|
اقتباس:
يوم الخط الازرق ويوم الخط الاحمر عشان نقدر نلف ونتمشى في اسطنبول:7: الله يذكرك بالشهادة يا رب احنا مرررة نسينا تل العرائس تمت اضافتها في يوم وصولنا يوم ٧ ابريل ان شاء الله بما انه الفندق اللي نازلين فيه ليلة في الجانب الاسيوي وازا فيه وقت ممكن نزور منطقة ارتكوي ( ايش رأيكم؟) اعتقد افضل نستأجر سيارة في طرابزون او انا اللي افضل دا الشي :7: ابغا زوجي خوف السواقة برا بلده تروح منه :7::72: وريته كم صورة لازنغول انبهر واتجنن بيها سبحان اللي خلقها:e32b: والحمد لله بالنسبة لكبادوكيا لقيت شركة سياحية قريبة من فندقنا هناك واسعارهم كويسة Gorgeous Tour Travel Agency في احد اتعامل معاهم؟ قلنا باءذن الله في يوم وصولنا لكبادوكيا نروح لهم ونحجز للرحلات والمنطاد والله يسهل ترتيب باقي الرحلة وتشكر عالمرور اخي العزيز |
بأفكر ألغي رحلة البوسفور بما اننا راح نركب العبارة ليالوا ايش رأيكم؟ |
الاعضاء فادوكم في اسطنبول انا باقول رايي في برنامج الشمال التركي اختي الاماكن الي ذكرتيها في الشمال التركي متباعدة ومستحيل تزورينها في 3 أيام خاصة اماسرا تعتبر في الشمال الأقصى لتركيا بينما طربزون في الشمال الشرقي و بينهم 10 ساعات بالسيارة البازار الروسي اعتقد هذا في سامسون و ايضا بعيدة عن طرابزون 4 ساعات الا اذا في سوق في طرابزون بهذا الاسم لا اعلم .. و بوزتبه في طرابزون و بوزتبه في اوردو ايضا الي في طرابزون حديقة جميلة صغيرة مطلة على المدينة وليست مرتفعة كثيرا اما الي في اوردو مرتفعة تصعدون لها بالتلفريك و اكبر من الي في طرابزون بس بعيدة عليكم و جورجيا الغيها طبعا 3 أيام هذي مب 3 أسابيع هههه منتصف ابريل اعتقد مازالت الثلوج تعيق الوصول لقمم الجبال كحيدر نبي و سلطان مراد يوم لمغارة تشال و بحيرة سيراجول و كورنيش اكشبات و اذا في وقت تزورون بوزتبة طرابزون و يوم لأوزنجول البحيرة و المطاعم و المناظر الجميلة في الطريق و ممكن قرية سكرشو و يوم ممكن تروحون ايدر و طريقها الجميل و ريزا سوقها و القلعة و الكورنيش وترى الجو باارد . و بخصوص يلوا و بورصة اذا ناويين تزورون كل هذي الاماكن الشلال و الترمال في يلوا و معالم بورصة التلفريك وسوق الحرير و و .. على الاقل لازم ليلة في بورصة اما تروحون و ترجعون في نفس اليوم وتزورون كل هذي الاماكن اشوف انها صعبة و تعب اكثر من انها متعة بالتوفيق و الله يهنيكم |
اقتباس:
معالم طرابزون جبتها من قوقل وما اعرف كم تبعد عن بعض وما هم موضحين وانت الله يسعدك وضحتلي كدة وضحتلنا خطة طرابزون والحمد لله تفضلنا نستأجر سيارة لازنغول والمناطق اللي اقترحتهم او بالباص؟ ازا استأجرنا سيارة، هل قوقل ماب يؤدي الغرض ولا لازم الجي بي اس مع السيارة؟ بالنسبة ليلوا وبورصة ما عليك هم التعب :32: دام فيها تمشية وتغيير جو ان شاء الله ما في تعب وحنركب باءذن الله عبارة من ميناء يني كابي ليالوا ثم لبورصة ممكن نصائح وارشادات من الاخوان للي جربوا السفر بالسيارة واستخدموا العبارة:21: وشكرا جزيلا اخي الفاضل على مرورك والله يعيننا عالبرد:21: حنأخد قطعة وحدة شتوية معانا للبرد وازا ما اتحملنا هناك لا سمح الله اشترينا من هناك اكيد منزلين تخفيضات عالملابس الشتوية دام دخل الربيع والشتوي عندهم جودته افضل:58: |
رحله سعيده باذن الله ماشاءالله جدول حلوو وان شاءالله نستفيد من تجربتكم بعد العوده بتقرير جمييل مثل صاحبته |
استفسار سريع اذا سمحتوا بالعادة كم سعر التوصيل من مطار اتاتورك لفندق في اسطنبول بالجانب الاسيوي قريب من مطار صبيحة؟ للي عندهم خلفية وتجربة سواء للي استخدموا اوبر او كريم او تكاسي المطار او خدمات النقل الخاصة بالفندق بأعمل مقارنة بأفضل الاسعار :48: |
اقتباس:
أوبر قد يجيب الهم صحيح نادر احد يوقفك وحتى لو وقوفكم بتاخذ قسيمة واوبر يسددها عنك بس البلا قد يكون حظك شين ويخلونكم تنزلون منه فشيلوا اوبر من راسكم في تركيا لين يحلون مشكلتهم ترا المشوار مو بعيد من الجانب الاوروبي عن الاسيوي الغثا والهم فقط في الزحام فاغلب السواقين ( التكاسي ) يقول لك ع العداد ويمشط فيك الخط طول عرض وتدفع قريب 200 ليرة زي اللوز لهذا انا عندي لك 3 خيارات الاول اتصل ع الفندق واطلب توصيل شف كم يقولوا لك ودايم حسبتهم باليورو ثم يحولها لك تركي الثاني امسك اي تاكسي واطلب توصيل واشرط عليه بدون عداد كلمتين لا ثالث لهما (( عداد يوك )) يعني اطلع من مخي ههههه الكروة مبلغ وقدره وانا اشوف 100 الى 150 لا باس الثالث بالمواصلات العامة اركب مترو مطار اتاتورك وانزل في يني كابي واطلع للجانب الاسيوي اسكودار ومن هناك اقرب تاكسي سريع سريع شوف اللي يناسبك تحياتي أرسلت بواسطة iPhone بإستخدام Tapatalk |
اقتباس:
ان شاء الله راح انزلكم تقرير عن رحلتي عشان افيد الجميع بيها زي ما استفدت انا بتقارير اخواني واخواتي في المنتدى :18: |
اقتباس:
كتير من اهلي راحوا تركيا واتعاملوا مع اوبر هناك مدحوا لي هما صراحة انت اول واحد تذمهم هههههه يمكن حظك ماش هههههه شكلنا راح نديرها مواصلات عامة انا ضايفة في السناب وحدة اعلنت عن تطبيق اسمه moovit: public transfar خاص للمواصلات العامة التركية اعتقد للباصات والترامات ويدعم العربي :58: اما التكاسي الله لا يحوجنا لهم يا رب بس ضحكتني الله يسعدك ( عداد يوك ) ههههههههههههههه انا ليش قلت استفسر منكم اول لانه في شركة انترنت (Alldaywifi) عندهم خدمة تسليم جهاز النت في المطار بالاضافة لخدمة توصيل للفندق بمبلغ اضافي وقدره ٢٥ دولار حوال ٢٠ يورو لسيارة مرسيدس ٤ ركاب اما الفندق اللي نازلين فيه فيكلف التوصيل من ٨٥ ل١٢٠ يورو فحصلت انه خدمة توصيل النت ارخص من الفندق ولا انتو ايش رأيكم؟ وتسلم يالفاضل عالمرور:58: |
اقتباس:
انا ما جربتهم علشان اذمهم لكن اسالوا اي خبير عن وضع اوبر في تركيا ومن ناحية موفيت يعتبر التطبيق رقم 2 في تركيا بخصوص المواصلات العامة بعد ( ترافي ) والفترة الاخيرة قوقل مابس داخل بقوة تحياتي أرسلت بواسطة iPhone بإستخدام Tapatalk |
| الساعة الآن 12:41 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO