليج السعر عدلته وكمان مناسب والحلو ان كل ملاهي لها سعرها الخاص يعني تقدر تروح لها على فترات وايام على حسب وقتك وطبعا الأجواء وايد كانت حلوة شكراا لمرورك نورت تقريري |
الله الله الله ايش الجمال هذا ايه الحلاوة ذي تقرير جديد لام حسين... قمة المتعة بيكون :58: *** على طاري مقعدك في الطيارة والمصري الي بجنبك مرة انا وام فيصل مسافرين... وطلع مقدها بين رجالين اجانب في النص بينهم وانا في المقاعد الي قدامها اول ماشفت مقعدها :10: ويقوم الي على طرف يبيها تدخل في مقعدها في النص قلت للي قام تعال اقعد في مقعدي وانا مكانك قال لا :4: هذا مكاني ويوريني رقم المقعد... والمضيفة وراي والناس وراها وحنا معطلينهم قلت مستحيل لو ننزل من الطيارة ماتجلس بينهم المهم صار مشادات وكلام وانا تنرفزت والي في الطيارة كلهم اجانب مافيه عرب الا حنا وانا اقول لهم... ذيس از ماي وايف ات از امبوسيبل تو سيت ان ذيس سيت للامانة سمعت اصوات من بعض الركاب نساء ورجال يقولون اي واحد يبدل مقعده معهم هؤلاء مسلمين ولهم خصوصيتهم قام واحد من الي بنجنبي ورجع ورا وجلست ام فيصل بجنبي وانحلت المشكلة ههههههه *** اول ساعة وصول... وتمشي في مول مشاء الله عليكم *** كل شي في التقرير روعة لو بتكلم عن الجزئيات الي اعجبتني يبيلي تقرير كامل منفصل *** كيف الملاهي واللعب فيها :55: متعة مع الابناء *** سرد سلس وعفوي وجميل كعادتك ي ام حسين يعجبني اسلوبك... واحب اقرأ كتاباتك :e148: صور :e008: معبرة... وفيديوهات :e03d: جميلة وخاصة فيديو البنية الي ترقص بس اذاها الي يطاردها *** واصلي دررك وحنا بنواصل استمتاعنا فيها |
اقتباس:
انا الحمدلله المصري اللي يمي محترم جداا طول الرحلة مكتف ايده علشان سبحان الله ما تحتك فيني وحتى انا كنت ماخذة القعدة اللي فيها تكتف تقريبا بس وما تكلم ولا حاول انه يسولف او يتكلم معاي رجل محترم جدا المهم في بعض الأجانب جذيه مايغيرون مكانهم لو شنووو احنا كانت معانا فلبينيه بسفرة من السفرات ما رضت تغير مكانها ومعطينها مكان افضل لها وطلع انها طالبة وجبات خاصة ههههه تخاف ناكلهم عنها الظاهر السوق واليوم الأول وناسه ولازم ما نضيع أي وقت الولد اذى اخته وانا مصورة نص رقصها والا كانت اتهبل والملاهي والألعاب مع البنات والعيال وايد متعه ووناسه ومتابعتك شرف لي استمتع بالاجزاء الياية |
| الساعة الآن 04:45 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO